![\"\"](\"https:\/\/www.hashtag.al\/wp-content\/uploads\/2024\/10\/birre.jpg\")
<\/p>\n<\/p>\n
Pas rr\u00ebzimit t\u00eb padis\u00eb nga Gjykata Kushtetuese, prodhuesit e birr\u00ebs pritet t\u2019i drejtohen Gjykat\u00ebs s\u00eb Strasburgut p\u00ebr shfuqizimin e ligjit t\u00eb akciz\u00ebs.<\/span><\/p>\n P\u00ebrfaq\u00ebsuesi ligjor i Shoqat\u00ebs s\u00eb Prodhuesve dhe Tregtuesve t\u00eb Pijeve Alkoolike, Sajmir La\u00e7ej, dhe Kryetari i Shoqat\u00ebs s\u00eb Mikrobirrave Artizanale Shqiptare, Xhim Begeja, than\u00eb p\u00ebr Monitor se n\u00ebse me paket\u00ebn e re fiskale nuk reflektohen ndryshimet te niveli i akciz\u00ebs, do t\u2019i drejtohen me padi Gjykat\u00ebs s\u00eb t\u00eb Drejtave t\u00eb Njeriut n\u00eb Strasburg.<\/span><\/p>\n Avokati Sajmir La\u00e7ej thot\u00eb se pas vendimmarrjes p\u00ebr dyfishimin e akciz\u00ebs, prodhuesit po p\u00ebrballen me disa fakte:<\/span><\/p>\n Si r\u00ebnie e prodhimit vendas, rritjen e pesh\u00ebs s\u00eb birr\u00ebs s\u00eb importit deri n\u00eb 60% dhe mosmarrja parasysh e Direktiv\u00ebs Europiane, nga nj\u00eb vend q\u00eb k\u00ebrkon t\u00eb an\u00ebtar\u00ebsohet n\u00eb BE, p\u00ebr aplikim t\u00eb tarif\u00ebs s\u00eb reduktuar te prodhuesit e vegj\u00ebl, dhe mbajtjen e nivelit t\u00eb akciz\u00ebs sa vendet europiane.<\/span><\/p>\n \u201cMir\u00eb do ishte q\u00eb paketa fiskale 2025 t\u00eb reflektoj\u00eb mendimin e pakic\u00ebs dhe faktet q\u00eb prodhimi vendas ka r\u00ebn\u00eb duke mos arritur objektivin e nj\u00eb mase t\u00eb nxituar. P\u00ebrtej vendimit t\u00eb Gjykat\u00ebs Kushtetuese q\u00eb ja ka l\u00ebn\u00eb Qeveris\u00eb diskrecionin e hartimit t\u00eb politikave fiskale \u00ebsht\u00eb fakti \u00e7far\u00eb ka ndodhur me prodhimin vendas q\u00eb po bie me ritme t\u00eb larta\u201d,<\/em> thot\u00eb z. La\u00e7ej.<\/span><\/p>\n Edhe Kryetari i Shoqat\u00ebs s\u00eb Mikrobirrave Artizanale Shqiptare, Xhim Begeja, tha se pavar\u00ebsisht se jemi t\u00eb humbur nga shumica e Gjykat\u00ebs Kushtetuese, beteja p\u00ebr akciz\u00ebn e birr\u00ebs do t\u00eb vazhdoj\u00eb. Begeja pohoi se mendimi i pakic\u00ebs s\u00eb gjyqtar\u00ebve t\u00eb Kushtetuese, pasqyroi me v\u00ebrtet\u00ebsi realitetin te prodhimi vendas dhe humbjet q\u00eb po shkaktohen nga dyfishimi i akciz\u00ebs.<\/span><\/p>\n Birrat e importit vijojn\u00eb t\u00eb zgjerojn\u00eb terrenin n\u00eb tregun shqiptar. P\u00ebr 7-mujorin 2024, pesha e birr\u00ebs s\u00eb importit n\u00eb tregun shqiptar ka arritur n\u00eb 60%, nga 42% q\u00eb ishte n\u00eb vitin 2016 sipas t\u00eb dh\u00ebnave t\u00eb Doganave.<\/span><\/p>\n Rreth 40% e k\u00ebrkes\u00ebs p\u00ebr birr\u00eb mbulohet nga prodhimi shqiptar. Situata ishte e ngjashme edhe nj\u00eb vit m\u00eb par\u00eb. P\u00ebr muajt janar-korrik 2023 birrat e importit zinin 59% t\u00eb tregut, dhe 41% e produkteve erdh\u00ebn nga importi.