![\"\"](\"https:\/\/www.hashtag.al\/wp-content\/uploads\/2024\/06\/ali-ahmeti-1.jpg\")
<\/p>\n<\/p>\n
Partit\u00eb e Frontit Evropian, q\u00eb udh\u00ebhiqen nga Bashkimi Demokratik p\u00ebr Integrim (BDI), e miratuan t\u00eb diel\u00ebn n\u00eb Tetov\u00eb, si\u00e7 e quajt\u00ebn ata, nj\u00eb deklarat\u00eb kund\u00ebr \u201cqeverisjes monoetnike\u201d n\u00eb Maqedonin\u00eb e Veriut.<\/span><\/p>\n Kryetari i BDI-s\u00eb, Ali Ahmeti, tha se shumica e re parlamentare mes partis\u00eb fituese t\u00eb zgjedhjeve, VMRO DPMNE, dhe koalicionit VLEN, i cili p\u00ebrb\u00ebhet nga kat\u00ebr parti shqiptare, \u201cnuk p\u00ebrfaq\u00ebson legjitimitetin\u201d e shqiptar\u00ebve nga zgjedhjet parlamentare t\u00eb 8 majit.<\/span><\/p>\n VMRO DPMNE-ja dhe koalicioni VLEN pritet ta formojn\u00eb Qeverin\u00eb e re maqedonase n\u00eb jav\u00ebt n\u00eb vijim.<\/span><\/p>\n N\u00eb zgjedhjet e majit, Fronti Evropian – n\u00eb p\u00ebrb\u00ebrjen e t\u00eb cilit jan\u00eb edhe kat\u00ebr parti t\u00eb entiteteve tjera \u2013 i fitoi 18 deputet\u00eb, kat\u00ebr m\u00eb shum\u00eb se VLEN.<\/span><\/p>\n Ahmeti pretendon se n\u00eb zgjedhjet n\u00eb Maqedonin\u00eb e Veriut gara zhvillohet nd\u00ebrmjet partive t\u00eb dy grupeve m\u00eb t\u00eb m\u00ebdha etnike dhe se fituesit e zgjedhjeve te komuniteti maqedonas dhe ai shqiptar duhet t’i formojn\u00eb institucionet e reja.<\/span><\/p>\n \u201dKonstatojm\u00eb patjet\u00ebrsueshm\u00ebrin\u00eb e zbatimit t\u00eb demokracis\u00eb konsensuale n\u00eb p\u00ebrputhje me frym\u00ebn e Marr\u00ebveshjes s\u00eb Ohrit dhe Kushtetut\u00ebn e Maqedonis\u00eb s\u00eb Veriut… Partner\u00ebt e koalicionit qeveris\u00ebs duhet t\u00eb p\u00ebrcaktohen nga vullneti politik i dy komuniteteve m\u00eb t\u00eb m\u00ebdha n\u00eb vend, shqiptar\u00ebve dhe maqedonasve, si dhe p\u00ebrfaq\u00ebsuesve legjitim\u00eb t\u00eb komuniteteve t\u00eb tjera t\u00eb shprehur n\u00eb zgjedhje t\u00eb lira, fer dhe demokratike. Kjo \u00ebsht\u00eb e drejt\u00eb zakonore e zbatuar n\u00eb vendin ton\u00eb, q\u00eb mund\u00ebson legjitimitet, demokraci funksionale, kohezion shoq\u00ebror, konsensualitet dhe p\u00ebrfaq\u00ebsim t\u00eb drejt\u00eb n\u00eb vendimmarrje\u201d,<\/span><\/i> ka tha Ahmeti duke e lexuar deklarat\u00ebn e miratuar nga partit\u00eb e Frontit Evropian.