{"id":704996,"date":"2024-10-21T11:33:02","date_gmt":"2024-10-21T09:33:02","guid":{"rendered":"https:\/\/www.hashtag.al\/?p=704996"},"modified":"2024-10-21T12:03:02","modified_gmt":"2024-10-21T10:03:02","slug":"edi-rama-bashkeqeveris-me-organizatat-kriminale-ps-ja-e-gjunjezuar-para-tyre-bardhi-pas-arerstimit-te-cyrbjes","status":"publish","type":"post","link":"https:\/\/www.hashtag.al\/index.php\/2024\/10\/21\/edi-rama-bashkeqeveris-me-organizatat-kriminale-ps-ja-e-gjunjezuar-para-tyre-bardhi-pas-arerstimit-te-cyrbjes\/","title":{"rendered":"Bardhi hedh tez\u00ebn e Narkoshtetit pas evidencave kriminale t\u00eb deputetit \u00c7yrbja","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Kreu i grupit parlamentar t\u00eb PD-s\u00eb Bardhi deklaroi sot se arrestimi i Jurgis \u00c7yrbjes dhe lidhja e tij me grupet kriminale \u00ebsht\u00eb tregues i pengmarrjes s\u00eb kryeministrit Rama nga bandat. <\/span><\/p>\n

Ai shkruan se organizatat kriminale kan\u00eb qasje deri n\u00eb caktimin e kandidat\u00ebe p\u00ebr deputet\u00eb dhe tregon gjunj\u00ebzimin e PS-s\u00eb dhe kryeministrit para tyre, nj\u00eb dukuri e shtrir\u00eb n\u00eb \u00e7do qark, n\u00eb \u00e7do bashki.<\/span><\/p>\n

\u201cAksesi i organizatave kriminale deri n\u00eb pik\u00ebn e caktimit t\u00eb renditjes s\u00eb kandidat\u00ebve n\u00eb list\u00ebn e deputet\u00ebve t\u00eb PS \u00ebsht\u00eb prova m\u00eb dometh\u00ebn\u00ebse q\u00eb Edi Rama \u00ebsht\u00eb nj\u00eb Kryeminist\u00ebr i marr\u00eb peng nga bandat. Firma e Edi Ram\u00ebs si Kryetar i PS p\u00ebr t\u00eb plot\u00ebsuar k\u00ebrkes\u00ebn e nj\u00eb prej grupeve m\u00eb t\u00eb rrezikshme t\u00eb krimit t\u00eb organizuar \u00ebsht\u00eb akti m\u00eb dometh\u00ebn\u00ebs i gjunj\u00ebzimit t\u00eb nj\u00eb partie politike dhe t\u00eb Kryeministrit p\u00ebrpara tyre. Ky nuk \u00ebsht\u00eb nj\u00eb rast i izoluar, por i shtrir\u00eb n\u00eb \u00e7do qark, n\u00eb \u00e7do bashki. Trajtimi i krimit t\u00eb organizuar si bashk\u00ebaksioner n\u00eb qeverisje \u00ebsht\u00eb r\u00ebnie e shtetit, asgjesim i zgjedhjeve t\u00eb lira, vdekje e demokracis\u00eb. Opozita e ka ngritur k\u00ebt\u00eb shqet\u00ebsim prej vitesh, por Kryeministri i bandave ka b\u00ebrtitur \u201cshpifje, shpifje, shpifje\u201d, dhe sot si gjithmon\u00eb pasi i provohet, fshihet dhe hesht!\u201d<\/em> – shkruan Bardhi.<\/span><\/p>\n

Ai shton m\u00eb tej se Edi Rama ka ndar\u00eb qeverisjen me bandat kriminale n\u00eb vend, q\u00eb n\u00eb k\u00ebmbim t\u00eb p\u00ebrfitimeve mbledhin vota p\u00ebr t\u00eb.<\/span><\/p>\n

