{"id":713739,"date":"2024-12-08T10:47:42","date_gmt":"2024-12-08T09:47:42","guid":{"rendered":"https:\/\/www.hashtag.al\/?p=713739"},"modified":"2024-12-08T10:49:19","modified_gmt":"2024-12-08T09:49:19","slug":"tabaku-uron-8-dhjetorin-rinia-sot-po-detyrohet-te-largohet-nga-shqiperia-mungojne-mundesite","status":"publish","type":"post","link":"https:\/\/www.hashtag.al\/index.php\/2024\/12\/08\/tabaku-uron-8-dhjetorin-rinia-sot-po-detyrohet-te-largohet-nga-shqiperia-mungojne-mundesite\/","title":{"rendered":"Tabaku uron 8 dhjetorin: Rinia sot po detyrohet t\u00eb largohet nga Shqip\u00ebria, mungojn\u00eb mund\u00ebsit\u00eb","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Deputetja e Partis\u00eb Demokratike, Jorida Tabaku n\u00eb Dit\u00ebn Komb\u00ebtare t\u00eb Rinis\u00eb, thot\u00eb se rinia shqiptare ndodhe n\u00eb nj\u00eb situat\u00eb t\u00eb v\u00ebshtir\u00eb.<\/span><\/p>\n

P\u00ebrmes nj\u00eb video-mesazhi t\u00eb postuar n\u00eb rrjetet e saj sociale, Tabaku thot\u00eb se rinia shqiptare \u00ebsht\u00eb larguar masivisht nga Shqip\u00ebria dhe n\u00eb vend nga mungesa p\u00ebr mund\u00ebsi.<\/span><\/p>\n

\u201cRinia sot \u00ebsht\u00eb si Shqip\u00ebria sot: m\u00eb e varf\u00ebr, m\u00eb e d\u00ebshp\u00ebruar dhe n\u00eb ikje. Nj\u00eb e treta e t\u00eb rinjve jan\u00eb t\u00eb papun\u00eb, 40% e forc\u00ebs aktive jan\u00eb larguar, universitetet po zbrazen dhe shkollat po mbyllen. Sot, rinia nuk po shihet m\u00eb si promotori i ndryshimit t\u00eb shoq\u00ebris\u00eb dhe ekonomis\u00eb<\/em>\u201d, tha Tabaku.<\/span><\/p>\n

Deputetja theksoi se rinia shqiptare ka nj\u00eb potencial t\u00eb jasht\u00ebzakonsh\u00ebm dhe se t\u00eb rinjt\u00eb tan\u00eb kan\u00eb treguar sukses n\u00eb fusha t\u00eb ndryshme si biznesi, shkenca dhe mjek\u00ebsia por, p\u00ebr fat t\u00eb keq, k\u00ebto arritje po realizohen jasht\u00eb kufijve t\u00eb Shqip\u00ebris\u00eb.<\/span><\/p>\n

\u201cD\u00ebshira jon\u00eb \u00ebsht\u00eb q\u00eb ata t\u00eb ken\u00eb mund\u00ebsi t\u00eb arrijn\u00eb k\u00ebtu, n\u00eb Shqip\u00ebri, t\u00eb p\u00ebrfshihen n\u00eb vendimmarrje, sip\u00ebrmarrje dhe n\u00eb t\u00eb gjitha fushat e jet\u00ebs. T\u00eb rinjt\u00eb duhet t\u00eb jen\u00eb forca q\u00eb ndryshon k\u00ebt\u00eb vend, ashtu si\u00e7 ndodhi m\u00eb 8 dhjetor 1990, kur rinia ndryshoi nj\u00eb sistem t\u00eb t\u00ebr\u00eb me forc\u00ebn dhe energjin\u00eb e tyre<\/em>\u201d, shtoi Tabaku.<\/span><\/p>\n

Ajo b\u00ebri thirrje p\u00ebr nj\u00eb p\u00ebrfshirje m\u00eb t\u00eb madhe t\u00eb rinis\u00eb n\u00eb proceset vendimmarr\u00ebse dhe zhvillimore, duke e konsideruar rinin\u00eb si nj\u00eb forc\u00eb t\u00eb pashtershme p\u00ebr t\u00eb ardhmen e Shqip\u00ebris\u00eb.<\/span><\/p>\n

\u201cDuhet t\u00eb kujtojm\u00eb \u00e7do dit\u00eb q\u00eb t\u00eb rinjt\u00eb jan\u00eb forca integrale e k\u00ebtij vendi. Duhet t\u2019u japim mund\u00ebsi p\u00ebr t\u2019i p\u00ebrfshir\u00eb n\u00eb \u00e7do proces, q\u00eb ata t\u00eb b\u00ebjn\u00eb ndryshimin dhe ta \u00e7ojn\u00eb Shqip\u00ebrin\u00eb p\u00ebrpara,\u201d p\u00ebrfundoi deputetja.<\/span><\/p>\n

Mesazhi i plot\u00eb:<\/strong><\/span><\/p>\n

Rinia sot \u00ebsht\u00eb si Shqip\u00ebria sot: m\u00eb e varf\u00ebr, n\u00eb ikje, e zbrazur nga potenciali i saj m\u00eb i \u00e7muar. Sot, nj\u00eb e treta e t\u00eb rinjve jan\u00eb pa pun\u00eb, dhe 40% e forc\u00ebs aktive, kryesisht e p\u00ebrb\u00ebr\u00eb nga t\u00eb rinj, jan\u00eb larguar nga vendi. Universitetet jan\u00eb gjithnj\u00eb e m\u00eb t\u00eb zbrazura, klasat mbyllen dhe nj\u00eb munges\u00eb e theksuar e shpres\u00ebs reflektohet n\u00eb gjendjen e rinis\u00eb shqiptare.<\/span><\/p>\n

