{"id":770947,"date":"2025-11-12T17:25:43","date_gmt":"2025-11-12T16:25:43","guid":{"rendered":"https:\/\/www.hashtag.al\/?p=770947"},"modified":"2025-11-12T17:25:43","modified_gmt":"2025-11-12T16:25:43","slug":"video-dalin-pamjet-e-ekzekutimit-mafioz-ne-rinas-ndaj-gilmando-danit","status":"publish","type":"post","link":"https:\/\/www.hashtag.al\/index.php\/2025\/11\/12\/video-dalin-pamjet-e-ekzekutimit-mafioz-ne-rinas-ndaj-gilmando-danit\/","title":{"rendered":"VIDEO\/ Dalin pamjet e ekzekutimit mafioz n\u00eb Rinas ndaj Gilmando Danit","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Pamje t\u00eb reja jan\u00eb publikuar nga atentati n\u00eb af\u00ebrsi t\u00eb aeroportit t\u00eb Rinasit, ku p\u00ebr pasoj\u00eb mbeti i vrar\u00eb Gilmando Dani dhe u plagos miku i tij, agjent i AMP, Mu\u00e7i Shaljani (Sheqeri).<\/span><\/p>\n

Pamjet e siguruara nga Hashtag.al<\/strong>. tregojn\u00eb momentet trondit\u00ebse t\u00eb atentatit mafioz n\u00eb af\u00ebrsi t\u00eb aeroportit t\u00eb Rinasit, ku u ekzekutua Gilmando Dani, i njohur si krahu i djatht\u00eb i Emiljano Shullazit. Ai udh\u00ebtonte n\u00eb nj\u00eb automjet luksoz s\u00eb bashku me agjentin e Mbik\u00ebqyrjes Policore, Mu\u00e7i Shaljani, i cili mbeti i plagosur.<\/span><\/p>\n

N\u00eb video dallohet se atentator\u00ebt kan\u00eb vepruar me gjakftoht\u00ebsi t\u00eb plot\u00eb, pa asnj\u00eb shenj\u00eb paniku apo nxitimi. Sipas raportimeve, autor\u00ebt kishin pritur p\u00ebr t\u00eb pakt\u00ebn dhjet\u00eb minuta n\u00eb rrethin e Rinasit, derisa makina e bardh\u00eb ku ndodhej Dani kaloi pran\u00eb.<\/span><\/p>\n

N\u00eb at\u00eb \u00e7ast, automjeti i autor\u00ebve, nj\u00eb \u201cToyota\u201d, i del p\u00ebrpara dhe nga ai zbret nj\u00eb person i maskuar, i cili sipas burimeve ishte i veshur me uniform\u00eb t\u00eb ngjashme me at\u00eb t\u00eb policis\u00eb. Ai afrohet drejt makin\u00ebs s\u00eb Danit dhe q\u00ebllon me bresh\u00ebri n\u00eb drejtim t\u00eb sediljes s\u00eb pasagjerit, ku ndodhej viktima.<\/span><\/p>\n

N\u00eb video dallohet momenti kur \u201cBenzi\u201d i Danit ndalon n\u00eb mes t\u00eb rrug\u00ebs, nd\u00ebrsa p\u00ebrball\u00eb tij \u00ebsht\u00eb nj\u00eb taksi. Qit\u00ebsi, pasi q\u00ebllon disa her\u00eb, kthehet me nxitim drejt \u201cToyot\u00ebs\u201d dhe hip\u00ebn brenda. N\u00eb at\u00eb moment d\u00ebgjohen t\u00eb tjera t\u00eb sht\u00ebna nga arma automatike q\u00eb vijn\u00eb nga makina e atentator\u00ebve, t\u00eb cil\u00ebt m\u00eb pas largohen n\u00eb drejtim t\u00eb Fush\u00eb-Kruj\u00ebs.<\/span><\/p>\n

Pak m\u00eb von\u00eb, n\u00eb at\u00eb zon\u00eb u gjet i djegur mjeti i p\u00ebrdorur n\u00eb krim, s\u00eb bashku me kat\u00ebr arm\u00eb t\u00eb p\u00ebrdorura n\u00eb ekzekutim.<\/span><\/p>\n

Sipas burimeve hetimore, rruga q\u00eb t\u00eb \u00e7on drejt Nikl\u00ebs ishte pa energji elektrike n\u00eb koh\u00ebn e atentatit, \u00e7ka ka ngritur dyshime se autor\u00ebt kishin \u00e7aktivizuar q\u00ebllimisht sistemin e kamerave t\u00eb siguris\u00eb p\u00ebr t\u00eb shmangur identifikimin.<\/span><\/p>\n

Pamjet e tjera tregojn\u00eb se vet\u00ebm dy minuta pas atentatit, nj\u00eb autokolon\u00eb me kat\u00ebr makina zyrtare t\u00eb nj\u00eb delegacioni shtet\u00ebror kaloi pran\u00eb vendit t\u00eb ngjarjes, n\u00eb nj\u00eb zon\u00eb t\u00eb frekuentuar dhe me siguri t\u00eb lart\u00eb, shum\u00eb pran\u00eb aeroportit t\u00eb Rinasit.<\/span><\/p>\n

N\u00eb momentin e vrasjes, n\u00eb pamje duken edhe kalimtar\u00eb dhe makina t\u00eb tjera q\u00eb l\u00ebvizin n\u00eb rrug\u00eb, duke e b\u00ebr\u00eb ngjarjen edhe m\u00eb trondit\u00ebse p\u00ebr shkak t\u00eb rrezikut q\u00eb paraqiste p\u00ebr qytetar\u00ebt.<\/span><\/p>\n

 <\/p>\n