{"id":714786,"date":"2024-12-14T16:34:46","date_gmt":"2024-12-14T15:34:46","guid":{"rendered":"https:\/\/www.hashtag.al\/?p=714786"},"modified":"2024-12-14T16:37:53","modified_gmt":"2024-12-14T15:37:53","slug":"__trashed-22","status":"publish","type":"post","link":"https:\/\/www.hashtag.al\/index.php\/2024\/12\/14\/__trashed-22\/","title":{"rendered":"Bozdo: Djali i kryebashkiakut t\u00eb Poli\u00e7anit fiton dy tendera pa konkurrenc\u00eb","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Partia Demokratike ka akuzuar dje djalin e kryebashkiakut t\u00eb Poli\u00e7anit, Adriatik Zotkaj, p\u00ebr p\u00ebrfitimin e dy tenderave pa konkurrenc\u00eb n\u00eb dy bashki socialiste, P\u00ebrmet dhe Dimal. Sipas nj\u00eb deklarate t\u00eb b\u00ebr\u00eb nga Eno Bozdo, i deleguari politik i PD n\u00eb Berat, tenderi i fituar nga kompania \u201cG&M Construction 07\u201d p\u00ebr rehabilitimin e rezervuarit Qilarisht n\u00eb Bashkin\u00eb e P\u00ebrmetit, \u00ebsht\u00eb realizuar n\u00eb munges\u00eb t\u00eb plot\u00eb t\u00eb konkurrenc\u00ebs.<\/span><\/p>\n

Tenderi i marr\u00eb n\u00eb Bashkin\u00eb e P\u00ebrmetit ka t\u00eb b\u00ebj\u00eb me punimet p\u00ebr rehabilitimin e rezervuarit Qilarisht. \u201cKompania \u2018G&M Construction 07\u2019 e fiton k\u00ebt\u00eb gar\u00eb n\u00eb munges\u00eb t\u00eb plot\u00eb t\u00eb konkurrenc\u00ebs, madje me ofert\u00eb thuajse 100% t\u00eb fondit limit. N\u00eb t\u00eb nj\u00ebjt\u00ebn procedur\u00eb, dy kompani me oferta m\u00eb t\u00eb ul\u00ebta skualifikohen paraprakisht nga gara, duke l\u00ebn\u00eb t\u00eb vet\u00ebm n\u00eb gar\u00eb kompanin\u00eb e djalit t\u00eb Adriatik Zotk\u00ebs, kryetarit t\u00eb Bashkis\u00eb Poli\u00e7an\u201d,<\/em> tha Bozdo.<\/span><\/p>\n

PD k\u00ebrkoi q\u00eb SPAK t\u00eb nd\u00ebrhyj\u00eb dhe t\u00eb hetoj\u00eb k\u00ebt\u00eb skem\u00eb korruptive, duke theksuar se \u00ebsht\u00eb e nevojshme nj\u00eb vullnet i fort\u00eb p\u00ebr t\u00eb goditur korrupsionin n\u00eb vend.\u00a0<\/span><\/p>\n

Deklarata<\/strong><\/span><\/p>\n

Vet\u00ebm tre dit\u00eb pasi Edi Rama deklaroi se do ta b\u00ebnte Shqip\u00ebrin\u00eb nj\u00eb \u2018fanar ndri\u00e7ues bot\u00ebror\u2019 n\u00eb \u00e7\u00ebshtjet e prokurimit publik, duke p\u00ebrdorur inteligjenc\u00ebn artificiale, Bashkia e P\u00ebrmetit ia dhuron prokurimin e radh\u00ebs kompanis\u00eb s\u00eb djalit t\u00eb kryetarit t\u00eb Bashkis\u00eb Poli\u00e7an, kompanis\u00eb \u2018G&M Construstion 07\u2019. Prokurimi \u00ebsht\u00eb mbi punimet p\u00ebr rehabilitimin e rezervuarit Qilarisht.<\/em><\/span><\/p>\n

Kompania \u2018G&M Construction 07\u2019 e fiton k\u00ebt\u00eb gar\u00eb n\u00eb munges\u00eb t\u00eb plot\u00eb t\u00eb konkurrenc\u00ebs, madje me ofert\u00eb thuajse 100% t\u00eb fondit limit. N\u00eb t\u00eb nj\u00ebjt\u00ebn procedur\u00eb, dy kompani me oferta m\u00eb t\u00eb ul\u00ebta skualifikohen paraprakisht nga gara, duke l\u00ebn\u00eb t\u00eb vet\u00ebm n\u00eb gar\u00eb kompanin\u00eb e djalit t\u00eb Adriatik Zotk\u00ebs, kryetarit t\u00eb Bashkis\u00eb Poli\u00e7an.<\/em><\/span><\/p>\n

