{"id":755291,"date":"2025-08-13T10:30:55","date_gmt":"2025-08-13T08:30:55","guid":{"rendered":"https:\/\/www.hashtag.al\/?p=755291"},"modified":"2025-08-13T10:32:12","modified_gmt":"2025-08-13T08:32:12","slug":"gramshi-tepelena-dhe-delvina-nen-flake","status":"publish","type":"post","link":"https:\/\/www.hashtag.al\/index.php\/2025\/08\/13\/gramshi-tepelena-dhe-delvina-nen-flake\/","title":{"rendered":"Gramshi, Tepelena dhe Delvina n\u00ebn flak\u00eb","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

T\u00eb pakt\u00ebn 30 vatra aktive zjarri jan\u00eb regjistruar mbr\u00ebm\u00eb n\u00eb mbar\u00eb vendin, me situat\u00ebn m\u00eb kritike n\u00eb Gramsh, ku flak\u00ebt, t\u00eb favorizuara nga era e fort\u00eb dhe temperaturat e larta, kan\u00eb shkrumbuar 7 fshatra. <\/span><\/p>\n

Banor\u00ebt jan\u00eb evakuuar p\u00ebr t\u00eb shmangur viktima, nd\u00ebrsa zjarrfik\u00ebsit dhe forcat ajrore kan\u00eb nd\u00ebrhyr\u00eb gjat\u00eb gjith\u00eb nat\u00ebs p\u00ebr izolimin e zjarrit. <\/span><\/p>\n

Ministria e Mbrojtjes ka d\u00ebrguar drejt Gramshit 165 pako me rezerva shtet\u00ebrore, mbi 120 krevat\u00eb dhe \u00e7adra p\u00ebr strehimin e banor\u00ebve t\u00eb prekur.<\/span><\/p>\n

\"\"<\/span><\/p>\n

Situata alarmante \u00ebsht\u00eb raportuar edhe n\u00eb fshatin Lek\u00ebl t\u00eb Tepelen\u00ebs, ku flak\u00ebt kan\u00eb shkat\u00ebrruar banesa, pyje dhe kultura bujq\u00ebsore.<\/span><\/p>\n

Mes d\u00ebmeve \u00ebsht\u00eb edhe kisha ortodokse \u201cSh\u00ebn Ilia\u201d, monument kulture i kategoris\u00eb II, e nd\u00ebrtuar n\u00eb vitet 1800, e cila \u00ebsht\u00eb shkat\u00ebrruar plot\u00ebsisht. <\/span><\/p>\n

Rrezikun e kan\u00eb shtuar shp\u00ebrthimet e dy bombave t\u00eb Luft\u00ebs s\u00eb Dyt\u00eb Bot\u00ebrore, t\u00eb aktivizuara nga nxeht\u00ebsia e flak\u00ebve, duke detyruar evakuimin urgjent t\u00eb banor\u00ebve n\u00eb Lek\u00ebl dhe Hormov\u00eb.<\/span><\/p>\n

\"\"<\/span><\/p>\n

N\u00eb Gramsh, zjarret kan\u00eb p\u00ebrfshir\u00eb fshatrat Sk\u00ebnderbegas, Kullollas, Blet\u00ebz, Sojnik, Mukaj dhe Kukur, duke shkaktuar d\u00ebme t\u00eb m\u00ebdha materiale dhe rrezik p\u00ebr jet\u00ebn e banor\u00ebve. <\/span><\/p>\n

Nj\u00eb nga humbjet m\u00eb t\u00eb r\u00ebnda \u00ebsht\u00eb djegia e teqes s\u00eb Shemberdhenj\u00ebs, ku dyshohet se nj\u00eb person ka mbetur i bllokuar brenda.<\/span><\/p>\n

Zjarret e djeshme shkaktuan 8 t\u00eb l\u00ebnduar dhe nj\u00eb viktim\u00eb n\u00eb Gramsh. <\/span><\/p>\n

