{"id":772456,"date":"2025-11-20T15:45:36","date_gmt":"2025-11-20T14:45:36","guid":{"rendered":"https:\/\/www.hashtag.al\/?p=772456"},"modified":"2025-11-20T15:45:36","modified_gmt":"2025-11-20T14:45:36","slug":"helmimi-i-qenusheve-te-rruges-nxit-proteste-ne-tirane-qindra-qytetare-kerkojne-mbrojtjen-e-tyre","status":"publish","type":"post","link":"https:\/\/www.hashtag.al\/index.php\/2025\/11\/20\/helmimi-i-qenusheve-te-rruges-nxit-proteste-ne-tirane-qindra-qytetare-kerkojne-mbrojtjen-e-tyre\/","title":{"rendered":"Helmimi i qenush\u00ebve t\u00eb rrug\u00ebs nxit protest\u00eb n\u00eb Tiran\u00eb, qindra qytetar\u00eb k\u00ebrkojn\u00eb mbrojtjen e tyre","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Ashtu si\u00e7 ishte paralajm\u00ebruar, shoqata Animal Rescue Albania, s\u00eb bashku me disa organizata t\u00eb tjera p\u00ebr mbrojtjen e kafsh\u00ebve, organizoi sot protest\u00ebn n\u00eb Sheshin Sk\u00ebnderbej, duke marr\u00eb shkas nga helmimi i qenush\u00ebve t\u00eb rrug\u00ebs, rast ky i p\u00ebrs\u00ebritur her\u00eb pas here dhe i publikuar n\u00eb rrjetet scoiale nga organizata Arsalbania.<\/span><\/p>\n

Qindra qytetar\u00eb me pankarta n\u00eb duar p\u00ebr mbrojtjen e kafsh\u00ebve, b\u00ebn\u00eb thirrje q\u00eb ti jepet fund k\u00ebtyre metodave \u00e7njer\u00ebzore t\u00eb trajtimit dhe zhdukjes s\u00eb tyre.<\/span><\/p>\n

Gjithashtu p\u00ebrfaq\u00ebsues t\u00eb organizat\u00ebs i b\u00ebn\u00eb thirrje Bashkis\u00eb t\u00eb Tiran\u00ebs q\u00eb t\u00eb hetoj\u00eb rastet e helmimit t\u00eb qen\u00ebve dhe t\u00eb shtoj\u00eb p\u00ebrkujdesjen ndaj tyre, pasi jo vet\u00ebm \u00ebsht\u00eb di\u00e7ka kriminale, por edhe dhun\u00eb psikologjike p\u00ebr gjith\u00eb shoq\u00ebrin\u00eb.<\/span><\/p>\n

M\u00eb her\u00ebt Arsalbania ka postuar foto dhe video t\u00eb qen\u00ebve t\u00eb helmuar n\u00eb disa zona t\u00eb ndryshme.<\/span><\/p>\n

Protestuesit theksuan se helmime t\u00eb tilla nuk mund t\u00eb tolerohen m\u00eb, duke e quajtur ngjarjen \u201cbarbare\u201d dhe shembull t\u00eb d\u00ebshtimit t\u00eb institucioneve lokale n\u00eb menaxhimin e kafsh\u00ebve t\u00eb rrug\u00ebs.<\/span><\/p>\n

N\u00eb postimin e fundit, organizata shkruante se rasti ka tronditur punonj\u00ebsit e zon\u00ebs, t\u00eb cil\u00ebt prej pes\u00eb vitesh kujdeseshin p\u00ebr qent\u00eb, i ushqenin dhe i strehojn\u00eb me iniciativ\u00eb personale.<\/span><\/p>\n

\u201cNj\u00ebri nga koleg\u00ebt tan\u00eb q\u00eb punon tek trau kujdesej p\u00ebr ata dy qent\u00eb prej m\u00eb shum\u00eb se pes\u00eb vitesh. I ushqente \u00e7do dit\u00eb, u kishte b\u00ebr\u00eb edhe krevatet e tyre, dhe t\u00eb gjith\u00eb ne, n\u00eb staf e n\u00eb lagje, i donim shum\u00eb<\/em>\u201d \u2013 than\u00eb punonj\u00ebsit.<\/span><\/p>\n

Ata i p\u00ebrshkruan dy qent\u00eb si t\u00eb but\u00eb, paq\u00ebsor\u00eb dhe t\u00eb pad\u00ebmsh\u00ebm.<\/span><\/p>\n

\u201cIshin qent\u00eb m\u00eb t\u00eb qet\u00eb, m\u00eb paq\u00ebsor\u00eb dhe m\u00eb t\u00eb mir\u00eb q\u00eb mund t\u00eb imagjinoni. T\u00eb moshuar, t\u00eb but\u00eb, kurr\u00eb nuk kan\u00eb ngacmuar njeri dhe nuk jan\u00eb p\u00ebrfshir\u00eb asnj\u00ebher\u00eb n\u00eb ndonj\u00eb konflikt me kafsh\u00eb t\u00eb tjera\u201d<\/em> \u2013 u shpreh\u00ebn ata.<\/span><\/p>\n

Organizator\u00ebt k\u00ebrkuan hetime serioze, fund t\u00eb praktikave t\u00eb dhun\u00ebs nga bashkit\u00eb, ngritjen e nj\u00eb Agjencie Komb\u00ebtare p\u00ebr Menaxhimin e Kafsh\u00ebve dhe d\u00ebnime t\u00eb r\u00ebnda p\u00ebr \u00e7do akt dhune ndaj kafsh\u00ebve.<\/span><\/p>\n

N\u00eb deklaratat e tyre, aktivist\u00ebt n\u00ebnvizuan se kjo \u00ebsht\u00eb nj\u00eb \u00e7\u00ebshtje m\u00eb e gjer\u00eb se sa rasti i dy qenve t\u00eb helmuar.<\/span><\/p>\n

\u201cKjo nuk \u00ebsht\u00eb vet\u00ebm \u00e7\u00ebshtje qensh. Kjo \u00ebsht\u00eb \u00e7\u00ebshtje e shtetit ligjor dhe siguris\u00eb publike\u201d<\/em> \u2013 than\u00eb protestuesit.<\/span><\/p>\n

Protesta u zhvillua paraditen e sotme, me pjes\u00ebmarrje t\u00eb aktivist\u00ebve, qytetar\u00ebve dhe punonj\u00ebsve t\u00eb zon\u00ebs, t\u00eb cil\u00ebt k\u00ebrkuan q\u00eb rastet e dhun\u00ebs ndaj kafsh\u00ebve t\u00eb mos mbeten m\u00eb t\u00eb pand\u00ebshkuara.<\/span><\/p>\n

 <\/p>\n

 <\/p>\n