{"id":719497,"date":"2025-01-15T12:11:28","date_gmt":"2025-01-15T11:11:28","guid":{"rendered":"https:\/\/www.hashtag.al\/?p=719497"},"modified":"2025-01-15T12:11:28","modified_gmt":"2025-01-15T11:11:28","slug":"kreu-i-demokrateve-euroatlantike-perkujton-masakren-e-recakut","status":"publish","type":"post","link":"https:\/\/www.hashtag.al\/index.php\/2025\/01\/15\/kreu-i-demokrateve-euroatlantike-perkujton-masakren-e-recakut\/","title":{"rendered":"Kreu i Demokrat\u00ebve Euroatlantik\u00eb p\u00ebrkujton masakr\u00ebn e Re\u00e7akut","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Kreu i Demokrat\u00ebve Euroatlantik\u00eb Lulzim Basha ka p\u00ebrkujtuar masakr\u00ebn e Re\u00e7akut n\u00eb Kosov\u00eb. <\/span><\/p>\n

Ai shkruan masakrimi i 45 burrave, grave e f\u00ebmij\u00ebve t\u00eb pafajsh\u00ebm ishte nd\u00ebr episodet m\u00eb trondit\u00ebse dhe vendimtare t\u00eb Kocov\u00ebs n\u00eb rrug\u00ebn e saj drejt liris\u00eb.<\/span><\/p>\n

Ai shton se drejt\u00ebsia p\u00ebr masakr\u00ebn e Re\u00e7akut si dhe krimet e tjera ndaj shqiptar\u00ebve t\u00eb Kosov\u00ebs \u00ebsht\u00eb thelb\u00ebsore.<\/span><\/p>\n

\u201cMasakra e Re\u00e7akut 26 vite m\u00eb par\u00eb, ku u martirizuan 45 burra, gra dhe t\u00eb f\u00ebmij\u00eb t\u00eb pafajsh\u00ebm, mbetet nj\u00eb nga episodet m\u00eb trondit\u00ebse dhe vendimtare n\u00eb rrug\u00ebtimin e Kosov\u00ebs drejt liris\u00eb. Kjo tragjedi zgjoi nd\u00ebrgjegjen e bashk\u00ebsis\u00eb nd\u00ebrkomb\u00ebtare, duke i hapur syt\u00eb p\u00ebr spastrimin etnik dhe aktet gjenocidale q\u00eb regjimi i Milloshevi\u00e7it po kryente ndaj popullsis\u00eb civile shqiptare. Sot, Re\u00e7aku \u00ebsht\u00eb dhe do t\u00eb mbetet simboli i sakrific\u00ebs s\u00eb jasht\u00ebzakonshme t\u00eb nj\u00eb populli q\u00eb luftoi p\u00ebr dinjitet dhe vet\u00ebvendosje, si dhe nj\u00eb d\u00ebshmi e nevoj\u00ebs s\u00eb vazhdueshme p\u00ebr drejt\u00ebsi dhe ballafaqim me t\u00eb v\u00ebrtet\u00ebn. Drejt\u00ebsia p\u00ebr Re\u00e7akun, ashtu si edhe p\u00ebr t\u00eb gjitha krimet mizore kund\u00ebr popullsis\u00eb civile n\u00eb Kosov\u00eb, \u00ebsht\u00eb thelb\u00ebsore p\u00ebr t\u00eb sh\u00ebruar plag\u00ebt e s\u00eb shkuar\u00ebs, q\u00eb vijojn\u00eb t\u00eb s\u00ebmbojn\u00eb p\u00ebr shkak t\u00eb mohimit t\u00eb tyre. Mir\u00ebnjohje e thell\u00eb p\u00ebr kontributin e jasht\u00ebzakonsh\u00ebm t\u00eb Ambasadorit William G. Walker, i cili, si Shef i Misionit Verifikues t\u00eb OSBE-s\u00eb, i tregoi bot\u00ebs mbar\u00eb, se ajo q\u00eb po ndodhte n\u00ebn regjimin e Milloshevi\u00e7it n\u00eb Kosov\u00eb ishte spastrim etnik, nd\u00ebrsa me librin e tij \u201cRe\u00e7ak: Historia e nj\u00eb krimi lufte\u201d, ia dor\u00ebzoi historis\u00eb aktet barbare ndaj civil\u00ebve shqiptar\u00eb, duke e b\u00ebr\u00eb t\u00eb pamundur q\u00eb ato t\u00eb harrohen dhe p\u00ebrs\u00ebriten. I paharruar kujtimi i martir\u00ebve t\u00eb Re\u00e7akut!\u201d<\/em><\/span><\/p>\n