<\/span><\/p>\n N\u00eb 2015 birrat e importit zinin 40 % t\u00eb tregut, n\u00eb vitin 2022 zinin 51 % t\u00eb tregut dhe n\u00eb 2023 zinin 60 % t\u00eb tregut. Prodhuesit parashikojn\u00eb se deri n\u00eb fund t\u00eb 2024-s pritet q\u00eb birrat e importit t\u00eb z\u00ebn\u00eb gati 70 % t\u00eb tregut.<\/span><\/p>\n \u201cDyfishimi i akciz\u00ebs ka b\u00ebr\u00eb q\u00eb tendenca e rritjes se birrave t\u00eb importit t\u00eb ket\u00eb nj\u00eb rritje t\u00eb frikshme n\u00eb krahasim me birrat vendase. Kjo do t\u00eb thot\u00eb q\u00eb po e \u00e7ojn\u00eb prodhimin vendas n\u00eb nj\u00eb kolaps t\u00eb plot\u00eb\u201d, pohoi m\u00eb her\u00ebt p\u00ebr Monitor Adrian Kostaqi administratori i fabrikave t\u00eb birrave \u201cKor\u00e7a\u201d dhe \u201cTirana\u201d.<\/span><\/p>\n Pas shqyrtimit t\u00eb padis\u00eb s\u00eb Shoqat\u00ebs s\u00eb Prodhuesve dhe Tregtuesve t\u00eb Pijeve Alkoolike, Gjykata Kushtetuese m\u00eb 16 Korrik vendosi t\u00eb mbaj\u00eb n\u00eb fuqi ligjin e ri \u201cP\u00ebr akcizat\u201d, q\u00eb unifikoi nga 1 janari 2023 akciz\u00ebn te prodhuesit e birr\u00ebs. Shoqata e Prodhuesve dhe Tregtuesve t\u00eb Pijeve Alkoolike n\u00eb padi k\u00ebrkoi shfuqizimin e pjessh\u00ebm t\u00eb ligjeve nr. 81\/2022 dhe nr. 94\/2023 p\u00ebr akcizat, p\u00ebr pjes\u00ebn q\u00eb parashikon unifikimin e akciz\u00ebs s\u00eb birr\u00ebs nga malto p\u00ebr t\u00eb gjith\u00eb prodhuesit pavar\u00ebsisht sasis\u00eb s\u00eb prodhimit vjetor.<\/span><\/p>\n N\u00eb njoftimin p\u00ebr vendimmarrjen thuhet se Gjykata Kushtetuese \u00e7moi se gjat\u00eb gjykimit nuk u provua se ndryshimet ligjore kan\u00eb cenuar thelbin e liris\u00eb s\u00eb veprimtaris\u00eb ekonomike apo e kan\u00eb v\u00ebn\u00eb n\u00eb rrezik at\u00eb deri n\u00eb at\u00eb mas\u00eb q\u00eb t\u00eb vihet n\u00eb dyshim ekzistenca e saj. N\u00eb k\u00ebt\u00eb k\u00ebndv\u00ebshtrim, unifikimi i akciz\u00ebs nuk p\u00ebrb\u00ebn nj\u00eb mjet joproporcional.<\/span><\/p>\n N\u00eb q\u00ebndrimin kund\u00ebr shumic\u00ebs q\u00eb vendosi rr\u00ebzimin e k\u00ebrkes\u00ebs s\u00eb prodhuesve dhe la n\u00eb fuqi ndryshimet ligjore p\u00ebr dyfishimin e akciz\u00ebs, dy gjykat\u00ebsit fillimisht argumentonin se Gjykata Kushtetuese nuk respekton parimin e shtetit t\u00eb s\u00eb drejt\u00ebs n\u00eb dy \u00e7\u00ebshtje me tipologji t\u00eb nj\u00ebjta pasojash cenimin e proporcionalitetit.<\/span><\/p>\n \u201cDuke mbajtur n\u00eb konsiderat\u00eb ngjashm\u00ebrin\u00eb e dy \u00e7\u00ebshtjeve, \u00e7mojm\u00eb se \u00e7\u00ebshtja konkrete duhet t\u00eb kishte t\u00eb nj\u00ebjtin p\u00ebrfundim me rezultatin e arritur p\u00ebr Ligjin e Tatimeve \u2013 at\u00eb t\u00eb pranimit t\u00eb k\u00ebrkes\u00ebs, pasi trajtimi edhe n\u00eb k\u00ebt\u00eb rast ka t\u00eb b\u00ebj\u00eb me shqyrtimin e proporcionalitetit t\u00eb akciz\u00ebs p\u00ebr prodhuesit e vegj\u00ebl, p\u00ebr t\u00eb cil\u00ebt ajo u dyfishua menj\u00ebher\u00eb p\u00ebr shkak t\u00eb unifikimit.