{"id":677621,"date":"2024-05-27T18:32:07","date_gmt":"2024-05-27T16:32:07","guid":{"rendered":"https:\/\/www.hashtag.al\/?p=677621"},"modified":"2024-05-27T18:41:14","modified_gmt":"2024-05-27T16:41:14","slug":"gjonaj-qellimi-i-pr-rezolutes-se-ps-se-eshte-garantimi-i-reformes-ne-drejtesi-dhe-lufta-ndaj-korrupsionit","status":"publish","type":"post","link":"https:\/\/www.hashtag.al\/index.php\/2024\/05\/27\/gjonaj-qellimi-i-pr-rezolutes-se-ps-se-eshte-garantimi-i-reformes-ne-drejtesi-dhe-lufta-ndaj-korrupsionit\/","title":{"rendered":"Gjonaj: Q\u00ebllimi i pr\/rezolut\u00ebs s\u00eb PS-s\u00eb \u00ebsht\u00eb garantimi i Reform\u00ebs n\u00eb Drejt\u00ebsi dhe lufta ndaj korrupsionit","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Ish-ministrja e Drejt\u00ebsis\u00eb e Etlida Gjonaj, p\u00ebrgjat\u00eb fjal\u00ebs s\u00eb saj n\u00eb seanc\u00ebn e sotme n\u00eb parlament, ku u diskutua mbi Pr\/rezolut\u00ebn e PS-s\u00eb p\u00ebr korrupsionin u shpreh se socialist\u00ebt b\u00ebn\u00eb nj\u00eb reform\u00eb me shum\u00eb sfida q\u00eb sh\u00ebnoi nj\u00eb epok\u00eb t\u00eb re n\u00eb shtetin e s\u00eb drejt\u00ebs.<\/span><\/p>\n

\u201cReforma n\u00eb drejt\u00ebsi q\u00eb PS mori q\u00eb n\u00eb ardhjen n\u00eb pushtet, ishte reforma m\u00eb me shum\u00eb sfida q\u00eb sh\u00ebnjoi jo vet\u00ebm nj\u00eb epok\u00eb t\u00eb re p\u00ebr shtetin e s\u00eb drejt\u00ebs, por edhe pik\u00ebn e kthes\u00ebs p\u00ebr\u00a0 procesin e integrimit europian t\u00eb vendit. Reforma n\u00eb Drejt\u00ebsi, me vetingun p\u00ebr pastrimin e sistemit t\u00eb drejt\u00ebsis\u00eb nga gjyqtar\u00ebt dhe prokurpr\u00eb t\u00eb korruptuar, ishte shqet\u00ebsimi i 93 % t\u00eb qytetar\u00ebve t\u00eb cil\u00ebt shpreheshin se sistemi i drejt\u00ebsis\u00eb ishte i korruptuar. Reforma n\u00eb Drejt\u00ebsi me ngritjen e sistemit t\u00eb ri t\u00eb pavarur e t\u00eb pa ndikuar politikisht, ishte p\u00ebrgjigjia p\u00ebr qytetar\u00ebt se miti i pand\u00ebshkueshm\u00ebris\u00eb ra dhe gradualisht po fillon t\u00eb \u00e7montohet se nuk ka t\u00eb papreksh\u00ebm pavar\u00ebsisht pushetit q\u00eb ka. Reforma n\u00eb drejt\u00ebsi me ngritjen e SPAK dhe struktur\u00ebs s\u00eb posa\u00e7me, ishte p\u00ebrgjigjia p\u00ebr qytetar\u00ebt, se t\u00eb gjith\u00eb ata politikan\u00eb q\u00eb kan\u00eb ngjyer gishtin n\u00eb mjaltin e korrupsionit nuk shp\u00ebtojn\u00eb m\u00eb. Reforma n\u00eb Drejt\u00ebsi me garantimin e pavar\u00ebsisi\u00eb s\u00eb plot\u00eb t\u00eb sistemit t\u00eb ri t\u00eb drejt\u00ebsis\u00eb, ishte p\u00ebrgjigja se s\u2019ka m\u00eb t\u00eb fort\u00eb, s\u2019ka m\u00eb kapje t\u00eb sistemit dhe favore nga pushteti. Ishte p\u00ebrgjigjja p\u00ebr ata prokuror\u00eb t\u00eb ndersh\u00ebm q\u00eb nuk mund t\u00eb k\u00ebrc\u00ebnoheshin as nga drejtuesi i prokuroris\u00eb, as nga ministri i Drejt\u00ebsis\u00eb, se do degdiseshin n\u00eb prokurorin\u00eb m\u00eb t\u00eb larg\u00ebt p\u00ebr shkak t\u00eb mos bindjes t\u00eb urdhrit politik. Vendosm\u00ebria e patundur e k\u00ebsaj mazhorance, pavar\u00ebsisht sfidave dhe sakrificave t\u00eb hasura, p\u00ebr ta mb\u00ebshtetur me \u00e7do kusht ishte shembulli m\u00eb i mir\u00eb q\u00eb mund t\u00eb jepej BE p\u00ebr tu kuptuar se jemi t\u00eb vendosur p\u00ebr t\u00eb l\u00ebn\u00eb pas t\u00eb shkuar\u00ebn e Shqip\u00ebris\u00eb dhe t\u00eb nd\u00ebrtojm\u00eb t\u00eb ardhmen e padiskutueshme t\u00eb Shqip\u00ebris\u00eb n\u00eb BE<\/em>\u201d-deklaroi Gjonaj.<\/span><\/p>\n

