{"id":760810,"date":"2025-09-15T20:57:23","date_gmt":"2025-09-15T18:57:23","guid":{"rendered":"https:\/\/www.hashtag.al\/?p=760810"},"modified":"2025-09-15T21:00:01","modified_gmt":"2025-09-15T19:00:01","slug":"veprime-te-paligjshme-korrupsion-e-pengim-i-drejtesise-dhoma-e-avokatise-vlore-i-kerkon-spak-te-hetoje-kadastren-e-vlores","status":"publish","type":"post","link":"https:\/\/www.hashtag.al\/index.php\/2025\/09\/15\/veprime-te-paligjshme-korrupsion-e-pengim-i-drejtesise-dhoma-e-avokatise-vlore-i-kerkon-spak-te-hetoje-kadastren-e-vlores\/","title":{"rendered":"\u201cVeprime t\u00eb paligjshme, korrupsion e pengim i drejt\u00ebsis\u00eb\u201d – Dhoma e Avokatis\u00eb Vlor\u00eb i k\u00ebrkon SPAK t\u00eb hetoj\u00eb Kadastr\u00ebn e Vlor\u00ebs","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Dhoma e Avokatis\u00eb Vlor\u00eb i ka k\u00ebrkuar SPAK-ut dhe Prokuroris\u00eb s\u00eb Vlor\u00ebs t\u00eb hetojn\u00eb Kadastr\u00ebn e Vlor\u00ebs. <\/span><\/p>\n

N\u00eb nj\u00eb reagim zyrtar, ajo thekson se Kadastra e Vlor\u00ebs \u00ebsht\u00eb kthyer n\u00eb vat\u00ebr t\u00eb keqmenaxhimit dhe abuzimit, duke prodhuar pasiguri juridike masive dhe duke minuar t\u00eb drejt\u00ebn e pron\u00ebs.\u00a0<\/span><\/p>\n

M\u00eb tej n\u00eb reagim n\u00ebnvizohet se vonesat, arbitrariteti dhe praktikat e dyshimta kan\u00eb d\u00ebmtuar r\u00ebnd\u00eb qytetar\u00ebt dhe bizneset, duke penguar zhvillimin ekonomik dhe duke shtuar konfliktet gjyq\u00ebsore\u00a0dhe se ekzistojn\u00eb dyshime p\u00ebr veprime t\u00eb paligjshme, q\u00eb mund t\u00eb p\u00ebrb\u00ebjn\u00eb vepra penale si shp\u00ebrdorim detyre, korrupsion pasiv dhe aktiv, si dhe pengim t\u00eb drejt\u00ebsis\u00eb.<\/span><\/p>\n

Reagim i Dhom\u00ebs Vendore t\u00eb Avokatis\u00eb Vlor\u00eb<\/b><\/strong><\/span><\/p>\n

\u201c<\/i><\/em>Mbi keqfunksionimin dhe keqmenaxhimin e Agjencis\u00eb Shtet\u00ebrore t\u00eb Kadastr\u00ebs, Drejtoria Vendore Vlor\u00eb<\/i><\/em><\/span><\/p>\n

Drejtuar:<\/i><\/em><\/span><\/p>\n

    \n
  1. Qytetar\u00ebve t\u00eb Bashkis\u00eb Vlor\u00eb, Bashkis\u00eb Selenic\u00eb dhe Bashkis\u00eb Himar\u00eb.<\/i><\/em><\/span><\/li>\n
  2. Prokuroris\u00eb pran\u00eb Gjykat\u00ebs s\u00eb Shkall\u00ebs s\u00eb Par\u00eb t\u00eb Juridiksionit t\u00eb P\u00ebrgjithsh\u00ebm Vlor\u00eb.<\/i><\/em><\/span><\/li>\n
  3. Prokuroris\u00eb s\u00eb Posa\u00e7me kund\u00ebr Korrupsionit dhe Krimit t\u00eb Organizuar (SPAK)<\/i><\/em><\/span><\/li>\n<\/ol>\n

    Duke u mb\u00ebshtetur n\u00eb:<\/i><\/em><\/span><\/p>\n

    \u00a0– Kushtetut\u00ebn e Republik\u00ebs s\u00eb Shqip\u00ebris\u00eb, e cila garanton t\u00eb drejt\u00ebn e pron\u00ebs dhe sigurin\u00eb juridike t\u00eb qytetar\u00ebve;<\/i><\/em><\/span><\/p>\n

    – Ligjin nr. 111\/2018 \u201cP\u00ebr kadastr\u00ebn\u201d, i cili p\u00ebrcakton parimet dhe p\u00ebrgjegj\u00ebsit\u00eb e Agjencis\u00eb Shtet\u00ebrore t\u00eb Kadastr\u00ebs;<\/i><\/em><\/span><\/p>\n

    – Kompetencat e Dhom\u00ebs s\u00eb Avokatis\u00eb p\u00ebr mbrojtjen e t\u00eb drejtave ligjore t\u00eb qytetar\u00ebve dhe rolin e saj si z\u00eb i profesionit juridik;<\/i><\/em><\/span><\/p>\n

