{"id":734149,"date":"2025-04-06T15:04:16","date_gmt":"2025-04-06T13:04:16","guid":{"rendered":"https:\/\/www.hashtag.al\/?p=734149"},"modified":"2025-04-06T15:06:50","modified_gmt":"2025-04-06T13:06:50","slug":"sajesa-te-uleta-nga-njerez-te-paskrupullt-xhafaj-hedh-poshte-lajmin-per-kontroll-zyre-pas-hakerimit-te-email-eve-te-prokuroreve-te-spak","status":"publish","type":"post","link":"https:\/\/www.hashtag.al\/index.php\/2025\/04\/06\/sajesa-te-uleta-nga-njerez-te-paskrupullt-xhafaj-hedh-poshte-lajmin-per-kontroll-zyre-pas-hakerimit-te-email-eve-te-prokuroreve-te-spak\/","title":{"rendered":"Hakerimi e email-eve t\u00eb prokuror\u00ebve t\u00eb SPAK, Xhafaj: Lajmi p\u00ebr kontroll zyre sajes\u00eb e njer\u00ebzve t\u00eb paskrupullt","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Deputeti i PS-s\u00eb Fatmir Xhafaj ka hedhur posht\u00eb aludimet se zyra e tij \u00ebsht\u00eb kontrolluar dhe se i \u00ebsht\u00eb sekuestruar laptopi e dokumente lidhur me hakerimin e postt\u00ebs elektronike t\u00eb prokuror\u00ebve t\u00eb SPAK-ut. <\/span><\/p>\n

Ai shkruan se kjo \u00ebsht\u00eb nj\u00eb fushat\u00eb e orkestruar sulmesh ndaj tij, nj\u00ebsoj si\u00e7 ka ndodhur edhe m\u00eb par\u00eb dhe se k\u00ebto sulme jan\u00eb pasqyr\u00eb e atyre q\u00eb i gatuajn\u00eb, t\u00eb cil\u00ebt i quan \u201ckuzhinier\u00eb pa din e iman t\u00eb \u00e7orb\u00ebs s\u00eb vjet\u00ebr e t\u00eb prishur q\u00eb i serviret publikut\u201d. Xhafaj thekson gjithashtu se mediat q\u00eb shp\u00ebrndajn\u00eb lajme t\u00eb tilla e b\u00ebjn\u00eb k\u00ebt\u00eb p\u00ebrr ineteresa okulte.<\/span><\/p>\n

Ai thekson se asgj\u00eb nga ato q\u00eb thuhen nuk jan\u00eb t\u00eb v\u00ebrteta dhe se gjith\u00e7ka \u00ebsht\u00eb nj\u00eb thes me g\u00ebnjeshtra e sajesa dashakeqe nga njer\u00ebz t\u00eb paskrupullt moralisht.<\/span><\/p>\n

N\u00eb fund Xhafaj shkruan se nuk ka nd\u00ebrmend t\u00eb largohet nga fushata e 11 majit ku k\u00ebrkon vot\u00ebn e qytetar\u00ebve nd\u00ebrsa shton se nuk \u00ebsht\u00eb hera e par\u00eb q\u00eb p\u00ebrballet me t\u00eb tilla sulme. Deputeti i PS-s\u00eb n\u00ebnvizon se \u00ebsht\u00eb krenat p\u00ebr kontributin n\u00eb politik\u00eb, PS, parlament e qeveri sidomos n\u00eb procesin jetik t\u00eb reform\u00ebs n\u00eb drejt\u00ebsi.<\/span><\/p>\n

