{"id":715822,"date":"2024-12-20T15:18:46","date_gmt":"2024-12-20T14:18:46","guid":{"rendered":"https:\/\/www.hashtag.al\/?p=715822"},"modified":"2024-12-20T15:23:54","modified_gmt":"2024-12-20T14:23:54","slug":"gjithcka-ndodhi-ne-takimin-e-pare-ndonjehere-mes-parlamenteve-te-kosoves-e-shqiperise","status":"publish","type":"post","link":"https:\/\/www.hashtag.al\/index.php\/2024\/12\/20\/gjithcka-ndodhi-ne-takimin-e-pare-ndonjehere-mes-parlamenteve-te-kosoves-e-shqiperise\/","title":{"rendered":"Gjith\u00e7ka ndodhi n\u00eb takimin e par\u00eb mes parlamenteve t\u00eb Kosov\u00ebs e Shqip\u00ebris\u00eb","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

P\u00ebr her\u00eb t\u00eb par\u00eb, Kuvendi i Kosov\u00ebs dhe ai i Shqip\u00ebris\u00eb kan\u00eb zhvilluar nj\u00eb takim t\u00eb p\u00ebrbashk\u00ebt n\u00eb parlamentin e Prishtin\u00ebs.<\/span><\/p>\n

Ajo q\u00eb ra n\u00eb sy n\u00eb list\u00ebn e 56 deputet\u00ebve nga parlaenti i Shqip\u00ebris\u00eb q\u00eb shkuan n\u00eb k\u00ebt\u00eb takim ishte mungesa e kreut t\u00eb PD-s\u00eb Sali Berisha dhe ish-kreut t\u00eb saj Lulzim Bash\u00ebs. Kyeministri Rama shoq\u00ebrohej n\u00eb k\u00ebt\u00eb takim nga ambasadori i Shqip\u00ebris\u00eb n\u00eb Prishtin\u00eb, Petrit Malaj.<\/span><\/p>\n

Fjal\u00ebn i pari e mori kreu i Kuvendit t\u00eb Kosov\u00ebs Konjufca, i cili fal\u00ebnderoi Shqip\u00ebrin\u00eb p\u00ebr mb\u00ebshtetjen nd\u00ebrsa u ndal te raportet e Prishtin\u00ebs me Beogradin duke e akuzuar k\u00ebt\u00eb t\u00eb fundit p\u00ebr p\u00ebrpjekjet p\u00ebr destabilizimin e Kosov\u00ebs.<\/span><\/p>\n

\u201cKosova po e mbyll edhe k\u00ebt\u00eb vit e sulmuar drejtp\u00ebrdrejt\u00eb nga element\u00eb q\u00eb lidhen me Serbin\u00eb dhe q\u00eb po synojn\u00eb destablizimin e brendsh\u00ebm t\u00eb Kosov\u00ebs me metoda terroriste dhe t\u00eb luft\u00ebs hibride. Sulmi n\u00eb Ib\u00ebr Lepenc nuk mund t\u00eb konsiderohet ndryshe p\u00ebrve\u00e7se si sulm terrorist nga ata q\u00eb refuzojn\u00eb t\u00eb pranojn\u00eb Kosov\u00ebn si nj\u00eb realitet sovran dhe rend ligjor e demokratik. Mos harrojm\u00eb q\u00eb ky sulm i r\u00ebnd\u00eb ndaj infrastruktur\u00ebs ton\u00eb kritike t\u00eb furnizimit me uj\u00eb dhe energji vjen 1 vit pas sulmit tjet\u00ebr t\u00eb r\u00ebnd\u00eb n\u00eb Banjsk\u00eb. Organizator i k\u00ebtij sulmi \u00ebsht\u00eb Radoi\u00e7i\u00e7i i mb\u00ebshtetur drejtp\u00ebrdrejt\u00eb nga Vu\u00e7i\u00e7 dhe mbetet ende i pand\u00ebshkuar nga drejt\u00ebsia n\u00eb Serbi e cila pothuajse nuk ekziston fare.\u201d<\/em> – tha Konjufca.<\/span><\/p>\n

Ai theksoi se nuk mund t\u00eb ket\u00eb normalizim t\u00eb marr\u00ebdh\u00ebnieve pa njohje t\u00eb nd\u00ebrsjell\u00eb.<\/span><\/p>\n

