![\"\"](\"https:\/\/www.hashtag.al\/wp-content\/uploads\/2024\/12\/Screenshot-2024-12-28-184018-300x164.png\")
<\/span><\/p>\nN\u00eb Shqip\u00ebri, pavar\u00ebsisht se hetimet e Prokuroris\u00eb s\u00eb Posa\u00e7me kan\u00eb p\u00ebrfshir\u00eb zyrtar\u00eb t\u00eb niveleve t\u00eb larta dhe p\u00ebrfaq\u00ebsues\u00eb po ashtu t\u00eb lart\u00eb t\u00eb Partis\u00eb Socialiste n\u00eb pushtet, kryeministri Edi Rama thot\u00eb se \u00ebsht\u00eb i qet\u00eb e i vendosur q\u00eb beteja ndaj pand\u00ebshueshm\u00ebris\u00eb t\u00eb vijoj\u00eb.<\/span><\/p>\n N\u00eb nj\u00eb intervist\u00eb p\u00ebr Z\u00ebrin e Amerik\u00ebs, kryeministri b\u00ebn nj\u00eb bilanc t\u00eb zhvillimeve kryesore t\u00eb vendit, q\u00eb nga p\u00ebrparimi n\u00eb integrimin europian, te ekonomia, debati p\u00ebr opinionin e Komisionit t\u00eb Venecias p\u00ebr rastin e mandatit t\u00eb ish ministres Olta Xha\u00e7ka e pritshm\u00ebrit\u00eb p\u00ebr zgjedhjet e ardhshme parlamentare<\/span><\/p>\n Z\u00ebri i Amerik\u00ebs:<\/em><\/strong> Zoti kryeminist\u00ebr, s\u00eb pari, faleminderit p\u00ebr k\u00ebt\u00eb intervist\u00eb n\u00eb fund t\u00eb vitit me Z\u00ebrin e Amerik\u00ebs. Do t\u00eb doja ta nisja me nj\u00eb ngjarje t\u00eb r\u00ebnd\u00ebsishme p\u00ebr Shqip\u00ebrin\u00eb gjat\u00eb k\u00ebtij viti, p\u00ebrparimin e saj n\u00eb integrimin drejt Bashkimit Europian. Brenda dy muajsh, Shqip\u00ebria arriti t\u00eb hap\u00eb dy grupe kapitujsh. Megjithat\u00eb ambicia juaj \u00ebsht\u00eb q\u00eb bisedimet t\u00eb mbyllen brenda vitit 2027. Sa realiste \u00ebsht\u00eb kjo, duke patur parasysh q\u00eb fqinj\u00ebt tan\u00eb kan\u00eb kaluar vite t\u00eb t\u00ebra e ende jan\u00eb larg?<\/em><\/span><\/p>\n Kryeministri Rama<\/em><\/strong>: Kjo nuk \u00ebsht\u00eb ambicia ime tanim\u00eb, por \u00ebsht\u00eb plani i p\u00ebrbashk\u00ebt strategjik i shkruar dhe i dakord\u00ebsuar s\u00eb bashku me Komisionin Europian. \u00cbsht\u00eb nj\u00eb plan konkret, me hapa konkrete, me data konkrete dhe \u00ebsht\u00eb shum\u00eb ambicioz, por ne jemi t\u00eb angazhuar q\u00eb ta realizojm\u00eb pik\u00eb p\u00ebr pik\u00eb dhe q\u00eb, p\u00ebrsa na takon, detyrat p\u00ebr mbylljen e negociatave t\u2019i kemi kryer brenda vitit, q\u00eb kemi p\u00ebrcaktuar.<\/em><\/span><\/p>\n Z\u00ebri i Amerik\u00ebs:<\/em><\/strong> A \u00ebsht\u00eb e p\u00ebrgatitur administrata shqiptare p\u00ebr ta p\u00ebrballuar k\u00ebt\u00eb proces? Sepse po i referohem k\u00ebtu raportit t\u00eb fundit t\u00eb Komisionit Europian, dhe m\u00eb lejoni t\u00eb citoj, ku thuhet se qeveria, p\u00ebr shembull, \u201cvazhdoi t\u00eb miratonte politikat dhe ligjet, duke ngritur shqet\u00ebsime n\u00eb lidhje me respektimin e standardeve t\u00eb BE-s\u00eb\u201d, apo se \u201cnj\u00eb pjes\u00eb e mir\u00eb e rekomandimeve t\u00eb Komisionit Europian ose ishin zbatuar pjes\u00ebrisht, ose nuk ishin zbatuar fare\u201d.