![\"\"](\"https:\/\/www.hashtag.al\/wp-content\/uploads\/2025\/12\/c7b33fa9-1294-4152-a972-067aca3f9dad.jpg\")
<\/p>\n<\/p>\n
Nga ideja e Ambasad\u00ebs s\u00eb SHBA-s\u00eb e zbuluar p\u00ebr Top Channel, q\u00eb do t\u00eb ofrohej ekspertiz\u00eb amerikane, qeveria shqiptare po e konkretizon mekanizmin e shqyrtimit t\u00eb investimeve.<\/span><\/p>\n Investitor\u00ebt e huaj n\u00eb Shqip\u00ebri pritet t\u00eb kalojn\u00eb n\u00eb nj\u00eb filt\u00ebr t\u00eb fort\u00eb shqyrtimi, mbi t\u00eb gjitha n\u00eb sektor\u00eb t\u00eb ndjesh\u00ebm. K\u00ebshilli i Ministrave propozon nj\u00eb rregullore p\u00ebr vler\u00ebsimin e investimeve t\u00eb huaja q\u00eb ndikojn\u00eb n\u00eb infrastruktur\u00ebn publike kritike, deri te liria e medias. <\/span><\/p>\n N\u00eb lup\u00eb planifikohet t\u00eb jen\u00eb investimet nga vendet e treta q\u00eb lidhen me infrastruktur\u00ebn, asetet, mallrat ose sh\u00ebrbimet q\u00eb jan\u00eb thelb\u00ebsore n\u00eb sektor\u00ebt e energjis\u00eb, transportit, sh\u00ebndet\u00ebsis\u00eb, teknologjive t\u00eb informacionit dhe komunikimit ose infrastruktur\u00ebs dixhitale.<\/span><\/p>\n \u201cAktualisht po i kushtohet nj\u00eb v\u00ebmendje gjithnj\u00eb e n\u00eb rritje k\u00ebrc\u00ebnimeve hibride, si sulmet kibernetike, fushatat e dezinformimit apo rrjedhjet e t\u00eb dh\u00ebnave personale, t\u00eb cilat shihen si mjete p\u00ebr c\u00ebnimin e siguris\u00eb komb\u00ebtare apo rendit publik t\u00eb nj\u00eb vendi. P\u00ebrball\u00eb investimeve t\u00eb huaja, sektor\u00ebt kritik\u00eb t\u00eb medias dhe informacionit sensitiv duhet t\u00eb trajtohen me kujdes t\u00eb ve\u00e7ant\u00eb, duke siguruar kontroll komb\u00ebtar dhe monitorim t\u00eb vazhduesh\u00ebm, n\u00eb m\u00ebnyr\u00eb q\u00eb investimet t\u00eb mos kthehen n\u00eb burim ndikimi t\u00eb d\u00ebmsh\u00ebm p\u00ebr shoq\u00ebrin\u00eb apo shtetin dhe duhet t\u00eb garantohet q\u00eb investimet t\u00eb mos c\u00ebnojn\u00eb sovranitetin informativ apo t\u00eb krijojn\u00eb monopole. P\u00ebrpunimi i t\u00eb dh\u00ebnave sensitive dhe media krijojn\u00eb rreziqe p\u00ebr ndikim politik, propagand\u00eb apo rrjedhje informacioni\u201d<\/em>, thuhet n\u00eb relacionin e ministres s\u00eb Ekonomis\u00eb dhe Inovacionit, Delina Ibrahimaj.<\/span><\/p>\n Investimet do t\u00eb hetohen p\u00ebrmes \u201cKomitetit Nd\u00ebrministror p\u00ebr Shqyrtimin e Investimeve t\u00eb Huaja Direkte\u201d, q\u00eb kryesohet nga ministri p\u00ebrgjegj\u00ebs p\u00ebr ekonomin\u00eb, por n\u00eb p\u00ebrb\u00ebrje ka edhe gjasht\u00eb ministri t\u00eb tjera, si dhe agjenci t\u00eb inteligjenc\u00ebs apo AKSHI-n.<\/span><\/p>\n Brenda 30 dit\u00ebsh ky departament merr vendim p\u00ebr anulimin e investimit ose pranimin e k\u00ebrkes\u00ebs p\u00ebr investim, duke nisur procedur\u00ebn e hetimit dhe duke vendosur kushte p\u00ebr vijim\u00ebsin\u00eb ose bllokimin e investimit. <\/span><\/p>\n Komiteti mund t\u00eb k\u00ebrkoj\u00eb t\u00eb dh\u00ebna shtes\u00eb nga investitori ose ta ftoj\u00eb at\u00eb edhe n\u00eb seanc\u00eb d\u00ebgjimore. Por gjat\u00eb gjith\u00eb procesit \u00ebsht\u00eb i detyruar t\u00eb bashk\u00ebpunoj\u00eb me Bashkimin Evropian, duke informuar Komisionin Evropian dhe duke pritur v\u00ebrejtje apo edhe komente nga shtetet an\u00ebtare t\u00eb BE-s\u00eb, t\u00eb cilat i merr n\u00eb konsiderat\u00eb.<\/span><\/p>\n N\u00eb projektvendimin q\u00eb \u00ebsht\u00eb n\u00eb konsultim publik deri m\u00eb 5 janar specifikohet se \u201cinformacioni i marr\u00eb si rezultat i procedurave t\u00eb vler\u00ebsimit dhe shqyrtimit p\u00ebrb\u00ebn informacion konfidencial\u201d. <\/span><\/p>\n Kur investitori i huaj paraqet deklarata ose informacione t\u00eb rreme tek autoritetet kompetente, do t\u00eb vendoset nj\u00eb gjob\u00eb prej 50 000 eurosh. Nd\u00ebrsa nd\u00ebshkimet rriten n\u00eb rast se investimi i huaj zbatohet pavar\u00ebsisht ndalimit me vendim t\u00eb Komitetit, e cila mund t\u00eb arrij\u00eb deri n\u00eb dyfishin e vler\u00ebs s\u00eb investimit.<\/span><\/p>\n