Pas Konjufc\u00ebs fjal\u00ebn e mori presidetja e Kosov\u00ebs Osmani dhe kryetarja e Kuvendit t\u00eb Shqip\u00ebris\u00eb, Spiropali.<\/span><\/p>\n

Osmani tha se Kosova e Shqip\u00ebria duhet t\u00eb forcojn\u00eb bashk\u00ebpunimin n\u00eb t\u00eb gjitha drejtimet nd\u00ebrsa vler\u00ebsoi se ndihma e Shqip\u00ebris\u00eb p\u00ebr integrimin e Kosov\u00ebs \u00ebsht\u00eb themelore.<\/span><\/p>\n

\u201cPo jetojm\u00eb n\u00eb nj\u00eb koh\u00eb t\u00eb trazuar q\u00eb k\u00ebrkon bashk\u00ebpunim. P\u00ebr Kosov\u00ebn dhe Shqip\u00ebrin\u00eb kjo nuk \u00ebsht\u00eb thjesht nj\u00eb zgjedhje, por domosdoshm\u00ebri. Historia nuk do na gjykoj\u00eb me dashamir\u00ebsi n\u00ebse nuk \u00a0do e shfryt\u00ebzojm\u00eb k\u00ebt\u00eb moment p\u00ebr t\u00eb krijuar harmonin\u00eb. Secili prej nesh duhet ta luaj\u00eb rolin n\u00eb avancimin e vizonit t\u00eb shteteve dhe qytetar\u00ebve brenda familjes europiane. Lidhja e thell\u00eb mes Kosov\u00ebs e Shqip\u00ebris\u00eb \u00ebsht\u00eb rr\u00ebnjosur n\u00eb histori. Dy Kuvendet kan\u00eb rol vendimtar n\u00eb forcimin e lidhjes ton\u00eb. P\u00ebrmes pun\u00ebs, shtetet tona mund t\u00eb sigurojn\u00eb vendin e merituar n\u00eb BE. Kosova mbetet me p\u00ebrkushtim e pal\u00ebkundur p\u00ebr integrimin n\u00eb BE. Vlerat n\u00eb t\u00eb cilat \u00ebsht\u00eb nd\u00ebrtuar BE q\u00ebndrojn\u00eb edhe n\u00eb vet\u00eb themelet e kombit ton\u00eb. Pengesat me t\u00eb cilat p\u00ebrballet Kosova jan\u00eb tejet t\u00eb madha, padrejt\u00ebsit\u00eb sa vin\u00eb\u00a0 e rriten. P\u00ebr t\u2019i kaluar na duhet mb\u00ebshtetja e vazhdueshme e Shqip\u00ebris\u00eb. BE do t\u00eb jet\u00eb m\u00eb e sigurt me shtet tona.\u201d<\/em><\/span><\/p>\n

\"\"<\/p>\n

Spiropali theksoi p\u00ebrkushtimin e Tiran\u00ebs p\u00ebr t\u00eb ndihmuar Prishtin\u00ebn nd\u00ebrsa b\u00ebri thirrje p\u00ebr plane e strategji p\u00ebr sa i p\u00ebrket rrug\u00ebtimit drejt ntegrimit n\u00eb BE.<\/span><\/p>\n

\u201cT\u00eb bashk\u00ebrendojm\u00eb plane e strategji t\u00eb mir\u00ebkuptuara n\u00eb rrug\u00ebtimin e pandalsh\u00ebm drejt Evrop\u00ebs. Realizimi i objektivit ton\u00eb strategjik, an\u00ebtar\u00ebsimi i Shqip\u00ebris\u00eb n\u00eb Bashkimin Evropian, integrimi euro-atlantik i Kosov\u00ebs dhe njohja p\u00ebrfundimtare e saj si realitet i pakthyesh\u00ebm gjeopolitik, rritja e rolit dhe pesh\u00ebs s\u00eb faktorit shqiptar n\u00eb rajon si nj\u00eb mekaniz\u00ebm i paz\u00ebvend\u00ebsuesh\u00ebm stabiliteti, p\u00ebr paqen dhe sigurin\u00eb, jan\u00eb detyrat tona t\u00eb shenjta, jan\u00eb themeli i t\u00eb ardhmes tone. Kosova \u00ebsht\u00eb prioritet komb\u00ebtar i Shqip\u00ebris\u00eb. Shqip\u00ebria \u00ebsht\u00eb prioritet komb\u00ebtar i Kosov\u00ebs. Samiti Bashkimi Europian-Ballkani Per\u00ebndimor rikonfirmoi mb\u00ebshtetjen p\u00ebr politik\u00ebn e zgjerimit drejt vendeve t\u00eb Ballkanit Per\u00ebndimor. Shqip\u00ebria ka mb\u00ebshtetur dhe do t\u00eb vijoj\u00eb t\u00eb mb\u00ebshtes\u00eb pranimin e Kosov\u00ebs n\u00eb K\u00ebshillin e Europ\u00ebs. Ne besojm\u00eb se Republika e Kosov\u00ebs i ka plot\u00ebsuar t\u00eb gjitha kushtet p\u00ebr an\u00ebtar\u00ebsim dhe pranimi i saj.\u201d<\/em> – theksoi Spiropali.<\/span><\/p>\n

