{"id":751645,"date":"2025-07-17T16:33:10","date_gmt":"2025-07-17T14:33:10","guid":{"rendered":"https:\/\/www.hashtag.al\/?p=751645"},"modified":"2025-07-17T16:43:00","modified_gmt":"2025-07-17T14:43:00","slug":"si-e-parashikoi-arlind-qori-estraden-lapaj-shabani-video","status":"publish","type":"post","link":"https:\/\/www.hashtag.al\/index.php\/2025\/07\/17\/si-e-parashikoi-arlind-qori-estraden-lapaj-shabani-video\/","title":{"rendered":"Si e parashikoi Arlind Qori estrad\u00ebn Lapaj-Shabani (Video)","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Kreu i L\u00ebvizjes Bashk\u00eb Arlind Qori e kishte parashikuar n\u00eb m\u00ebnyr\u00eb thuajse profetieke disa jav\u00eb para zgjdhjeve t\u00eb 11 majit, estrad\u00ebn Lapaj-Shabani q\u00eb \u00ebsht\u00eb shp\u00ebrfaqur furish\u00ebm dit\u00ebt e fundit.<\/span><\/p>\n

I ftuar n\u00eb emisionin Zon\u00eb e Lir\u00eb me gazetarin Arjan \u00e7ani n\u00eb prag t\u00eb zgjedhjeve, Qori pohonte se Lapajn e Shabanin nuk i bashkonte asgj\u00eb n\u00eb koalicionin q\u00eb b\u00ebn\u00eb dhe se dit\u00ebn pas zgjedhjeve dhe shanin e akuzonin nj\u00ebri-tjetrin. <\/span><\/p>\n

Kreu i L\u00ebvizjes Bashk\u00eb ironizonte dyshen e koalicionit parazgjedhor Nisma Shqip\u00ebria B\u00ebhet se jo vet\u00ebm nuk I bashkon asgj\u00eb, po gjithashtu nuk i besojn\u00eb askujt duke v\u00ebn\u00eb mamin e babin n\u00ebp\u00ebr lista.<\/span><\/p>\n

\u201cK\u00ebta nuk i bashkon asgj\u00eb me nj\u00ebri-tjetrin. K\u00ebta t\u00eb nes\u00ebrmen e zgjedhjeve, po ta them k\u00ebtu, do ta shajn\u00eb nj\u00ebri-tjetrin, do ta mallkojn\u00eb nj\u00ebri-tjetrin. Do i thon\u00eb nj\u00ebri-tjetrit \u201cm\u00eb vodhe votat\u201d sepse nuk i bashkon asgj\u00eb, thjesht kan\u00eb nj\u00eb uniform\u00eb t\u00eb p\u00ebrbashk\u00ebt, pra I kan\u00eb th\u00ebn\u00eb vetes jemi koalicioni X dhe secili nga ne ka vet\u00ebm nj\u00eb interes, secili nga ata q\u00eb jan\u00eb n\u00eb ato lista aty. Si t\u00eb b\u00ebhem individualisht deputet, nuk u intereson asgj\u00eb tjet\u00ebr, as idet\u00eb, as programi, as historia. Nj\u00eb parti serioze e para nuk e b\u00ebn k\u00ebt\u00eb gj\u00eb por hyn si\u00e7 jan\u00eb rregullat. E dyta, edhe n\u00ebse \u00ebsht\u00eb e detyruar ta b\u00ebj\u00eb, ka aktivist\u00eb brenda partis\u00eb q\u00eb e b\u00ebn. K\u00ebta thon\u00eb, meq\u00eb nuk i z\u00ebm\u00eb bes\u00eb askujt p\u00ebrve\u00e7 mamit dhe babit, do v\u00ebm\u00eb mamin dhe babin \u00a0n\u00eb list\u00ebn e sigurt. Nes\u00ebr po t\u00eb marrin pushtetin do thon\u00eb, mami dhe babi do b\u00ebhen minist\u00ebr, do b\u00ebhen drejtor\u00eb, se tjer\u00ebt kushedi na e fusin. Ky \u00ebsht\u00eb karagjozll\u00ebku m\u00eb i madh, kjo \u00ebsht\u00eb t\u00eb tallesh me qytetar\u00ebt.\u201d<\/i><\/em> – thot\u00eb Qori n\u00eb m\u00ebnyr\u00eb gati profetike.<\/span><\/p>\n

Nd\u00ebrsa Lapaj e Shabani dhan\u00eb mesazhe t\u00eb fuqishme parazgjedhore kund\u00ebr politik\u00ebs s\u00eb vjet\u00ebr dhe se kishin hyr\u00eb n\u00eb politik\u00eb jo p\u00ebr t\u2019u b\u00ebr\u00eb deputet\u00eb personalisht po p\u00ebr t\u00eb shjp\u00ebteuar popullin nga zgjedhja e partive t\u00eb vjetra, dyshja \u00ebsht\u00eb p\u00ebrplasur ashp\u00ebr me akuza e kund\u00ebrauza p\u00ebr mandatin e vet\u00ebm q\u00eb mori koalicioni n\u00eb zgjedhjet e 11 maji.<\/span><\/p>\n

Para zgjedhjeve, Lapaj e Shabani vun\u00eb familjar\u00ebt e tyre n\u00eb listat e mbyllura me Lapajn q\u00eb deklaronte se n\u00ebse koalicioni do merrte vet\u00ebm nj\u00eb mandat., ai nuk do hynte n\u00eb parlament\u2026po kjo ishte para zgjedhjeve. <\/span><\/p>\n

Pas 11 majit, Lapaj \u00ebsht\u00eb p\u00ebrplasur me Shabanin p\u00ebr mandatin e vet\u00ebm t\u00eb fituar. Deri sot pasdite, ai \u00ebsht\u00eb pretenduar ng\u00eb Zeqir Kordhoni, daja i Endri Shabanit duke ia hequr at\u00eb nga duart Lapajt e duke b\u00ebr\u00eb q\u00eb t\u00eb shahen keqazi me dikur aletin, Endri Shabani.<\/span><\/p>\n

Megjithat\u00eb sot pasdite, Kleana Xhuveli, e cila renditej sip\u00ebr Kordhonit n\u00eb listat e mbyllura, ka deklaruar se do ta marr\u00eb mandatin e deputetit, duke I d\u00ebrguar nj\u00eb let\u00ebr KQZ-s\u00eb.<\/span><\/p>\n

Megjithat\u00eb gjith\u00e7ka mbetet e hapur, pasi n\u00eb list\u00ebn e mbyllur p\u00ebrpara Xhuvelit jan\u00eb dhe tre emra t\u00eb tjer\u00eb, t\u00eb p\u00ebrzgjedhur nga Lapaj e Shabani, q\u00eb mund t\u00eb nd\u00ebrrojn\u00eb mendje e t\u00eb pretendojn\u00eb mandatin. M\u00eb e favorizuara \u00ebsht\u00eb 60 vje\u00e7arja Ana Dajko, nj\u00eb em\u00ebr po ashtu i vendosur nga Lapaj, e cila \u00ebsht\u00eb e para e list\u00ebs.<\/span><\/p>\n

Kreu i L\u00ebvizjes Bashk\u00eb Arlind Qori u rendit i dyti n\u00eb list\u00ebn e partis\u00eb p\u00ebr zgjedhjet e 11 majit, nd\u00ebrsa n\u00eb vend t\u00eb par\u00eb partia la Redi Mu\u00e7in, i cili pritet ta p\u00ebrfaq\u00ebsoj\u00eb n\u00eb parlament n\u00eb legjislatur\u00ebn e ardhshme.<\/span><\/p>\n