![\"\"](\"https:\/\/www.hashtag.al\/wp-content\/uploads\/2024\/12\/Screenshot-2024-12-03-182905.png\")
<\/a><\/span><\/p>\nShefja e re e diplomacis\u00eb s\u00eb Bashkimit Evropian, Kaja Kallas, ka zhvilluar takime t\u00eb ndara me krer\u00ebt e Kosov\u00ebs dhe Serbis\u00eb me t\u00eb cil\u00ebt ka biseduar p\u00ebr dialogun p\u00ebr normalizimin e raporteve mes dy vendeve, p\u00ebr sulmin n\u00eb Banjsk\u00eb dhe shp\u00ebrthimin n\u00eb kanalin e Ib\u00ebr-Lepencit n\u00eb Zubin Potok.<\/span><\/p>\n Takimet e ndara n\u00eb Bruksel mes Kallasit dhe kryeministrit t\u00eb Kosov\u00ebs, Albin Kurti, dhe presidentit t\u00eb Serbis\u00eb, Aleksandar Vu\u00e7i\u00e7, nuk ishin n\u00eb kuad\u00ebr t\u00eb dialogut p\u00ebr normalizimin e raporteve mes Prishtin\u00ebs dhe Beogradit, q\u00eb nd\u00ebrmjet\u00ebsohet nga blloku evropian.<\/span><\/p>\n \u201cI takova presidentin Vu\u00e7i\u00e7 dhe kryeministrin Kurti. E vetmja rrug\u00eb drejt an\u00ebtar\u00ebsimit n\u00eb BE \u00ebsht\u00eb p\u00ebrmes normalizimit t\u00eb raporteve mes tyre, n\u00eb baz\u00eb t\u00eb Marr\u00ebveshjes s\u00eb Ohrit. Mir\u00ebprita gatishm\u00ebrin\u00eb e tyre p\u00ebr t\u00eb bashk\u00ebpunuar pas sulmit t\u00eb fundit terrorist. Kryesit duhet t\u00eb p\u00ebrballen me drejt\u00ebsin\u00eb\u201d,<\/em> tha Kallas p\u00ebrmes nj\u00eb postimi n\u00eb rrjetet sociale.<\/span><\/p>\n <\/p>\n Kurti insiston n\u00eb Marr\u00ebveshjen p\u00ebr rrug\u00ebn drejt normalizimit t\u00eb raporteve<\/span><\/p>\n Kryeministri i Kosov\u00ebs, Albin Kurti, tha se me Kallasin ka diskutuar p\u00ebr \u00e7\u00ebshtjen e integrimit evropian t\u00eb Kosov\u00ebs dhe p\u00ebr raportet me Serbin\u00eb fqinje, teksa tha se Kallas \u00ebsht\u00eb “n\u00eb koh\u00ebn e duhur dhe n\u00eb vendin e duhur”.<\/em><\/span><\/p>\n “Nga lider\u00ebt q\u00eb ka Evropa sot, besoj se zonja Kallas \u00ebsht\u00eb n\u00eb koh\u00ebn e duhur dhe n\u00eb vendin e duhur. Ne kemi shpresa t\u00eb m\u00ebdha q\u00eb Kosova q\u00eb rajoni i Ballkanit Per\u00ebndimor do t\u00eb p\u00ebrfitoj\u00eb shum\u00eb sa i p\u00ebrket vlerave evropiane, demokratike, mb\u00ebshtetjes ekonomike e financiare dhe paqes dhe siguris\u00eb n\u00eb p\u00ebrgjith\u00ebsi”,<\/em> tha Kurti pas takimit.<\/span><\/p>\n Kurti tha p\u00ebr gazetar\u00ebt se ka k\u00ebrkuar nga strukturat e reja t\u00eb Komisionit Evropian q\u00eb t\u00eb insistoj\u00eb n\u00eb zbatimin e Marr\u00ebveshjes p\u00ebr rrug\u00ebn drejt normalizimit t\u00eb raporteve me Serbin\u00eb, t\u00eb arritur vitin e kaluar dhe t\u00eb mos e harrojn\u00eb k\u00ebt\u00eb marr\u00ebveshje sa her\u00eb p\u00ebrmendet dialogu.<\/span><\/p>\n Kurti tha se e ka njoftuar Kallasin p\u00ebr hetimet lidhur me sulmin e fundit q\u00eb ndodhi m\u00eb 29 n\u00ebntor n\u00eb Zubin Potok ndaj kanalit t\u00eb Ib\u00ebr-Lepencit dhe tha se ka p\u00ebrs\u00ebritur k\u00ebrkes\u00ebn drejtuar Serbis\u00eb p\u00ebr dor\u00ebzimin e Millan Radoi\u00e7i\u00e7it, i cili ka marr\u00eb p\u00ebrgjegj\u00ebsin\u00eb p\u00ebr sulmin e armatosur t\u00eb 24 shtatorit t\u00eb vitit 2023 n\u00eb Banjsk\u00eb t\u00eb Zve\u00e7anit.