{"id":748937,"date":"2025-06-28T14:26:54","date_gmt":"2025-06-28T12:26:54","guid":{"rendered":"https:\/\/www.hashtag.al\/?p=748937"},"modified":"2025-06-28T14:30:55","modified_gmt":"2025-06-28T12:30:55","slug":"siguria-nuk-negociohet-proda-inspekton-masat-per-sezonin-turistik-ne-sarande","status":"publish","type":"post","link":"https:\/\/www.hashtag.al\/index.php\/2025\/06\/28\/siguria-nuk-negociohet-proda-inspekton-masat-per-sezonin-turistik-ne-sarande\/","title":{"rendered":"\u201cSiguria nuk negociohet\u201d – Proda inspekton masat p\u00ebr sezonin turistik n\u00eb Sarand\u00eb","gt_translate_keys":[{"key":"rendered","format":"text"}]},"content":{"rendered":"
\n
\n

\"\"<\/span><\/p>\n

Drejtori i P\u00ebrgjithsh\u00ebm i Policis\u00eb s\u00eb Shtetit, Ilir Proda, ka inspektuar nga af\u00ebr masat p\u00ebr garantimin e siguris\u00eb gjat\u00eb sezonit turistik n\u00eb Sarand\u00eb. I shoq\u00ebruar nga drejtues t\u00eb policis\u00eb kufitare dhe vendore, Proda k\u00ebrkoi angazhim maksimal nga efektiv\u00ebt n\u00eb terren dhe theksoi se \u201csiguria \u00ebsht\u00eb pasaporta p\u00ebr \u00e7do qytetar dhe turist\u201d.<\/span><\/p>\n

Ai theksoi se siguria \u00ebsht\u00eb \u201cpasaporta\u201d e \u00e7do qytetari e turisti dhe se puna e Policis\u00eb s\u00eb Shtetit k\u00ebt\u00eb sezon duhet t\u00eb sh\u00ebrbej\u00eb si shembull p\u00ebr korrekt\u00ebsi, profesionaliz\u00ebm dhe komunikim.<\/span><\/p>\n

Proda k\u00ebrkoi monitorim t\u00eb p\u00ebrhersh\u00ebm t\u00eb plazheve p\u00ebrmes dron\u00ebve dhe patrullave, kontroll rigoroz t\u00eb mjeteve lundruese dhe menaxhim t\u00eb kujdessh\u00ebm t\u00eb fluksit n\u00eb pikat kufitare p\u00ebr t\u00eb shmangur vonesat dhe p\u00ebr t\u00eb parandaluar krimet nd\u00ebrkufitare.<\/span><\/p>\n

Ai theksoi gjithashtu nevoj\u00ebn p\u00ebr t\u00eb parandaluar \u00e7do rast t\u00eb zaptimit t\u00eb hap\u00ebsirave publike dhe p\u00ebr t\u00eb reaguar menj\u00ebher\u00eb ndaj ndotjes akustike, nd\u00ebrsa theksoi se siguria rrugore dhe p\u00ebrdorimi i teknologjis\u00eb inteligjente mbeten prioritete.<\/span><\/p>\n

“Siguria nuk negociohet\u201d<\/em><\/span><\/p>\n

Drejtor Proda n\u00eb terren p\u00ebr masat e sezonit turistik 2025<\/em><\/span><\/p>\n

Drejtori i P\u00ebrgjithsh\u00ebm i Policis\u00eb s\u00eb Shtetit, Drejtues Madhor Ilir Proda, inspektoi nga af\u00ebr zbatimin e masave t\u00eb posa\u00e7me p\u00ebr sezonin turistik n\u00eb Sarand\u00eb.<\/em><\/span><\/p>\n

I shoq\u00ebruar nga Drejtori i Departamentit p\u00ebr Kufirin dhe Migracionin Saimir Boshnjaku, Drejtori i DVP Vlor\u00eb Elidon \u00c7ela dhe Drejtori i Kufirit Vlor\u00eb Blendi Jaho, Drejtori Proda zhvilloi nj\u00eb takim me forcat policore t\u00eb angazhuara n\u00eb terren, t\u00eb cil\u00ebt i fal\u00ebnderoi p\u00ebr p\u00ebrkushtimin dhe u dha porosi t\u00eb qarta:<\/em><\/span><\/p>\n

