{"id":731149,"date":"2025-03-20T16:10:16","date_gmt":"2025-03-20T15:10:16","guid":{"rendered":"https:\/\/www.hashtag.al\/?p=731149"},"modified":"2025-03-20T16:10:16","modified_gmt":"2025-03-20T15:10:16","slug":"meta-audio-mesazh-nga-qelia-ne-11-maj-fundi-i-autokraciase-opozita-do-marre-84-mandate","status":"publish","type":"post","link":"https:\/\/www.hashtag.al\/index.php\/2025\/03\/20\/meta-audio-mesazh-nga-qelia-ne-11-maj-fundi-i-autokraciase-opozita-do-marre-84-mandate\/","title":{"rendered":"Meta audio-mesazh nga qelia: N\u00eb 11 maj fundi i autokracias\u00eb, opozita do marr\u00eb 84 mandate","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

\u2018Meta p\u00ebr Tiran\u00ebn\u2019, k\u00ebshtu e ka nisur njoftimin e sot\u00ebm nga burgu Kryetari i Partis\u00eb s\u00eb Liris\u00eb Ilir Meta i cili ka shp\u00ebrndar\u00eb nj\u00eb mesazh p\u00ebr zgjedh\u00ebsit.<\/span><\/p>\n

Meta ka shprehur besimin se Partia e Liris\u00eb do t\u00eb sh\u00ebnoj\u00eb sipas tij nj\u00eb fitore historike p\u00ebr Shqip\u00ebrin\u00eb, ku sipas Met\u00ebs opozita do t\u00eb marr\u00eb 84 mandate dhe n\u00eb 11 maj do t\u00eb marr\u00eb fund autoktacia.<\/span><\/p>\n

Kreu i Partis\u00eb s\u00eb Liris\u00eb thot\u00eb se organizata e tij politike do t\u00eb jet\u00eb garancia p\u00ebr rikthimin e demokracis\u00eb dhe funksionimin e v\u00ebrtet\u00eb t\u00eb parlamentit, nd\u00ebrsa theksoi se koalicioni \u201cPD-Aleanca p\u00ebr Shqip\u00ebrin\u00eb Madh\u00ebshtore\u201d, duhet t\u00eb arrij\u00eb nj\u00eb fitore me 84 mandate.<\/span><\/p>\n

 <\/p>\n

 <\/p>\n

Letra e Ilir Met\u00ebs<\/span><\/p>\n

T\u00eb dashur qytetar\u00eb,<\/em><\/span><\/p>\n

Meta p\u00ebr Tiran\u00ebn, do t\u00eb jet\u00eb garanci p\u00ebr demokraci. M\u00eb 11 Maj jam i bindur se do t\u00eb jet\u00eb fundi i kryetarokracis\u00eb dhe garancia m\u00eb e sigurt p\u00ebr k\u00ebt\u00eb do t\u00eb jet\u00eb Partia e Liris\u00eb dhe rezultati i jasht\u00ebzakonsh\u00ebm, q\u00eb ajo do t\u00eb arrij\u00eb, n\u00eb radh\u00eb t\u00eb par\u00eb n\u00eb Tiran\u00eb, por edhe n\u00eb 8 Qarqet e tjera. Ky \u00ebsht\u00eb misioni yn\u00eb kryesor, 17 vite nga viti 2008 kur Edi Rama imponoi ndryshimet kushtetuese duke kusht\u00ebzuar listat e mbyllura, pasojat e t\u00eb cilave jan\u00eb katastrofike, si\u00e7 i prekim t\u00eb gjith\u00eb sot. Bashk\u00eb me deputet\u00ebt e LSI at\u00ebhere dhe disa koleg\u00eb deputet\u00eb t\u00eb partive t\u00eb tjera, b\u00ebm\u00eb edhe grev\u00eb urie n\u00eb Kuvend p\u00ebr t\u00eb kund\u00ebrshtuar dhunimin q\u00eb iu b\u00eb Kushtetut\u00ebs brenda nat\u00ebs dhe duke paralajm\u00ebruar minimin e parlamentarizimit dhe t\u00eb llogaridh\u00ebnies.<\/em><\/span><\/p>\n