Kryeministri Rama nga nj\u00ebra an\u00eb b\u00ebri thirje p\u00ebr heqjen e sanksioneve t\u00eb BE-s\u00eb ndaj Kosov\u00ebs nd\u00ebrsa k\u00ebshilloi kryeministri Kurti q\u00eb t\u00eb b\u00ebj\u00eb kujdes n\u00eb marr\u00ebdh\u00ebniet e tij m\u00eb SHBA-n\u00eb e Brukselin.<\/span><\/p>\n

\u201cD\u00ebshira ime e zjarrt\u00eb \u00ebsht\u00eb t\u00eb mos jemi nj\u00ebri n\u00eb tryez\u00ebn e negociatave p\u00ebr an\u00ebtar\u00ebsim n\u00eb BE e tjetri n\u00eb list\u00ebn e sanksioneve t\u00eb BE-s\u00eb t\u00eb cilat sot jan\u00eb nj\u00eb absurditet absolut. S\u00eb bashku me presidenten n\u00eb samitin e BE-s\u00eb dy dit\u00eb m\u00eb par\u00eb k\u00ebmb\u00ebngul\u00ebn me forc\u00eb q\u00eb ato masa t\u00eb hiqen dhe siguruam q\u00eb t\u00eb gjitha fondet e BE-s\u00eb q\u00eb jan\u00eb penguar t\u00eb l\u00ebvrohen p\u00ebr shkak t\u00eb atyre masave t\u00eb mos digjen. Por ne duhet t\u00eb jemi dor\u00eb p\u00ebr dore, paqedash\u00ebs e paqeruajt\u00ebs p\u00ebr t\u00eb bindur dora dor\u00eb edhe spektik\u00ebt m\u00eb t\u00eb m\u00ebdhenj n\u00eb BE p\u00ebr absurditetin e rezervave t\u00eb tyre ndaj njohjes s\u00eb Kosov\u00ebs si shtet sovran. N\u00eb syt\u00eb e tyre barra e fajit p\u00ebr degradimin e dialogut europian t\u00eb normalizimit duhet ti bjer\u00eb e gjitha vet\u00ebm Serbis\u00eb por kurrsesi nuk duhet t\u00eb lejojm\u00eb qoft\u00eb dhe nj\u00eb gram ti bjer\u00eb Kosov\u00ebs. Duam q\u00eb Kosova t\u00eb njihet nj\u00eb or\u00eb e m\u00eb par\u00eb nga gjith\u00eb ato vende europiane q\u00eb ngurrojn\u00eb ta pranojn\u00eb realitetin e pakthyesh\u00ebm t\u00eb Kosov\u00ebs, p\u00ebrfshi dhe Serbia q\u00eb e ka mundur me luft\u00eb e nuk ka asnj\u00eb arsye ta lidh\u00eb fatin europian t\u00eb saj.\u201d<\/em> – tha Rama.<\/span><\/p>\n

\"\"<\/p>\n

M\u00eb tej ai ceku edhe procesin n\u00eb Gjykat\u00ebn e Hag\u00ebs ndaj ish-krer\u00ebve t\u00eb U\u00c7K-s\u00eb duke e quajtur at\u00eb nj\u00eb\u00a0 proces t\u00eb parregullt ligjor. <\/span><\/p>\n