\u201cList\u00ebn e kandidat\u00ebve dhe renditjen e tyre nuk e caktojn\u00eb deputet\u00ebt, por e harton dhe miraton Edi Rama. Bandat nuk kan\u00eb punuar p\u00ebr t\u00eb b\u00ebr\u00eb nj\u00eb deputet, por kan\u00eb punuar p\u00ebr t\u00eb b\u00ebr\u00eb Kryeminist\u00ebr Edi Ram\u00ebn. Bandat nuk kan\u00eb mbledhur vota p\u00ebr t\u00eb b\u00ebr\u00eb nj\u00eb deputet, por p\u00ebr t\u00eb b\u00ebr\u00eb Edi Ram\u00ebn Kryeminist\u00ebr. Nuk jan\u00eb deputet\u00ebt bashk\u00ebpun\u00ebtor t\u00eb grupeve kriminale, por Edi Rama q\u00eb ka ndar\u00eb qeverisjen me to dhe ka fituar pushtetin n\u00eb bashk\u00ebpunim me to. Kjo e b\u00ebn zyrtarisht Shqip\u00ebrin\u00eb vendin e par\u00eb n\u00eb bot\u00eb q\u00eb qeveriset me prova t\u00eb pakontestueshme nga krimi i organizuar! P\u00ebrgjegj\u00ebs p\u00ebr k\u00ebt\u00eb \u00ebsht\u00eb vet\u00ebm Edi Rama dhe askush tjet\u00ebr.\u201d\u00ad – <\/em>mbyll Bardhi.<\/span><\/p>\n

Ish-deputeti i PS-s\u00eb Jurgis \u00c7yrbja u arrestua mbr\u00ebmjen e djeshme me urdh\u00ebr t\u00eb SPAK.<\/span><\/p>\n

Ai u ndalua n\u00eb Durr\u00ebs bashk\u00eb me kunatin e t\u00eb v\u00ebllait, Ahmet Mash\u00ebn. Zyrtarisht ndaj \u00c7yrbjes jan\u00eb ngritur shtat\u00eb akuza nga Prokuroria Speciale t\u00eb cil\u00ebt kan\u00eb t\u00eb b\u00ebjn\u00eb me zb\u00ebrthimin e komunikeve n\u00eb aplikacionin Sky ECC. <\/span><\/p>\n

Sipas SPAK, \u00c7yrbja ka strehuar n\u00eb banes\u00eb Altin Hajrin pas rr\u00ebmbimit dhe vrasjes s\u00eb Jan Preng\u00ebs. Po k\u00ebshtu ai akuzohet se ka njoftuar grupet kriminale t\u00eb qarkut t\u00eb Durr\u00ebsit p\u00ebr aksionet e policis\u00eb dhe n\u00eb k\u00ebmbim dyshohet se Altin Hajri do siguronte vota p\u00ebr ta b\u00ebr\u00eb deputet n\u00eb Durr\u00ebs duke e v\u00ebn\u00eb n\u00eb list\u00eb t\u00eb sigurt.<\/span><\/p>\n

Rreth dy jav\u00eb m\u00eb par\u00eb ai dor\u00ebzoi mandatin e deputetit pasi u thirr n\u00eb SPAK nd\u00ebrsa n\u00eb\u00a0 nj\u00eb reagim t\u00eb par\u00eb deklaronte se dor\u00ebzimi i mandatit kishte t\u00eb b\u00ebnte me shkaqe sh\u00ebndet\u00ebsore.<\/span><\/p>\n

\u201cKam nevoj\u00eb p\u00ebr koh\u00eb. Do t\u00eb kujdesem p\u00ebr sh\u00ebndetin tim. Nuk kam asnj\u00eb shqet\u00ebsim t\u00eb natyr\u00ebs ligjore. Dor\u00ebheqja nuk lidhet me thirrjen n\u00eb SPAK. Ishte nj\u00eb vendim q\u00eb e mora n\u00eb vler\u00ebsim t\u00eb situat\u00ebs sime personale\u201d,<\/em> deklaronte \u00c7yrbja.<\/span><\/p>\n

Jurgis \u00c7yrbja \u00ebsht\u00eb zgjedhur p\u00ebr her\u00eb t\u00eb par\u00eb deputet i PS-s\u00eb n\u00eb zgjedhjet e vitit 2017. Megjithat\u00eb ai ka sh\u00ebrbyer si deputet q\u00eb nga viti 2015 pasi z\u00ebvend\u00ebsoi Blendi Klosin q\u00eb u em\u00ebrua minist\u00ebr n\u00eb qeverin\u00eb Rama 1.<\/span><\/p>\n