<\/span><\/span><\/p>\n Por VLEN thot\u00eb se BDI-ja nuk mund t\u00eb pretendoj\u00eb n\u00eb legjitimitetin e vot\u00ebs shqiptare, pasi pjes\u00eb e Frontit Evropian ishin edhe kat\u00ebr parti t\u00eb entiteteve tjera n\u00eb Maqedonin\u00eb e Veriut q\u00eb fituan vota n\u00eb em\u00ebr t\u00eb koalicionit n\u00eb zgjedhjet parlamentare.<\/span><\/p>\n \u201cMosrespektimi i legjitimitetit mund\u00ebson etablimin e hegjemonis\u00eb etnike dhe paraqet posht\u00ebrim ndaj shqiptar\u00ebve, turqve, rom\u00ebve, boshnjak\u00ebve dhe t\u00eb tjer\u00ebve. Ky majorizim monoetnik shkel mbi legjimitetin e komuniteteve t\u00eb tjera etnike, r\u00ebndon bashk\u00ebjetes\u00ebn, demokracin\u00eb dhe nuk duhet t\u00eb lejohet nga t\u00eb gjith\u00eb ne bashk\u00ebrisht\u201d,<\/span><\/i> ka th\u00ebn\u00eb Ahmeti.<\/span><\/span><\/p>\n Ai ka th\u00ebn\u00eb se me mosrespektimin e \u201clegjitimitetit t\u00eb vot\u00ebs n\u00ebnkupton kthim prapa, zhb\u00ebrje t\u00eb t\u00eb arriturave t\u00eb deritanishme t\u00eb p\u00ebrbashk\u00ebta\u201d andaj b\u00ebri thirrje q\u00eb kjo t\u00eb mos ndodh\u00eb pasi si\u00e7 tha \u201ct\u00eb gjith\u00eb bashk\u00eb kemi p\u00ebrgjegj\u00ebsi p\u00ebr paqen, sigurin\u00eb, stabilitetin e vendit dhe rajonit ton\u00eb\u201d.<\/span><\/p>\n Kryetari i BDI-s\u00eb tha se deklarata e n\u00ebnshkruar t\u00eb diel\u00ebn nga Fronti Evropian \u201cdo t\u2019i d\u00ebrgohet qendrave nd\u00ebrkomb\u00ebtare t\u00eb vendosjes, Bruksel, Uashington, Lond\u00ebr, Paris, vendeve t\u00eb rajonit, me q\u00ebllim t\u00eb rritet v\u00ebmendja se n\u00eb \u00e7far\u00eb drejtimi po rrezikohet Marr\u00ebveshja e Ohrit e arritur me sakrific\u00eb dhe me gjak n\u00eb Maqedonin\u00eb e Veriut\u201d.<\/span><\/p>\n N\u00eb Maqedonin\u00eb e Veriut deri n\u00eb vitin 2017 ka pasur nj\u00eb rregull t\u00eb pashkruar, q\u00eb qeverit\u00eb t\u00eb formohen nga partit\u00eb fituese shqiptare dhe maqedonase, pavar\u00ebsisht orientimeve t\u00eb tyre programore.<\/span><\/p>\n Bashkimi Demokratik p\u00ebr Integrim, si fituese e zgjedhjeve te shqiptar\u00ebt ka qen\u00eb pjes\u00eb e Qeveris\u00eb, si me LSDM-n\u00eb, ashtu edhe me VMRO DPMNE-n\u00eb, q\u00eb fitonin zgjedhjet tek elektorati maqedonas.<\/span><\/p>\n Ky rregull ka vazhduar deri n\u00eb vitin 2017, kur Qeveria u formua nga LSDM-ja edhe pse i kishte humbur zgjedhjet tek elektorati maqedonas.<\/span><\/p>\n Ajo arriti t\u00eb formoj\u00eb shumic\u00ebn parlamentare me votat e partive shqiptare dhe m\u00eb pas formoi edhe Qeverin\u00eb duke larguar nga pushteti VMRO DPMNE-q\u00eb drejtohej nga Nikolla Gruevski asokohe.<\/span><\/p>\n