![\"\"](\"https:\/\/www.hashtag.al\/wp-content\/uploads\/2026\/01\/tatime.jpg\")
<\/p>\n<\/p>\n
N\u00eb zbatim t\u00eb Planit Operacional n\u00eb sektorin e Nd\u00ebrtimit, Drejtoria e Hetimit Tatimor, n\u00eb bashk\u00ebpunim me Drejtorin\u00eb e Verifikimit dhe Koordinimit n\u00eb Terren njoftoi se ka ushtruar kontrolle n\u00eb 9 subjekte, q\u00eb ushtrojn\u00eb aktivitet si agjenci imobiliare.<\/span><\/p>\n Kontrollet u fokusuan n\u00eb verifikimin e deklarimit t\u00eb pagave reale t\u00eb punonj\u00ebsve, regjistrimin e tyre n\u00eb organin tatimor, realizimin e shitjeve, l\u00ebshimin e faturave t\u00eb fiskalizuara, si dhe kryerjen e verifikimeve t\u00eb tjera t\u00eb nevojshme gjat\u00eb procesit t\u00eb kontrollit.<\/span><\/p>\n Kontrollet evidentuan shkelje t\u00eb r\u00ebnda: Punonj\u00ebs t\u00eb padeklaruar, dokumentacion jotatimor, munges\u00eb transparence n\u00eb \u00e7mime dhe mosrespektim t\u00eb detyrimeve ligjore p\u00ebr faturimin dhe fiskalizimin e shitjeve.<\/span><\/p>\n Bazuar n\u00eb provat e mbledhura, p\u00ebrfshir\u00eb intervistat dhe vet\u00ebdeklarimet e punonj\u00ebsve, strukturat e specializuara t\u00eb Administrat\u00ebs Tatimore sekuestruan edhe nj\u00ebsi kompjuterike, me q\u00ebllim vijimin e hetimit t\u00eb thelluar, dokumentimin e m\u00ebtejsh\u00ebm t\u00eb shkeljeve tatimore dhe referimin n\u00eb organet p\u00ebrkat\u00ebse t\u00eb drejt\u00ebsis\u00eb.<\/span><\/p>\n Nga informacioni i marr\u00eb n\u00eb nj\u00ebsit\u00eb kompjuterike rezulton se ka evazion tatimor n\u00eb lidhje me \u00e7mimet e shitjeve t\u00eb apartamenteve.<\/span><\/p>\n Administrata Tatimore b\u00ebn me dije se aksioni i sapo nisur nuk \u00ebsht\u00eb i p\u00ebrkohsh\u00ebm. Ai do t\u00eb vijoj\u00eb me seriozitet dhe vendosm\u00ebri ndaj \u00e7do subjekti q\u00eb nuk reflekton pagat reale n\u00eb list\u00ebpagesat e ardhshme, duke d\u00ebmtuar pensionet e punonj\u00ebsve, konkurrenc\u00ebn e ndershme dhe interesin publik.<\/span><\/p>\n Tatimet ftojn\u00eb t\u00eb gjith\u00eb tatimpaguesit n\u00eb fush\u00ebn e nd\u00ebrtimit t\u00eb deklarojn\u00eb menj\u00ebher\u00eb pagat reale, p\u00ebr t\u00eb shmangur masat administrative dhe penale, t\u00eb parashikuara nga legjislacioni n\u00eb fuqi, p\u00ebr vepr\u00ebn e fshehjes s\u00eb t\u00eb ardhurave.<\/span><\/p>\n N\u00eb kuad\u00ebr t\u00eb zbatimit t\u00eb Planit Sektorial p\u00ebr Nd\u00ebrtimin dhe rritjen e kontributeve t\u00eb sigurimeve shoq\u00ebrore, p\u00ebrmes deklarimit t\u00eb pagave reale sipas profesioneve n\u00eb sektorin e nd\u00ebrtimit, Administrata Tatimore pas rreth 30 dit\u00ebsh nga publikimi i list\u00ebs s\u00eb pagave indikative p\u00ebr k\u00ebt\u00eb sektor, konkretisht duke filluar nga data 15 janar ka nisur kontrollet n\u00eb terren.<\/span><\/p>\n Kontrollet e nisura do t\u00eb zhvillohen kryesisht n\u00eb subjektet e vler\u00ebsuara me risk p\u00ebr n\u00ebndeklarim t\u00eb pagave, t\u00eb cilat jan\u00eb njoftuar m\u00eb par\u00eb nga Administrata Tatimore, por nuk kan\u00eb reflektuar ndryshime n\u00eb list\u00ebpagesa, pavar\u00ebsisht njoftimit elektronik t\u00eb d\u00ebrguar n\u00eb llogarit\u00eb e tyre n\u00eb sistemin tatimor, e-Filing.<\/span><\/p>\n Fokus i kontrolleve do t\u00eb jet\u00eb verifikimi i pagave t\u00eb deklaruara n\u00eb list\u00ebpagesa, duke i krahasuar ato me pagat indikative sipas profesioneve p\u00ebrkat\u00ebse, list\u00eb e\u00a0 p\u00ebrcjell\u00eb n\u00eb llogarit\u00eb elektronike t\u00eb tatimpaguesve, si dhe e publikuar n\u00eb faqen zyrtare t\u00eb Administrat\u00ebs Tatimore.<\/span><\/p>\n