![\"\"](\"https:\/\/www.hashtag.al\/wp-content\/uploads\/2024\/12\/1735404888_maqedonieveriut-300x169.jpg\")
<\/p>\n<\/p>\n
\u2018ALARM!! \u2013 Duam aj\u00ebr t\u00eb past\u00ebr\u2019, \u2018E ardhmja nuk shihet nga smogu\u2019, \u2018Ajri yn\u00eb \u00ebsht\u00eb helm, Qeveria jon\u00eb \u00ebsht\u00eb e shurdh\u00ebr\u2019 \u2013 k\u00ebto ishin disa nga mbishkrimet n\u00eb pankartat e mbajtura nga banor\u00ebt e Shkupit, q\u00eb t\u00eb shtun\u00ebn, p\u00ebr her\u00eb t\u00eb dyt\u00eb brenda k\u00ebtij muaji, dol\u00ebn n\u00eb marsh protestues kund\u00ebr ndotjes s\u00eb ajrit.<\/span><\/p>\n Si her\u00ebn e kaluar, edhe tani, protestuesit nis\u00ebn marshimin nga Ministria e Mjedisit Jet\u00ebsor dhe Planifikimit Hap\u00ebsinor, vazhduan drejt Kuvendit dhe e p\u00ebrfunduan para nd\u00ebrtesave t\u00eb Qytetit t\u00eb Shkupit.<\/span><\/p>\n Dy jav\u00eb kan\u00eb kaluar q\u00eb kur k\u00ebrkesat e para jan\u00eb dor\u00ebzuar pas protest\u00ebs s\u00eb par\u00eb, por deri tani, nuk ka pasur asnj\u00eb p\u00ebrgjigje nga institucionet, theksuan udh\u00ebheq\u00ebsit e protest\u00ebs.<\/span><\/p>\n Organizator\u00ebt, iniciativa \u2018Qyteti i Gjelb\u00ebr Human\u2019, s\u00eb bashku me qytetar\u00ebt protestues, paraqit\u00ebn kat\u00ebr k\u00ebrkesa p\u00ebr luftimin e ndotjes s\u00eb ajrit n\u00eb Shkup, p\u00ebrfshir\u00eb monitorimin e vazhduesh\u00ebm publik t\u00eb objekteve industriale, p\u00ebr t\u00eb siguruar transparenc\u00eb mbi ata q\u00eb ndotin ajrin.<\/span><\/p>\n \u201cK\u00ebrkesa e dyt\u00eb ka t\u00eb b\u00ebj\u00eb me ngrohjen ekologjike t\u00eb objekteve, si Klinika e F\u00ebmij\u00ebve \u2018Kozle\u2019, e cila ende ngrohet me naft\u00eb. K\u00ebrkesa e tret\u00eb \u00ebsht\u00eb q\u00eb t\u00eb zgjidhet autocentrizmi n\u00eb qytet, me prioritet transportin publik dhe bi\u00e7ikletat para veturave, dhe k\u00ebrkesa e kat\u00ebrt \u00ebsht\u00eb menaxhimi m\u00eb i mir\u00eb i mbeturinave<\/em>\u201d, tha Borjan Jovanovski nga iniciativa qytetare \u201cQyteti i Gjelb\u00ebr Human\u201d.<\/span><\/p>\n Protestuesit, her\u00ebn e kaluar, m\u00eb 10 dhjetor, theksuan se shkak p\u00ebr protest\u00ebn jan\u00eb rastet e shumta t\u00eb vdekjeve t\u00eb lidhura me ndotjen e ajrit, t\u00eb cilat, sipas tyre, p\u00ebrb\u00ebjn\u00eb 17.7% t\u00eb vdekshm\u00ebris\u00eb s\u00eb p\u00ebrgjithshme n\u00eb vend.<\/span><\/p>\n \u201c\u00c7do i n\u00ebnti rast vdekjeje te foshnjat n\u00eb Maqedonin\u00eb e Veriut lidhet me ajrin e ndotur<\/em>\u201d, njoftoi agjencia e Kombeve t\u00eb Bashkuara n\u00eb shtator t\u00eb k\u00ebtij viti.<\/span><\/p>\n Shkupi ka qen\u00eb vazhdimisht nd\u00ebr qytetet m\u00eb t\u00eb ndotura n\u00eb bot\u00eb muajt e fundit, sipas kompanis\u00eb bot\u00ebrore IQAir, e cila mat cil\u00ebsin\u00eb e ajrit. Nd\u00ebrkoh\u00eb, masa e vetme q\u00eb zbatohet gjat\u00eb periudh\u00ebs me ndotjen m\u00eb t\u00eb lart\u00eb t\u00eb ajrit, \u00ebsht\u00eb transporti publik falas.