{"id":746692,"date":"2025-06-14T22:59:59","date_gmt":"2025-06-14T20:59:59","guid":{"rendered":"https:\/\/www.hashtag.al\/?p=746692"},"modified":"2025-06-14T23:01:02","modified_gmt":"2025-06-14T21:01:02","slug":"murrizi-pd-po-vuan-nga-skleroza-politike-harresa-e-gabimeve-ka-vrare-demokratet-dhe-opozitaret-e-pafajshem","status":"publish","type":"post","link":"https:\/\/www.hashtag.al\/index.php\/2025\/06\/14\/murrizi-pd-po-vuan-nga-skleroza-politike-harresa-e-gabimeve-ka-vrare-demokratet-dhe-opozitaret-e-pafajshem\/","title":{"rendered":"Murrizi: PD po vuan nga “skleroza politike”, harresa e gabimeve ka vrar\u00eb demokrat\u00ebt dhe opozitar\u00ebt e pafajsh\u00ebm","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Ish-deputeti Myslim Murrizi ka shp\u00ebrndar\u00eb sot nj\u00eb video nga fjala e tij n\u00eb K\u00ebshillin Komb\u00ebtar t\u00eb Partis\u00eb Demokratike t\u00eb mbajtur n\u00eb korrik 2022, pas zgjedhjeve t\u00eb pjesshme vendore t\u00eb 6 marsit, ku PD arriti t\u00eb fitonte vet\u00ebm bashkin\u00eb e Shkodr\u00ebs.<\/span><\/p>\n

N\u00eb nj\u00eb reagim t\u00eb drejtp\u00ebrdrejt\u00eb, Murrizi kujton se n\u00eb at\u00eb koh\u00eb figura si Gazment Bardhi, Agron Gjekmarkaj, Jorida Tabaku dhe mbi 40 deputet\u00eb t\u00eb tjer\u00eb t\u00eb grupit parlamentar t\u00eb PD-s\u00eb ishin kund\u00ebr zhvillimit t\u00eb atij K\u00ebshilli Komb\u00ebtar dhe kishin p\u00ebrjashtuar 17 deputet\u00eb t\u00eb tjer\u00eb p\u00ebr t\u00eb vetmen arsye se kishin mb\u00ebshtetur \u201cFoltoren\u201d e Sali Berish\u00ebs.<\/span><\/p>\n

Sipas Murrizit, ajo q\u00eb nisi si foltore n\u00eb shtator t\u00eb vitit 2021 u kthye m\u00eb von\u00eb n\u00eb nj\u00eb \u201cfaltore\u201d ku po radhiten sot t\u00eb gjith\u00eb ata q\u00eb m\u00eb par\u00eb ishin kund\u00ebr. Ai ironizon k\u00ebta figura, duke i quajtur \u201cm\u00ebkatar\u00eb\u201d q\u00eb tani po p\u00ebrgatiten p\u00ebr t\u00eb rikthyer n\u00eb dor\u00eb drejtimin q\u00eb, sipas tij, e kan\u00eb humbur q\u00eb prej tre vitesh.<\/span><\/p>\n

Murrizi sulmoi ashp\u00ebr dhe klas\u00ebn politike q\u00eb hartoi dhe votoi ndryshimet n\u00eb Kodin Zgjedhor dhe q\u00eb, sipas tij, po flasin sot me gjysm\u00eb z\u00ebri p\u00ebr listat e hapura.<\/span><\/p>\n

\u201cPo, duhet t\u00eb zhduket ky kod, por bashk\u00eb me qelb\u00ebsirat q\u00eb e hartuan, e mbrojt\u00ebn dhe e votuan m\u00eb 24 korrik 2020 p\u00ebr nj\u00eb karrige t\u00eb ndyr\u00eb p\u00ebr veten e tyre,\u201d<\/em> \u2013 shkruan ai.<\/span><\/p>\n