<\/em><\/span><\/p>\n Kryeministri Rama<\/em><\/strong>: K\u00ebto nuk kan\u00eb asnj\u00eb lidhje me pyetjen apo me p\u00ebrmbajtjen e pyetjes p\u00ebr administrat\u00ebn, sepse sa e p\u00ebrgatitur \u00ebsht\u00eb administrata jon\u00eb kjo natyrisht nuk duket, n\u00ebse ndjek lumenjt\u00eb e lajmeve, ku gjysm\u00eb t\u00eb v\u00ebrtetat q\u00eb jan\u00eb edhe g\u00ebnjeshtrat m\u00eb t\u00eb m\u00ebdha, po edhe g\u00ebnjeshtrat safi jan\u00eb material sundues. Por kjo duket nga faktet dhe fakti m\u00eb kuptimplot\u00eb p\u00ebr p\u00ebrgatitjen e administrat\u00ebs son\u00eb \u00ebsht\u00eb fakti q\u00eb administrata jon\u00eb p\u00ebrballoi jo vet\u00ebm me sukses, por edhe n\u00ebn syt\u00eb e befasuar t\u00eb Komisionit Europian t\u00eb gjith\u00eb procesin e p\u00ebrgatitjes s\u00eb negociatave, q\u00eb \u00ebsht\u00eb nj\u00eb proces jasht\u00ebzakonisht i v\u00ebshtir\u00eb.<\/em><\/span><\/p>\n Nga ana tjet\u00ebr, administrat\u00ebn ton\u00eb e gjykojn\u00eb institucione prestigjioze, t\u00eb cilat funksionojn\u00eb si institucione t\u00eb Bashkimit Europian, ku kam parasysh n\u00eb k\u00ebt\u00eb rast SIGMA-n, q\u00eb e cil\u00ebson administrat\u00ebn ton\u00eb, n\u00eb mos gabohem, n\u00eb 4 nga 5 fusha t\u00eb hulumtimit t\u00eb kapaciteteve t\u00eb administrat\u00ebs, si m\u00eb t\u00eb mir\u00ebn n\u00eb rajon.<\/em><\/span><\/p>\n Z\u00ebri i Amerik\u00ebs<\/em><\/strong>: Zoti kryeminist\u00ebr, korrupsioni mbetet nj\u00eb tem\u00eb gjer\u00ebsisht e debatuar edhe nd\u00ebr vite. Ju shpesh keni deklaruar nj\u00eb seri masash, nd\u00ebrhyrjesh, reformash q\u00eb jan\u00eb marr\u00eb, megjithat\u00eb n\u00eb vler\u00ebsimet nd\u00ebrkomb\u00ebtare, edhe n\u00eb raportin e fundit t\u00eb Komisionit Europian vazhdon t\u00eb konsiderohet si nj\u00eb shqet\u00ebsim serioz, madje thuhet edhe se \u201cp\u00ebrpjekjet parandaluese kan\u00eb patur nj\u00eb ndikim t\u00eb kufizuar\u201d.<\/em><\/span><\/p>\n Kryeministri Rama<\/em><\/strong>: Korrupsioni ishte nj\u00eb tem\u00eb shum\u00eb e debatuar p\u00ebr gati dy vjet n\u00eb zgjedhjet e Shteteve t\u00eb Bashkuara t\u00eb Amerik\u00ebs dhe nuk ishte nj\u00eb tem\u00eb e debatuar me nj\u00eb kahje, por ishte nj\u00eb tem\u00eb e debatuar me t\u00eb dyja kahjet, q\u00eb do t\u00eb thot\u00eb se n\u00eb k\u00ebt\u00eb debat p\u00ebr korrupsionin ka shum\u00eb; ka natyrisht t\u00eb v\u00ebrteta, q\u00eb n\u00eb rastin e Shqip\u00ebris\u00eb ne nuk mund t\u2019i mohojm\u00eb, ka shum\u00eb t\u00eb pav\u00ebrteta q\u00eb jan\u00eb atraktive n\u00eb aren\u00ebn politike dhe mediatike, ka shum\u00eb analiza, q\u00eb mb\u00ebshteten mbi shum\u00eb spekulime, por, p\u00ebr t\u2019u kthyer dhe p\u00ebr t\u00eb mbyllur p\u00ebrgjigjen: korrupsioni n\u00eb Shqip\u00ebri \u00ebsht\u00eb nj\u00eb problem, asnj\u00ebher\u00eb aq i madh sa t\u00eb meritoj\u00eb tamtamet e p\u00ebrnatshme n\u00eb t\u00eb gjitha llojet e fr\u00ebngjive dhe n\u00eb t\u00eb gjitha llojet e platformave, por nj\u00eb problem, q\u00eb pik\u00ebrisht pse \u00ebsht\u00eb real, jemi duke e p\u00ebrballur qoft\u00eb me reforma, qoft\u00eb me modernizimin e sh\u00ebrbimeve dhe me modernizimin e proceseve brenda administrat\u00ebs, duke shfryt\u00ebzuar teknologjin\u00eb, qoft\u00eb n\u00ebp\u00ebrmjet institucioneve t\u00eb reja t\u00eb drejt\u00ebsis\u00eb dhe patjet\u00ebr, qoft\u00eb fal\u00eb mb\u00ebshtetjes publike, q\u00eb n\u00eb k\u00ebt\u00eb luft\u00eb kund\u00ebr k\u00ebsaj t\u00eb keqeje \u00ebsht\u00eb nj\u00eb mb\u00ebshtetje e gjer\u00eb.