![\"\"](\"https:\/\/www.hashtag.al\/wp-content\/uploads\/2024\/05\/Balla1-2-675x450-1.jpg\")
<\/p>\n<\/p>\n
Ministri i Brendsh\u00ebm Taulant Balla inspektoi nj\u00ebsin\u00eb e sh\u00ebrbimit zjarrfik\u00ebs (MZSH) n\u00eb bashkin\u00eb Kam\u00ebz, p\u00ebr t\u00eb par\u00eb nga af\u00ebr gjendjen e mjeteve, infrastruktur\u00ebn, pajisjet si dhe p\u00ebr t\u2019i fal\u00ebnderuar p\u00ebr nd\u00ebrhyrjen profesionale gjat\u00eb nj\u00eb aksidenti rrugor.<\/span><\/p>\n Balla n\u00ebnvizoi se qeveria shqiptare ka nj\u00eb p\u00ebrkujdesje t\u00eb shtuar e t\u00eb posa\u00e7me ndaj sh\u00ebrbimit zjarrfik\u00ebs, pasi synimi \u00ebsht\u00eb q\u00eb t\u00eb rrisim nivelin e tij n\u00eb \u201cnj\u00eb sh\u00ebrbim t\u00eb standardeve m\u00eb t\u00eb mira europiane\u201d.<\/span><\/p>\n Ai u shpreh gjithashtu se Kamza \u00ebsht\u00eb nj\u00eb pik\u00eb ky\u00e7e e vendit ton\u00eb ku kalojn\u00eb qindra mij\u00ebra makina gjat\u00eb gjith\u00eb vitit dhe ku Sh\u00ebrbimi Zjarrfik\u00ebs duhet t\u00eb jet\u00eb n\u00eb gatishm\u00ebri p\u00ebr \u00e7do rast emergjence.<\/span><\/p>\n Duke folur p\u00ebr nj\u00eb rast konkret t\u00eb ndodhur para disa dit\u00ebsh, Ministri Balla u shpreh se: \u201cdua t\u2019ju fal\u00ebnderoj p\u00ebr shpejt\u00ebsin\u00eb, sakt\u00ebsin\u00eb e reagimit tuaj n\u00eb nj\u00eb prej momenteve q\u00eb \u00ebsht\u00eb dashur nd\u00ebrhyrja p\u00ebr shkak t\u00eb nj\u00eb aksidenti automobilistik. Sh\u00ebrbim zjarrfik\u00ebs n\u00eb bashk\u00ebveprim me sh\u00ebrbimet e tjera si Urgjenca Komb\u00ebtare dhe Policia e Shtetit, t\u00eb tre s\u00eb bashku jeni 3 sh\u00ebrbime jetike sa i p\u00ebrket zgjidhjes s\u00eb menj\u00ebhershme t\u00eb situatave t\u00eb v\u00ebshtira, ofrimit t\u00eb ndihm\u00ebs s\u00eb shpejt\u00eb dhe m\u00eb pas, p\u00ebrmes Urgjenc\u00ebs mjek\u00ebsore, transportimit p\u00ebr sh\u00ebrbim m\u00eb t\u00eb specializuar n\u00eb spitale. E kam ndjekur nga af\u00ebr at\u00eb moment p\u00ebr t\u00eb kuptuar q\u00eb\u00a0 tanim\u00eb sh\u00ebrbimi yn\u00eb zjarrfik\u00ebs ka hyr\u00eb n\u00eb nj\u00eb faz\u00eb t\u00eb re transformimi.\u201d<\/em><\/span><\/p>\n N\u00eb lidhje me k\u00ebrkesat q\u00eb duhet t\u00eb plot\u00ebsojn\u00eb punonj\u00ebsit e sh\u00ebrbimit zjarrfik\u00ebs dhe sidomos trajnimit t\u00eb tyre, Ministri Balla n\u00ebnvizoi se \u201cm\u00eb vjen mir\u00eb q\u00eb edhe kryetar\u00ebt e bashkive e kan\u00eb kuptuar tashm\u00eb se sh\u00ebrbimi zjarrfik\u00ebs nuk \u00ebsht\u00eb nj\u00eb vend pune, ku mund t\u00eb \u00e7osh dik\u00eb p\u00ebr t\u2019i b\u00ebr\u00eb nj\u00eb qok\u00eb. Por sh\u00ebrbimi zjarrfik\u00ebs duhet t\u00eb jet\u00eb si kudo n\u00eb shum\u00eb vende, nj\u00eb sh\u00ebrbim publik maksimalisht i vler\u00ebsuar.\u201d<\/em><\/span><\/p>\n Ministri theksoi se punonj\u00ebsit zjarrfik\u00ebs jan\u00eb n\u00eb kategorit\u00eb par\u00ebsore q\u00eb do t\u00eb p\u00ebrfitojn\u00eb rritje page pas dat\u00ebs nj\u00eb korrik t\u00eb k\u00ebtij viti.