{"id":750671,"date":"2025-07-09T11:27:10","date_gmt":"2025-07-09T09:27:10","guid":{"rendered":"https:\/\/www.hashtag.al\/?p=750671"},"modified":"2025-07-09T11:27:27","modified_gmt":"2025-07-09T09:27:27","slug":"pak-ore-para-votimit-te-raporti-te-shqiperise-tabaku-europa-na-sheh-si-europiane-qeveria-jo","status":"publish","type":"post","link":"https:\/\/www.hashtag.al\/index.php\/2025\/07\/09\/pak-ore-para-votimit-te-raporti-te-shqiperise-tabaku-europa-na-sheh-si-europiane-qeveria-jo\/","title":{"rendered":"Pak or\u00eb para votimit t\u00eb raporti t\u00eb Shqiperis\u00eb, Tabaku: Europa na sheh si europian\u00eb, qeveria jo","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Kryetarja e Komisionit t\u00eb \u00c7\u00ebshtjeve Europiane, Jorida Tabaku, ka reaguar n\u00eb rrjetet sociale pas debatit t\u00eb zhvilluar dje n\u00eb Parlamentin Europian mbi raportin p\u00ebr Shqip\u00ebrin\u00eb.<\/span><\/p>\n

N\u00eb nj\u00eb video-mesazh, Tabaku thekson se ndon\u00ebse qytetar\u00ebt shqiptar\u00eb sillen \u00e7do dit\u00eb si europian\u00eb \u2013 n\u00eb pun\u00eb, n\u00eb p\u00ebrpjekje dhe n\u00eb sakrifica \u2013 pengesa kryesore p\u00ebr integrimin europian t\u00eb Shqip\u00ebris\u00eb mbetet qeverisja aktuale. \u201cAshtu si\u00e7 e thekson edhe raporti i Parlamentit Europian, Shqip\u00ebria p\u00ebrb\u00ebn nj\u00eb sfid\u00eb t\u00eb jasht\u00ebzakonshme p\u00ebr demokracin\u00eb, p\u00ebr institucionet, p\u00ebr zgjedhjet e lira dhe p\u00ebr shtetin e s\u00eb drejt\u00ebs,\u201d \u2013 u shpreh Tabaku.<\/span><\/p>\n

Ajo vuri n\u00eb dukje problematikat e thella q\u00eb p\u00ebrmenden n\u00eb raport: presioni mbi administrat\u00ebn publike, blerja dhe intimidimi i vot\u00ebs, p\u00ebrdorimi i burimeve shtet\u00ebrore n\u00eb funksion t\u00eb fushatave elektorale. Sipas saj, k\u00ebto jan\u00eb sfida q\u00eb Shqip\u00ebria e vitit 2025 nuk duhet t\u2019i kishte, por fatkeq\u00ebsisht i ka ende.<\/span><\/p>\n

Nj\u00eb tjet\u00ebr alarm ngritur nga Tabaku \u00ebsht\u00eb p\u00ebr korrupsionin, t\u00eb cilin ajo e cil\u00ebsoi si nj\u00eb penges\u00eb t\u00eb p\u00ebrditshme p\u00ebr qytetar\u00ebt, nga sh\u00ebndet\u00ebsia deri te prona. \u201c80% e shqiptar\u00ebve besojn\u00eb se korrupsioni i d\u00ebmton drejtp\u00ebrdrejt n\u00eb jet\u00ebn e tyre,\u201d theksoi ajo.<\/span><\/p>\n

N\u00eb mesazhin e saj, Tabaku k\u00ebrkoi nj\u00eb qasje t\u00eb re, gjith\u00ebp\u00ebrfshir\u00ebse, me reforma reale q\u00eb ndihen n\u00eb ekonomi, n\u00eb shtet, dhe n\u00eb funksionimin e institucioneve. Ajo kritikoi faktin q\u00eb, edhe pas 35 viteve, vendi nuk arrin t\u00eb organizoj\u00eb zgjedhje t\u00eb lira e t\u00eb ndershme pa nd\u00ebrhyrje t\u00eb partis\u00eb n\u00eb pushtet.<\/span><\/p>\n

\u201cEuropa na sheh ndryshe,\u201d \u2013 tha Tabaku, \u2013 \u201cpor fatkeq\u00ebsisht, qeverisja vijon ende t\u00eb na shoh\u00eb me lup\u00ebn e 35 viteve m\u00eb par\u00eb.”<\/span><\/p>\n

