{"id":746601,"date":"2025-06-14T11:56:31","date_gmt":"2025-06-14T09:56:31","guid":{"rendered":"https:\/\/www.hashtag.al\/?p=746601"},"modified":"2025-06-14T11:56:31","modified_gmt":"2025-06-14T09:56:31","slug":"nje-keshille-miqesore-jopolitike-per-ministren-denaj","status":"publish","type":"post","link":"https:\/\/www.hashtag.al\/index.php\/2025\/06\/14\/nje-keshille-miqesore-jopolitike-per-ministren-denaj\/","title":{"rendered":"Nj\u00eb k\u00ebshill\u00eb miq\u00ebsore jopolitike p\u00ebr ministren Denaj","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Nga Vojo Bregu*<\/strong><\/span><\/p>\n

Nuk po ia drejtoj KM Rama, pasi ai ka hequr dor\u00eb nga bujq\u00ebsia dhe blegtoria q\u00eb kur u nd\u00ebrpren\u00eb fondet e IPARD-it.<\/span><\/p>\n

Znj, ministre, kur ra epidemia e dermatoz\u00ebs nodulare, ministria e bujq\u00ebsis\u00eb vendosi d\u00ebmshp\u00ebrblimin e t\u00eb gjith\u00eb blegtor\u00ebve n\u00eb t\u00eb gjith\u00eb Shqip\u00ebrin\u00eb p\u00ebr \u00e7do kok\u00eb lop\u00eb.<\/span><\/p>\n

Pse e mor\u00ebm k\u00ebt\u00eb vendim? S\u00eb pari si mb\u00ebshtetje p\u00ebr blegtor\u00ebt, edhe pse kjo nuk s\u00ebmundje me sa m\u00eb kujtohet nuk ishte parashikuar n\u00eb list\u00ebn e s\u00ebmundjeve q\u00eb d\u00ebmshp\u00ebrbleheshin.\u00a0 <\/span><\/p>\n

Vendos\u00ebm q\u00eb lop\u00ebt ti marrim m\u00ebshqerra(1 vje\u00e7are) dhe t\u00eb mbarsura nga Danimarka p\u00ebr t\u00eb pjell\u00eb me probabilitet 95% femra. Arsyeja ishte p\u00ebr t\u00eb shtuar numrin e krer\u00ebve n\u00eb rang komb\u00ebtar.<\/span><\/p>\n

Pas studimit me ekspert\u00eb vendos\u00ebm t\u00eb marrim lop\u00eb t\u00eb rac\u00ebs Jersey p\u00ebr zonat kodrinore, dhe Holstein p\u00ebr zonat fushore. S\u00eb dyti, duke i dh\u00ebn\u00eb\u00a0 \u00e7do blegtori nj\u00eb lop\u00eb me rendiment m\u00eb t\u00eb lart\u00eb( lop\u00ebt e prekura jepnin mesatarisht 7 litra qum\u00ebsht, lop\u00ebt q\u00eb do t\u00eb sillnim, mesatarisht 18 litra) i binte q\u00eb \u00e7do blegtor do t\u00eb merrte\u00a0 gati 3 lop\u00eb.<\/span><\/p>\n

S\u00eb treti, menduam q\u00eb n\u00ebse do i kompensonim me lek\u00eb blegtor\u00ebt, mbase ata t\u00eb shtyre dhe nga grat\u00eb psh, do blinin TV, lavatri\u00e7e ose di\u00e7ka q\u00eb mund t\u00eb kishin nevoj\u00eb imediate familja e tyre.<\/span><\/p>\n

Ishte nj\u00eb vendim i guximsh\u00ebm,\u00a0 por tejet praktik, q\u00eb rezultoi i suksessh\u00ebm. Sipas INSTAT, gjat\u00eb vitit 2017-2018 \u00ebsht\u00eb periudha e vetme q\u00eb nga 2013 q\u00eb prodhimi i qum\u00ebshtit n\u00eb nivel komb\u00ebtar nuk ka r\u00ebnie. Epidemia ka r\u00ebn\u00eb n\u00eb 2016.<\/span><\/p>\n

Jemi akuzuar nga t\u00eb majt\u00eb e t\u00eb djatht\u00eb p\u00ebr k\u00ebt\u00eb politik\u00eb q\u00eb ndoq\u00ebm, kall\u00ebzuar nga soj e sorollop n\u00eb\u00a0 SPAK. Hetuar p\u00ebr 4 vite dhe dal\u00eb n\u00eb konkluzion q\u00eb nuk ka pasur asnj\u00eb shkelje. Por pak r\u00ebnd\u00ebsi ka kjo.<\/span><\/p>\n

Dje pash\u00eb kronik\u00ebn e nj\u00eb blegtori q\u00eb qante p\u00ebr tuf\u00ebn q\u00eb po i asgjesohej. Tha ekzakt\u00ebsisht at\u00eb q\u00eb ne menduam at\u00ebher\u00eb. Mos na jepni lek\u00eb se i prishim.<\/span><\/p>\n

N\u00eb dijenin\u00eb time, jan\u00eb rreth 800-900 krer\u00eb t\u00eb ngordhura, dhe n\u00ebse blihen krer\u00eb me rendiment jasht\u00eb vendit, do t\u00eb isht\u00eb nj\u00eb frym\u00ebmarrje e madhe p\u00ebr k\u00ebta blegtor\u00eb fatkeq, dhe shuma n\u00eb dispozicion nuk \u00ebsht\u00eb se duhet t\u00eb jet\u00eb shum\u00eb e lart\u00eb. <\/span><\/p>\n

Do b\u00ebnit 3 pun\u00eb nj\u00ebkoh\u00ebsisht znj. Ministre, prandaj ja u k\u00ebshilloj fort q\u00eb ta d\u00ebgjoni dhe ndihmoni k\u00ebt\u00eb blegtor dhe gjith\u00eb fatkeq\u00ebt e tjer\u00eb. Personalisht nuk ju v\u00eb asnj\u00eb faj p\u00ebr k\u00ebt\u00eb epidemi, di dhe q\u00eb keni ngritur nj\u00eb task forc\u00eb dhe shum\u00eb mir\u00eb keni b\u00ebr\u00eb. Por pa d\u00ebmshp\u00ebrblyer blegtor\u00ebt \u00e7do veprim juaji do t\u00eb ishte i kot\u00eb.<\/span><\/p>\n

Mbase ju e keni diskutuar k\u00ebt\u00eb m\u00ebnyr\u00eb d\u00ebmshp\u00ebrblimi dhe un\u00eb nuk e di, dhe nuk dua t\u00eb ngjaj sikur po shpik rrot\u00ebn, por isht\u00eb nj\u00eb k\u00ebshill\u00eb aspak politike e bazuar n\u00eb fakte por mbi t\u00eb gjitha n\u00eb k\u00ebnaq\u00ebsin\u00eb q\u00eb kam ndjer\u00eb sa her\u00eb flitet p\u00ebr lop\u00ebt q\u00eb kemi sjell\u00eb n\u00eb Shqip\u00ebri.<\/span><\/p>\n

*Autori ka punuar si ish-Sekretar i ministrit t\u00eb Bujq\u00ebsis\u00eb<\/strong><\/span><\/p>\n