![\"\"](\"https:\/\/www.hashtag.al\/wp-content\/uploads\/2024\/04\/profesionetelira.jpg\")
<\/p>\n<\/p>\n
Pa nisur ende nga zbatimi, ligji i ri \u201cP\u00ebr tatimin mbi t\u00eb ardhurat\u201d, i cili taton profesionet e lira, ankimohet p\u00ebr her\u00eb t\u00eb tret\u00eb n\u00eb Gjykat\u00ebn Kushtetuese.<\/span><\/p>\n Pas ankimit n\u00eb Gjykat\u00ebn Kushtetuese, nga deputetja Jorida Tabaku dhe ankimit t\u00eb dyt\u00eb q\u00eb u depozitua n\u00eb Gjykat\u00ebn Kushtetuese nga Instituti i Kontabilist\u00ebve t\u00eb Miratuar (IKM) dhe Instituti i Ekspert\u00ebve Kontab\u00ebl t\u00eb Autorizuar (IEKA), me pjes\u00ebmarrjen masive t\u00eb avokat\u00ebve, jurist\u00ebve dhe shum\u00eb profesionist\u00eb t\u00eb lir\u00eb t\u00eb fushave t\u00eb ndryshme, m\u00eb 19 prill u d\u00ebrgua nj\u00eb tjet\u00ebr padi p\u00ebr shfuqizimin e ligjit.<\/span><\/p>\n Edhe n\u00eb padin\u00eb e tret\u00eb me objekt \u201cPezullim pjesor i ligjit nr.29\/ 2023 dhe shfuqizimin e disa neneve t\u00eb tij dhe akteve n\u00ebnligjore\u201d, pretendimet e profesionist\u00ebve t\u00eb lir\u00eb p\u00ebr shkeljen e kushtetutshm\u00ebris\u00eb mb\u00ebshteten te diskriminimi i shtres\u00ebs s\u00eb mesme dhe paligjshm\u00ebria e zbatimit t\u00eb ligjit.<\/span><\/p>\n Organizimi p\u00ebr p\u00ebrgatitjen masive t\u00eb padis\u00eb s\u00eb profesionist\u00ebve t\u00eb ndrysh\u00ebm erdhi pas d\u00ebrgimit t\u00eb njoftim vler\u00ebsimeve p\u00ebr secilin biznes nga administrata tatimore p\u00ebr parapagimet e 9 k\u00ebsteve t\u00eb tatimit.<\/span><\/p>\n Sipas p\u00ebrllogaritjeve t\u00eb tatimeve, bizneset duhet t\u00eb parapaguajn\u00eb nga 600 deri n\u00eb 1,000 euro n\u00eb muaj tatim p\u00ebr vitin 2024, mb\u00ebshtetur te t\u00eb ardhurat dhe shpenzimet e deklaruara p\u00ebr 2023.<\/span><\/p>\n Kontabilist\u00ebt dhe jurist\u00ebt vler\u00ebsuan q\u00eb jo vet\u00ebm p\u00ebrmbajtja juridike e vler\u00ebsimeve \u00ebsht\u00eb e gabuar, por edhe llogaritja p\u00ebr k\u00ebstet e parapagimit t\u00eb tatimit.<\/span><\/p>\n Nga IKM dhe IEKA, ankimimi u depozitua n\u00eb Gjykat\u00ebn Kushtetuese m\u00eb 20 mars 2024.<\/span><\/p>\n P\u00ebrfaq\u00ebsues t\u00eb k\u00ebtyre institucioneve pohuan m\u00eb her\u00ebt p\u00ebr \u201cMonitor\u201d se pretendimet n\u00eb lidhje me shkeljet kushtetuese jan\u00eb:<\/span><\/p>\n 1.Cenimi i parimit t\u00eb barazis\u00eb para ligjit;<\/span><\/p>\n 2.Shkelja e s\u00eb drejt\u00ebs themelore t\u00eb liris\u00eb s\u00eb veprimtaris\u00eb ekonomike dhe t\u00eb profesionit;<\/span><\/p>\n 3.Cenimi i parimit t\u00eb shtetit t\u00eb s\u00eb drejt\u00ebs dhe siguris\u00eb juridike;<\/span><\/p>\n 4.Cenimi i parimit t\u00eb rezerv\u00ebs ligjore n\u00eb fush\u00ebn tatimore dhe hierarkis\u00eb s\u00eb normave.