Neni 2 dhe 3 i Ligjit t\u00eb Prokurimit Publik k\u00ebrkon aplikimin n\u00eb t\u00eb gjitha rastet t\u00eb parimit t\u00eb konkurrenc\u00ebs, pra k\u00ebrkon gar\u00eb me m\u00eb shum\u00eb se vet\u00ebm nj\u00eb pjes\u00ebmarr\u00ebs! Por kryetarja e Bashkis\u00eb P\u00ebrmet, preferon t\u00eb shkel\u00eb ligjin dhe t`ia fal\u00eb tenderin djalit t\u00eb kolegut t\u00eb saj n\u00eb Poli\u00e7an.<\/em><\/span><\/p>\n

Ajo \u00e7far\u00eb e b\u00ebn k\u00ebt\u00eb skem\u00eb korruptive edhe m\u00eb t\u00eb r\u00ebnd\u00eb, \u00ebsht\u00eb fakti se nuk ndodh p\u00ebr her\u00eb t\u00eb par\u00eb: n\u00eb gusht t\u00eb k\u00ebtij viti, kryetarja e Bashkis\u00eb Dimal i akordon kompanis\u00eb \u2018G&M Construction 07\u2019, pra kompanis\u00eb s\u00eb djalit t\u00eb Adriatik Zotk\u00ebs, nj\u00eb tjet\u00ebr tender publik- vazhdimi i shtres\u00ebs s\u00eb asfaltit n\u00eb rrug\u00ebn Drenovic\u00eb, p\u00ebrs\u00ebri me ofert\u00eb gati 100% t\u00eb fondit limit dhe p\u00ebrs\u00ebri n\u00eb munges\u00eb t\u00eb plot\u00eb t\u00eb konkurrenc\u00eb, d.m.th. me nj\u00eb garues t\u00eb vet\u00ebm.<\/em><\/span><\/p>\n

Brenda 4 muajsh pra, djali i Adriatik Zotk\u00ebs fiton dy tendera pa konkurrenc\u00eb, me ofert\u00eb maksimale thuajse 100% t\u00eb fondit limit. P\u00ebr k\u00ebt\u00eb \u2018v\u00ebn\u00eb dor\u00ebn n\u00eb zem\u00ebr\u2019 dy koleget socialiste t\u00eb babait t\u00eb tij, kryetaret e Bashkis\u00eb Dimal dhe Bashkis\u00eb P\u00ebrmet.<\/em><\/span><\/p>\n

Ja pra sesi ligji shkelet haptazi, me t\u00eb dyja k\u00ebmb\u00ebt, n\u00eb mes t\u00eb dit\u00ebs dhe me arroganc\u00ebn q\u00eb karakterizon k\u00ebt\u00eb pushtet dhe k\u00ebt\u00eb qeveri t\u00eb kalbur nga korrupsioni dhe nepotizmi.<\/em><\/span><\/p>\n

Kur i shton k\u00ebsaj k\u00ebrdie q\u00eb i b\u00ebhet fondeve publike, talljen e Edi Ram\u00ebs me shqiptar\u00ebt mbi p\u00ebrdorimin e inteligjenc\u00ebs artificiale p\u00ebr t`i treguar bot\u00ebs sesi luftohet korrupsioni, merr menj\u00ebher\u00eb p\u00ebrgjigjen pse shqiptar\u00ebt jan\u00eb m\u00eb t\u00eb varf\u00ebr sesa 12 vjet m\u00eb par\u00eb, pse kemi zbritur n\u00eb fund t\u00eb Evrop\u00ebs nd\u00ebrsa vendet e tjera shum\u00ebfishojn\u00eb paga e pensione, pse pensionistet blejn\u00eb m\u00eb pak me pensioni e tyre sesa 12 vjet m\u00eb par\u00eb, pse t\u00eb rinjt\u00eb braktisin vendin, pse fermer\u00ebt jan\u00eb l\u00ebn\u00eb n\u00eb m\u00ebshir\u00eb t\u00eb faktit, pse krimi mbizot\u00ebron dhe dikton gjith\u00e7ka, pse ka pllakosur mungesa e shpres\u00ebs dhe depresioni. Kjo \u00ebsht\u00eb Shqip\u00ebria e zhb\u00ebr\u00eb 2030, sipas vizionit t\u00eb vet\u00eb Edi Ram\u00ebs.<\/em><\/span><\/p>\n

K\u00ebto fakte t\u00eb b\u00ebra publike dhe t\u00eb denoncuara nga Partia Demokratike tashm\u00eb jan\u00eb m\u00eb se t\u00eb mjaftueshme q\u00eb SPAK t\u00eb vihet menj\u00ebher\u00eb n\u00eb l\u00ebvizje p\u00ebr t\u00eb hetuar gjith\u00eb k\u00ebt\u00eb skem\u00eb korruptive. P\u00ebr k\u00ebt\u00eb nevojitet vullnet i fort\u00eb p\u00ebr t\u00eb goditur korrupsionin, por nd\u00ebrkaq shum\u00eb denoncime t\u00eb m\u00ebparshme nga Partia Demokratike, mbi fakte flagrante, jan\u00eb l\u00ebn\u00eb n\u00eb harres\u00eb nga SPAK.<\/em><\/span><\/p>\n