![\"\"](\"https:\/\/www.hashtag.al\/wp-content\/uploads\/2024\/10\/069c0000-0aff-0242-7edc-08dafd264fa5_w1023_r1_s-ezgif.com-avif-to-jpg-converter.jpg\")
<\/p>\n<\/p>\n
Kryetari i Bashkimit Demokratik p\u00ebr Integrim (BDI) n\u00eb opozit\u00eb, Ali Ahmeti, u ka d\u00ebrguar let\u00ebr udh\u00ebheq\u00ebsve t\u00eb lart\u00eb shqiptar\u00eb dhe nd\u00ebrkomb\u00ebtar\u00eb, duke shprehur shqet\u00ebsimet e tij lidhur me zhvillimet e fundit politike dhe kushtetuese n\u00eb Maqedonin\u00eb e Veriut.<\/span><\/p>\n Sipas BDI-s\u00eb, letrat e d\u00ebrguara nga Ahmeti adresoj\u00eb tri vendime t\u00eb fundit: shfuqizimin e Ligjit p\u00ebr p\u00ebrdorimin e gjuh\u00ebve, ndalimin e identifikimit etnik n\u00eb institucionet shtet\u00ebrore dhe formimin e nj\u00eb qeverie pa p\u00ebrfaq\u00ebsim t\u00eb drejt\u00eb etnik.<\/span><\/p>\n Ahmeti, sipas BDI-s\u00eb, ka ngritur shqet\u00ebsime se k\u00ebto zhvillime, \u201crrezikojn\u00eb arritjet e Marr\u00ebveshjes s\u00eb Ohrit dhe parimet e barazis\u00eb dhe stabilitetit n\u00eb nj\u00eb shtet shumetnik\u201d.<\/span><\/p>\n \u201cAhmeti thekson se tri vendime e fundit p\u00ebrb\u00ebjn\u00eb k\u00ebrc\u00ebnime serioze p\u00ebr paqen dhe stabilitetin e vendit dhe t\u00eb rajonit n\u00eb t\u00ebr\u00ebsi. Ai u b\u00ebn thirrje udh\u00ebheq\u00ebsve nd\u00ebrkomb\u00ebtar\u00eb p\u00ebr veprim t\u00eb p\u00ebrbashk\u00ebt p\u00ebr mbrojtjen e arritjeve t\u00eb Marr\u00ebveshjes s\u00eb Ohrit dhe t\u00eb t\u00eb drejtave t\u00eb shqiptar\u00ebve n\u00eb Maqedonin\u00eb e Veriut\u201d, thuhet n\u00eb njoftimin e BDI-s\u00eb t\u00eb publikuar m\u00eb 27 tetor.<\/span><\/p>\n N\u00eb mesin e udh\u00ebheq\u00ebsve q\u00eb Ahmeti u ka d\u00ebrguar let\u00ebr jan\u00eb presidenti dhe kryeministri i Shqip\u00ebris\u00eb, Bajram Begaj dhe Edi Rama, presidentja dhe kryeministri i Kosov\u00ebs, Vjosa Osmani dhe Albin Kurti, presidentja e Komisionit Evropian, Ursula von der Leyen, kancelari gjerman, Olaf Scholz, presidenti francez, Emmanuel Macron dhe sekretari amerikan i Shtetit, Antony Blinken.<\/span><\/p>\n Gjykata Kushtetuese e Maqedonis\u00eb s\u00eb Veriut pritet t\u00eb vendos\u00eb n\u00eb dhjetor lidhur me fatin e Ligjit p\u00ebr p\u00ebrdorimin e gjuh\u00ebve, i cili u miratua shtat\u00eb vjet m\u00eb par\u00eb. Kryeministri i Maqedonis\u00eb s\u00eb Veriut, Hrisitjan Mickoski, t\u00eb shtun\u00ebn, tha se nuk kontestohet i gjith\u00eb ligji, por vet\u00ebm pjesa e gjyq\u00ebsorit.<\/span><\/p>\n \u00c7ka \u00ebsht\u00eb Ligji p\u00ebr p\u00ebrdorimin e gjuh\u00ebve?