Rinia shqiptare ka nj\u00eb potencial t\u00eb jasht\u00ebzakonsh\u00ebm. T\u00eb rinjt\u00eb tan\u00eb shk\u00eblqejn\u00eb n\u00eb fusha t\u00eb ndryshme si biznesi, akademia, mjek\u00ebsia apo shkenca. Por, p\u00ebr fat t\u00eb keq, suksesin e arrijn\u00eb jasht\u00eb kufijve t\u00eb vendit. Shqip\u00ebria nuk po arrin t\u2019i mbaj\u00eb, t\u2019i integroj\u00eb dhe t\u2019i p\u00ebrfshij\u00eb n\u00eb proceset vendimmarr\u00ebse dhe zhvillimore.<\/span><\/p>\n

Para 34 vitesh, m\u00eb 8 dhjetor 1990, t\u00eb rinjt\u00eb ndryshuan sistemin me forc\u00ebn, energjin\u00eb dhe potencialin e tyre t\u00eb jasht\u00ebzakonsh\u00ebm. Partia Demokratike, forca e par\u00eb opozitare, u nd\u00ebrtua mbi mb\u00ebshtetjen e rinis\u00eb dhe e sheh at\u00eb ende sot si motor t\u00eb ndryshimit t\u00eb vendit. N\u00eb k\u00ebt\u00eb Dit\u00eb t\u00eb Rinis\u00eb, le t\u00eb kujtojm\u00eb potencialin e pamat\u00eb q\u00eb ka rinia jon\u00eb.<\/span><\/p>\n

Fakti q\u00eb sot rinia \u00ebsht\u00eb duke u larguar, duhet t\u00eb na nxis\u00eb t\u00eb ndryshojm\u00eb situat\u00ebn jo vet\u00ebm p\u00ebr brezin aktual, por edhe p\u00ebr brezat q\u00eb vijn\u00eb. \u00cbsht\u00eb detyra jon\u00eb t\u00eb krijojm\u00eb kushte q\u00eb t\u00eb rinjt\u00eb t\u00eb q\u00ebndrojn\u00eb dhe t\u00eb kontribuojn\u00eb k\u00ebtu. Shqip\u00ebria ka nj\u00eb rini t\u00eb jasht\u00ebzakonshme, nj\u00eb thesar t\u00eb pa\u00e7muar q\u00eb mund t\u00eb b\u00ebj\u00eb ndryshime t\u00eb m\u00ebdha.<\/span><\/p>\n

T\u00eb rinjt\u00eb tan\u00eb ia dalin kudo, por q\u00ebllimi \u00ebsht\u00eb q\u00eb ata t\u00eb shk\u00eblqejn\u00eb k\u00ebtu, n\u00eb vendin ton\u00eb. Ne duhet t\u2019u japim hap\u00ebsir\u00eb n\u00eb vendimmarrje, n\u00eb sip\u00ebrmarrje dhe n\u00eb \u00e7do fush\u00eb tjet\u00ebr, duke i trajtuar si partner\u00eb t\u00eb v\u00ebrtet\u00eb dhe jo si dekor politik. Rinia nuk \u00ebsht\u00eb vet\u00ebm e ardhmja, por edhe e tashmja e vendit.<\/span><\/p>\n

N\u00eb politik\u00eb, n\u00eb ekonomi, n\u00eb arsim dhe administrat\u00eb publike, p\u00ebrfshirja e rinis\u00eb do t\u00eb sillte ndryshime rr\u00ebnj\u00ebsore. Ne duhet t\u00eb krijojm\u00eb politika q\u00eb i mb\u00ebshtesin t\u00eb rinjt\u00eb, qoft\u00eb p\u00ebrmes fondeve p\u00ebr startup-e, p\u00ebrfshirjes n\u00eb k\u00ebshilla lokale e komb\u00ebtare, apo mb\u00ebshtetjes s\u00eb ideve t\u00eb tyre.<\/span><\/p>\n

Un\u00eb kam nj\u00eb thirrje p\u00ebr t\u00eb gjith\u00eb t\u00eb rinjt\u00eb shqiptar\u00eb: b\u00ebni diferenc\u00ebn! Ashtu si\u00e7 keni ndryshuar sistemin 34 vite m\u00eb par\u00eb, mund ta ndryshoni edhe situat\u00ebn aktuale. Ju jeni shtysa e \u00e7do procesi, duke nisur nga ai politik e deri te integrimi europian. Besoj plot\u00ebsisht se rinia shqiptare \u00ebsht\u00eb nd\u00ebr m\u00eb t\u00eb ve\u00e7antat dhe m\u00eb t\u00eb mirat, jo vet\u00ebm n\u00eb rajon, por n\u00eb t\u00eb gjith\u00eb bot\u00ebn.<\/span><\/p>\n

Por \u00ebsht\u00eb detyra jon\u00eb t\u2019ju japim mund\u00ebsin\u00eb q\u00eb ju takon \u2013 nj\u00eb mund\u00ebsi p\u00ebr t\u00eb nd\u00ebrtuar nj\u00eb Shqip\u00ebri t\u00eb re, m\u00eb t\u00eb drejt\u00eb dhe m\u00eb t\u00eb zhvilluar. Nuk duhet t\u2019ju kujtojm\u00eb vet\u00ebm n\u00eb Dit\u00ebn e Rinis\u00eb, por \u00e7do dit\u00eb, sepse ju jeni forca integrale e k\u00ebtij vendi.<\/span><\/p>\n