{"id":705938,"date":"2024-10-26T12:58:44","date_gmt":"2024-10-26T10:58:44","guid":{"rendered":"https:\/\/www.hashtag.al\/?p=705938"},"modified":"2024-10-26T13:01:06","modified_gmt":"2024-10-26T11:01:06","slug":"kemi-gjakuar-per-europen-salianji-nga-burgu-opozita-ka-luftuar-me-krimin-dhe-grupet-e-rrezikshme-mafioze-te-lidhura-me-qeverine","status":"publish","type":"post","link":"https:\/\/www.hashtag.al\/index.php\/2024\/10\/26\/kemi-gjakuar-per-europen-salianji-nga-burgu-opozita-ka-luftuar-me-krimin-dhe-grupet-e-rrezikshme-mafioze-te-lidhura-me-qeverine\/","title":{"rendered":"“Kemi gjakuar p\u00ebr Europ\u00ebn”, Salianji nga burgu: Opozita ka luftuar me krimin dhe grupet mafioze t\u00eb lidhura me qeverin\u00eb","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

N\u00eb nj\u00eb mesazh nga qelia nr. 6, deputeti i PD-s\u00eb, Ervin Salianji, ka komentuar avancimin e Shqip\u00ebris\u00eb n\u00eb negociatat p\u00ebr an\u00ebtar\u00ebsim n\u00eb BE, duke theksuar se lajmet e mira, ndon\u00ebse vonohen, arrijn\u00eb edhe n\u00eb qelit\u00eb e t\u00eb burgosurve politik\u00eb. Ai ka shprehur optimiz\u00ebm p\u00ebr hapin e ri drejt Brukselit, megjithat\u00eb, ka theksuar se sfidat si korrupsioni dhe lidhjet me krimin e organizuar vazhdojn\u00eb t\u00eb jen\u00eb pengesat kryesore.<\/span><\/p>\n

Salianji ka akuzuar qeverin\u00eb p\u00ebr keqqeverisje dhe p\u00ebr p\u00ebrpjekjet p\u00ebr t\u00eb fshehur t\u00eb v\u00ebrtetat pas marr\u00ebveshjeve me BE-n\u00eb. Ai ka theksuar se Opozita, ve\u00e7an\u00ebrisht Partia Demokratike, ka luajtur nj\u00eb rol t\u00eb r\u00ebnd\u00ebsish\u00ebm n\u00eb denoncimin e skandaleve korruptive dhe se kontributi i saj \u00ebsht\u00eb thelb\u00ebsor p\u00ebr procesin e integrimit.<\/span><\/p>\n

“K\u00ebnd nga qelia nr.6<\/em><\/span><\/p>\n

P\u00ebr Shqip\u00ebrin\u00eb n\u00eb BE.<\/em><\/span><\/p>\n

Lajmet e mira, pak m\u00eb von\u00eb se t\u00eb k\u00ebqiat, sidoqoft\u00eb mb\u00ebrrijn\u00eb dhe n\u00eb qelit\u00eb e t\u00eb burgosurve politik\u00eb.<\/em><\/span><\/p>\n

K\u00ebshtu lajmi mbi avancimin e Shqip\u00ebris\u00eb n\u00eb marr\u00ebdh\u00ebniet me BE-n\u00eb, nj\u00eb hap m\u00eb shum\u00eb drejt Brukselit, \u00ebsht\u00eb pozitiv, n\u00eb gjith\u00eb atmosfer\u00ebn mbyt\u00ebse n\u00eb Shqip\u00ebri e pavar\u00ebsisht se autokrati e ka hapur shampanj\u00ebn e fitores s\u00eb g\u00ebnjesht\u00ebrt edhe 8 her\u00eb t\u00eb tjera vitet e shkuara. <\/em><\/span><\/p>\n