Ai i propozoi Kuvendit t\u00eb Kosov\u00ebs hartimin e nj\u00eb resolute q\u00eb do u k\u00ebrkonte vendeve q\u00eb sponsorizojn\u00eb Gjykat\u00ebn Speciale ngritjen e nj\u00eb komisioni q\u00eb do verifikonte standardet e gjykimit.<\/span><\/p>\n

Rama v\u00ebrejti se zem\u00ebrimi i SHBA-s\u00eb dhe BE-s\u00eb me Kosov\u00ebn, e pegon k\u00ebt\u00eb t\u00eb fundit nga p\u00ebrparimi n\u00eb rrug\u00ebtimin e integrimit si dhe Shqip\u00ebrin\u00eb q\u00eb t\u00eb b\u00ebj\u00eb gjith\u00e7ka do donte p\u00ebr ta mb\u00ebshtetur. Ai tha se Kosova duhet t\u00eb ngrij\u00eb bisedimet dypal\u00ebshe me Serbin\u00eb dhe normalizimin e marr\u00ebdh\u00ebnie me t\u00eb duhet ta synoj\u00eb p\u00ebrmes bisedimeve t\u00eb nd\u00ebrmjet\u00ebsuara nga BE-ja.<\/span><\/p>\n

\u201cN\u00eb k\u00ebt\u00eb faz\u00eb kaq vendimtare Kosova duhet t\u00eb ngrij dialogun bilateral me Serbin\u00eb, e normalizimin e marr\u00ebdhieneve me fqinjin verior duhet ta synoj\u00eb p\u00ebrmes dialogut bilateral me BE, duke k\u00ebputur k\u00ebrthiz\u00ebn e reciprocitetit nacionalist me Serbin\u00eb dhe lidhur k\u00ebrthiz\u00ebn e reciprocitetit europianist me BE-n\u00eb. Kosova t\u00eb p\u00ebrmbush\u00eb unilateralisht t\u00eb gjitha kushtet e normalizimit t\u00eb marr\u00ebdh\u00ebnieve me Serbin\u00eb jo p\u00ebr hir t\u00eb Serbis\u00eb por p\u00ebr hir t\u00eb martir\u00ebve e f\u00ebmij\u00ebve t\u00eb vet e p\u00ebr hir t\u00eb bashkimit ton\u00eb komb\u00ebtar n\u00eb familjen e kombeve europiane me kryeqytet Brukselin.\u201d<\/em> – tha Rama.<\/span><\/p>\n

\"\"<\/p>\n

Kryeministri i Kosov\u00ebs Kurti q\u00eb e mori fjal\u00ebn pas Ram\u00ebs, i k\u00ebrkoi Shqip\u00ebris\u00eb q\u00eb t\u00eb mb\u00ebshtes\u00eb vendin n\u00eb integrimin n\u00eb BE e NATO. <\/span><\/p>\n

Gjat\u00eb fjal\u00ebs ai ceku luft\u00ebn n\u00eb Ukrain\u00eb, gjendjen e tensionuar n\u00eb Lindjen e Mesme si dhe sulmet terroriste ndaj Kosov\u00ebs, p\u00ebr t\u00eb cilat akuzoi Serbin\u00eb.<\/span><\/p>\n

\u201cSulmet terroriste ndaj Kosov\u00ebs ai n\u00eb Banjsk\u00eb dhe ky i fundit n\u00eb kanalin e uj\u00ebsjell\u00ebsit n\u00eb Ib\u00ebr-Lepenc q\u00eb vijn\u00eb nga e nj\u00ebjta adres\u00eb, nga Serbia, e n\u00ebse nuk \u00ebsht\u00eb Serbia \u00ebsht\u00eb edhe Serbia edhe Rusia bashk\u00eb, e kan\u00eb b\u00ebr\u00eb k\u00ebt\u00eb \u00e7\u00ebshtje urgjente, pra an\u00ebtar\u00ebsimin n\u00eb NATO. Dikur nuk kan\u00eb b\u00ebr\u00eb akte terroriste sepse e kishin krejt n\u00ebn kontroll, tash q\u00eb e kan\u00eb humbur kontrollin b\u00ebjn\u00eb akte terroriste, por ky \u00ebsht\u00eb fundi i tyre. Aktet e tyre terroriste jan\u00eb d\u00ebshp\u00ebrimi i tyre, jan\u00eb fundi i sundimit t\u00eb tyre. Shqiptar\u00ebt n\u00eb Serbi jan\u00eb komuniteti etnik m\u00eb i diskriminuar n\u00eb Evrop\u00eb. Prandaj ata meritojn\u00eb v\u00ebmendje m\u00eb t\u00eb madhe n\u00eb bashk\u00ebrendimin e politikave rajonale t\u00eb Republik\u00ebs s\u00eb Shqip\u00ebris\u00eb e Republik\u00ebs s\u00eb Kosov\u00ebs. Shqiptar\u00ebt nuk kan\u00eb faj q\u00eb jan\u00eb autokton. N\u00eb buxhetin e vitit t\u00eb ardhsh\u00ebm kemi ndar\u00eb si qeveri 4 milion p\u00ebr Lugin\u00ebn, uroj t\u00eb sh\u00ebrbej\u00eb kjo si nj\u00eb shembull edhe p\u00ebr Shqip\u00ebrin\u00eb\u201d<\/em>, tha Kurti.<\/span><\/p>\n