<\/em><\/span><\/p>\n Z\u00ebri i Amerik\u00ebs:<\/em><\/strong> A ju ka shqet\u00ebsuar nj\u00eb num\u00ebr jo i vog\u00ebl ish-zyrtar\u00ebsh, zyrtar\u00ebsh t\u00eb lart\u00eb, p\u00ebrfaq\u00ebsuesish tuaj, kyetar\u00eb e ish kryetar\u00eb bashkish e s\u00eb fundmi edhe deputet\u00eb, t\u00eb cil\u00ebt jan\u00eb n\u00ebn hetim nga SPAK-u, t\u00eb pakt\u00ebn p\u00ebr shp\u00ebrdorim detyre apo korrupsion?<\/em><\/span><\/p>\n Kryeministri Rama:<\/em><\/strong> Kjo pyetje m\u00eb b\u00ebhet q\u00ebkur SPAK-u ka filluar t\u00eb veproj\u00eb dhe gjithmon\u00eb m\u00eb shkakton habi, sepse mund t\u00eb m\u00eb b\u00ebhej n\u00eb m\u00ebnyr\u00eb k\u00ebmb\u00ebngul\u00ebse, n\u00ebse un\u00eb do t\u00eb isha nj\u00eb person i gjendur gafil p\u00ebrball\u00eb produkteve ose rezultateve t\u00eb nj\u00eb reforme t\u00eb b\u00ebr\u00eb nga t\u00eb tjer\u00eb. Po un\u00eb nuk jam nj\u00eb person i gjendur gafil dhe reform\u00ebn n\u00eb drejt\u00ebsi e kam b\u00ebr\u00eb un\u00eb n\u00eb krye dhe Partia Socialiste e gjitha n\u00eb mb\u00ebshtetje t\u00eb k\u00ebsaj reforme. K\u00ebshtu q\u00eb, natyrisht q\u00eb mua nuk m\u00eb vjen mir\u00eb n\u00eb aspektin njer\u00ebzor dhe personal p\u00ebr njer\u00ebz t\u00eb cil\u00ebt i njoh, me t\u00eb cil\u00ebt kam punuar, me t\u00eb cil\u00ebt kam bashk\u00ebpunuar nga m\u00eb larg ose nga m\u00eb af\u00ebr, por kur b\u00ebhet fjal\u00eb p\u00ebr detyr\u00ebn q\u00eb kam, kur b\u00ebhet fjal\u00eb p\u00ebr misionin q\u00eb udh\u00ebheq, kur b\u00ebhet fjal\u00eb p\u00ebr faktin se ky \u00ebsht\u00eb nj\u00eb proces i dhimbsh\u00ebm, p\u00ebrmes s\u00eb cilit Shqip\u00ebria do t\u00eb b\u00ebhet m\u00eb n\u00eb fund shteti, q\u00eb nuk u b\u00eb kurr\u00eb dhe, fal\u00eb t\u00eb cilit n\u00eb Shqip\u00ebri pand\u00ebshkueshm\u00ebria tanim\u00eb nuk \u00ebsht\u00eb nj\u00eb mit, por \u00ebsht\u00eb nj\u00eb monument i rr\u00ebzuar, dhe p\u00ebr her\u00eb t\u00eb par\u00eb n\u00eb historin\u00eb e Shqip\u00ebris\u00eb, qysh nga shpallja shtet m\u00eb 1912-n, ka individ\u00eb t\u00eb lidhur me pushtetin politik, qofshin n\u00eb radh\u00ebt e shumic\u00ebs q\u00eb qeveris apo n\u00eb radh\u00ebt e shumic\u00ebs q\u00eb ka qeverisur, at\u00ebher\u00eb k\u00ebtu \u00ebsht\u00eb p\u00ebr t\u2019u habitur me habin\u00eb e kujtdo qoft\u00eb, por un\u00eb personalisht ndjehem absolutisht i qet\u00eb, i qart\u00eb dhe i vendosur, akoma m\u00eb i vendosur, q\u00eb kjo betej\u00eb t\u00eb vazhdoj\u00eb dhe t\u00eb mos ket\u00eb asnj\u00eb kompromis.<\/em><\/span><\/p>\n Z\u00ebri i Amerik\u00ebs<\/em><\/strong>: Pyetja p\u00ebr shqet\u00ebsimin, lidhet pik\u00ebrisht me k\u00ebt\u00eb, jo me faktin q\u00eb ju habiteni nga kjo gj\u00eb, por a mund t\u2019ju pyes p\u00ebr rastin e zotit Veliaj i p\u00ebrfshir\u00eb s\u00eb fundmi n\u00eb hetime? A e c\u00ebnon kjo imazhin e Partis\u00eb suaj?