Ndaj 11 Maji jam i bindur se do t\u00eb jet\u00eb hera e fundit kur qytetar\u00ebt shqiptar\u00eb nuk e din\u00eb se cili \u00ebsht\u00eb deputeti i tyre, t\u00eb cilit duhet t\u2019i k\u00ebrkojn\u00eb llogari gjat\u00eb 4 viteve.<\/em><\/span><\/p>\n

Partia e Liris\u00eb \u00ebsht\u00eb n\u00eb k\u00ebt\u00eb koalicion \u201cPD-Aleanca p\u00ebr Shqip\u00ebrin\u00eb Madh\u00ebshtore\u201d jo vet\u00ebm p\u00ebr t\u00eb p\u00ebrmbysur Narkoregjimin, por mbi t\u00eb gjitha p\u00ebr t\u00eb rivendosur p\u00ebrgjithmon\u00eb demokracin\u00eb funksionale dhe garantuar kontrollin e qytetar\u00ebve ndaj deputet\u00ebve. P\u00ebr k\u00ebt\u00eb koalicioni yn\u00eb duhet t\u00eb arrij\u00eb nj\u00eb fitore me 84 mandate, n\u00eb m\u00ebnyr\u00eb q\u00eb opozita e ardhshme e \u201cRilindjes\u201d t\u00eb mos ket\u00eb asnj\u00eb shans t\u00eb bllokoj\u00eb k\u00ebt\u00eb rikthim t\u00eb demokracis\u00eb dhe fuqizimin e p\u00ebrhersh\u00ebm t\u00eb qytetar\u00ebve.<\/em><\/span><\/p>\n

P\u00ebr k\u00ebt\u00eb Partia e Liris\u00eb do t\u00eb b\u00ebj\u00eb betej\u00ebn m\u00eb madhore n\u00eb sh\u00ebrbim t\u00eb vendit duke p\u00ebrmbushur nj\u00eb mision historik t\u00eb nisur 17 vite m\u00eb pare. M\u00eb 11 Maj na duhet s\u00eb pari n\u00eb Tiran\u00eb t\u00eb realizojm\u00eb nj\u00eb rezultat historik dhe spektakolar dhe m\u00eb t\u00eb lartin n\u00eb k\u00ebto 20 vite, q\u00eb nga themelimi i k\u00ebsaj force politike.<\/em><\/span><\/p>\n

Partia e Liris\u00eb nuk ka hyr\u00eb n\u00eb koalicionin \u201cPD-Aleanca p\u00ebr Shqip\u00ebrin\u00eb Madh\u00ebshtore\u201d as p\u00ebr t\u00eb p\u00ebrfituar 2 deputet\u00eb n\u00eb listat e mbyllura n\u00eb Tiran\u00eb apo 4 n\u00eb t\u00eb gjith\u00eb Shqip\u00ebrin\u00eb. As p\u00ebr t\u00eb b\u00ebr\u00eb Ilir Met\u00ebn deputet, se nj\u00eb mandat t\u00eb till\u00eb mund ta marrim edhe me 15 mij\u00eb vota. Por \u00e7far\u00eb vlere kan\u00eb 3 deputet\u00eb me nga 5 mij\u00eb vota secili? K\u00ebta jan\u00eb gjys\u00ebm-deputet.<\/em><\/span><\/p>\n

