![\"\"](\"https:\/\/www.hashtag.al\/wp-content\/uploads\/2024\/04\/640-0-fffff-1700224330.jpg\")
<\/p>\n<\/p>\n
Parlamenti Evropian t\u00eb mart\u00ebn ka miratuar vendimin p\u00ebr liberalizimin e vizave p\u00ebr bart\u00ebsit e pasaportave t\u00eb Serbis\u00eb q\u00eb jetojn\u00eb n\u00eb Kosov\u00eb, t\u00eb cil\u00ebt pajisen me dokumente nga Drejtoria koordinuese n\u00eb Beograd.<\/span><\/p>\n Bart\u00ebsit e k\u00ebtyre pasaportave nuk ishin p\u00ebrfshir\u00eb n\u00eb liberalizimin e vizave n\u00eb koh\u00ebn kur Bashkimi Evropian i hoqi vizat p\u00ebr shtetasit e Serbis\u00eb.<\/span><\/p>\n Nga Aeroporti i Prishtin\u00ebs nuk \u00ebsht\u00eb e mundur t\u00eb udh\u00ebtohet me pasaport\u00eb t\u00eb l\u00ebshuar nga Drejtoria Koordinuese e MPB-s\u00eb s\u00eb Serbis\u00eb n\u00eb Beograd p\u00ebr qytetar\u00ebt e Kosov\u00ebs, sepse autoritetet e Kosov\u00ebs e konsiderojn\u00eb t\u00eb paligjshme. Megjithat\u00eb, poseduesit e k\u00ebtyre pasaportave mund t\u00eb udh\u00ebtojn\u00eb nga \u00e7do vend i rajonit.<\/span><\/p>\n Komisioni Evropian n\u00eb muajin n\u00ebntor t\u00eb vitit t\u00eb kaluar kur rekomandoi heqjen e vizave edhe p\u00ebr bart\u00ebsit e k\u00ebtyre pasaportave, si arsyetim dha q\u00ebllimin q\u00eb t\u00eb gjith\u00eb qytetar\u00ebt e rajonit t\u00eb Ballkanit Per\u00ebndimor t\u00eb g\u00ebzojn\u00eb liberalizimin e vizave, pa marr\u00eb parasysh se \u00e7far\u00eb pasaporte posedojn\u00eb. Ky propozim i Komisionit Evropian erdhi pasi ishte e qart\u00eb se nga 1 janari shtetasit e Kosov\u00ebs do t\u00eb mund t\u00eb udh\u00ebtojn\u00eb pa viza n\u00eb vendet e Schengenit.<\/span><\/p>\n Vendimi i s\u00eb mart\u00ebs u miratua n\u00eb seanc\u00ebn plenare t\u00eb Parlamentit Evropian me 406 vota p\u00ebr, 97 kund\u00ebr dhe 94 abstenime.<\/span><\/p>\n Ky votim n\u00eb Parlamentin Evropian \u00ebsht\u00eb hapi i fundit n\u00eb k\u00ebt\u00eb institucion t\u00eb BE-s\u00eb drejt vendimit p\u00ebr heqjen e vizave p\u00ebr bart\u00ebsit e k\u00ebtyre pasaportave. Raportin, i cili u votua t\u00eb mart\u00ebn n\u00eb seanc\u00eb plenare, e ka p\u00ebrpiluar deputeti nga Sllovenia Matjazh Nemec.<\/span><\/p>\n Ai ka th\u00ebn\u00eb se me raportin e tij nuk ka p\u00ebr q\u00ebllim t\u00eb zgjidh\u00eb ndonj\u00eb \u00e7\u00ebshtje politike apo mospajtim nd\u00ebrmjet Kosov\u00ebs dhe Serbis\u00eb por, si\u00e7 u shpreh ai, nj\u00eb problem praktik dhe teknik p\u00ebr t\u00eb siguruar l\u00ebvizjen e lir\u00eb dhe p\u00ebr t\u00eb siguruar trajtimin e barabart\u00eb.<\/span><\/p>\n Ai, madje, tha se ky problem ishte krijuar nga vet\u00eb BE-ja n\u00eb vitin 2009, kur u hoq\u00ebn vizat p\u00ebr Serbin\u00eb por jo edhe p\u00ebr bart\u00ebsit e k\u00ebtyre pasaportave, dhe tash BE-ja duhet ta p\u00ebrmir\u00ebsoj\u00eb k\u00ebt\u00eb gabim. Nemec theksoi n\u00eb fjalimin e tij se ky vendim, i propozuar nga Komisioni Evropian, \u00ebsht\u00eb mb\u00ebshtetur edhe nga Sh\u00ebrbimi i Veprimit t\u00eb Jasht\u00ebm t\u00eb BE-s\u00eb dhe ka pajtimin e K\u00ebshillit.