<\/span><\/p>\n \u201cSa i p\u00ebrket trajtimit t\u00eb duhur financiar, ju garantoj q\u00eb me 1 korrik, kur do t\u00eb kemi nj\u00eb rritje pagash t\u00eb dukshme n\u00eb shum\u00eb sektor\u00eb publik\u00eb, edhe sh\u00ebrbimi zjarrfik\u00ebs do t\u00eb jet\u00eb nj\u00eb prej atyre q\u00eb do t\u00eb jet\u00eb nd\u00ebr m\u00eb t\u00eb vler\u00ebsuarit. Kryeministri Rama dhe qeveria jon\u00eb vler\u00ebsojn\u00eb maksimalisht pun\u00ebn tuaj,\u201d<\/em> tha Ministri Balla.<\/span><\/p>\n Duke folur rreth r\u00ebnd\u00ebsis\u00eb q\u00eb ka nd\u00ebrhyrja e zjarrfik\u00ebsve n\u00eb raste emergjencash, sidomos n\u00eb sezonin turistik veror, Balla n\u00ebnvizoi se \u201ckemi p\u00ebrpara nj\u00eb sezon turistik m\u00eb shum\u00eb r\u00ebnd\u00ebsi edhe p\u00ebr ekonomin\u00eb e vendit, por edhe m\u00eb t\u00eb madhin q\u00eb kemi pasur deri tani. Duhet t\u00eb m\u00ebsohemi q\u00eb vit pa viti do t\u00eb kemi m\u00eb shum\u00eb turist\u00eb. E duke pasur m\u00eb shum\u00eb turist\u00eb, e m\u00eb shum\u00eb l\u00ebvizshm\u00ebri n\u00eb rrug\u00eb mund t\u00eb kemi edhe m\u00eb shum\u00eb incidente, qofshin ato rrugore apo t\u00eb shkaktuara nga temperaturat apo zjarrv\u00ebniet. <\/em><\/span><\/p>\n Dua ta p\u00ebrs\u00ebris edhe sot, \u2013 zjarrv\u00ebnia \u00ebsht\u00eb nj\u00eb vep\u00ebr penale e cila d\u00ebnohet ashp\u00ebr, mund t\u00eb shkoj\u00eb deri n\u00eb 15 vite heqje lirie. \u00cbsht\u00eb detyra e sh\u00ebrbimeve zjarrfik\u00ebse kudo n\u00eb Shqip\u00ebri, t\u00eb mb\u00ebshtetura fuqimisht edhe nga Drejtoria jon\u00eb n\u00eb Ministri (DPMZSH), edhe nga Agjencia Komb\u00ebtare e Mbrojtjes Civile, edhe nga Forcat e Armatosura, edhe nga Policia e Shtetit p\u00ebr t\u00eb garantuar q\u00eb ne t\u00eb jemi aty t\u00eb par\u00ebt p\u00ebr t\u00eb mbrojtur jet\u00ebn e qytetar\u00ebve, pron\u00ebn e tyre.\u201d<\/em><\/span><\/p>\n Balla foli gjithashtu edhe p\u00ebr pesh\u00ebn q\u00eb ka bashkia Kam\u00ebz n\u00eb sigurin\u00eb e p\u00ebrgjithshme n\u00eb rrug\u00eb si nj\u00eb nyj\u00eb q\u00eb lidh veriun me jugun e vendit.<\/span><\/p>\n \u201cSh\u00ebrbimi zjarrfik\u00ebs (MZSH) n\u00eb Kam\u00ebz, qoft\u00eb nga p\u00ebrb\u00ebrja e djemve dhe vajzave gjithashtu, q\u00eb duhet t\u2019i kemi, por edhe nga v\u00ebmendja q\u00eb kemi pasur n\u00eb shtimin dhe p\u00ebrmir\u00ebsimin e infrastruktur\u00ebs sa i p\u00ebrket mjeteve zjarrfik\u00ebse, po kthehet dita dit\u00ebs n\u00eb nj\u00eb model.<\/em><\/span><\/p>\n Ju garantoj q\u00eb ne, n\u00eb bashk\u00ebveprim edhe me partner\u00ebt e p\u00ebrzgjedhur, do ta shnd\u00ebrrojm\u00eb sh\u00ebrbimin zjarrfik\u00ebs n\u00eb Shqip\u00ebri n\u00eb nj\u00eb sh\u00ebrbim t\u00eb standardeve m\u00eb t\u00eb mira europiane. <\/em><\/span><\/p>\n Do t\u00eb vazhdojm\u00eb ta kemi v\u00ebmendjen ndaj k\u00ebtij sh\u00ebrbimi n\u00eb Kam\u00ebz, edhe p\u00ebr shkak t\u00eb pozicionit q\u00eb ka bashkia Kam\u00ebz, nj\u00eb bashki ky\u00e7e q\u00eb lidh veriun dhe jugun e Shqip\u00ebris\u00eb ku kalojn\u00eb gjat\u00eb gjith\u00eb vitit qindra mij\u00ebra mjete e me nj\u00eb popullsi prej mbi 150 mij\u00eb banor\u00ebsh, duke e renditur n\u00eb nj\u00eb prej bashkive m\u00eb t\u00eb m\u00ebdha t\u00eb vendit.