Reagimi:<\/strong><\/span><\/p>\n

Shqiptar\u00ebt \u00e7do dit\u00eb sillen si europian\u00eb \u2013 n\u00eb pun\u00eb, n\u00eb p\u00ebrpjekje, n\u00eb sakrifica. N\u00eb \u00e7do aktivitet q\u00eb kryejn\u00eb p\u00ebr familjen e tyre dhe n\u00eb sjelljen ndaj shtetit.<\/em><\/span><\/p>\n

Fatkeq\u00ebsisht, pengesa kryesore p\u00ebr integrimin europian vazhdon t\u00eb mbetet qeverisja. Pengesa kryesore e Shqip\u00ebris\u00eb \u00ebsht\u00eb mazhoranca aktuale. Ashtu si\u00e7 p\u00ebrmendet n\u00eb raportin e Parlamentit Europian, i cili u diskutua dje dhe po votohet sot \u2013 Shqip\u00ebria \u00ebsht\u00eb nj\u00eb sfid\u00eb jasht\u00ebzakonshme p\u00ebr demokracin\u00eb dhe institucionet.<\/em><\/span><\/p>\n

Nga zgjedhjet me probleme, presioni mbi administrat\u00ebn, blerja e vot\u00ebs, intimidimi i votuesve dhe p\u00ebrdorimi i shtetit n\u00eb funksion t\u00eb fushat\u00ebs \u2013 jan\u00eb t\u00eb gjitha fenomene q\u00eb nuk duhet t\u00eb ekzistonin n\u00eb Shqip\u00ebrin\u00eb e vitit 2025, por ekzistojn\u00eb.<\/em><\/span><\/p>\n

Nga ana tjet\u00ebr, nj\u00eb tjet\u00ebr penges\u00eb madhore \u00ebsht\u00eb korrupsioni. 80% e shqiptar\u00ebve besojn\u00eb se korrupsioni e pengon jet\u00ebn e tyre, kryesisht n\u00eb sh\u00ebndet\u00ebsi, polici, arsim, pron\u00eb, hipotek\u00eb dhe biznes.<\/em><\/span><\/p>\n

Shqip\u00ebria ka nevoj\u00eb p\u00ebr nj\u00eb qasje krejt\u00ebsisht t\u00eb re. P\u00ebr nj\u00eb p\u00ebrfshirje t\u00eb gjer\u00eb. P\u00ebr reforma q\u00eb ndihen n\u00eb ekonomi. Nj\u00eb ekonomi q\u00eb prodhon p\u00ebr t\u00eb gjith\u00eb, jo p\u00ebr pak njer\u00ebz.<\/em><\/span><\/p>\n

Reformat duhen t\u00eb fillojn\u00eb nga biznesi dhe t\u00eb shkojn\u00eb deri tek demokracia \u2013 me institucione q\u00eb balancohen, me nj\u00eb parlament q\u00eb ka rol, dhe akoma m\u00eb thelb\u00ebsore \u2013 me zgjedhje q\u00eb respektojn\u00eb standardet.<\/em><\/span><\/p>\n

Sot, 35 vite pas r\u00ebnies s\u00eb diktatur\u00ebs, Shqip\u00ebria ende nuk \u00ebsht\u00eb n\u00eb gjendje t\u00eb organizoj\u00eb zgjedhje t\u00eb lira. Ende p\u00ebrdoret partia-shtet n\u00eb \u00e7do qeliz\u00eb p\u00ebr t\u00eb ndikuar e p\u00ebr t\u00eb manipuluar rezultatin.<\/em><\/span><\/p>\n

K\u00ebto jan\u00eb \u00e7\u00ebshtjet kryesore q\u00eb ngriti raporti i Parlamentit Europian. K\u00ebto jan\u00eb sfidat q\u00eb ka Shqip\u00ebria sot. Dhe kjo \u00ebsht\u00eb rruga q\u00eb duhet ndjekur: reforma t\u00eb thella, gjith\u00ebp\u00ebrfshir\u00ebse dhe nj\u00eb ndryshim rr\u00ebnj\u00ebsor n\u00eb m\u00ebnyr\u00ebn se si funksionon shteti.<\/em><\/span><\/p>\n

Europa na sheh ndryshe. Nd\u00ebrkoh\u00eb q\u00eb qeverisja vijon t\u00eb na shoh\u00eb me lup\u00ebn e 35 viteve m\u00eb par\u00eb.<\/em><\/span><\/p>\n