![\"\"](\"https:\/\/www.hashtag.al\/wp-content\/uploads\/2024\/08\/Mbetje-plastike-Shqiperi.jpg\")
<\/p>\n<\/p>\n
Qeveria synon q\u00eb t\u00eb ngrej\u00eb nj\u00eb fond t\u00eb dedikuar p\u00ebr menaxhimin e mbetjeve i cil\u00ebsuar si fondi komb\u00ebtar i ekonomis\u00eb s\u00eb mbetjeve dhe q\u00eb do t\u00eb menaxhohet nga Agjencia Komb\u00ebtare e Ekonomis\u00eb s\u00eb Mbetjeve(AKEM). N\u00eb projektligjin e hedhur s\u00eb fundmi p\u00ebr konsultim lidhur me menaxhimin e integruar t\u00eb mbetjeve parashikohet n\u00eb nj\u00eb nen t\u00eb ve\u00e7ant\u00eb edhe krijimi i k\u00ebtij instrumenti si dhe burimet e financimit t\u00eb tij.<\/span><\/p>\n \u201cP\u00ebr t\u00eb siguruar mb\u00ebshtetjen n\u00eb sektorin e menaxhimit t\u00eb integruar t\u00eb mbetjeve krijohet fondi komb\u00ebtar i ekonomis\u00eb s\u00eb mbetjeve n\u00eb form\u00ebn e nj\u00eb fondi financiar publik q\u00eb mb\u00ebshtet politik\u00ebn, programet dhe projektet n\u00eb fush\u00ebn e menaxhimit t\u00eb integruar t\u00eb mbetjeve.<\/span><\/p>\n Burimet e financimit t\u00eb fondit t\u00eb ekonomis\u00eb s\u00eb mbetjeve jan\u00eb:<\/span><\/p>\n a) t\u00eb ardhurat e mbledhura nga kund\u00ebrvajtjet administrative n\u00eb shkelje t\u00eb k\u00ebtij ligji;<\/span><\/p>\n b) financimet vendase apo t\u00eb huaja p\u00ebr k\u00ebt\u00eb q\u00ebllim, t\u00eb cilat burojn\u00eb n\u00eb m\u00ebnyr\u00eb t\u00eb ligjshme nga organet publike, private ose personat fizik\u00eb;<\/span><\/p>\n c) buxheti i shtetit.<\/span><\/p>\n Ky fond krijohet pran\u00eb AKEM dhe K\u00ebshilli i Ministrave miraton rregullat p\u00ebr administrimin e tij\u201d thuhet n\u00eb nenin 29 t\u00eb projektligjit.<\/span><\/p>\n Agjencia Komb\u00ebtare e Ekonomis\u00eb s\u00eb Mbetjeve \u00ebsht\u00eb aktualisht nj\u00eb institucion i sapokrijuar pran\u00eb Ministris\u00eb s\u00eb Turizmit dhe Mjedisit pas kalimit tek ky institucion i p\u00ebrgjegj\u00ebsis\u00eb p\u00ebr k\u00ebt\u00eb fush\u00eb q\u00eb m\u00eb her\u00ebt ishte n\u00ebn Ministrin\u00eb e Infrastruktur\u00ebs dhe Energjis\u00eb.<\/span><\/p>\n N\u00eb draftin e ri t\u00eb projektligjit p\u00ebr menaxhimin e integruar t\u00eb mbetjeve specifikohen konkretisht edhe kompetencat e AKEM t\u00eb cilat parashikojn\u00eb:<\/span><\/p>\n a)Bashk\u00ebrendon me institucionet e administrat\u00ebs publike, n\u00eb nivel qendror e vendor, me partner\u00ebt nd\u00ebrkomb\u00ebtar\u00eb, investitor\u00ebt dhe pal\u00ebt e interesuara p\u00ebr zbatimin e menaxhimit t\u00eb integruar t\u00eb mbetjeve, p\u00ebr planifikimin territorial t\u00eb infrastruktur\u00ebs s\u00eb mbetjeve dhe funksionimin e tyre n\u00eb p\u00ebrputhje me parashikimet e k\u00ebtij ligji;<\/span><\/p>\n b) monitoron zbatimin e planeve dhe programeve p\u00ebr menaxhimin e integruar t\u00eb mbetjeve n\u00eb nivel qendror dhe vendor;<\/span><\/p>\n c) organizon pun\u00ebn p\u00ebr edukimin mjedisor, promovimin dhe nxitjen e zbatimit t\u00eb hierarkis\u00eb s\u00eb mbetjeve, p\u00ebr realizimin e grumbullimit t\u00eb diferencuar t\u00eb mbetjeve dhe rikuperimin e mbetjeve n\u00eb shkall\u00eb t\u00eb gjer\u00eb n\u00eb territorin e Republik\u00ebs s\u00eb Shqip\u00ebris\u00eb;<\/span><\/p>\n \u00e7) monitoron zbatimin e detyrimeve p\u00ebr grumbullimin e diferencuar t\u00eb mbetjeve nga Bashkit\u00eb, dhe t\u00eb objektivave t\u00eb tjer\u00eb t\u00eb menaxhimit t\u00eb integruar t\u00eb mbetjeve;<\/span><\/p>\n d) koordinon me bashkit\u00eb iniciativat dhe veprimet, p\u00ebrfshir\u00eb ato ekonomike, p\u00ebr t\u00eb favorizuar riciklimin dhe rikuperimin e mbetjeve, si dhe p\u00ebr t\u00eb promovuar tregun e produkteve t\u00eb rikuperuara dhe p\u00ebrdorimin e tyre nga administrata publike, subjektet tregtare dhe konsumator\u00ebt;<\/span><\/p>\n dh) menaxhon mekanizmin financiar t\u00eb krijuar nga Ministria p\u00ebr plot\u00ebsimin e nevojave t\u00eb Bashkive p\u00ebr investime n\u00eb fush\u00ebn e menaxhimit t\u00eb mbetjeve.<\/span><\/p>\n