{"id":704634,"date":"2024-10-18T21:53:12","date_gmt":"2024-10-18T19:53:12","guid":{"rendered":"https:\/\/www.hashtag.al\/?p=704634"},"modified":"2024-10-18T21:53:12","modified_gmt":"2024-10-18T19:53:12","slug":"piranjat-botoksi-kontrabande-ne-tirane-shitet-sheshit-dhe-injektohet-nga-persona-jokompetente","status":"publish","type":"post","link":"https:\/\/www.hashtag.al\/index.php\/2024\/10\/18\/piranjat-botoksi-kontrabande-ne-tirane-shitet-sheshit-dhe-injektohet-nga-persona-jokompetente\/","title":{"rendered":"Piranjat: Botoksi kontraband\u00eb n\u00eb Tiran\u00eb shitet sheshit dhe injektohet nga persona jokompetent\u00eb","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Mbr\u00ebmjen e sotme n\u00eb emisionin satiro-investigativ \u201cPiranjat\u201d<\/span><\/a> n\u00eb Syri TV u trajtua \u00e7\u00ebshtja e botoksit kontraband\u00eb dhe injektimi i tij n\u00eb klinikat estetike nga persona jo-kompetent\u00eb.<\/span><\/p>\n

Investigimi i emisionit \u201dPiranjat\u201d tregon jo vet\u00ebm stomatolog\u00eb, infermier\u00eb e parukier\u00eb q\u00eb kryejn\u00eb injektime filler e botoks, trajnime q\u00eb nisin e mbarojn\u00eb brenda 3 dit\u00ebve duke paguar mij\u00ebra euro, certifikata t\u00eb pavlefshme t\u00eb dh\u00ebna nga administrator\u00ebt e klinikave, por m\u00ebnyr\u00ebn se si futet ky bar n\u00eb vendin ton\u00eb, n\u00eb nj\u00eb koh\u00eb kur nuk \u00ebsht\u00eb i licensuar p\u00ebr aplikim dhe tregtim.<\/span><\/p>\n

Persona t\u00eb implikuar n\u00eb k\u00ebt\u00eb tregti t\u00eb paligjshme nga e cila p\u00ebrfitohen shuma t\u00eb m\u00ebdha parash, t\u00eb cil\u00ebt dit\u00ebn p\u00ebr diell n\u00eb mes t\u00eb kryeqytetit, nuk e kan\u00eb aspak problem t\u00eb t\u00eb shesin botoks, t\u00eb paruajtur n\u00eb kushtet e duhura fizike, higjienike dhe atmosferike. Mjafton t\u00eb b\u00ebsh porosin\u00eb, t\u00eb paguash e t\u00eb marr\u00ebsh mallin.<\/span><\/p>\n

Kontrabanda e botoksit \u00ebsht\u00eb prezente sepse p\u00ebrpos faktit q\u00eb nuk \u00ebsht\u00eb i licensuar, por nd\u00ebrkoh\u00eb ka k\u00ebrkesa t\u00eb m\u00ebdha, ka dhe nj\u00eb arsye tjet\u00ebr. Kompanit\u00eb e m\u00ebdha t\u00eb prodhimit t\u00eb produktit botoks, e shohin vendin tone si nj\u00eb treg t\u00eb vog\u00ebl dhe t\u00eb pa p\u00ebrfillsh\u00ebm p\u00ebr t\u2019u mbuluar, gj\u00eb q\u00eb stimulon masivisht kontraband\u00ebn. Dhe kjo e fundit, ka ndodhur gjat\u00eb gjith\u00eb koh\u00ebs n\u00eb k\u00ebt\u00eb dhjet\u00ebvje\u00e7ar, n\u00ebn hund\u00ebn e institucioneve p\u00ebrgjegj\u00ebse si\u00e7 \u00ebsht\u00eb Drejtoria e P\u00ebrgjithshme e Doganave, Sektori i Krimit Ekonomik dhe Financiar n\u00eb Drejtorin\u00eb e P\u00ebrgjithshme t\u00eb Policis\u00eb s\u00eb Shtetit dhe Agjencis\u00eb Komb\u00ebtare t\u00eb Barnave dhe Pajisjeve Mjek\u00ebsore, institucion n\u00eb var\u00ebsi t\u00eb Ministris\u00eb s\u00eb Sh\u00ebndet\u00ebsis\u00eb dhe Mbrojtjes Sociale.<\/span><\/p>\n

Pas k\u00ebrkesave t\u00eb nj\u00ebpasnj\u00ebshme p\u00ebr informacion t\u00eb d\u00ebrguara nga Piranjat n\u00eb institucionet e sip\u00ebrp\u00ebrmendura, m\u00eb dat\u00eb 15 tetor 2024, Policia e Tiran\u00ebs kreu nj\u00eb aksion blic n\u00eb 30 klinika estetike t\u00eb Tiran\u00ebs, ku konstatoi botoks kontraband\u00eb, aksion q\u00eb p\u00ebrfundoi me disa persona t\u00eb ndaluar e disa t\u00eb tjer\u00eb t\u00eb shpallur n\u00eb k\u00ebrkim.
\n