Mundet q\u00eb ndokush nuk e p\u00ebrjeton t\u00eb till\u00eb, sepse nd\u00ebrsa duket se k\u00ebtu po b\u00ebhen hapa pas, kur jan\u00eb v\u00ebn\u00eb n\u00eb dyshim parime dhe vlera, liri e t\u00eb drejta q\u00eb u arrit\u00ebn para 34 viteve me rr\u00ebzimin e regjimit komunist, edhe kur shihet se sundimi i qeveris\u00eb dhe kontrolli i institucioneve nga nj\u00eb dor\u00eb \u00ebsht\u00eb fakt dhe shfaqet n\u00eb gjith\u00eb p\u00ebrmasat e tij si e kund\u00ebrta e Europ\u00ebs, hapen negociatat. E pra s\u00ebrish e gjithmon\u00eb zgjidhja e vetme \u00ebsht\u00eb; m\u00eb shum\u00eb Europ\u00eb.<\/em><\/span><\/p>\n

Ka idealist\u00eb q\u00eb me t\u00eb drejt\u00eb shqet\u00ebsohen me paradoksin se si disa zyrtar\u00eb t\u00eb Brukselit mb\u00ebshtesin autokratin e korruptuar. Por, serish e ne \u00e7do rast, m\u00eb shum\u00eb Europ\u00eb, \u00ebsht\u00eb melhemi p\u00ebr plag\u00ebn ton\u00eb. Sa m\u00eb af\u00ebr BE-s\u00eb, aq m\u00eb i madh ekspozimi i qeverisjes s\u00eb keqe, aq m\u00eb e dukshme fotografia e realitetit t\u00eb demokracis\u00eb n\u00ebn thund\u00ebr n\u00eb Tiran\u00eb.<\/em><\/span><\/p>\n

Ai ka p\u00ebr t\u2019i marr\u00eb nderet e rastit, fotot dhe levdatat.<\/em><\/span><\/p>\n

Jan\u00eb thjesht kortezia e protokollit.<\/em><\/span><\/p>\n

Esht\u00eb shoq\u00ebria, shqiptar\u00ebt, q\u00eb n\u00eb fakt i kan\u00eb t\u00eb gjitha meritat.<\/em><\/span><\/p>\n

Nuk besoj t\u00eb ket\u00eb nj\u00eb vend t\u00eb rajonit ton\u00eb, ku qytetar\u00ebt me vokacionin dhe aspiratat, vlerat e parimet ku qendrojn\u00eb, t\u00eb ken\u00eb shkuar shum\u00eb m\u00eb p\u00ebrpara shum\u00eb m\u00eb her\u00ebt drejt Perendimit, se sa udh\u00ebheq\u00ebsit e tyre.<\/em><\/span><\/p>\n

T\u00eb gjitha ngjarjet tregojn\u00eb madje se rilindja ka q\u00ebn\u00eb penges\u00eb, e penges\u00eb serioze n\u00eb rrug\u00ebn e integrimit. Sfidat m\u00eb t\u00eb v\u00ebshtira q\u00eb ka hasur dhe p\u00ebrballet edhe sot vendi yn\u00eb, jan\u00eb korrupsioni dhe krimi e lidhjet e tij me politik\u00ebn.<\/em><\/span><\/p>\n

N\u00ebse dikush b\u00ebn pyetjen se kush \u00ebsht\u00eb burimi m\u00eb i madh p\u00ebr k\u00ebto dy fenomene, \u00e7dokush do t\u00eb drejtoj\u00eb menj\u00ebher\u00eb gishtin nga qeveria.<\/em><\/span>
\nPo n\u00ebse qendrojm\u00eb n\u00eb k\u00ebt\u00eb terren, n\u00eb k\u00ebt\u00eb argument, \u00ebsht\u00eb dikush q\u00eb sot duhet falenderuar p\u00ebr kontributin n\u00eb k\u00ebt\u00eb drejtim. <\/em><\/span><\/p>\n

Esht\u00eb Opozita, Partia Demokratike, dhe kjo duhet th\u00ebn\u00eb pa droje, pa asnj\u00eb kompleks. N\u00eb k\u00ebt\u00eb sens, ne kemi b\u00ebr\u00eb m\u00eb shum\u00eb se qeveria p\u00ebr integrimin. <\/em><\/span><\/p>\n

