![\"\"](\"https:\/\/www.hashtag.al\/wp-content\/uploads\/2026\/01\/regjistri.jpg\")
<\/p>\n<\/p>\n
Qeveria ka hartuar nj\u00eb projektligj t\u00eb ri p\u00ebr donacionet dhe sponsorizimet q\u00eb synon t\u00eb z\u00ebvend\u00ebsoj\u00eb ligjin ekzistues t\u00eb vitit 1994 t\u00eb rishikuar nd\u00ebr vite.<\/span><\/p>\n Ministri i Shtetit per Administraten Publike dhe Antikorrupsionin n\u00eb bashk\u00ebpunim me Ministrin p\u00ebr Turizmin, Kultur\u00ebn dhe Sportin hodh\u00ebn k\u00ebt\u00eb draft p\u00ebr konsultim ku sipas relacionit q\u00eb e shoq\u00ebron n\u00ebnvizohet se n\u00eb fokus \u00ebsht\u00eb rritja e transparenc\u00ebs dhe llogaridh\u00ebnies s\u00eb institucioneve n\u00eb rastet e donacioneve.<\/span><\/p>\n \u201cProjektligji p\u00ebr donacionet dhe sponsorizimet \u00ebsht\u00eb nj\u00eb ligj kuad\u00ebr q\u00eb synon t\u00eb rris\u00eb transparenc\u00ebn dhe llogaridh\u00ebnien e organeve publike kur pranojn\u00eb donacione dhe sponsorizime, si dhe t\u00eb nxis\u00eb sponsorizimet n\u00eb Shqip\u00ebri n\u00eb fusha q\u00eb p\u00ebrb\u00ebjn\u00eb interes publik.<\/span><\/p>\n N\u00eb lidhje me organizatat jofitimprur\u00ebse, me q\u00ebllim mbrojtjen e interesit publik, projektligji ka nj\u00eb fokus m\u00eb t\u00eb ngusht\u00eb, duke p\u00ebrcaktuar rregulla vet\u00ebm n\u00eb rastin e lidhjes s\u00eb kontratave t\u00eb sponsorizimit dhe nuk prek donacionet apo grantet q\u00eb organizatat jofitimprur\u00ebse mund t\u00eb p\u00ebrfitojn\u00eb. I nj\u00ebjti parim vlen edhe kur p\u00ebrfitues jan\u00eb organizatat sportive, shoq\u00ebrit\u00eb sportive, subjektet tregtare n\u00eb fush\u00ebn e prodhimit t\u00eb filmit dhe industris\u00eb audiovizive, si dhe individ\u00ebt n\u00eb fush\u00ebn e kultur\u00ebs, artit, sportit n\u00eb rastet kur p\u00ebrfaq\u00ebsojn\u00eb Republik\u00ebn e Shqip\u00ebris\u00eb n\u00eb nivel nd\u00ebrkomb\u00ebtar\u201d thuhet n\u00eb relacion.<\/span><\/p>\n I nj\u00ebjti n\u00ebnvizon fushat e zbatimit p\u00ebr donacionet dhe sponsorizimet e veprimtarive publike t\u00eb tilla si: sh\u00ebrbimet sociale dhe veprimtarit\u00eb humanitare n\u00eb mb\u00ebshtetje t\u00eb grupeve n\u00eb nevoj\u00eb; artin, kultur\u00ebn dhe mbrojtjen e trash\u00ebgimis\u00eb; zhvillimin dhe edukimin e f\u00ebmij\u00ebve dhe t\u00eb t\u00eb rinjve; sh\u00ebndetin publik dhe kujdesin sh\u00ebndet\u00ebsor; mbrojtjen e mjedisit dhe t\u00eb klim\u00ebs; sporti dhe edukimi fizik; shkenca, inovacioni dhe transformimi digjital; t\u00eb drejtat e njeriut dhe barazia gjinore.<\/span><\/p>\n \u201cPavar\u00ebsisht synimit p\u00ebr t\u00eb vendosur nj\u00eb kuad\u00ebr t\u00eb unifikuar rregullash p\u00ebr organet publike n\u00eb rastet e pranimit t\u00eb donacioneve ose sponsorizimeve p\u00ebr realizimin e veprimtarive me interes publik, projektligji parashikon shprehimisht se nuk zbatohet n\u00eb rastet kur ligje t\u00eb posa\u00e7me p\u00ebrmbajn\u00eb rregullime t\u00eb ndryshme p\u00ebr donacionet e organeve publike, si dhe p\u00ebr donacionet q\u00eb rrjedhin nga veprimtaria e institucioneve publike nd\u00ebrkomb\u00ebtare. <\/span><\/p>\n Po ashtu, p\u00ebr shkak t\u00eb rregullimeve t\u00eb ve\u00e7anta nga kuadri ligjor n\u00eb fuqi, sindikatat dhe partit\u00eb politike nuk jan\u00eb subjekte t\u00eb k\u00ebtij ligji. Nga ana tjet\u00ebr, ky projektligj nuk krijon mbivendosje me kuadrin ligjor n\u00eb fuqi p\u00ebr pastrimin e parave, luft\u00ebn kund\u00ebr terrorizimit apo parandalimin e konfliktit t\u00eb interesave. Ai p\u00ebrforcon masat e integritetit dhe p\u00ebrmban nj\u00eb s\u00ebr\u00eb rregullash q\u00eb synojn\u00eb t\u00eb rrisin transparenc\u00ebn dhe besimin e qytetar\u00ebve te organet publike\u201d thuhet n\u00eb relacion.<\/span><\/p>\n Sipas draftit p\u00ebr her\u00eb t\u00eb par\u00eb parashikohet q\u00eb Shqip\u00ebria t\u00eb ket\u00eb nj\u00eb Regjist\u00ebr Elektronik Komb\u00ebtar p\u00ebr Donacionet dhe Sponsorizimet. Ky regjist\u00ebr do t\u00eb jet\u00eb i aksesuesh\u00ebm nga publiku n\u00eb \u00e7do koh\u00eb n\u00eb faqen zyrtare n\u00eb internet t\u00eb Drejtoris\u00eb s\u00eb P\u00ebrgjithshme t\u00eb Tatimeve p\u00ebr t\u00eb dh\u00ebnat q\u00eb lidhen me donacionet dhe sponsorizimet e organeve publike.<\/span><\/p>\n Organet ligjzbatuese q\u00eb kan\u00eb kompetenca n\u00eb luft\u00ebn kund\u00ebr pastrimit t\u00eb parave, korrupsionit dhe terrorizmit do t\u00eb ken\u00eb akses t\u00eb pakufizuar n\u00eb Regjist\u00ebr p\u00ebr t\u00eb dh\u00ebnat q\u00eb lidhen si me organet publike ashtu edhe p\u00ebr subjektet e tjera p\u00ebrfituese t\u00eb sponsorizimeve, donator\u00ebt e organeve publike dhe sponsorizuesit.<\/span><\/p>\n