<\/span><\/p>\n Duke folur p\u00ebr shp\u00ebrthimin n\u00eb kanalin e Ib\u00ebr-Lepencit, p\u00ebr t\u00eb cilin Kosova e ka faj\u00ebsuar Serbin\u00eb, Kurti tha se jan\u00eb gjetur shum\u00eb elemente ruse.<\/span><\/p>\n Bashkimi Evropian e ka cil\u00ebsuar sulmin e 29 n\u00ebntorit n\u00eb Zubin Potok “akt terrorist” dhe “sabotues” t\u00eb infrastruktur\u00ebs kritike t\u00eb Kosov\u00ebs.<\/span><\/p>\n \u201cKa armatim t\u00eb konfiskuar dhe materiale q\u00eb jan\u00eb gjetur. Nga 74 emblema q\u00eb u konfiskuan, 20 prej tyre jan\u00eb ruse, prej nj\u00ebsive t\u00eb ndryshme ruse, t\u00eb tjerat jan\u00eb kryesisht serbe. \u00cbsht\u00eb edhe nj\u00eb e Ushtris\u00eb \u00c7lirimtare t\u00eb Kosov\u00ebs q\u00eb na b\u00ebn t\u00eb mendojm\u00eb se dikush ka dashur q\u00eb hetimet e ardhshme t\u00eb shkojn\u00eb n\u00eb drejtim t\u00eb gabuar, apo si\u00e7 thuhet n\u00eb fjalorin e NATO-s \u2018false flag operation\u2019\u201d,<\/em> tha Kurti, duke p\u00ebrs\u00ebritur k\u00ebrkes\u00ebn drejtuar bashk\u00ebsis\u00eb nd\u00ebrkomb\u00ebtare p\u00ebr ndihm\u00eb.<\/span><\/p>\n <\/p>\n Kallas, q\u00eb ka nisur mandatin e saj pes\u00ebvje\u00e7ar m\u00eb 1 dhjetor, do t\u00eb ket\u00eb p\u00ebrgjegj\u00ebsin\u00eb e nd\u00ebrmjet\u00ebsimit t\u00eb procesit t\u00eb dialogut mes Kosov\u00ebs dhe Serbis\u00eb.<\/span><\/p>\n I pyetur se a ka dh\u00ebn\u00eb sinjale Kallasi se si e sheh vazhdimin e dialogut, Kurti tha se ajo m\u00eb shum\u00eb ka d\u00ebgjuar dhe m\u00eb von\u00eb do t\u00eb shihet se si do t\u00eb veprohet.<\/span><\/p>\n \u201cTakimi i sot\u00ebm ka qen\u00eb m\u00eb shum\u00eb p\u00ebr t\u00eb na d\u00ebgjuar neve. Dhe do t\u2019i d\u00ebgjoj\u00eb edhe t\u00eb tjer\u00ebt dhe nuk ka dyshim se vitin e ardhsh\u00ebm do ta intensifikoj\u00eb procesin p\u00ebr paqe dhe integrim, duke punuar me ekipin e saj. Por, \u00e7far\u00eb forme do t\u00eb merr kjo, \u00ebsht\u00eb v\u00ebshtir\u00eb t\u00eb thuhet tash. Qart\u00eb, ajo po tregon p\u00ebrkushtimin e saj p\u00ebr rajon dhe kjo \u00ebsht\u00eb shenj\u00eb e mir\u00eb edhe p\u00ebr Kosov\u00ebn, q\u00eb ka pritje nga zonja Kallas, por edhe p\u00ebr gjith\u00eb rajonin\u201d,<\/em> tha ai.<\/span><\/p>\n Kryeministri i Kosov\u00ebs tha se nuk ka hequr dor\u00eb nga kushtet e tij p\u00ebr dialogun q\u00eb kan\u00eb t\u00eb b\u00ebjn\u00eb me dor\u00ebzimin e Radoi\u00e7iqit, t\u00ebrheqjen e nj\u00eb letre d\u00ebrguar institucioneve t\u00eb BE-s\u00eb vitin e kaluar nga kryeministrja e at\u00ebhershme serbe, Ana B\u00ebrbani\u00e7, dhe insistimi q\u00eb t\u00eb n\u00ebnshkruhet Marr\u00ebveshja p\u00ebr rrug\u00ebn drejt normalizimit t\u00eb raporteve.<\/span><\/p>\n Marr\u00ebveshja – q\u00eb njihet edhe si Marr\u00ebveshja e Ohrit – prej 11 nenesh, nd\u00ebr tjerash parasheh nj\u00eb nivel t\u00eb vet\u00ebmenaxhimit p\u00ebr komunitetin serb n\u00eb Kosov\u00eb, njohje t\u00eb nd\u00ebrsjell\u00eb t\u00eb simboleve shtet\u00ebrore, q\u00eb Serbia t\u00eb mos bllokoj\u00eb an\u00ebtar\u00ebsimin e Kosov\u00ebs n\u00eb organizata nd\u00ebrkomb\u00ebtare, dhe k\u00ebrkon nga Prishtina dhe Beogradi q\u00eb t\u2019i zbatojn\u00eb, po ashtu, t\u00eb gjitha marr\u00ebveshjet e m\u00ebhershme t\u00eb arritura gjat\u00eb dialogut.