<\/em><\/span><\/p>\n Kryeministri Rama:<\/em><\/strong> Un\u00eb nuk komentoj raste individuale, nuk e kam b\u00ebr\u00eb asnj\u00ebher\u00eb, p\u00ebrve\u00e7se kur ka pasur nj\u00eb vendim p\u00ebrfundimtar gjykate, sic ka qen\u00eb rasti i nj\u00eb shpif\u00ebsi recidiv. Por mund t\u00eb them vet\u00ebm q\u00eb, fakti se cilido \u00ebsht\u00eb i hetuesh\u00ebm, nuk e b\u00ebn cilindo t\u00eb fajsh\u00ebm, dhe nga ana tjet\u00ebr, gjyqet nuk b\u00ebhen n\u00eb media, por gjyqet b\u00ebhen n\u00eb proceset ligjore dhe kushtetuese.<\/em><\/span><\/p>\n Z\u00ebri i Amerik\u00ebs<\/em><\/strong>: B\u00ebhet fjal\u00eb p\u00ebr emra t\u00eb r\u00ebnd\u00ebsish\u00ebm t\u00eb politik\u00ebs dhe jet\u00ebs publike. K\u00ebshtu q\u00eb, detyrimi \u00ebsht\u00eb p\u00ebr t\u00eb marr\u00eb nj\u00eb opinion nga ju.<\/em><\/span><\/p>\n Kryeministri Rama:<\/em><\/strong> Opinioni im dihet. \u00cbsht\u00eb i njohur bot\u00ebrisht. P\u00ebrball\u00eb drejt\u00ebsis\u00eb dhe p\u00ebrball\u00eb ligjit dhe p\u00ebrball\u00eb t\u00eb drejt\u00ebs s\u00eb institucioneve t\u00eb drejt\u00ebsis\u00eb p\u00ebr t\u00eb b\u00ebr\u00eb pun\u00ebn e tyre, nuk jan\u00eb emrat q\u00eb caktojn\u00eb se p\u00ebr k\u00eb e b\u00ebjn\u00eb apo p\u00ebr k\u00eb s\u2019e b\u00ebjn\u00eb pun\u00ebn, por jan\u00eb faktet dhe jan\u00eb lirit\u00eb dhe t\u00eb drejtat e t\u00eb gjith\u00ebve, q\u00eb duhen ushtruar dhe duhen v\u00ebn\u00eb n\u00eb zbatim, duke filluar nga liria dhe e drejta e drejt\u00ebsis\u00eb, q\u00eb t\u00eb b\u00ebj\u00eb detyr\u00ebn e vet.<\/em><\/span><\/p>\n Z\u00ebri i Amerik\u00ebs<\/em><\/strong>: Edhe nj\u00eb pyetje e fundit lidhur me k\u00ebt\u00eb kapitull. A p\u00ebrb\u00ebn nj\u00eb fakt t\u00eb r\u00ebnd\u00eb q\u00eb ish deputeti juaj Ergys \u00c7yrbja, sipas hetimeve deri tani, rezulton t\u00eb jet\u00eb katapultuar n\u00eb pjes\u00ebn e sip\u00ebrme t\u00eb listave p\u00ebr deputet\u00eb me mb\u00ebshtetjen e krimit t\u00eb organizuar?<\/em><\/span><\/p>\n Kryeministri Rama<\/em><\/strong>: S\u00eb pari, p\u00ebrs\u00ebri m\u00eb b\u00ebni nj\u00eb pyetje q\u00eb p\u00ebrgjigjen e ka marr\u00eb, e mori dhe k\u00ebtu dhe \u00ebsht\u00eb e kot\u00eb q\u00eb t\u00eb k\u00ebrkoni nj\u00eb p\u00ebrgjigje tjet\u00ebr. K\u00ebshtu q\u00eb, k\u00ebto jan\u00eb t\u00ebr\u00ebsisht pa lidhje me detyrat e mia dhe me funksionet e mia. Un\u00eb thjesht p\u00ebrgjigjem p\u00ebr pun\u00ebn time, p\u00ebr detyr\u00ebn time. Detyra ime nuk \u00ebsht\u00eb, q\u00eb t\u00eb b\u00ebj pun\u00ebt e nj\u00eb pushteti tjet\u00ebr t\u00eb pavarur.<\/em><\/span><\/p>\n Z\u00ebri i Amerik\u00ebs:<\/em><\/strong> Zoti Rama, duke u ndalur tek ekonomia; edhe t\u00eb dh\u00ebnat e tremujorit t\u00eb tret\u00eb t\u00eb k\u00ebtij viti treguan nj\u00eb rritje t\u00eb q\u00ebndrueshme n\u00eb nivele t\u00eb konsiderueshme t\u00eb ekonomis\u00eb. Por ajo q\u00eb bie n\u00eb sy \u00ebsht\u00eb se kjo rritje po mb\u00ebshtetet kryesisht tek nd\u00ebrtimi dhe tek turizmi. A \u00ebsht\u00eb ky modeli ekonomik q\u00eb Shqip\u00ebria do t\u00eb vazhdoj\u00eb t\u00eb ndjek\u00eb se, sido q\u00eb t\u00eb jet\u00eb, b\u00ebhet fjal\u00eb p\u00ebr dy sektor\u00eb q\u00eb jan\u00eb t\u00eb cenuesh\u00ebm?