{"id":725084,"date":"2025-02-16T16:58:38","date_gmt":"2025-02-16T15:58:38","guid":{"rendered":"https:\/\/www.hashtag.al\/?p=725084"},"modified":"2025-02-16T16:58:38","modified_gmt":"2025-02-16T15:58:38","slug":"veliaj-ndertuesi-prokuror-ols-dado-sigurims-e-deshtak-me-burgosi-per-apartamentin-e-vjehrrit-ne-qerret","status":"publish","type":"post","link":"https:\/\/www.hashtag.al\/index.php\/2025\/02\/16\/veliaj-ndertuesi-prokuror-ols-dado-sigurims-e-deshtak-me-burgosi-per-apartamentin-e-vjehrrit-ne-qerret\/","title":{"rendered":"Veliaj: Nd\u00ebrtuesi prokuror Ols Dado, sigurims e d\u00ebshtak m\u00eb burgosi p\u00ebr apartamentin e vjehrrit n\u00eb Qerret","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Kryebashkiaku i Tiran\u00ebs Veliaj ka reaguar s\u00ebrish nga qelia duke denoncuar prokurorin e dosjes s\u00eb tij Olsi Dado t\u00eb cilin e quan \u201cOls nd\u00ebrtuesi\u201d dhe gjyqtarin Erjon Bani t\u00eb cilin e quan \u201cgjykat\u00ebsi i thertores\u201d. <\/span><\/p>\n

Ai sqaron nj\u00eb nga \u00e7\u00ebshtjet n\u00eb dosje, at\u00eb t\u00eb nj\u00eb apartamenti n\u00eb Qerret, i cili thot\u00eb prokurori i SPAK-ut \u00ebsht\u00eb i Veliajt nd\u00ebrkoh\u00eb q\u00eb Veliaj thot\u00eb se i p\u00ebrlet vjehrrit t\u00eb tij Arben Xoxa. <\/span><\/p>\n

Nd\u00ebrsa e p\u00ebrmend n\u00eb disa raste em\u00ebrtimin Ols nd\u00ebrtuesi, kryebashkiaku jep argumentet e tij pse sht\u00ebpia i p\u00ebrket vjehrrit t\u00eb tij. N\u00eb fund Veliaj shkruan se Olsi Dado \u00ebsht\u00eb prokuror pervers q\u00eb ka fuqin\u00eb t\u00eb fyej\u00eb inteligjenc\u00ebn n\u00eb form\u00ebn m\u00eb mbres\u00ebl\u00ebn\u00ebse.<\/span><\/p>\n

\u201cT\u00eb dashur miq e dashamir\u00ebs,<\/em><\/span><\/p>\n

K\u00ebt\u00eb muaj mbushen 6 vjet nga vdekja e Arben Xox\u00ebs, qytetar model, nj\u00eb njeri i letrave trash\u00ebguar prej Jakovit, profesor, drejtues n\u00eb RTSH, botues i Botimeve Enciklopedike dhe sip\u00ebrmarr\u00ebs i suksessh\u00ebm pas viteve ’90. K\u00ebt\u00eb muaj do duhej ta p\u00ebrkujtonim me respekt, por me vendim t\u00eb nd\u00ebrtuesit noter Olsi Dado, po persekutohet edhe n\u00eb at\u00eb bot\u00eb!<\/em><\/span><\/p>\n

Nd\u00ebrtuesi prokuror, pretendon se sht\u00ebpia e Arben Xox\u00ebs n\u00eb Qerret – t\u00eb cil\u00ebn e ka pasur q\u00eb p\u00ebrpara se t\u00eb isha un\u00eb n\u00eb politik\u00eb, madje apartamentin fillestar, p\u00ebrpara se t\u00eb martohesha me Ajol\u00ebn – nuk \u00ebsht\u00eb n\u00eb fakt e tija, por e imja. <\/em><\/span><\/p>\n