<\/em><\/span><\/p>\n N\u00eb k\u00ebt\u00eb pik\u00ebpamje, dy zgjidhje diametralisht t\u00eb kund\u00ebrta, t\u00eb dh\u00ebna n\u00eb \u00e7\u00ebshtje kushtetuese t\u00eb shqyrtuara n\u00eb t\u00eb nj\u00ebjt\u00ebn koh\u00eb nga Gjykata dhe me t\u00eb nj\u00ebjt\u00ebn tipologji pasojash, nuk respektojn\u00eb parimin e shtetit t\u00eb s\u00eb drejt\u00ebs, n\u00eb kuptim t\u00eb respektimit t\u00eb rregullit t\u00eb vazhdim\u00ebsis\u00eb s\u00eb jurisprudenc\u00ebs\u201d,<\/em> citohej n\u00eb mendimin e pakic\u00ebs.<\/span><\/p>\n Nga 1 janari 2023, pas nj\u00eb periudhe 15-vje\u00e7are t\u00eb funksionimit t\u00eb akciz\u00ebs s\u00eb diferencuar n\u00eb var\u00ebsi t\u00eb sasis\u00eb s\u00eb prodhimit, me hyrjen n\u00eb fuqi te ligjit t\u00eb ri t\u00eb akciz\u00ebs, unifikohet akciza, duke dyfishuar at\u00eb p\u00ebr prodhuesit e birr\u00ebs n\u00ebn 200.000 HL n\u00eb vit, nga vlera 360 lek\u00eb\/ HL n\u00eb 710 lek\u00eb\/HL.<\/span><\/p>\n P\u00ebr dy gjyqtar\u00ebt e gjykat\u00ebs Kushtetuese q\u00eb p\u00ebrb\u00ebjn\u00eb mendimin e pakic\u00ebs dyfishimi i akciz\u00ebs u kund\u00ebrshtua p\u00ebr disa arsye.<\/span><\/p>\n S\u00eb pari sipas mendimit t\u00eb pakic\u00ebs niveli i akciz\u00ebs s\u00eb vendosur nuk \u00ebsht\u00eb zgjedhur n\u00eb mas\u00ebn e p\u00ebrdorur nga shumica d\u00ebrmuese e vendeve t\u00eb BE-s\u00eb dhe atyre t\u00eb Ballkanit, por ka preferuar t\u00eb renditet nd\u00ebr ato vende me akciz\u00ebn m\u00eb t\u00eb lart\u00eb.<\/span><\/p>\n S\u00eb dyti, n\u00eb drejtim t\u00eb kategorizimit t\u00eb sasis\u00eb s\u00eb prodhimit, nuk aplikohet tarifa e reduktuar n\u00eb mb\u00ebshtetje t\u00eb birrave t\u00eb vogla sipas direktiv\u00ebs s\u00eb KE-s\u00eb.<\/span><\/p>\n Po ashtu dy gjygjtar\u00ebt argumentuan se dyfishimi i akciz\u00ebs nuk justifikoi shmangien e evazionit fiskal p\u00ebr sa koh\u00eb industria e prodhimit dhe tregtimit t\u00eb birr\u00ebs monitorohet nga nj\u00eb sistem gjurmimi me pull\u00eb fiskale.<\/span><\/p>\n Prodhimi i vendit para ndryshimeve fiskale ka qen\u00eb i tarifuar me 360 lek\u00eb\/HL p\u00ebr prodhuesit n\u00ebn 200,000 Hl, nd\u00ebrsa p\u00ebr prodhimin mbi k\u00ebt\u00eb nivel akciza ishte 710 lek\u00eb. Pas ndryshimeve n\u00eb ligjin \u201cP\u00ebr akcizat n\u00eb Republik\u00ebn e Shqip\u00ebris\u00eb\u201d, taksa u unifikua n\u00eb 710 lek\u00eb t\u00eb prodhuesve n\u00ebn dhe mbi 200,000 Hl, si vendas dhe t\u00eb huaj.<\/span><\/p>\n Nj\u00ebz\u00ebri prodhuesit vendas kan\u00eb paralajm\u00ebruar disa her\u00eb se dyfishimi i akciz\u00ebs jo vet\u00ebm do t\u00eb rriste pesh\u00ebn e birr\u00ebs s\u00eb importit n\u00eb treg, por do t\u00eb \u00e7onte drejt falimentimit industrin\u00eb vendas.\/D.Azo<\/span><\/p>\n