<\/em><\/span><\/p>\n Kryeministri Rama<\/em><\/strong>: S\u00eb pari, burimet e rritjes ekonomike t\u00eb Shqip\u00ebris\u00eb jan\u00eb shum\u00eb m\u00eb tep\u00ebr sesa kaq. S\u00eb dyti, kjo \u00ebsht\u00eb nj\u00eb faz\u00eb e zhvillimit, kur nd\u00ebrtimi ka nj\u00eb pesh\u00eb t\u00eb r\u00ebnd\u00ebsishme. Dhe s\u00eb treti, un\u00eb nuk mendoj se, meq\u00eb nd\u00ebrtimi ka nj\u00eb pesh\u00eb t\u00eb r\u00ebnd\u00ebsishme, ne duhet ta konsiderojm\u00eb k\u00ebt\u00eb nj\u00eb fatkeq\u00ebsi. Un\u00eb mendoj q\u00eb kjo \u00ebsht\u00eb nj\u00eb e mir\u00eb e madhe n\u00eb k\u00ebt\u00eb faz\u00eb t\u00eb zhvillimit.<\/em><\/span><\/p>\n Un\u00eb nuk mendoj se ne duhet t\u00eb vajtojm\u00eb faktin, q\u00eb kemi aeroportin me rritjen m\u00eb t\u00eb lart\u00eb n\u00eb Europ\u00eb, e konfirmuar nga institucionet nd\u00ebrkomb\u00ebtare. Nj\u00eb rritje shum\u00eb m\u00eb e lart\u00eb sesa rritja e vendit t\u00eb dyt\u00eb. Aeroporti i Tiran\u00ebs sot \u00ebsht\u00eb me num\u00ebr pasagjer\u00ebsh, jo me rritje relative, m\u00eb i madh sesa Aeroporti i Beogradit, q\u00eb ka qen\u00eb historikisht kryeqendra e rajonit, nd\u00ebrkoh\u00eb q\u00eb Rinasi yn\u00eb ishte nj\u00eb kotec, ku pasagjer\u00ebt num\u00ebroheshin si pulat n\u00eb m\u00ebngjes, kur dilnin nga koteci, dhe n\u00eb dark\u00eb, kur hynin n\u00eb kotec.<\/em><\/span><\/p>\n Z\u00ebri i Amerik\u00ebs<\/em><\/strong>: Tek ekonomia, nj\u00eb e dh\u00ebn\u00eb tjet\u00ebr, q\u00eb u shfaq n\u00eb rezultatet e tremujorit t\u00eb tret\u00eb, \u00ebsht\u00eb sektori i bujq\u00ebsis\u00eb n\u00eb r\u00ebnie p\u00ebr tre tremujor\u00eb radhazi. Nj\u00eb sektor, q\u00eb ka nj\u00eb pesh\u00eb t\u00eb r\u00ebnd\u00ebsishme n\u00eb Prodhimin e Brendsh\u00ebm Bruto, diku tek 18%, n\u00eb mos gaboj, q\u00eb ofron pun\u00ebsim ose vet\u00ebpun\u00ebsim p\u00ebr nj\u00eb num\u00ebr mjaft t\u00eb lart\u00eb shqiptar\u00ebsh. Si e shpjegoni k\u00ebt\u00eb?<\/em><\/span><\/p>\n Kryeministri Rama:<\/em><\/strong> Nuk \u00ebsht\u00eb nj\u00eb r\u00ebnie pa kthim. \u00cbsht\u00eb nj\u00eb moment i p\u00ebrkohsh\u00ebm, i parashikuar prej nesh dhe si rezultat i bllokimit t\u00eb nj\u00eb s\u00ebr\u00eb investimesh nga ana e programit t\u00eb BE-s\u00eb. Por, nd\u00ebrkoh\u00eb ne kemi marr\u00eb masa dhe do t\u00eb shikoni q\u00eb, vitin e ardhsh\u00ebm dhe vitet n\u00eb vijim, p\u00ebr shkak t\u00eb k\u00ebtyre masave dhe p\u00ebr shkak t\u00eb disa financimeve alternative, ne do t\u00eb kemi nj\u00eb rritje, q\u00eb do t\u00eb jet\u00eb m\u00eb e madhe sesa koha e rritjes m\u00eb t\u00eb madhe s\u00eb k\u00ebtyre viteve n\u00eb bujq\u00ebsi.<\/em><\/span><\/p>\n Z\u00ebri i Amerik\u00ebs:<\/em><\/strong> N\u00eb aktin e fundit normativ ju keni parashikuar diku tek 14 milion\u00eb euro. Mendoni se jan\u00eb t\u00eb mjaftueshme?