{"id":668053,"date":"2024-04-16T10:25:05","date_gmt":"2024-04-16T08:25:05","guid":{"rendered":"https:\/\/www.hashtag.al\/?p=668053"},"modified":"2024-04-16T11:17:03","modified_gmt":"2024-04-16T09:17:03","slug":"protestuesit-ne-gjeorgji-kundershtojne-projektligjin-per-agjente-te-huaj","status":"publish","type":"post","link":"https:\/\/www.hashtag.al\/index.php\/2024\/04\/16\/protestuesit-ne-gjeorgji-kundershtojne-projektligjin-per-agjente-te-huaj\/","title":{"rendered":"Protestuesit n\u00eb Gjeorgji kund\u00ebrshtojn\u00eb projektligjin p\u00ebr \u201cagjent\u00eb t\u00eb huaj\u201d","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Mij\u00ebra gjeorgjian\u00eb protestuan kund\u00ebr projektligjit p\u00ebr \u201cagjent\u00eb t\u00eb huaj\u201d, legjislacion q\u00eb ka tronditur shtetin e Kaukazit, p\u00ebrderisa ligjv\u00ebn\u00ebsit nga partia n\u00eb pushtet i dhan\u00eb drit\u00ebn e gjelb\u00ebr pavar\u00ebsisht p\u00ebrleshjeve n\u00eb Parlament.<\/span><\/p>\n

Sipas vler\u00ebsimeve, 5.000 persona u mblodh\u00ebn jasht\u00eb nd\u00ebrtes\u00ebs s\u00eb Parlamentit mbr\u00ebmjen e 15 prillit duke u b\u00ebr\u00eb thirrje autoriteteve q\u00eb t\u00eb zhb\u00ebjn\u00eb projektligjin, i cili parasheh q\u00eb entitetit q\u00eb financohen nga jasht\u00eb t\u00eb regjistrohen si agjent\u00eb t\u00eb huaj. Ky projektligj nga shum\u00eb po krahasohet me legjislacionin e ngjash\u00ebm q\u00eb zbatohet n\u00eb Rusi, i cili \u00ebsht\u00eb p\u00ebrdorur p\u00ebr t\u00eb shtypur mospajtimin dhe veprimtarin\u00eb e grupeve t\u00eb shoq\u00ebris\u00eb civile.<\/span><\/p>\n

Disa nga protestuesit u p\u00ebrlesh\u00ebn me policin\u00eb q\u00eb ishte dislokuar jasht\u00eb nd\u00ebrtes\u00ebs s\u00eb Parlamentit, tha Ministria e Brendshme p\u00ebrmes nj\u00eb deklarate, duke shtuar se 14 protestues u arrestuan dhe nj\u00eb zyrtar policor p\u00ebsoi l\u00ebndime si pasoj\u00eb e \u201cveprimeve t\u00eb dhunshme t\u00eb protestuesve\u201d.<\/span><\/p>\n

M\u00eb her\u00ebt gjat\u00eb 15 prillit, pati p\u00ebrleshje pasi deputeti opozitar, Aleko Elisashvili, sulmoi nj\u00eb an\u00ebtar t\u00eb partis\u00eb n\u00eb pushtet i cili po tentonte q\u00eb t\u00eb paraqiste projektligjin.<\/span><\/p>\n

Eliasashvili goditi me grusht Mamuka Mdinaradze, udh\u00ebheq\u00ebsin e fraksionit parlamentar t\u00eb partis\u00eb n\u00eb pushtet, \u00cbndrra Gjeorgjiane, duke shkaktuar rr\u00ebmuj\u00eb n\u00eb seanc\u00ebn plenare.<\/span><\/p>\n

Mdinaradze duket se nuk p\u00ebsoi l\u00ebndime nga ky sulm, duke pasur parasysh faktin q\u00eb pas nj\u00eb pauze t\u00eb shkurt, ai mori pjes\u00eb n\u00eb nj\u00eb takim t\u00eb Komisionit parlamentar p\u00ebr \u00e7\u00ebshtje ligjore.<\/span><\/p>\n

M\u00eb her\u00ebt gjat\u00eb k\u00ebtij muaji, Mdinaradze tha se partia \u00cbndrra Gjeorgjiane po planifikon q\u00eb s\u00ebrish t\u00eb prezantoj\u00eb projektligjin, i cili n\u00ebse miratohet, do t\u00eb obligoj\u00eb organizatat jofitimprur\u00ebse dhe mediat q\u00eb financohen nga jasht\u00eb dhe jan\u00eb t\u00eb p\u00ebrfshira n\u00eb aktivitete, q\u00eb gjer\u00ebsisht p\u00ebrshkruhen si \u201cpolitike, t\u00eb raportojn\u00eb p\u00ebr aktivitetet e tyre para autoriteteve.<\/span><\/p>\n