Reagimi i plot\u00eb<\/strong><\/span><\/p>\n

\u201cKam ndjekur koh\u00ebt e fundit nj\u00eb seri raportimesh n\u00eb media, plot me t\u00eb pav\u00ebrteta, insinuata dhe aludime nga goj\u00eb t\u00eb shthurura e gjuh\u00eb t\u00eb zgjidhura politikan\u00ebsh apo pseudo-analist\u00ebsh, q\u00eb kan\u00eb p\u00ebr q\u00ebllim ve\u00e7 t\u00eb p\u00ebrbaltin figur\u00ebn time. Ashiqare ngjan me nj\u00eb fushat\u00eb t\u00eb orkestruar sulmesh, nj\u00ebsoj si\u00e7 kan\u00eb b\u00ebr\u00eb edhe m\u00eb par\u00eb. Duke \u00e7muar shum\u00eb lirin\u00eb e shprehjes dhe t\u00eb drejt\u00ebn e medias t\u00eb b\u00ebj\u00eb pun\u00ebn e vet, p\u00ebr t\u00eb informuar publikun e p\u00ebr t\u00eb garantuar transparenc\u00ebn dhe duke pasur e d\u00ebshmuar p\u00ebrher\u00eb respekt maksimal p\u00ebr njer\u00ebzit e medias, sulme t\u00eb tilla nga disa intrigant\u00eb nuk m\u00eb detyrojn\u00eb dot t\u00eb hesht e as t\u00eb nd\u00ebrpres pun\u00ebn n\u00eb sh\u00ebrbim t\u00eb qytetar\u00ebve, n\u00eb mbrojtje t\u00eb ligjit dhe interesit publik. Aq m\u00eb pak m\u00eb zmbrapsin dot nga sfida e 11 majit p\u00ebr nj\u00eb kontrat\u00eb t\u00eb re besimi me qytetar\u00ebt e Tiran\u00ebs, q\u00eb t\u00eb vijoj t\u00eb jem p\u00ebrfaq\u00ebsuesi i tyre n\u00eb Kuvendin e Shqip\u00ebris\u00eb dhe p\u00ebr t\u00eb \u00e7uar p\u00ebrpara angazhimet e mia publike p\u00ebrball zgjedh\u00ebsve t\u00eb mi.<\/em><\/span><\/p>\n

Sulme t\u00eb tilla jan\u00eb ve\u00e7se pasqyra e dob\u00ebsis\u00eb se atyre q\u00eb i gatuajn\u00eb, kuzhinier\u00ebt pa din e iman t\u00eb \u00e7orb\u00ebs s\u00eb vjet\u00ebr e t\u00eb prishur q\u00eb i serviret publikut n\u00ebp\u00ebr kanale e portale. Mediat q\u00eb shp\u00ebrndajn\u00eb k\u00ebto trillime jan\u00eb shembull i pasqyrave t\u00eb thyera q\u00eb nxijn\u00eb e deformojn\u00eb realitetin p\u00ebr interesa okulte.<\/em><\/span><\/p>\n

ASGJ\u00cb NUK \u00cbSHT\u00cb E V\u00cbRTET\u00cb nga ato \u00e7far\u00eb \u00ebsht\u00eb th\u00ebn\u00eb koh\u00ebt e fundit p\u00ebr personin tim, p\u00ebr gjoja kontroll t\u00eb zyr\u00ebs, sekuestrim laptopi e dokumentesh apo insinuatat monstruoze p\u00ebr lidhje me nd\u00ebrhyrjen e paligjshme n\u00eb post\u00ebn elektronike t\u00eb prokuror\u00ebve t\u00eb SPAK. Gjith\u00e7ka nga k\u00ebto \u00ebsht\u00eb nj\u00eb thes g\u00ebnjeshtrash, sajesa t\u00eb ul\u00ebta t\u00eb gatuara p\u00ebr motive q\u00ebllimk\u00ebqia, nga njer\u00ebz t\u00eb paskrupullt moralisht! Un\u00eb i hedh posht\u00eb me p\u00ebrbuzje dhe neveri. Jam i sigurt\u00eb se n\u00eb momentin e p\u00ebrshtatsh\u00ebm do t\u00eb p\u00ebrballen me forc\u00ebn e t\u00eb v\u00ebrtet\u00ebs dhe ligjit si ata q\u00eb i kan\u00eb nxitur edhe ata q\u00eb kan\u00eb marr\u00eb p\u00ebrsip\u00ebr t\u00eb p\u00ebrdoren n\u00eb k\u00ebt\u00eb fushat\u00eb t\u00eb pis\u00ebt shpifjeje e intrigash publike.<\/em><\/span><\/p>\n