\u201d<\/em> \u2013 u shpreh Balla.<\/span><\/p>\n Ai shpjegoi edhe nevoj\u00ebn e disa ndryshimeve n\u00eb radh\u00ebt e sh\u00ebrbimit zjarrfik\u00ebs, duke implementuar sistemin e gradave, certifikimin nga Akademia e Siguris\u00eb, trajnimet profesionale etj.<\/span><\/p>\n \u201cBesoj se kemi m\u00ebsuar nga sfidat e s\u00eb shkuar\u00ebs, kujtoj k\u00ebtu t\u00ebrmetin e 26 n\u00ebntorit 2019. Ne duhet t\u00eb vazhdojm\u00eb t\u00eb trajnohemi dhe st\u00ebrvitemi. Lidhja mes sh\u00ebrbimit zjarrfik\u00ebs, Akademis\u00eb s\u00eb Siguris\u00eb dhe certifikimit t\u00eb punonj\u00ebsve t\u00eb sh\u00ebrbimit zjarrfik\u00ebs, \u00ebsht\u00eb e qart\u00eb, prandaj kemi vendosur sistemin e gradave n\u00eb sh\u00ebrbimin zjarrfik\u00ebs. Dua t\u2019ju garantoj q\u00eb kemi \u00e7elur nj\u00eb faz\u00eb t\u00eb re, krejt\u00ebsisht t\u00eb ndryshme nga ajo e viteve t\u00eb kaluara sa i p\u00ebrket certifikimit, vler\u00ebsimit t\u00eb atyre prej jush q\u00eb duan t\u00eb b\u00ebjn\u00eb karrier\u00eb n\u00eb k\u00ebt\u00eb sh\u00ebrbim,\u201d<\/em> theksoi ai.<\/span><\/p>\n Sa i p\u00ebrket nxitjes s\u00eb t\u00eb rinjve e t\u00eb reja p\u00ebr t\u2019u b\u00ebr\u00eb pjes\u00eb e sh\u00ebrbimit zjarrfik\u00ebs, por edhe \u201cvullnetarizmit n\u00eb sh\u00ebrbimin zjarrfik\u00ebs Balla vuri n\u00eb dukje se:\u00a0 \u201csynimi im dhe i gjith\u00eb ekipit n\u00eb Ministrin\u00eb e Brendshme lidhet me nj\u00eb ridimensionim edhe t\u00eb qasjes s\u00eb publikut ndaj burrave dhe grave q\u00eb zgjedhin t\u00eb punojn\u00eb n\u00eb sh\u00ebrbimin zjarrfik\u00ebs. Dua ta nxis edhe Kryetarin e Bashkis\u00eb s\u00eb bashku me ekipet e sh\u00ebrbimit zjarrfik\u00ebs, t\u00eb zhvilloni kurse komunikimi me shkolla 9-vje\u00e7are dhe t\u00eb mesme, por edhe n\u00eb t\u00eb rinj e t\u00eb reja q\u00eb t\u00eb ken\u00eb n\u00eb p\u00ebrzgjedhjen e tyre edhe sh\u00ebrbimin zjarrfik\u00ebs si profesion. N\u00eb disa vende t\u00eb bot\u00ebs, sh\u00ebrbimi zjarrfik\u00ebs \u00ebsht\u00eb vullnetar. <\/em><\/span><\/p>\n Edhe ne duhet t\u00eb nxisim qytetar\u00ebt, t\u00eb rinjt\u00eb, p\u00ebr t\u2019ia bashkuar vullnetarizmit kur vjen fjala p\u00ebr sh\u00ebrbimin zjarrfik\u00ebs vullnetar, q\u00eb t\u00eb vijn\u00eb k\u00ebtu, koh\u00eb pas kohe, q\u00eb t\u00eb trajnohen.<\/em><\/span><\/p>\n Le t\u00eb iniciojm\u00eb n\u00eb Kam\u00ebz nj\u00eb projekt t\u00eb sh\u00ebrbimi zjarrfik\u00ebs vullnetar, pasi n\u00eb k\u00ebt\u00eb bashki kemi rreth 50 punonj\u00ebs zjarrfik\u00ebs dhe ne e dim\u00eb q\u00eb me kaq personal, nuk mund t\u2019ia dalim nj\u00eb sfide t\u00eb madhe, prandaj duhet vullnetarizmi.\u201d<\/em><\/span><\/p>\n