\u201cSiguria \u00ebsht\u00eb pasaporta jon\u00eb\u201d p\u00ebr qytetar\u00ebt, vizitor\u00ebt dhe turist\u00ebt, ndaj k\u00ebrkohet m\u00eb shum\u00eb angazhim, profesionaliz\u00ebm dhe kujdes p\u00ebr \u00e7do pushues e turist, me q\u00ebllim q\u00eb k\u00ebt\u00eb sezon t\u00eb kemi parametra sigurie akoma m\u00eb t\u00eb larta se m\u00eb par\u00eb.<\/em><\/span><\/p>\n

Plazhet dhe perimetri i siguris\u00eb t\u00eb jen\u00eb n\u00ebn monitorim t\u00eb vazhduesh\u00ebm, p\u00ebrmes dron\u00ebve, patrullave me bi\u00e7ikleta p\u00ebrgjat\u00eb vij\u00ebs bregdetare, nj\u00ebsis\u00eb policore detare dhe Policis\u00eb Kufitare. Asnj\u00eb tolerim ndaj atyre q\u00eb c\u00ebnojn\u00eb perimetrin e siguris\u00eb p\u00ebr pushuesit.<\/em><\/span><\/p>\n

Kontrolle rigoroze ndaj mjeteve lundruese, p\u00ebr dokumentacionin, kapacitetin dhe masat e siguris\u00eb (jelek\u00ebt e shp\u00ebtimit).<\/em><\/span><\/p>\n

Zero toleranc\u00eb p\u00ebr zaptimin e hap\u00ebsirave publike. \u00c7do rast t\u00eb referohet dhe t\u00eb nd\u00ebshkohet sipas ligjit. T\u00eb intensifikohen veprimet n\u00eb kuad\u00ebr t\u00eb operacionit \u201cPlazh i lir\u00eb\u201d, n\u00eb bashk\u00ebpunim edhe me policit\u00eb bashkiake n\u00eb zonat bregdetare.<\/em><\/span><\/p>\n

Parandalimi i ndotjes akustike k\u00ebrkon reagim t\u00eb menj\u00ebhersh\u00ebm ndaj shqet\u00ebsimeve t\u00eb qytetar\u00ebve, jo vet\u00ebm n\u00eb zonat bregdetare, por n\u00eb t\u00eb gjith\u00eb vendin.<\/em><\/span><\/p>\n

Policia Kufitare t\u00eb marr\u00eb masa p\u00ebr shtimin e sporteleve n\u00eb raste fluksi, me q\u00ebllim shmangien e radh\u00ebve dhe garantimin e kontrollit efektiv p\u00ebr parandalimin e krimeve nd\u00ebrkufitare.<\/em><\/span><\/p>\n

\u00a0Siguria rrugore \u00ebsht\u00eb prioritet. P\u00ebrdorimi i teknologjis\u00eb inteligjente dhe bashk\u00ebrendimi me sh\u00ebrbimet e tjera policore t\u00eb mund\u00ebsoj\u00eb rritjen e parametrave t\u00eb siguris\u00eb n\u00eb akset rrugore dhe qendrat e banimit.<\/em><\/span><\/p>\n

\u00a0Punonj\u00ebsit e Policis\u00eb jan\u00eb pika e par\u00eb e kontaktit me vizitor\u00ebt dhe turist\u00ebt, ndaj duhet t\u00eb jen\u00eb model n\u00eb sjellje, komunikim dhe sh\u00ebrbim, p\u00ebr t\u00eb p\u00ebr\u00e7uar besim dhe imazh pozitiv te qytetar\u00ebt dhe vizitor\u00ebt.<\/em><\/span><\/p>\n

N\u00eb vijim, Drejtori i Departamentit p\u00ebr Kufirin dhe Migracionin Saimir Boshnjaku dhe Drejtori i Drejtoris\u00eb Vendore t\u00eb Policis\u00eb Vlor\u00eb Elidon \u00c7ela e njoh\u00ebn Drejtor Prod\u00ebn me zbatimin e masave n\u00eb terren.<\/em><\/span><\/p>\n

Policia e Shtetit \u00ebsht\u00eb n\u00eb sh\u00ebrbim t\u00eb siguris\u00eb s\u00eb \u00e7do qytetari, vizitori dhe turisti. Bashk\u00eb p\u00ebr nj\u00eb sezon t\u00eb qet\u00eb, t\u00eb sigurt dhe t\u00eb paharruesh\u00ebm!”<\/em><\/span><\/p>\n