M\u00eb tej deputetja socialiste tha se tashm\u00eb \u00ebsht\u00eb faza kur ligjven\u00ebsit duhet t\u00eb garantojn\u00eb pakthyeshm\u00ebrin\u00eb e Reform\u00ebs n\u00eb Drejt\u00ebsi.<\/span><\/p>\n

Gjonaj theksoi se q\u00ebllimi i PS-s\u00eb \u00ebsht\u00eb q\u00eb lufta ndaj korrupsionit t\u00eb jet\u00eb paralelisht me at\u00eb q\u00eb po b\u00ebn SPAK-u.<\/span><\/p>\n

\u201cSot kur rezultatet flasin vet\u00eb, pa dashur n\u00eb t\u00eb b\u00ebhemi n\u00eb \u00e7do moment avokat t\u00eb Reform\u00ebs n\u00eb Dret\u00ebsi, p\u00ebr t\u00eb mbrojtur nga \u00e7do form\u00eb apo person q\u00eb pengonte si\u00e7 ka ndodhur m\u00ebher\u00ebt brenda politik\u00ebs brenda drejt\u00ebsis\u00eb, jemi n\u00eb faz\u00ebn kur ne ligjven\u00ebsiit duhet t\u00eb garantojm\u00eb dhe blindojm\u00eb pakthyeshm\u00ebrin\u00eb e k\u00ebsaj reforme si shtylla kryesore e nj\u00eb shteti s\u00eb t\u00eb drejt\u00ebs. Jemi n\u00eb faz\u00ebn duhet t\u00eb konsolidojm\u00eb t\u00eb gjitha shtyllat e sistemit t\u00eb drejt\u00ebsis\u00eb. <\/em><\/span><\/p>\n

Q\u00ebllimi yn\u00eb \u00ebsht\u00eb q\u00eb paralelisht me luft\u00ebn q\u00eb b\u00ebn SPAK, at\u00eb q\u00eb b\u00ebjm\u00eb me SPAK-un dhe Reform\u00ebn n\u00eb Drejt\u00ebsi ta b\u00ebjm\u00eb n\u00eb luft\u00ebn ndaj korrupsionit me t\u00eb gjitha institucionet p\u00ebrgjegj\u00ebse, n\u00eb bashk\u00ebveprim me nj\u00ebri tjetrin, si ato me karakter inspektues dhe kontrollues duke p\u00ebrshir\u00eb k\u00ebtu edhe institucionet e pavarura dhe organet e drejt\u00ebsis\u00eb t\u00eb qeverisjes, prokurorit\u00eb e rretheve, gjykatave edhe n\u00eb ato rastet kur ka \u00e7\u00ebshtje gjyq\u00ebsore q\u00eb presin mbi 7 vjet p\u00ebr marrjen e nj\u00eb pensioni n\u00eb Gjykatat e apelit. Ashtu si\u00e7 jemi n\u00eb momentin e duhur t\u00eb miratimit t\u00eb k\u00ebsaj rezolute t\u00eb PS-s\u00eb p\u00ebr t\u00eb vijuar n\u00eb kthimin e Shqip\u00ebris\u00eb Europiane 2030 jo vet\u00ebm si nj\u00eb mision p\u00ebr integrimin e Shqip\u00ebris\u00eb n\u00eb BE por edhe si p\u00ebrgjigje ndaj qytetar\u00ebve kur na besuan qeverisjen e vendit p\u00ebr her\u00eb t\u00eb tret\u00eb si asnj\u00ebher\u00eb m\u00eb par\u00eb<\/em>\u201d-deklaroi Gjonaj nd\u00ebr t\u00eb tjera n\u00eb fjal\u00ebn n\u00eb Kuvend.<\/span><\/p>\n