Aferat m\u00eb t\u00eb m\u00ebdha korruptive sot, t\u00eb cilat sh\u00ebnohen si rekorde t\u00eb luft\u00ebs q\u00eb po i b\u00ebn drejt\u00ebsia, jan\u00eb zbuluar dhe jan\u00eb denoncuar, madje edhe referuar nga Opozita. <\/em><\/span><\/p>\n

N\u00eb asnj\u00eb rast t\u00eb vet\u00ebm qeveria nuk ka prodhuar nj\u00eb kontroll, nj\u00eb audit, ku t\u00eb ket\u00eb gjetur shkelje e t\u00eb jet\u00eb \u201cvetkorigjuar\u201d.<\/em><\/span><\/p>\n

Edi Rama reagon gjithnj\u00eb pas vaktit, dhe hajdut\u00ebrit\u00eb e m\u00ebdha e ka zakon t\u2019i em\u00ebrtoj\u00eb si gj\u00ebra t\u00eb vogla, si fruta. Kush m\u00eb shum\u00eb se sa ne, se sa Opozita ka luftuar me krimin, me bandat, me grupet e rrezikshme mafioze t\u00eb lidhura me qeverin\u00eb.<\/em><\/span>
\nNj\u00eb betej\u00eb pa ndalim dhe jo me pak kosto, jo me pak sakrifica. Nj\u00eb sakrific\u00eb \u00ebsht\u00eb dhe k\u00ebndi nga ku po shkruhet ky shenim, me laps e me let\u00ebr.<\/em><\/span><\/p>\n

Ky pozicionim nuk ishte nj\u00eb spontanitet, nj\u00eb produkt rrethanash, aspak. Por, nj\u00eb zgjedhje, nj\u00eb vler\u00eb q\u00eb u mbajt n\u00eb m\u00ebnyr\u00eb konsistente, pa hezitim, n\u00eb 12 vite. Skena publike dhe politike sot \u00ebsht\u00eb m\u00eb e past\u00ebr prej angazhimit pa kompromis t\u00eb demokrat\u00ebve. <\/em><\/span><\/p>\n

Me denoncime me emra me fakte, ja dol\u00ebm q\u00eb shum\u00eb t\u00eb inkriminuar dhe bandit\u00eb t\u00eb ktheheshin atje ku e kishin vendin. Cila ishte zgjedhja e qeveris\u00eb dhe e kryeministrit n\u00eb k\u00ebt\u00eb rast? T\u00eb gjith\u00eb e pan\u00eb s\u00eb fundmi, list\u00ebn e deputet\u00ebve t\u00eb Durr\u00ebsit. <\/em><\/span><\/p>\n

Si qe b\u00ebr\u00eb p\u00ebrzierja, si qen\u00eb vendosur emrat, dhe kush kishte lobuar p\u00ebr vendet e sigurta. Me firm\u00ebn e kryetarit t\u00eb PS, krimi i organizuar ja ka dal\u00eb t\u00eb d\u00ebrgoj\u00eb njer\u00ebzit n\u00eb sall\u00ebn m\u00eb t\u00eb lart\u00eb kushtetuese, aty ku b\u00ebhen ligjet e vendit. Nga kjo pikpamje, \u00ebsht\u00eb Opozita, jan\u00eb demokrat\u00ebt q\u00eb kan\u00eb gjakuar p\u00ebr Europ\u00ebn.<\/em><\/span><\/p>\n

Jan\u00eb qytetar\u00ebt q\u00eb kan\u00eb dh\u00ebn\u00eb mundin e pun\u00ebn e tyre. Esht\u00eb shoq\u00ebria q\u00eb ka kulturalisht busull\u00ebn kah perendimi. Esht\u00eb dhe qeveria q\u00eb ka ngritur \u00e7do her\u00eb pengesa.<\/em><\/span><\/p>\n

Rezultati? Kemi nisur bisedimet, por 12 vite me vones\u00eb. E sot pas 12 vitesh despoti \u00ebsht\u00eb vlera m\u00eb antieuropiane q\u00eb ka<\/em> Shqip\u00ebria”<\/em>, shkruan Salianji.<\/span><\/p>\n