<\/span><\/p>\n Ligji i ri parashikon zbatim n\u00eb dy periudha. Pas zbritjes s\u00eb shpenzimeve, fitimet e t\u00eb vet\u00ebpun\u00ebsuarve, personave fizik\u00eb dhe tregtar\u00eb t\u00eb sh\u00ebrbimeve t\u00eb profesioneve t\u00eb lira, nga 1 janari 2024 taksohen me normat 15% dhe 23%. Nd\u00ebrsa bizneset e tjera t\u00eb vogla do t\u00eb vijojn\u00eb t\u00eb ken\u00eb tatim zero deri m\u00eb 31 dhjetor 2029.<\/span><\/p>\n P\u00ebr shkak t\u00eb trajtimit t\u00eb pabarabart\u00eb tatimor q\u00eb u b\u00ebhet kategorive t\u00eb bizneseve k\u00ebrkohet shfuqizimi i nenit 69 q\u00eb p\u00ebrcakton p\u00ebrjashtimin e bizneseve t\u00eb tjera nga taksimi dhe t\u00eb list\u00ebs s\u00eb sh\u00ebrbimeve t\u00eb profesioneve t\u00eb lira q\u00eb u p\u00ebrfshin\u00eb n\u00eb taksimin e ri.<\/span><\/p>\n \u201cShfuqizimi i pjessh\u00ebm i neni 3, paragrafi 5; nenit 12,paragrafi 1, germa \u201c\u00e7\u201d; dhe nenit 69, paragrafi 1, germa \u201cdh\u201d, t\u00eb ligjit nr. 29\/2023 dat\u00eb 30.03.2023, \u201cP\u00ebr tatimin mbi t\u00eb ardhurat \u201d i ndryshuar.<\/span><\/p>\n Shfuqizimi i nenit 4, paragrafi 1 \u201clista e sh\u00ebrbimeve objekt tatimi nga 1 Janari 2024\u201d dhe i tabel\u00ebs Analitike nr. 2, n\u00ebnndarja 69, i VKM nr. 753 dat\u00eb 20.12.2023 si t\u00eb papajtueshme me Kushtetut\u00ebn e Republik\u00ebs s\u00eb Shqip\u00ebris\u00eb p\u00ebr pjes\u00ebn q\u00eb u referohet profesioneve t\u00eb Kontabilistit t\u00eb Miratuar dhe Audituesve Ligjor\u00eb\u201d, citohet n\u00eb k\u00ebrkes\u00ebn e depozituar n\u00eb Kushtetuese.<\/span><\/p>\n Ligji p\u00ebr tatimin mbi t\u00eb ardhurat u miratua n\u00eb muajin mars 2023 nga Parlamenti. N\u00eb muajin dhjetor u botua n\u00eb Fletoren Zyrtare vendimi i miratuar nga K\u00ebshilli i Ministrave, me list\u00ebn p\u00ebr sh\u00ebrbimet e profesioneve t\u00eb lira q\u00eb do t\u00eb p\u00ebrfshihen n\u00eb taksimin e ri, duke p\u00ebrfshir\u00eb 26 lloje aktivitetesh, duke nisur nga sh\u00ebrbimi IT, i kontabilitetit, avokat\u00ebt, arsimtar\u00ebt, mjek\u00ebt, pasurit\u00eb e paluajtshme, agjencit\u00eb e lajmeve, agjencit\u00eb e pun\u00ebsimit, t\u00eb sportit operator\u00ebt turistik\u00eb etj.<\/span><\/p>\n N\u00eb total, sipas Ministris\u00eb s\u00eb Financave dhe Ekonomis\u00eb, n\u00eb regjimin e ri tatimor do t\u00eb p\u00ebrfshihen deri n\u00eb 29 mij\u00eb biznese t\u00eb profesioneve t\u00eb lira.<\/span><\/p>\n MFE llogarit se deri n\u00eb 90% e totalit t\u00eb bizneseve (t\u00eb ndar\u00eb sipas 3 kategorive, si: vet\u00ebpun\u00ebsuarit, personat fizik\u00eb dhe tregtar\u00eb) p\u00ebrfshihen n\u00eb fash\u00ebn e ardhurave vjetore deri n\u00eb 14 milion\u00eb lek\u00eb n\u00eb vit q\u00eb do t\u00eb tatohen me norm\u00eb 15%.\/D.Azo<\/span><\/p>\n