P\u00ebrball\u00eb tyre q\u00ebndroj i vendosur e me guxim sepse luftoj p\u00ebr at\u00eb q\u00eb \u00ebsht\u00eb e drejt\u00eb dhe e v\u00ebrtet\u00eb. Zgjedh\u00ebsit e mi, socialist\u00ebt me zem\u00ebr m\u00eb njohin mir\u00eb prandaj m\u00eb kan\u00eb zgjedhur dhe do t\u00eb m\u00eb vot\u00ebbesojn\u00eb s\u00ebrish n\u00eb 11 maj, pik\u00ebrisht edhe p\u00ebr arsyen kuptimplot\u00eb, se un\u00eb nuk jam nga ai soj politikan\u00ebsh e zyrtar\u00ebsh q\u00eb e kan\u00eb nd\u00ebrtuar karrier\u00ebn duke shkelmuar \u00e7do standard njer\u00ebzor dhe etik, duke keqp\u00ebrdorur mediat si mish p\u00ebr top p\u00ebr t\u00eb goditur n\u00ebn brez kund\u00ebrshtar\u00ebt politik ose edhe konkurent\u00ebt apo duke keqp\u00ebrdorur funksionet n\u00eb politik\u00eb, drejt\u00ebsi e gjetk\u00eb n\u00ebp\u00ebr institucionet shtet\u00ebrore. KURR\u00cb n\u00eb k\u00ebt\u00eb karrier\u00eb t\u00eb gjat\u00eb politike, n\u00eb asnj\u00eb rast nuk kam fyer e c\u00ebnuar k\u00ebrk\u00ebnd n\u00eb integritetin e tij personal e familjar, qofshin k\u00ebta edhe kund\u00ebrshtar t\u00eb mi politik.<\/em><\/span><\/p>\n

Nuk \u00ebsht\u00eb hera e par\u00eb p\u00ebr mua q\u00eb p\u00ebrballem me k\u00ebto sulme. Edhe k\u00ebsaj radhe si \u00e7do her\u00eb tjet\u00ebr kushdo q\u00eb p\u00ebrpiqet t\u00eb m\u00eb njollos\u00eb nuk ka p\u00ebr t\u2019ja dal\u00eb sepse e v\u00ebrteta \u00ebsht\u00eb m\u00eb e fuqishme se \u00e7do forc\u00eb e padrejt\u00eb q\u00eb mund t\u00eb p\u00ebrpiqen t\u00eb p\u00ebrdorin. \u00c7do shpifje, \u00e7do g\u00ebnjesht\u00ebr, \u00e7do dezinformat\u00eb apo \u00e7do kall\u00ebzim i rrem\u00eb \u00ebsht\u00eb nj\u00eb mjet i dob\u00ebt q\u00eb d\u00ebshmon batakun ku kan\u00eb r\u00ebn\u00eb nj\u00eb tak\u00ebm njer\u00ebzish, individ\u00eb t\u00eb frustuar mend\u00ebrisht, politikisht e moralisht, q\u00eb ve\u00e7 t\u00eb v\u00ebrtet\u00ebs dhe interesit publik nuk iu sh\u00ebrbejn\u00eb.<\/em><\/span><\/p>\n

Un\u00eb jam shum\u00eb krenar p\u00ebr kontributin tim n\u00eb politik\u00eb, n\u00eb Partin\u00eb Socialiste, n\u00eb qeveri e legjislativ dhe ve\u00e7an\u00ebrisht n\u00eb procese t\u00eb r\u00ebnd\u00ebsishme jetike p\u00ebr vendin si\u00e7 ishte Reforma n\u00eb Drejt\u00ebsi apo kjo q\u00eb kemi nd\u00ebrmarr\u00eb s\u00eb fundi me Komisionin e Posa\u00e7\u00ebm p\u00ebr Mir\u00ebqeverisjen, Antikorrupsionin dhe Sundimin e Ligjit. Do t\u00eb vazhdoj t\u00eb b\u00ebj pun\u00ebn time me p\u00ebrunj\u00ebsi e p\u00ebrkushtim n\u00eb sh\u00ebrbim t\u00eb qytetar\u00ebve dhe Partis\u00eb Socialiste p\u00ebr t\u00eb garantuar fitoren n\u00eb zgjedhjet e 11 majit dhe p\u00ebr t\u00eb b\u00ebr\u00eb nj\u00ebher\u00eb e mir\u00eb t\u00eb pakthyesh\u00ebm rrug\u00ebtimin e Shqip\u00ebris\u00eb n\u00eb Bashkimin Europian.”<\/em><\/span><\/p>\n