    Dhoma Vendore e Avokatis\u00eb Vlor\u00eb \u00a0KONSTATON:<\/i><\/em><\/span><\/p>\n

      \n
    1. Se Drejtoria Vendore e Kadastr\u00ebs n\u00eb Vlor\u00eb \u00ebsht\u00eb kthyer n\u00eb nj\u00eb vat\u00ebr t\u00eb keqmenaxhimit dhe abuzimit, duke prodhuar pasiguri juridike masive dhe duke minuar t\u00eb drejt\u00ebn e pron\u00ebs.<\/i><\/em><\/span><\/li>\n
    2. Se vonesat, arbitrariteti dhe praktikat e dyshimta kan\u00eb d\u00ebmtuar r\u00ebnd\u00eb qytetar\u00ebt dhe bizneset, duke penguar zhvillimin ekonomik dhe duke shtuar konfliktet gjyq\u00ebsore.<\/i><\/em><\/span><\/li>\n
    3. Se ekzistojn\u00eb dyshime t\u00eb arsyeshme p\u00ebr veprime t\u00eb paligjshme, q\u00eb mund t\u00eb p\u00ebrb\u00ebjn\u00eb vepra penale si shp\u00ebrdorim detyre, korrupsion pasiv dhe aktiv, si dhe pengim t\u00eb drejt\u00ebsis\u00eb.<\/i><\/em><\/span><\/li>\n<\/ol>\n

      Dhoma Vendore e Avokatis\u00eb Vlor\u00eb:<\/i><\/em><\/span><\/p>\n

        \n
      1. D\u00ebnon publikisht n\u00eb m\u00ebnyr\u00eb t\u00eb prer\u00eb keqfunksionimin dhe abuzimet e konstatuara n\u00eb Drejtorin\u00eb Vendore t\u00eb Agjencis\u00eb Shtet\u00ebrore t\u00eb Kadastr\u00ebs Vlor\u00eb.<\/i><\/em><\/span><\/li>\n
      2. K\u00ebrkon nd\u00ebrhyrje urgjente t\u00eb drejtuesve qendror\u00eb t\u00eb Agjencis\u00eb Shtet\u00ebrore t\u00eb Kadastr\u00ebs p\u00ebr ndalimin e menj\u00ebhersh\u00ebm t\u00eb abuzimeve dhe rikthimin e transparenc\u00ebs.<\/i><\/em><\/span><\/li>\n
      3. K\u00ebrkon nga Prokuroria pran\u00eb Gjykat\u00ebs s\u00eb Shkall\u00ebs s\u00eb Par\u00eb t\u00eb Juridiksionit t\u00eb P\u00ebrgjithsh\u00ebm Vlor\u00eb nisjen e menj\u00ebhershme t\u00eb hetimeve p\u00ebr \u00e7do veprim t\u00eb dyshuar penal t\u00eb kryer nga zyrtar\u00eb dhe punonj\u00ebs t\u00eb Kadastr\u00ebs Vlor\u00eb.<\/i><\/em><\/span><\/li>\n
      4. K\u00ebrkon nga Prokuroria e Posa\u00e7me kund\u00ebr Korrupsionit dhe Krimit t\u00eb Organizuar (SPAK) hetimin e plot\u00eb t\u00eb \u00e7do shkeljeje q\u00eb p\u00ebrb\u00ebn korrupsion ose shp\u00ebrdorim t\u00eb detyr\u00ebs n\u00eb nivel t\u00eb lart\u00eb drejtues.<\/i><\/em><\/span><\/li>\n<\/ol>\n

        Dhoma Vendore e Avokatis\u00eb Vlor\u00eb angazhohet p\u00ebr t\u00eb ndjekur nga af\u00ebr zhvillimet dhe, n\u00eb rast t\u00eb mosveprimit t\u00eb institucioneve p\u00ebrkat\u00ebse, t\u00eb nd\u00ebrmarr\u00eb hapa t\u00eb m\u00ebtejsh\u00ebm ligjor\u00eb dhe nd\u00ebrkomb\u00ebtar\u00eb p\u00ebr mbrojtjen e t\u00eb drejtave t\u00eb qytetar\u00ebve dhe forcimin e shtetit t\u00eb s\u00eb drejt\u00ebs.<\/i><\/em><\/span><\/p>\n

        Ky reagim \u00ebsht\u00eb nj\u00eb akt publik, nj\u00eb thirrje e drejtp\u00ebrdrejt\u00eb dhe e fort\u00eb p\u00ebr llogaridh\u00ebnie, hetim penal dhe veprim t\u00eb menj\u00ebhersh\u00ebm nga institucionet p\u00ebrgjegj\u00ebse.<\/i><\/em><\/span><\/p>\n

        DHOMA VENDORE E AVOKATIS\u00cb VLOR\u00cb<\/i><\/em>\u201d<\/i><\/em><\/span><\/p>\n