T\u00eb plagosurit, me djegie t\u00eb lehta dhe t\u00eb mesme, po marrin ndihm\u00eb mjek\u00ebsore, nd\u00ebrsa disa banor\u00eb ende mbeten t\u00eb bllokuar p\u00ebr shkak t\u00eb flak\u00ebve dhe tymit t\u00eb dendur. <\/span><\/p>\n

Stadiumi i qytetit \u00ebsht\u00eb shnd\u00ebrruar n\u00eb pik\u00eb pritjeje p\u00ebr helikopter\u00ebt e emergjencave q\u00eb transportojn\u00eb t\u00eb l\u00ebnduarit drejt Tiran\u00ebs.<\/span><\/p>\n

Forcat e Armatosura dhe Mbrojtja Civile kan\u00eb nd\u00ebrhyr\u00eb me trupa dhe helikopter\u00eb p\u00ebr izolimin e vatrave, nd\u00ebrsa Ministria e Mbrojtjes ka b\u00ebr\u00eb thirrje urgjente p\u00ebr evakuimin e banor\u00ebve t\u00eb Kullollas, Blet\u00ebz dhe Menkollar\u00eb.<\/span><\/p>\n

\"\"<\/span><\/p>\n

N\u00eb Poli\u00e7an, situata ka dal\u00eb jasht\u00eb kontrollit n\u00eb nj\u00ebsin\u00eb administrative Terpan, duke k\u00ebrc\u00ebnuar djegien e fshatrave dhe zonave t\u00eb Rezervatit t\u00eb Mbrojtur \u201cBalloll\u201d. <\/span><\/p>\n

Banor\u00ebt e Vokopol\u00ebs, Zhapokik\u00ebs, Plashnikut dhe Panaritit jan\u00eb urdh\u00ebruar t\u00eb largohen menj\u00ebher\u00eb.<\/span><\/p>\n

\"\"<\/span><\/p>\n

Situata pran\u00eb Syrin e Kalt\u00ebr mbetet kritike, ku era favorizon p\u00ebrhapjen e flak\u00ebve. Dy helikopter\u00eb po punojn\u00eb p\u00ebr shuarjen e vatrave, nd\u00ebrsa bletar\u00ebt e zon\u00ebs raportojn\u00eb d\u00ebme t\u00eb m\u00ebdha, me rreth 40 koshere t\u00eb djegura dhe rrezik p\u00ebr mbi 100 t\u00eb tjera.<\/span><\/p>\n

\"\"<\/span><\/p>\n

Deputeti Belind K\u00eblli\u00e7i reagoi, duke e cil\u00ebsuar situat\u00ebn si d\u00ebshtim t\u00eb shtetit p\u00ebr mbrojtjen e qytetar\u00ebve. <\/span><\/p>\n

Ai paralajm\u00ebroi se me nisjen e sesionit parlamentar prioritet do t\u00eb jet\u00eb adresimi i k\u00ebsaj katastrofe dhe nxjerrja e p\u00ebrgjegj\u00ebsive. <\/span><\/p>\n

Deputeti Tritan Shehu ngriti alarmin p\u00ebr fshatin Hormov\u00eb, i rrethuar pothuajse nga flak\u00ebt, t\u00eb cilat po tentojn\u00eb t\u00eb p\u00ebrhapen drejt fshatrave t\u00eb tjer\u00eb t\u00eb Tepelen\u00ebs dhe Gjirokastr\u00ebs.<\/span><\/p>\n

\"\"<\/span><\/p>\n

N\u00eb Delvin\u00eb, qyteti \u00ebsht\u00eb p\u00ebrfshir\u00eb nga flak\u00ebt gjat\u00eb mbr\u00ebmjes s\u00eb djeshme, duke shkaktuar panik te banor\u00ebt. <\/span><\/p>\n

Kreu i Partis\u00eb Demokratike, Sali Berisha, ka raportuar se lagjet Llak\u00eb dhe Xhetmahall jan\u00eb n\u00eb zjarr dhe ka d\u00ebgjuar shp\u00ebrthime granatash, duke akuzuar autoritetet p\u00ebr munges\u00eb nd\u00ebrhyrjeje nga ajri gjat\u00eb paradites.<\/span><\/p>\n