<\/span><\/p>\n P\u00ebrpjekjet e autoriteteve p\u00ebr zgjidhjen e problemit<\/span><\/p>\n M\u00eb 23 dhjetor, autoritetet paralajm\u00ebruan nj\u00eb mas\u00eb t\u00eb re kund\u00ebr ndotjes, q\u00eb sipas tyre do t\u00eb sjell\u00eb \u201cnj\u00eb t\u00eb ardhme t\u00eb gjelb\u00ebr n\u00eb kryeqytet\u201d. B\u00ebhet fjal\u00eb p\u00ebr nj\u00eb projekt q\u00eb do t\u00eb zbatohet n\u00eb tri komuna t\u00eb Shkupit: Aerodrom, \u00c7air dhe Gazi Bab\u00eb, me 100 automjete elektrike, t\u00eb cilat do t\u00eb mund t\u2019i shfryt\u00ebzojn\u00eb institucionet qeveritare, kompanit\u00eb dhe qytetar\u00ebt p\u00ebrmes nj\u00eb aplikacioni celular, me pages\u00eb.<\/span><\/p>\n Projekti do t\u00eb nis\u00eb, gjat\u00eb vitit t\u00eb ardhsh\u00ebm, pas p\u00ebrgatitjes s\u00eb infrastruktur\u00ebs, duke p\u00ebrfshir\u00eb vendet e parkimit dhe mbush\u00ebsit, p\u00ebr t\u00eb cilat u tha se do t\u00eb p\u00ebrdorin energji t\u00eb gjelb\u00ebr. Investimi p\u00ebr k\u00ebt\u00eb projekt deri n\u00eb vitin 2030 pritet t\u00eb kushtoj\u00eb rreth 30 milion\u00eb euro.<\/span><\/p>\n Kritikat ndaj masave t\u00eb propozuara<\/span><\/p>\n Nd\u00ebrkoh\u00eb, organizatat ekologjike qytetare e kund\u00ebrshtuan k\u00ebt\u00eb vendim, duke theksuar se \u00ebsht\u00eb nj\u00eb hap n\u00eb drejtim t\u00eb gabuar. Sipas tyre, kjo iniciativ\u00eb do t\u00eb sjell\u00eb m\u00eb shum\u00eb automjete n\u00eb qytet, duke e penguar hap\u00ebsir\u00ebn tashm\u00eb t\u00eb kufizuar.<\/span><\/p>\n M\u00eb 16 dhjetor, organizata qytetare, Iniciativa O2, n\u00eb nj\u00eb p\u00ebrgjigje me shkrim p\u00ebr Radion Evropa e Lir\u00eb, njoftoi nj\u00eb s\u00ebr\u00eb masash konkrete t\u00eb adresuara p\u00ebr k\u00ebshilltar\u00ebt komunal dhe kryetaren e Komun\u00ebs s\u00eb Shkupit, Danela Arsovska. Masat p\u00ebrfshijn\u00eb: ndalimin e karburanteve ndot\u00ebse, instalimin e filtrave p\u00ebr dru, kontrollin e trafikut, ndalimin e p\u00ebrdorimit t\u00eb mazutit dhe karburanteve t\u00eb tjera, instalimin e kamerave p\u00ebr monitorimin e djegies s\u00eb mbetjeve.<\/span><\/p>\n Me k\u00ebto vendime, u tha nga Iniciativa O2, do t\u00eb p\u00ebrfshihen t\u00eb gjith\u00eb burimet e ndotjes s\u00eb ajrit n\u00eb Shkup dhe zbatimi i tyre do t\u00eb \u00e7oj\u00eb n\u00eb uljen e niveleve t\u00eb ndotjes brenda kufijve ligjor\u00eb t\u00eb caktuar. Sipas tyre, brenda nj\u00eb periudhe t\u00eb shkurt\u00ebr, k\u00ebto nivele mund t\u00eb jen\u00eb dy her\u00eb, ose shum\u00eb m\u00eb t\u00eb ul\u00ebta se ato aktuale, n\u00eb p\u00ebrputhje me Direktiv\u00ebn e re t\u00eb BE-s\u00eb p\u00ebr cil\u00ebsin\u00eb e ajrit.<\/span><\/p>\n Rrjedhimisht, gjat\u00eb stin\u00ebs s\u00eb dimrit, p\u00ebrve\u00e7 Shkupit edhe qytete tjera si, Manastiri, Tetova, Gostivari, K\u00ebr\u00e7ova, apo edhe Ohri, kan\u00eb p\u00ebrqendrime t\u00eb larta t\u00eb grimcave PM2.5 dhe PM10.<\/span><\/p>\n Nga aspekti sh\u00ebndet\u00ebsor, n\u00eb fillim t\u00eb vitit 2024 Instituti i Sh\u00ebndetit Publik publikoi raportin \u201cNdotja e ajrit n\u00eb Republik\u00ebn e Maqedonis\u00eb s\u00eb Veriut dhe rreziqet ndaj sh\u00ebndetit\u201d, sipas t\u00eb cilit pothuajse 18 p\u00ebr qind e vdekshm\u00ebris\u00eb s\u00eb p\u00ebrgjithshme n\u00eb Maqedonin\u00eb e Veriut mund t\u2019i atribuohet ekspozimit ndaj p\u00ebrqendrimeve aktuale t\u00eb grimcave PM2.5.<\/span><\/p>\n