Po me cilat prova? Ols nd\u00ebrtuesi thot\u00eb se shoferi i 4 muajve t\u00eb fundit t\u00eb jet\u00ebs s\u00eb Arbenit nuk e ka \u00e7uar n\u00eb plazh. M\u00eb fal, por n\u00ebse 4 muajt e fundit t\u00eb jet\u00ebs ishte pacient me tumor n\u00eb kok\u00eb, n\u00ebn regjimin spitalor t\u00eb doktor Petrel\u00ebs, pse do shkonte n\u00eb plazh? Dhe i pas\u00ebmur\u00eb, pse do vente robi n\u00eb plazh n\u00eb dim\u00ebr, N\u00ebntor, Dhjetor, Janar, Shkurt? <\/em><\/span><\/p>\n

Madje, Ols violina, insiston se Arben Xoxa s\u2019ka qen\u00eb kurr\u00eb n\u00eb sht\u00ebpin\u00eb e tij! Po mir\u00eb, po ky n\u00eb foto kush \u00ebsht\u00eb? Ndjes\u00eb past\u00eb, aty \u00ebsht\u00eb edhe Ganimet Vendresha, gjyshja e ndjer\u00eb, ish primabalerina e par\u00eb n\u00eb TOB te shfaqja \u2018Halili & Hajria\u2019. Bashk\u00eb me ta, sopranoja e pianistja e njohur, duke drekuar! <\/em><\/span><\/p>\n

Q\u00eb Ols d\u00ebshtaku n\u00eb violin\u00eb, as n\u00eb \u00ebnd\u00ebrr s\u2019do ulej dot me kaq artist\u00eb, kjo s\u2019do mend! Por, fotoja, si minimum, \u00ebsht\u00eb b\u00ebr\u00eb kur njer\u00ebzit ishin gjall\u00eb – apo jo Sherlock? Pra, t\u00eb pakt\u00ebn 6 vite m\u00eb par\u00eb, zoti sigurims? Pra, si minimum, ver\u00ebn e 2018-\u00ebs, se jan\u00eb me veshje me m\u00ebng\u00eb t\u00eb shkurtra, e gjat\u00eb dimrit, i zoti i sht\u00ebpis\u00eb zuri spitalin e nd\u00ebrroi jet\u00eb n\u00eb Shkurt 2019. Po si, at\u00ebher\u00eb, pretendon q\u00eb s\u2019ka qen\u00eb kurr\u00eb? <\/em><\/span><\/p>\n

Po un\u00eb pse s’do e deklaroja po ta kisha? Po tani \u00e7’t\u00eb b\u00ebj? Djali t\u00eb mos vej\u00eb te gjyshja me lodra, se i veshin pron\u00ebn? Pra, po kjo gjykat\u00eb, q\u00eb i thot\u00eb Saliut vila n\u00eb Lal\u00ebz \u00ebsht\u00eb e vajz\u00ebs, ndaj mund t\u00eb shkosh, i thot\u00eb nipit t\u00eb Arben Xox\u00ebs, ti nuk mund t\u00eb vesh te gjyshja? Dhe k\u00ebt\u00eb e bekon adashi kasap, gjykat\u00ebsi i thertores Erjon Bani: T\u00eb gjith\u00eb t\u00eb barabart\u00eb para ligjit, por disa – si Sali k\u00ebrma – m\u00eb t\u00eb barabart\u00eb se t\u00eb tjer\u00ebt! <\/em><\/span><\/p>\n

N\u00eb fund, ky prokuror pervers, q\u00eb sillet si hasani i grave t\u00eb bot\u00ebs, ka fuqin\u00eb t\u00eb ta fyej\u00eb inteligjenc\u00ebn n\u00eb m\u00ebnyr\u00ebn m\u00eb mbres\u00ebl\u00ebn\u00ebse! Beni v\u00ebrtet s’jeton m\u00eb, por t\u00eb pakt\u00ebn ju kursyen dit\u00ebt kur drejt\u00ebsia ka p\u00ebrfunduar n\u00eb llogjik\u00ebn nj\u00ebqelizore t\u00eb nj\u00eb parameci funksional! <\/em><\/span><\/p>\n

Nj\u00eb t\u00eb diel\u00eb plot diell e dashuri p\u00ebr t\u00eb gjith\u00eb!\u201d<\/em><\/span><\/p>\n

\"\"\"\"
\n