Pikante<\/strong><\/span><\/p>\n

Haradinaj akuza Kurtit se ndjek axhend\u00eb ruso-serbe<\/em><\/strong><\/span><\/p>\n

\u201cKryeministri ka shkuar deri aty sa ka e ka quajtur sekretarin Blinken naiv, prandaj jemi aty ku jemi. Vargu i d\u00ebshtimeve \u00ebsht\u00eb i gjat\u00eb, v\u00ebshtir\u00eb e kemi t\u00eb gjejm\u00eb nj\u00eb veprim t\u00eb hajrit, \u00e7do veprim i Kurtit \u00ebsht\u00eb n\u00eb p\u00ebrputhje t\u00eb plot\u00eb me axhend\u00ebn e Rusis\u00eb e Serbis\u00eb. P\u00ebr t\u00eb qen\u00eb i hapur me ju, Rama e Spiropali, marr\u00ebdh\u00ebniet me Shqip\u00ebrin\u00eb n\u00eb k\u00ebto 4 vjet gati sa nuk e kan\u00eb prekur fundin dhe t\u00eb gjith\u00eb n\u00eb sall\u00eb e din\u00eb shkakun. T\u00eb mira jan\u00eb mbledhjet tona v\u00ebllaz\u00ebrore, edhe pse jo t\u00eb hijshme n\u00eb prag t\u00eb zgjedhjeve. Me Shqip\u00ebrin\u00eb \u00ebsht\u00eb ndryshe, se v\u00ebllau te v\u00ebllau shkon e vjen kurdo. \u00c7do her\u00eb \u00ebsht\u00eb ndjenj\u00eb e mir\u00eb t\u00eb jemi bashk\u00eb. Shqip\u00ebria ka b\u00ebr\u00eb kujdes se nuk \u00ebsht\u00eb p\u00ebrzier n\u00eb fushatat tona t\u00eb brendshme zgjedhore, k\u00ebrkoj ndihm\u00ebn e Shqip\u00ebris\u00eb p\u00ebr an\u00ebtar\u00ebsimin, jo p\u00ebrmes partneritetit me paqe, por p\u00ebrmes planit aksional t\u00eb an\u00ebtar\u00ebsimit.\u201d<\/em><\/span><\/p>\n

\"\"<\/p>\n

Bardhi kritika Ram\u00ebs: V\u00ebllai k\u00ebshillohet fshehurazi, jo publikisht<\/strong><\/span><\/p>\n