Ai thekson se populli shqiptar, fatkeq\u00ebsisht, ka nj\u00eb kujtes\u00eb t\u00eb shkurt\u00ebr, nd\u00ebrsa PD-ja vuan nga nj\u00eb \u201cskleroz\u00eb politike\u201d q\u00eb, sipas tij, \u00ebsht\u00eb pasoja e rikthimit t\u00eb individ\u00ebve q\u00eb kan\u00eb \u201cp\u00ebshtyr\u00eb dhe m\u00eb pas l\u00ebpir\u00eb\u201d q\u00ebndrimet e tyre politike.<\/span><\/p>\n

\u201cKush harron shpejt, gabon shpesh. Dhe kur gabimi b\u00ebhet me q\u00ebllim, kthehet n\u00eb faj q\u00eb vret demokrat\u00eb dhe opozitar\u00eb t\u00eb pafajsh\u00ebm, nd\u00ebrsa p\u00ebrgjegj\u00ebsia mbetet jetim dhe nuk d\u00ebnohet asnj\u00eb \u2018kopil politik\u2019,\u201d<\/em> \u2013 thekson Murrizi.<\/span><\/p>\n

N\u00eb p\u00ebrmbyllje, ai u b\u00ebn thirrje atyre q\u00eb ende nuk kan\u00eb braktisur shpres\u00ebn t\u00eb d\u00ebgjojn\u00eb mesazhin e tij, duke l\u00ebn\u00eb t\u00eb kuptohet se betejat e v\u00ebrteta nuk jan\u00eb mbyllur ende.<\/span><\/p>\n

 <\/p>\n

Postimi:<\/span><\/p>\n

<\/div>\n
\n
\n

Fjala ime ne keshillin kombetar te PD korrik 2022 pas 6 marsit te zgjedhjeve te pjeseshme lokale ku PD fitoi vetem bashkin e Shkodres<\/em><\/span><\/p>\n

Ne kete kohe Bardhi, Gjekmarkaj, Tabaku dhe mbi 40 Deputet qe jan akoma ne Parlament nga grupi parlamentar i PD ishin kundra ketij keshilli kombetar dhe kishin perjashtuar 17 deputete te tjere te grupit per aresyen e vetme pse ishin pjes e ketij keshilli kombetar dhe mbeshteten foltoren e Berishes qe ne shtator 2023 u shnderrua ne FALTORE per te gjith \u201c mekataret\u201d qe mezi po presin shtatorin per te filluar \u201c betejen\u201d qe te marin drejtimin e humbur para 3 vitesh te kupoles se PD<\/em><\/span><\/p>\n

Shum her ne menyre te \u201c bezdiseshme\u201d kam folur per kodin zgjedhor te qelbur dhe per listat e hapura qe qelbaniket politik po belbezojne keto dit se duhet zhdukur<\/em><\/span><\/p>\n

Poooo duhet zhdukur por bashke me qelbesirat qe e hartuan, e mbrojten dhe e votuan ate ne date 24 korrik 2024 per nje karrike te ndyre per veten e tyre<\/em><\/span><\/p>\n

Per fat te keq si popull kemi memorie shum te shkurter<\/em><\/span><\/p>\n

Por PD pothuajse ka ZERO MEMORJE ngaqe vuan nga SKLEROZA e mostrave te peshtire qe lepijne \u00e7fare kane peshtyre dhe harrojne \u00e7far kane mbrojtur si te \u201cdrejte\u201d apo si \u201c parimore\u201d<\/em><\/span><\/p>\n

KUSH HARRON SHPEJT GABON SHPESH DHE GABIMI BEHET FAJ ME DASHJE QE PREJ VITESH VRET DEMOKRAT DHE OPOZITARE TE PAFAJSHEM E PERGJEGJESIA NGELET JETIM E NUK DENOHET ASNJE \u201c KOPIL\u201d POLITIK<\/em><\/span><\/p>\n

SI E SHTUN QE ESHTE LE TA DEGJOJ KUSH NUK KA ME SE TE MERET DHE NUK KA IKUR NE DET<\/em><\/span><\/p>\n<\/div>\n

<\/div>\n