<\/em><\/span><\/p>\n Kryeministri Rama<\/em><\/strong>: Ajo nuk ka lidhje, ajo \u00ebsht\u00eb thjesht pagesa e detyrimeve t\u00eb marra p\u00ebrsip\u00ebr ndaj fermer\u00ebve dhe nuk \u00ebsht\u00eb tek masat sistemike, q\u00eb un\u00eb fola dhe q\u00eb ne tanim\u00eb i kemi mir\u00ebmenduar dhe do fillojm\u00eb t\u2019i zbatojm\u00eb, duke filluar nga fillimi i vitit t\u00eb ardhsh\u00ebm.<\/em><\/span><\/p>\n Z\u00ebri i Amerik\u00ebs:<\/em><\/strong> Duke mbetur tek t\u00eb dh\u00ebnat e buxhetit. Hyjm\u00eb n\u00eb gjysm\u00ebn e dyt\u00eb t\u00eb muajit dhjetor me nj\u00eb sufi\u00e7it mjaft t\u00eb lart\u00eb, diku tek nj\u00eb miliard\u00eb euro. Si shpjegohet q\u00eb institucionet e ekzekutivit, agjencit\u00eb shtet\u00ebrore nuk arrijn\u00eb dot t\u2019i shpenzojn\u00eb dot parat\u00eb q\u00eb jan\u00eb n\u00eb dispozicion?<\/em><\/span><\/p>\n Kryeministri Rama<\/em><\/strong>: Ne, faktikisht, nuk do t\u00eb mbetemi praktikisht me asnj\u00eb fond t\u00eb pashpenzuar n\u00eb mbyllje t\u00eb vitit, nd\u00ebrkoh\u00eb q\u00eb ka shum\u00eb arsye, q\u00eb nuk \u00ebsht\u00eb vendi p\u00ebr t\u2019i diskutuar, pse zbatimi i projekteve ka nj\u00eb ecuri relativisht m\u00eb t\u00eb ul\u00ebt sesa \u00e7\u2019do t\u00eb ishte e d\u00ebshirueshmja. Kjo lidhet edhe me faktin q\u00eb proceset e prokurimeve k\u00ebrkojn\u00eb koh\u00ebn e tyre, proceset ankimore kan\u00eb koh\u00ebn e tyre, e k\u00ebshtu me radh\u00eb. Por edhe p\u00ebr k\u00ebt\u00eb besoj q\u00eb kemi t\u00eb qarta masat e duhura p\u00ebr t\u00eb korrektuar m\u00ebnyr\u00ebn e p\u00ebrdorimit t\u00eb fondeve dhe p\u00ebr t\u00eb shtrir\u00eb n\u00eb koh\u00eb pastaj akordimin e tyre, pavar\u00ebsisht nga procedurat e zgjatura, q\u00eb nuk jan\u00eb n\u00eb dor\u00ebn ton\u00eb, se thash\u00eb ka shum\u00eb ankime, p\u00ebr shembull, ose prapakthime t\u00eb procedurave, gj\u00eb q\u00eb flet p\u00ebr nj\u00eb forcim t\u00eb konsideruesh\u00ebm t\u00eb administrat\u00ebs n\u00eb aspektin e sundimit t\u00eb ligjit, gj\u00eb q\u00eb e konfirmon edhe Komisioni Europian n\u00ebp\u00ebrmjet SIGMA-s, q\u00eb rendit Shqip\u00ebrin\u00eb t\u00eb par\u00ebn dhe me diferenc\u00eb nga vendi i dyt\u00eb p\u00ebrsa i p\u00ebrket prokurimeve publike: dhe t\u00eb gjitha k\u00ebto jan\u00eb, si t\u00eb thuash, tensione t\u00eb brendshme t\u00eb nj\u00eb organizmi, q\u00eb rritet dhe q\u00eb zhvillohet.<\/em><\/span><\/p>\n Z\u00ebri i Amerik\u00ebs:<\/em><\/strong> Zoti Rama, p\u00ebrpara se t\u00eb kaloj te disa pyetje lidhur me zgjedhjet e ardhshme, do t\u00eb doja t\u00eb ndalesha pak te nj\u00eb zhvillim i parlamentit. Ka patur nj\u00eb debat, q\u00eb ka zgjatur p\u00ebr m\u00eb shum\u00eb se dy vjet, p\u00ebr \u00e7\u00ebshtjen e mandatit t\u00eb deputetes Olta Xha\u00e7ka. Shumica juaj mb\u00ebshteti dhe argumentoi iden\u00eb se deputet\u00ebt nuk mund t\u00eb detyrohen t\u00eb votojn\u00eb n\u00eb nj\u00eb m\u00ebnyr\u00eb t\u00eb caktuar, duke refuzuar k\u00ebshtu vendimin e Gjykat\u00ebs Kushtetuese. Megjithat\u00eb Komisioni i Venecias n\u00eb Opinionin e tij, ndon\u00ebse e njeh k\u00ebt\u00eb