<\/strong><\/span><\/p>\n Me Ligjin p\u00ebr p\u00ebrdorimin e gjuh\u00ebve, institucionet shtet\u00ebrore n\u00eb Maqedonin\u00eb e Veriut detyrohen t\u00eb lejojn\u00eb p\u00ebrdorimin zyrtar t\u00eb gjuh\u00ebve q\u00eb fliten nga t\u00eb pakt\u00ebn 20% e qytetar\u00ebve t\u00eb vendit. Kjo p\u00ebrfshin gjuh\u00ebn shqipe, e cila p\u00ebrmendet si gjuha e nj\u00eb pjese t\u00eb konsiderueshme t\u00eb popullat\u00ebs dhe p\u00ebrkufizohet n\u00eb nenin e par\u00eb t\u00eb k\u00ebtij ligji. Gjithashtu, ligji siguron p\u00ebrdorimin e gjuh\u00ebve t\u00eb tjera t\u00eb komuniteteve me p\u00ebrfaq\u00ebsim m\u00eb t\u00eb vog\u00ebl se 20%.<\/span><\/p>\n Ligji p\u00ebrcakton q\u00eb element\u00eb zyrtar\u00eb, si monedha, pullat postare, uniformat e policis\u00eb dhe zjarrfik\u00ebsve, t\u00eb p\u00ebrfshijn\u00eb gjithashtu shkrime n\u00eb gjuh\u00ebn q\u00eb flitet nga s\u00eb paku 20% e popullat\u00ebs, nj\u00eb mas\u00eb q\u00eb p\u00ebrkrah identitetin gjuh\u00ebsor t\u00eb shqiptar\u00ebve dhe komuniteteve t\u00eb tjera etnike n\u00eb vend.<\/span><\/p>\n Kushtetuesja shfuqizoi Balancuesin<\/strong><\/span><\/p>\n M\u00eb 9 tetor, Gjykata Kushtetuese n\u00eb Maqedonin\u00eb e Veriut po ashtu vendosi t\u00eb shfuqizoj\u00eb Balancuesin, nj\u00eb mekaniz\u00ebm softuerik q\u00eb rregullonte p\u00ebrfaq\u00ebsimin \u201ce drejt\u00eb dhe adekuat\u201d t\u00eb komuniteteve etnike n\u00eb administrat\u00ebn publike.<\/span><\/p>\n Ky mekaniz\u00ebm ishte krijuar p\u00ebr t\u00eb zbatuar Marr\u00ebveshjen e Ohrit t\u00eb vitit 2001 dhe siguronte q\u00eb p\u00ebrqindja e pun\u00ebsimeve t\u00eb p\u00ebrputhej me p\u00ebrb\u00ebrjen etnike t\u00eb popullsis\u00eb. Gjithashtu, shfuqizimi i Balancuesit ngre pik\u00ebpyetje mbi kushtetutshm\u00ebrin\u00eb e dispozitave q\u00eb k\u00ebrkojn\u00eb mbajtjen e t\u00eb dh\u00ebnave mbi p\u00ebrkat\u00ebsin\u00eb etnike gjat\u00eb pun\u00ebsimeve n\u00eb institucionet shtet\u00ebrore.<\/span><\/p>\n Sipas regjistrimit t\u00eb popullsis\u00eb i vitit 2022, popullsia e Maqedonis\u00eb s\u00eb Veriut num\u00ebron rreth 2 milion\u00eb banor\u00eb, nga t\u00eb cil\u00ebt 54.21% jan\u00eb maqedonas dhe 29.52% shqiptar\u00eb, nd\u00ebrsa pjesa tjet\u00ebr jan\u00eb pjes\u00ebtar\u00eb t\u00eb komuniteteve m\u00eb t\u00eb vogla.<\/span><\/p>\n N\u00eb p\u00ebrgjigje t\u00eb shfuqizimit t\u00eb Balancuesit, koalicioni shqiptar VLEN, q\u00eb \u00ebsht\u00eb pjes\u00eb e Qeveris\u00eb maqedonase, ka njoftuar se \u00ebsht\u00eb n\u00eb proces t\u00eb hartimit t\u00eb nj\u00eb ligji t\u00eb ri p\u00ebr p\u00ebrfaq\u00ebsim etnik.<\/span><\/p>\n Por, p\u00ebrkund\u00ebr k\u00ebtij pohimi t\u00eb koalicionit VLEN, ministri i Administrat\u00ebs Publike, Goran Min\u00e7ev ka deklaruar se \u201cnuk \u00ebsht\u00eb duke u p\u00ebrpiluar ligj p\u00ebr balancuesin ashtu si\u00e7 pretendon koalicioni VLEN\u201d.<\/span><\/p>\n