Jo. Ne hyjm\u00eb jo p\u00ebr t\u2019u marr\u00eb 2 apo 3 deputet\u00eb demokrat\u00ebve, por p\u00ebr t\u2019u dh\u00ebn\u00eb t\u00eb pakt\u00ebn edhe 2 deputet\u00eb t\u00eb tjer\u00eb q\u00eb ata kurr\u00eb nuk do t\u00eb mund t\u2019i merrnin pa Partin\u00eb e Liris\u00eb. P\u00ebr k\u00ebt\u00eb q\u00ebllim madhor na duhet minimumi t\u00eb fitojm\u00eb mbi 50 mij\u00eb vota n\u00eb Qarkun e Tiran\u00ebs, pa p\u00ebrfshir\u00eb diaspor\u00ebn, aq sa ka qen\u00eb rezultati i LSI n\u00eb vitin 2017 n\u00eb betej\u00ebn m\u00eb t\u00eb v\u00ebshtir\u00eb kund\u00ebr koalicionit m\u00eb t\u00eb madh t\u00eb 17 Majit q\u00eb synonte shfarosjen e LSI. Ndaj vota p\u00ebr Ilir Met\u00ebn n\u00eb list\u00ebn e hapur t\u00eb Qarkut t\u00eb Tiran\u00ebs, t\u00eb koalicionit \u201cPD-Aleanca p\u00ebr Shqip\u00ebrin\u00eb Madh\u00ebshtore\u201d \u00ebsht\u00eb vota e Partis\u00eb s\u00eb Liris\u00eb, por edhe garancia e rikthimit t\u00eb demokracis\u00eb n\u00eb m\u00ebnyr\u00eb t\u00eb p\u00ebrhershme.<\/em><\/span><\/p>\n

Nd\u00ebrkoh\u00eb, Partia e Liris\u00eb garanton se kushti i par\u00eb dhe i padiskutuesh\u00ebm i koalicionit t\u00eb ardhsh\u00ebm qeveris\u00ebs do t\u00eb jet\u00eb zhdukja e listave t\u00eb mbyllura, q\u00eb imponoi Edi Rama 17 vite m\u00eb par\u00eb p\u00ebr t\u00eb shkallmuar parlamentarizmin dhe llogaridh\u00ebnien.<\/em><\/span><\/p>\n

Jam i bindur se kjo do t\u00eb mb\u00ebshtetet plot\u00ebsisht edhe nga Partia Demokratike, PDIU dhe aleat\u00ebt e tjer\u00eb.<\/em><\/span><\/p>\n

Me k\u00ebt\u00eb rast dua t\u00eb vler\u00ebsoj shum\u00eb edhe kandidimin e Kryetarit t\u00eb PDIU-s\u00eb n\u00eb list\u00ebn e hapur p\u00ebr Qarkun e Tiran\u00ebs.<\/em><\/span><\/p>\n

K\u00ebshtu do t\u00eb marr\u00eb fund kjo situat\u00eb absurde q\u00eb ka shpikur Edi Rama, ku shumica e deputet\u00ebve jan\u00eb t\u00eb n\u00ebn\u00ebs dhe pakica jan\u00eb t\u00eb njerk\u00ebs.<\/em><\/span><\/p>\n

Nd\u00ebrkoh\u00eb q\u00eb shqiptar\u00ebt praktikisht ftohen t\u00eb votojn\u00eb p\u00ebr pakic\u00ebn e deputet\u00ebve, sepse shumica e deputet\u00ebve t\u00eb ardhsh\u00ebm jan\u00eb ky\u00e7ur n\u00eb sirtarin e KQZ-s\u00eb me firm\u00ebn e Edi Ram\u00ebs.<\/em><\/span><\/p>\n

Edhe 6 jav\u00eb p\u00ebr t\u00eb shporrur listat e mbyllura t\u00eb Edi Ram\u00ebs dhe \u201cRilindjes\u201d dhe garancia e Partis\u00eb s\u00eb Liris\u00eb dhe Ilir Met\u00ebs \u00ebsht\u00eb e pakthyeshme.<\/em><\/span><\/p>\n