t\u00eb drejt\u00eb t\u00eb deputet\u00ebve, q\u00eb ata mund t\u00eb mos detyrohen p\u00ebr m\u00ebnyr\u00ebn si duhet t\u00eb votojn\u00eb, sakt\u00ebson se \u201cGjykata kishte dh\u00ebn\u00eb dy vendime – dhe k\u00ebtu po citoj Opinionin – dhe zbatimi efektiv i k\u00ebtyre vendimeve nuk mund t\u00eb kusht\u00ebzohet nga votimi ose shumica parlamentare\u201d. Pse p\u00ebrfaq\u00ebsuesit e shumic\u00ebs tuaj, zoti Rama, vijojn\u00eb t\u00eb mbrojn\u00eb tez\u00ebn se Komisioni i Venecias ju dha t\u00eb drejt\u00eb juve?<\/em><\/span><\/p>\n Kryeministri Rama<\/em><\/strong>: Sepse p\u00ebrfaq\u00ebsuesit e shumic\u00ebs ton\u00eb parlamentare lexojn\u00eb shum\u00eb mir\u00eb shqip. Vendimi i Komisionit \u00ebsht\u00eb m\u00eb shqip nuk mund t\u00eb ket\u00eb. Tani, n\u00ebse pastaj do t\u00eb hyjm\u00eb n\u00eb lodra t\u00eb natyr\u00ebs juridike, at\u00ebher\u00eb e dim\u00eb shum\u00eb mir\u00eb q\u00eb dy jurist\u00eb t\u00eb ndrysh\u00ebm, p\u00ebr shkak t\u00eb pozicionit t\u00eb ndrysh\u00ebm, mund t\u00eb b\u00ebjn\u00eb dy interpretime t\u00eb ndryshme. Por vendimi i Komisionit t\u00eb Venecias \u00ebsht\u00eb i qart\u00eb: nuk do t\u00eb duhej fare t\u00eb lindte nevoja, sepse nuk ekziston, \u00ebsht\u00eb jasht\u00eb logjik\u00ebs m\u00eb elementare t\u00eb funksionimit t\u00eb nj\u00eb shteti demokratik, ku t\u00eb treja pushtetet jan\u00eb t\u00eb pavarura nga nj\u00ebra-tjetra, legjislativi, gjyq\u00ebsori dhe ekzekutivi, q\u00eb nj\u00eb gjykat\u00eb, qoft\u00eb edhe ajo Kushtetuese, t’u imponoj\u00eb deputet\u00ebve se si duhet t\u00eb ngren\u00eb dor\u00ebn. Kjo nuk ndodh.<\/em><\/span><\/p>\n Z\u00ebri i Amerik\u00ebs<\/em><\/strong>: Po ajo q\u00eb lihet t\u00eb kuptohet nga Opinioni, \u00ebsht\u00eb q\u00eb nuk duhet t\u00eb votohet fare. Duhet t\u2019i kaloj\u00eb direkt Gjykat\u00ebs.<\/em><\/span><\/p>\n Kryeministri Rama:<\/em><\/strong> Ky \u00ebsht\u00eb nj\u00eb interpretim tjet\u00ebr i tep\u00ebrt, sepse Opinioni i Komisionit t\u00eb Venecias \u00ebsht\u00eb i qart\u00eb si drita e diellit: Parlamenti nuk imponohet, e n\u00ebse di\u00e7ka do t\u00eb kaloj\u00eb n\u00eb parlament, aty do t\u00eb vendos\u00eb parlamenti, ndaj nuk vendos askush tjet\u00ebr.<\/em><\/span><\/p>\n Z\u00ebri i Amerik\u00ebs<\/em><\/strong>: Zoti Rama, zgjedhjet e ardhshme jan\u00eb n\u00eb prag. Cila do t\u00eb jet\u00eb oferta e Partis\u00eb Socialiste, e cila k\u00ebrkon tashm\u00eb nj\u00eb mandat t\u00eb kat\u00ebrt, sepse ju nuk mateni me t\u00eb tjer\u00ebt, po duhet t\u00eb mateni me vetveten?<\/em><\/span><\/p>\n Kryeministri Rama<\/em><\/strong>: Besoj q\u00eb n\u00ebse ka nj\u00eb ofert\u00eb, q\u00eb ka nevoj\u00eb p\u00ebr shum\u00eb pak shpjegime nd\u00ebrkoh\u00eb q\u00eb mb\u00ebshtetet nga shum\u00eb fakte, \u00ebsht\u00eb oferta e Partis\u00eb Socialiste. P\u00ebr k\u00ebt\u00eb arsye, Partia Socialiste do t\u00eb fitoj\u00eb n\u00eb maj t\u00eb vitit t\u00eb ardhsh\u00ebm dhe do t\u00eb ket\u00eb fitoren m\u00eb t\u00eb thell\u00eb t\u00eb t\u00eb gjith\u00eb k\u00ebtyre garave q\u00eb i kemi fituar nj\u00ebr\u00ebn pas tjetr\u00ebs, pas tjetr\u00ebs, pas tjetr\u00ebs, pas tjetr\u00ebs, pas tjetr\u00ebs, sepse jemi nj\u00eb forc\u00eb politike, q\u00eb \u00ebsht\u00eb e pakonkurrueshme n\u00eb \u00e7do aspekt, e nuk mundemi dot.