\u201cKam nj\u00eb mesazh p\u00ebr kryeministrin q\u00eb e lan\u00eb nervat dhe braktisi sall\u00ebn. Ne shqiptar\u00ebt kemi nj\u00eb tradit\u00eb, v\u00ebllait nuk ia themi kurr\u00eb k\u00ebshill\u00ebn n\u00eb publik n\u00eb lagje. Ia themi n\u00eb sht\u00ebpi me z\u00eb t\u00eb ul\u00ebt q\u00eb t\u00eb mos na d\u00ebgjojn\u00eb t\u00eb tjer\u00ebt. Nj\u00eb k\u00ebshill\u00eb si kjo ke th\u00ebn\u00eb n\u00eb publik e l\u00ebndon v\u00ebllain dhe \u00ebsht\u00eb nj\u00eb thik\u00eb pas shpine p\u00ebr v\u00ebllain ton\u00eb, Kosov\u00ebn ton\u00eb t\u00eb dashur. Kosova e Shqip\u00ebria duhet t\u00eb jen\u00eb nj\u00eb vizon ku ekonomit\u00eb tona lul\u00ebzojn\u00eb s\u00eb bashku, ku t\u00eb rinjt\u00eb gjejn\u00eb mund\u00ebsin\u00eb brenda atdheut, k\u00ebtej e andej kufirit formal e jo duke emigruar. T\u00eb shtrojm\u00eb rrug\u00ebn n\u00eb sh\u00ebndet\u00ebsi, arsim. Koh\u00eb e fundit politikat nuk e kan\u00eb pasqyruar at\u00eb q\u00eb duhet t\u00eb ishte. N\u00eb em\u00ebr t\u00eb PD-s\u00eb q\u00ebndrojm\u00eb fuqimisht kund\u00ebr masave dhe sanksioneve t\u00eb Kosov\u00ebs. Ato penalizojn\u00eb Kosov\u00ebn p\u00ebr k\u00ebrkesat e saj legjitime p\u00ebr t\u00eb qen\u00eb shtet i pavarur n\u00eb tryez\u00ebn e bisedimeve. Asnj\u00eb paqe e q\u00ebndrueshme n\u00eb bot\u00eb nuk mund t\u00eb nd\u00ebrtohet mbi bazat e shtr\u00ebngimit dhe presionit. \u00cbsht\u00eb detyra e Shqip\u00ebris\u00eb t\u00eb fuqizoj\u00eb z\u00ebrin e Kosov\u00ebs n\u00eb aren\u00ebn nd\u00ebrkomb\u00ebtare.\u201d<\/em><\/span><\/p>\n

Mediu: Miq\u00ebsia e Serbis\u00eb me Shqip\u00ebrin\u00eb sjell pasoja p\u00ebr Kosov\u00ebn<\/strong><\/span><\/p>\n

\u201cT\u00eb gjith\u00eb ne duhet t\u00eb mbrojm\u00eb historin\u00eb e Kosov\u00ebs. Duhet t\u00eb punojm\u00eb bashk\u00eb jo p\u00ebr pushtet, por p\u00ebr shtet. Serbia ka b\u00ebr\u00eb zgjedhjen e saj, me Rusin\u00eb e Kin\u00ebn. Serbia vazhdon me idet\u00eb e Serbis\u00eb s\u00eb Madhe, deklaron se Europa e NATO jan\u00eb hipokrit, thon\u00eb se Serbia nuk do e njoh\u00eb pavar\u00ebsin\u00eb e Kosov\u00ebs. Serbia sheh shpres\u00eb nga Moska. Beogradi nj\u00eb mik p\u00ebr Tiran\u00ebn sjell pasoja p\u00ebr Kosov\u00ebn. Serbia po p\u00ebrpiqet t\u00eb destabilizoj\u00eb Kosov\u00ebn. T\u00eb vendosemi n\u00eb mb\u00ebshtetje t\u00eb kauz\u00ebs komb\u00ebtare.<\/em> P\u00ebrulem ndaj atyre q\u00eb padrejt\u00ebsisht ndodhen n\u00eb Hag\u00eb dhe t\u00eb gjith\u00eb n\u00eb duhet t\u00eb mbrojm\u00eb historin\u00eb dhe luft\u00ebn e Kosov\u00ebs. Mir\u00ebnjohje t\u00eb p\u00ebrjetshme SHBA-s\u00eb, NATO-s, Presidentin Clinton q\u00eb udh\u00ebhoqi NATO-n kund\u00ebr gjenocidit serb, Presidentin Bush q\u00eb n\u00eb vitin 2007 shpalli mb\u00ebshtetjen p\u00ebr pavar\u00ebsin\u00eb e Kosov\u00ebs dhe futjen e Shqip\u00ebris\u00eb n\u00eb NATO. Nj\u00eb reflektim dhe p\u00ebr vet\u00ebn ton\u00eb, ne jemi zgjedhur q\u00eb t\u2019i sh\u00ebrbej\u00eb shqiptar\u00ebve dhe interesit\u00a0 Komb\u00ebtar duke i par\u00eb ata p\u00ebrball\u00eb.\u201d<\/em><\/span><\/p>\n