<\/span><\/p>\n Qeveria e Kosov\u00ebs e kishte kritikuar dhe kund\u00ebrshtuar propozimin p\u00ebr p\u00ebrfshirjen e k\u00ebtyre pasaportave n\u00eb liberalizimin e vizave duke e quajtur si \u201cshkelje e integritetit territorial t\u00eb Kosov\u00ebs\u201d. P\u00ebr m\u00eb tep\u00ebr, Qeveria e Kosov\u00ebs kishte argumentuar se me nj\u00eb vendim t\u00eb till\u00eb BE-ja do t\u00eb ndikoj\u00eb negativisht n\u00eb procesin e integrimit t\u00eb serb\u00ebve t\u00eb Kosov\u00ebs.<\/span><\/p>\n Sipas Qeveris\u00eb s\u00eb Kosov\u00ebs, argumenti se serb\u00ebt e Kosov\u00ebs nuk jan\u00eb p\u00ebrfshir\u00eb n\u00eb liberalizim nuk q\u00ebndron pasi ata, sikur t\u00eb gjith\u00eb shtetasit tjer\u00eb t\u00eb Kosov\u00ebs mund t\u00eb pajisen me pasaporta biometrike t\u00eb Kosov\u00ebs me procedur\u00eb t\u00eb shpejtuar dhe me ato pasaporta mund t\u00eb udh\u00ebtojn\u00eb pa viza n\u00eb vendet evropiane.<\/span><\/p>\n P\u00ebr Qeverin\u00eb e Kosov\u00ebs problematik \u00ebsht\u00eb edhe fakti se n\u00eb pasaportat q\u00eb i l\u00ebshon Drejtoria koordinuese e Serbis\u00eb n\u00eb Beograd shkruhen vendbanimet n\u00eb territorin e Kosov\u00ebs sikur t\u00eb jen\u00eb n\u00eb Serbi, q\u00eb \u00ebsht\u00eb n\u00eb kund\u00ebrshtim me marr\u00ebveshjet e arritura n\u00eb dialog p\u00ebr shuarjen e strukturave paralele t\u00eb Serbis\u00eb.<\/span><\/p>\n Por, argumentet e Kosov\u00ebs nuk ishin marr\u00eb parasysh nga institucionet e Bashkimit Evropian, as nga Komisioni Evropian, nga Parlamenti Evropian e as nga K\u00ebshilli.<\/span><\/p>\n Pas votimit t\u00eb sot\u00ebm n\u00eb seanc\u00ebn plenare t\u00eb Parlamentit Evropian, ka mbetur vet\u00ebm q\u00eb K\u00ebshilli i BE-s\u00eb ta formalizoj\u00eb vendimin dhe ai t\u00eb hyj\u00eb n\u00eb fuqi.<\/span><\/p>\n Pik\u00ebrisht p\u00ebr shkak se seancat plenare t\u00eb k\u00ebsaj jave jan\u00eb t\u00eb fundit n\u00eb k\u00ebt\u00eb p\u00ebrb\u00ebrje t\u00eb Parlamentit Evropian, edhe kishte presion kohor q\u00eb votimi t\u00eb p\u00ebrmbyllet n\u00eb k\u00ebt\u00eb seanc\u00eb, sepse pas k\u00ebsaj jave do t\u00eb shp\u00ebrb\u00ebhet Parlamenti Evropian nd\u00ebrsa seanca themeluese e p\u00ebrb\u00ebrjes s\u00eb re do t\u00eb jet\u00eb n\u00eb korrik, pas zgjedhjeve evropiane.<\/span><\/p>\n Sikur t\u00eb mos ishte votuar k\u00ebt\u00eb jav\u00eb, gjith\u00e7ka do t\u00eb shtyhej p\u00ebr fundin e k\u00ebtij viti. Tash mbetet t\u00eb p\u00ebrmbyllen formalitetet n\u00eb K\u00ebshill n\u00eb m\u00ebnyr\u00eb q\u00eb vendimi t\u00eb hyj\u00eb n\u00eb fuqi.<\/span><\/p>\n