<\/em><\/span><\/p>\n Z\u00ebri i Amerik\u00ebs<\/em><\/strong>: At\u00ebher\u00eb, Zoti Rama, cila \u00ebsht\u00eb arsyeja q\u00eb ju praktikisht keni paralajm\u00ebruar, se n\u00eb pjes\u00ebn e sigurt t\u00eb listave do t\u00eb vijn\u00eb emra kryesisht t\u00eb rinj, pra jo ata q\u00eb kan\u00eb m\u00eb shum\u00eb se nj\u00eb mandat, pra q\u00eb m\u00eb shum\u00eb se gjysma e deputet\u00ebve tuaj t\u00eb jen\u00eb emra t\u00eb rinj, jo p\u00ebrb\u00ebrja aktuale e deputet\u00ebve?<\/em><\/span><\/p>\n Kryeministri Rama<\/em><\/strong>: Kjo \u00ebsht\u00eb nj\u00eb \u00e7\u00ebshtje q\u00eb do ta shikojm\u00eb me kujdes rrug\u00ebs. Ajo q\u00eb dua ta ritheksoj \u00ebsht\u00eb q\u00eb arsyeja pse ne nuk mundemi dot \u00ebsht\u00eb arsyeja, sepse ne zgjohemi t\u00eb par\u00ebt dhe flem\u00eb t\u00eb fundit, dhe un\u00eb zgjohem i pari nga t\u00eb par\u00ebt, dhe fle i fundit nga t\u00eb fundit, k\u00ebshtu q\u00eb deri kur dikush tjet\u00ebr, disa t\u00eb tjer\u00eb, do t\u00eb zgjohen m\u00eb her\u00ebt dhe do t\u00eb flen\u00eb m\u00eb von\u00eb dhe n\u00eb dit\u00ebn e tyre t\u00eb pun\u00ebs do t\u00eb b\u00ebjn\u00eb pun\u00eb dhe jo llafe, Partia Socialiste do t\u00eb b\u00ebj\u00eb at\u00eb q\u00eb thot\u00eb dhe do t\u00eb thot\u00eb at\u00eb q\u00eb b\u00ebn, dhe shqiptar\u00ebt do ta mb\u00ebshtesin p\u00ebr at\u00eb q\u00eb b\u00ebn dhe p\u00ebr at\u00eb q\u00eb thot\u00eb. Dhe p\u00ebrsa i p\u00ebrket skuadr\u00ebs, kjo na jep mund\u00ebsin\u00eb q\u00eb t\u00eb kemi nj\u00eb skuad\u00ebr t\u00eb re akoma m\u00eb t\u00eb mir\u00eb se kjo q\u00eb kemi sot, sepse n\u00eb nd\u00ebrkoh\u00eb, si\u00e7 e that\u00eb edhe ju, ne matemi me vetveten, nuk matemi me kund\u00ebrshtar\u00ebt, sepse p\u00ebr t’u matur me kund\u00ebrshtar\u00ebt, duhet t\u00eb ndalojm\u00eb, duhet t\u00eb kthejm\u00eb kok\u00ebn mbrapa, duhet t\u00eb v\u00ebm\u00eb dor\u00ebn mbi sy, duhet t’i shohim ku jan\u00eb, edhe pastaj t\u00eb fillojm\u00eb t\u00eb matemi, gj\u00eb q\u00eb s’kemi pse e b\u00ebjm\u00eb. Por nga ana tjet\u00ebr, ne kemi shum\u00eb gj\u00ebra p\u00ebr t\u00eb p\u00ebrmir\u00ebsuar dhe e kam th\u00ebn\u00eb me koh\u00eb q\u00eb, opozit\u00ebn e vetvetes dim\u00eb ta b\u00ebjm\u00eb shum\u00eb m\u00eb mir\u00eb sesa ata q\u00eb na b\u00ebjn\u00eb opozit\u00ebn nga jasht\u00eb vetes. Kjo duket si retorik\u00eb, po nuk \u00ebsht\u00eb retorik\u00eb. Ne b\u00ebjm\u00eb shum\u00eb analiza, ne b\u00ebjm\u00eb shum\u00eb diskutime t\u00eb brendshme, ne b\u00ebjm\u00eb shum\u00eb anketime t\u00eb opinionit, ne d\u00ebgjojm\u00eb shum\u00eb njer\u00ebz n\u00eb t\u00eb gjitha rrug\u00ebt dhe jemi shum\u00eb t\u00eb vet\u00ebdijsh\u00ebm q\u00eb s’jemi m\u00eb t\u00eb mir\u00ebt, nuk jemi aq t\u00eb mir\u00eb sa un\u00eb do t\u00eb doja t\u00eb ishim, po m\u00eb t\u00eb mir\u00eb se ne\u2026<\/em><\/span><\/p>\n