![\"\"](\"https:\/\/www.hashtag.al\/wp-content\/uploads\/2025\/03\/Veliaj-shoqerimi-.jpg\")
<\/p>\n<\/p>\n
Inspektori i Lart\u00eb i Drejt\u00ebsis\u00eb dhe K\u00ebshilli i Lart\u00eb i Prokuroris\u00eb konfirmuan marrjen e ankes\u00ebs s\u00eb kryebashkiakut Erion Veliaj ndaj prokurorit Ols Dado dhe than\u00eb se po e shqyrtonin at\u00eb n\u00eb p\u00ebrputhje me ligjin.<\/em><\/span><\/p>\n Nga Edmond Hoxhaj<\/span><\/strong><\/p>\n Pas nj\u00eb serie akuzash dhe fyerjesh nga qelia n\u00eb adres\u00eb t\u00eb prokurorit t\u00eb SPAK, Ols Dado, kryetari i Bashkis\u00eb s\u00eb Tiran\u00ebs, Erion Veliaj iu drejtua me ankesa zyr\u00ebs s\u00eb Inspektorit t\u00eb Lart\u00eb t\u00eb Drejt\u00ebsis\u00eb dhe K\u00ebshillit t\u00eb Lart\u00eb t\u00eb Prokuroris\u00eb, duke k\u00ebrkuar pezullimin e prokurorit t\u00eb \u00e7\u00ebshtjes s\u00eb tij nga detyra.<\/span><\/p>\n Sipas nj\u00eb kopje t\u00eb ankes\u00ebs s\u00eb publikuar nga disa media t\u00eb premten, Veliaj k\u00ebrkon pezullimin e Dados me pretendimin se ai po e hetonte \u00e7\u00ebshtjen e tij n\u00eb kushtet e konfliktit t\u00eb interesit, p\u00ebr shkak se sipas Veliajt, kishte k\u00ebrkuar nj\u00eb leje nd\u00ebrtimi dhe kur i ishte refuzuar nj\u00eb k\u00ebrkes\u00eb p\u00ebr kate shtes\u00eb, e kishte k\u00ebrc\u00ebnuar dhe shantazhuar.<\/span><\/p>\n P\u00ebrmes ankes\u00ebs s\u00eb ILD, Veliaj k\u00ebrkon fillimin e procedurave p\u00ebr procedim disiplinor ndaj prokurorit Ols Dado p\u00ebr shkelje n\u00eb shqyrtimin e \u00e7\u00ebshtjes penale n\u00eb ngarkim t\u00eb tij, si dhe pezullimin nga detyra.<\/span><\/p>\n Inspektori i Lart\u00eb i Drejt\u00ebsis\u00eb konfirmoi p\u00ebr BIRN se ankesa e Veliajt kishte mb\u00ebrritur dhe ishte protokolluar t\u00eb h\u00ebn\u00ebn. Edhe K\u00ebshilli i Lart\u00eb i Prokuroris\u00eb tha p\u00ebrmes nj\u00eb z\u00ebdh\u00ebn\u00ebseje se ankesa e Veliajt kishte mb\u00ebrritur dhe \u201cpo trajtohej\u201d.<\/span><\/p>\n K\u00ebshilltarja p\u00ebr komunikimin dhe median n\u00eb ILD, Mimoza Ko\u00e7i tha se \u201cankesa do t\u00eb shqyrtohet n\u00eb p\u00ebrputhje me ligjin dhe ankuesi do t\u00eb njoftohet p\u00ebr \u00e7do vendim q\u00eb do t\u00eb merret mbi k\u00ebt\u00eb ankes\u00eb\u201d.<\/span><\/p>\n Por Ko\u00e7iu sqaroi p\u00ebr BIRN se procedurat e ndjekura nga ILD kushtojn\u00eb koh\u00eb dhe kalojn\u00eb fillimisht p\u00ebrmes nj\u00eb shqyrtimi fillestar dhe m\u00eb pas, n\u00ebse rezulton se ka t\u00eb dh\u00ebna q\u00eb nuk justifikojn\u00eb arkivimin e \u00e7\u00ebshtjes, mund t\u00eb iniciojn\u00eb nj\u00eb procedim disiplinor, i cili zgjat sipas ligjit nga 6 deri n\u00eb 9 muaj.<\/span><\/p>\n Megjithat\u00eb, ILD nuk ka autoritet p\u00ebr t\u00eb shqyrtuar apo ndryshuar vendimin e magjistrat\u00ebve.<\/span><\/p>\n \u201cInspektori i Lart\u00eb i Drejt\u00ebsis\u00eb heton shkeljet disiplinore, q\u00eb magjistrat\u00ebt mund t\u00eb kryejn\u00eb gjat\u00eb ushtrimit t\u00eb funksionit t\u00eb tyre ose jasht\u00eb tij. Pra, Inspektori i Lart\u00eb i Drejt\u00ebsis\u00eb nuk ka asnj\u00eb autoritet, q\u00eb t\u00eb ndikoj\u00eb tek gjyqtari apo prokurori, q\u00eb ju t\u00eb merrni nj\u00eb rezultat t\u00eb ndrysh\u00ebm n\u00eb \u00e7\u00ebshtjen tuaj. N\u00ebse keni nd\u00ebrmend t\u00eb ndryshoni rezultatin e \u00e7\u00ebshtjes suaj, at\u00ebher\u00eb duhet t\u00eb ndiqni rrug\u00ebn e apelimit gjyq\u00ebsor,\u201d thuhet n\u00eb p\u00ebrgjigjen q\u00eb ILD i nisi BIRN lidhur me procedurat.<\/span><\/p>\n Kryebashkiaku i Tiran\u00ebs, Erion Veliaj u arrestua me 10 shkurt i akuzuar p\u00ebr veprat penale t\u00eb korrupsionit dhe pastrimit t\u00eb parave. Sipas vendimit p\u00ebr mas\u00ebn e siguris\u00eb, Veliaj akuzohet se s\u00eb bashku me bashk\u00ebshorten Ajola Xoxa kishte krijuar nj\u00eb skem\u00eb korruptive komplekse p\u00ebr transferimin e fondeve nga Bashkia e Tiran\u00ebs apo kontraktor\u00eb t\u00eb saj n\u00eb drejtim t\u00eb nj\u00eb grupi OJF-sh apo personash fizik\u00eb, q\u00eb sipas SPAK kontrolloheshin nga Xoxa.<\/span><\/p>\n Prej jav\u00ebsh, duke shfryt\u00ebzuar faqen e tij n\u00eb Facebook dhe nj\u00eb mori mediash q\u00eb ia shp\u00ebrndajn\u00eb mesazhet pa filtra, Veliaj ka v\u00ebn\u00eb n\u00eb sh\u00ebnjest\u00ebr prokurorin Ols Dado, duke p\u00ebrdorur fyerje e epitete denigruese, duke ngritur pretendime p\u00ebr armiq\u00ebsi personale, p\u00ebr paaft\u00ebsi dhe lidhje t\u00eb prokurorit me ish-kryeministrin Sali Berisha. N\u00eb shenjest\u00ebr t\u00eb sulmeve ka qen\u00eb edhe gjyqtari q\u00eb firmosi mas\u00ebn e arrestit, Erjon Bani.<\/span><\/p>\n