Ndaj p\u00ebr Ilir Met\u00ebn nuk do t\u00eb votojn\u00eb vet\u00ebm t\u00eb gjith\u00eb votuesit e Partis\u00eb s\u00eb Liris\u00eb, por edhe t\u00eb gjith\u00eb socialist\u00ebt q\u00eb u eksterminuan pjes\u00eb-pjes\u00eb nga Edi Rama gjat\u00eb 17 viteve, me pabesi, p\u00ebr t\u2019i z\u00ebvend\u00ebsuar sot me anonim\u00eb kok\u00ebulur dhe karton ngritur.<\/em><\/span><\/p>\n

P\u00ebrsh\u00ebndes fuqimisht edhe deklarat\u00ebn e mbr\u00ebmshme t\u00eb liderit t\u00eb Partis\u00eb Demokratike dhe Kryetarit t\u00eb koalicionit \u201cPD \u2013 Aleanca p\u00ebr Shqip\u00ebrin\u00eb Madh\u00ebshtore\u201d, Prof.Dr Sali Berisha, se do t\u00eb p\u00ebrkrah\u00eb listat e hapura p\u00ebr t\u2019ua kthyer deputet\u00ebt qytetar\u00ebve dhe p\u00ebr t\u2019i rikthyer pushtetin sovranit ashtu si\u00e7 e p\u00ebrcakton Kushtetuta e Republik\u00ebs s\u00eb Shqip\u00ebris\u00eb.<\/em><\/span><\/p>\n

Pengmarrja nga Edi Rama e demokracis\u00eb, e parlamentarizmit, e llogaridh\u00ebnies i ka dit\u00ebt e num\u00ebruara dhe listat e mbyllura q\u00eb ai shpiku, do t\u00eb hidhen n\u00eb koshin e plehrave t\u00eb historis\u00eb m\u00eb 11 Maj.<\/em><\/span><\/p>\n

U b\u00ebj thirrj\u00eb t\u00eb gjith\u00eb an\u00ebtar\u00ebve, simpatizant\u00ebve t\u00eb Partis\u00eb s\u00eb Liris\u00eb, t\u00eb gjith\u00eb atyre q\u00eb na kan\u00eb ndjekur n\u00eb 20 vite, p\u00ebr shkak t\u00eb kauzave t\u00eb m\u00ebdha, por edhe t\u00eb gjith\u00eb qytetar\u00ebve q\u00eb jan\u00eb b\u00ebr\u00eb indiferent\u00eb p\u00ebr shkak edhe t\u00eb listave t\u00eb mbyllura q\u00eb nuk i p\u00ebrfaq\u00ebsojn\u00eb, q\u00eb t\u00eb angazhohen, q\u00eb nga ura e Rogozhin\u00ebs e t\u00eb ura e Fush\u00eb-Kruj\u00ebs, nga n\u00ebnkalimi i Maminasit e te tuneli i Krrab\u00ebs, t\u00eb mobilizohen si kurr\u00eb m\u00eb par\u00eb n\u00eb k\u00ebt\u00eb betej\u00eb historike t\u00eb 11 Majit q\u00eb do ndaj\u00eb epokat.<\/em><\/span><\/p>\n

Ta kthejm\u00eb 11 Majin n\u00eb nj\u00eb referendum kund\u00ebr listave t\u00eb mbyllura q\u00eb instaluan Narkoregjimin dhe n\u00eb nj\u00eb referendum q\u00eb garanton listat e hapura 100%, p\u00ebrgjithmon\u00eb, duke ja rikthyer fuqin\u00eb qytetar\u00ebve dhe sovranit.<\/em><\/span><\/p>\n

Jam i bindur se kjo do t\u00eb ndodh\u00eb kudo, n\u00eb t\u00eb gjith\u00eb Shqip\u00ebrin\u00eb, nga Saranda e deri n\u00eb Tropoj\u00eb.<\/em><\/span><\/p>\n