<\/span><\/p>\n Kurti po ashtu tha se ka k\u00ebrkuar heqjen e masave nd\u00ebshkuese q\u00eb BE-ja mban n\u00eb fuqi ndaj Kosov\u00ebs.<\/span><\/p>\n <\/p>\n Vu\u00e7i\u00e7 thot\u00eb se zhvilloi bised\u00eb “t\u00eb v\u00ebshtir\u00eb” me Kallasin<\/span><\/p>\n Nd\u00ebrkaq, presidenti i Serbis\u00eb, Aleksandar Vu\u00e7iq, tha se me shefen e re t\u00eb diplomacis\u00eb s\u00eb Bashkimit Evropian, Kaja Kallas, ka zhvilluar bised\u00eb t\u00eb \u201chapur dhe t\u00eb v\u00ebshtir\u00eb\u201d.<\/span><\/p>\n Vu\u00e7iq shkroi n\u00eb Instagram se Kallas foli p\u00ebr domosdoshm\u00ebrin\u00eb e dialogut me Kosov\u00ebn, \u201czgjidhjen e rastit t\u00eb Banjsk\u00ebs dhe vendosjen e sanksioneve ndaj Federat\u00ebs Ruse\u201d.<\/em><\/span><\/p>\n \u201cUn\u00eb u p\u00ebrgjigja n\u00eb p\u00ebrputhje me politik\u00ebn dhe interesat e Serbis\u00eb<\/em>\u201d, tha Vu\u00e7i\u00e7.<\/span><\/p>\n M\u00eb von\u00eb gjat\u00eb 3 dhjetorit, Kurti dhe Vu\u00e7iq, s\u00eb bashku me udh\u00ebheq\u00ebsit e tjer\u00eb t\u00eb Ballkanit Per\u00ebndimor, do t\u00eb zhvillojn\u00eb takime t\u00eb ndara me presidentin e ri t\u00eb K\u00ebshillit Evropian, Antonio Costa.<\/span><\/p>\n Takimet do t\u00eb mbahen para nj\u00eb darke q\u00eb Costa do t\u00eb organizoj\u00eb me udh\u00ebheq\u00ebsit e rajonit.<\/span><\/p>\n Sipas burimeve nga BE-ka, k\u00ebto takime kan\u00eb p\u00ebr q\u00ebllim q\u00eb Costa, i cili mandatin ka nisur t\u00eb diel\u00ebn me 1 dhjetor, t\u00eb njihet personalisht me ta, por edhe t\u00eb p\u00ebrgatis\u00eb samitin BE-Ballkani Per\u00ebndimor q\u00eb do t\u00eb zhvillohet m\u00eb 18 dhjetor n\u00eb Bruksel.<\/span><\/p>\n Ndryshe, Kurti dhe Vu\u00e7iq u takuan p\u00ebr her\u00eb t\u00eb fundit n\u00eb kuad\u00ebr t\u00eb dialogut t\u00eb Brukselit n\u00eb shtator t\u00eb vitit 2023.<\/span><\/p>\n Pak dit\u00eb pas atij takimi, ndodhi sulmi n\u00eb Banjsk\u00eb, ku grupe t\u00eb armatosura serb\u00ebsh sulmuan Policin\u00eb e Kosov\u00ebs dhe vran\u00eb nj\u00eb polic.<\/span><\/p>\n Kosova faj\u00ebson Serbin\u00eb p\u00ebr sulmin, por Beogradi mohon se ka gisht n\u00eb t\u00eb.<\/span><\/p>\n P\u00ebrgjegj\u00ebsin\u00eb p\u00ebr sulmin e ka marr\u00eb Millan Radoi\u00e7iq, ish-n\u00ebnkryetar i List\u00ebs Serbe, partis\u00eb kryesore t\u00eb serb\u00ebve n\u00eb Kosov\u00eb, q\u00eb g\u00ebzon mb\u00ebshtetjen e Beogradit.<\/span><\/p>\n Kosova ka ngritur aktakuz\u00eb p\u00ebr rastin e Banjsk\u00ebs, dhe Radoi\u00e7iq aty thuhet se ka qen\u00eb p\u00ebrgjegj\u00ebs i grupit. Prishtina ka k\u00ebrkuar q\u00eb Serbia t\u00eb dor\u00ebzoj\u00eb at\u00eb tek autoritetet e Kosov\u00ebs.<\/span><\/p>\n N\u00eb an\u00ebn tjet\u00ebr, autoritetet gjyq\u00ebsore n\u00eb Serbi kan\u00eb paralajm\u00ebruar se s\u00eb shpejti do t\u00eb marrin vendim lidhur me ngritjen ose jo t\u00eb nj\u00eb aktakuze ndaj Radoi\u00e7i\u00e7it p\u00ebr rastin e Banjsk\u00ebs, pasi autoritetet serbe kan\u00eb kryer nj\u00eb hetim t\u00eb ndar\u00eb p\u00ebr k\u00ebt\u00eb rast.<\/span><\/p>\n