![\"\"](\"https:\/\/www.hashtag.al\/wp-content\/uploads\/2024\/03\/parlamenti-europian-768x366-1.jpg\")
<\/p>\n<\/p>\n
Parlamenti Evropian (PE) dhe K\u00ebshilli i Bashkimit Evropian ende nuk kan\u00eb arritur pajtim t\u00eb plot\u00eb p\u00ebr tekstin e vendimit p\u00ebr planin e BE-s\u00eb p\u00ebr rritje ekonomike n\u00eb Ballkanin Per\u00ebndimor.<\/span><\/p>\n K\u00ebto dy institucione t\u00eb bllokut jan\u00eb duke i vazhduar bisedimet p\u00ebr k\u00ebt\u00eb n\u00ebn nj\u00eb presion t\u00eb madh kohor.<\/span><\/p>\n P\u00ebr miratimin formal t\u00eb k\u00ebtij plani, i cili p\u00ebrfshin 6 miliard\u00eb euro ndihm\u00eb financiare p\u00ebr gjasht\u00eb vendet e rajonit, \u00ebsht\u00eb i domosdosh\u00ebm pajtimi i Parlamentit Evropian dhe K\u00ebshillit.<\/span><\/p>\n Nga 6 miliard\u00eb euro, 2 miliard\u00eb do t\u00eb jepen si grante pa kthim, nd\u00ebrsa 4 miliard\u00eb n\u00eb form\u00ebn e kredive t\u00eb favorshme.<\/span><\/p>\n Burimet e Radios Evropa e Lir\u00eb kan\u00eb th\u00ebn\u00eb se q\u00ebndrimet jan\u00eb p\u00ebrafruar, por ende nuk ka pajtim t\u00eb plot\u00eb mes PE-s\u00eb dhe K\u00ebshillit.<\/span><\/p>\n Raundi i ri i bisedimeve mes PE-s\u00eb dhe K\u00ebshillit p\u00ebr k\u00ebt\u00eb \u00e7\u00ebshtje do t\u00eb mbahet m\u00eb prill, dhe ky do t\u00eb jet\u00eb edhe takimi i fundit. Kjo dat\u00eb \u00ebsht\u00eb edhe afati i fundit p\u00ebr arritjen e marr\u00ebveshjes, sepse, n\u00ebse nuk ka pajtim deri at\u00ebher\u00eb, nuk do t\u00eb jet\u00eb e mundur q\u00eb vendimi t\u00eb votohet n\u00eb seanc\u00eb plenare t\u00eb Parlamentit Evropian.<\/span><\/p>\n P\u00ebr shkak t\u00eb zgjedhjeve p\u00ebr Parlamentin Evropian n\u00eb qershor, seancat e fundit plenare do t\u00eb mbahen nga 21 deri m\u00eb 24 prill. Votimi p\u00ebr k\u00ebt\u00eb plan \u00ebsht\u00eb planifikuar p\u00ebr nj\u00eb seanc\u00eb m\u00eb 23 prill.<\/span><\/p>\n Por, para votimit duhet t\u00eb p\u00ebrfundojn\u00eb bisedimet mes Parlamentit dhe K\u00ebshillin, dhe marr\u00ebveshja e tyre t\u00eb votohet n\u00eb komisionet e politik\u00ebs s\u00eb jashtme dhe t\u00eb buxhetit.<\/span><\/p>\n N\u00ebse plani d\u00ebshton t\u00eb votohet deri at\u00ebher\u00eb, ai do t\u2019i mbetet n\u00eb dor\u00eb p\u00ebrmb\u00ebrjes s\u00eb re t\u00eb Parlamentit Evropian, pra kah fundi i k\u00ebtij viti.<\/span><\/p>\n \u201cN\u00eb do t\u00eb d\u00ebshironim q\u00eb pagesat e para nga ky fond p\u00ebr vendet e rajonit q\u00eb i p\u00ebrmbushin kushtet, t\u00eb b\u00ebhen qysh n\u00eb pjes\u00ebn e dyt\u00eb t\u00eb vitit. N\u00ebse nuk arrijm\u00eb marr\u00ebveshje me Parlamentin Evropian m\u00eb 4 prill, at\u00ebher\u00eb gjith\u00e7ka mund t\u00eb rrezikohet\u201d,<\/span><\/i> i ka th\u00ebn\u00eb Evrop\u00ebs s\u00eb Lir\u00eb nj\u00eb diplomat evropian.<\/span><\/span><\/p>\n Sipas burimeve t\u00eb REL-it brenda K\u00ebshillit t\u00eb BE-s\u00eb dhe Parlamentit, penges\u00eb kryesore p\u00ebr arritjen e pajtimit \u00ebsht\u00eb insistimi i K\u00ebshillit q\u00eb fjal\u00ebn kryesore p\u00ebr administrimin e k\u00ebtij plani ta ket\u00eb K\u00ebshilli, nd\u00ebrsa Parlamenti insiston q\u00eb edhe ai t\u00eb ket\u00eb rol n\u00eb vendimet p\u00ebr t\u00eb pranuar programet e reformave nga vendet e Ballkanit Per\u00ebndimor, si kusht p\u00ebr pagesat nga ky fond.<\/span><\/p>\n Kan\u00eb mbetur p\u00ebr t\u2019u sqaruar edhe disa holl\u00ebsi rreth kusht\u00ebzimit specifik p\u00ebr Kosov\u00ebn dhe Serbin\u00eb dhe kusht\u00ebzimi me p\u00ebrshtatjen e vendeve t\u00eb rajonit me politik\u00ebn e vizave.<\/span><\/p>\n Para se t\u00eb filloj\u00eb i ashtuquajturi \u201cTrialog\u201d \u2013 bisedimet tripal\u00ebshe mes Parlamentit Evropian, K\u00ebshillit t\u00eb BE-s\u00eb dhe Komisionit Evropian – secili institucion e miraton q\u00ebndrimin dhe mandatin e vet p\u00ebr k\u00ebto negociata. Edhe k\u00ebtu ka pasur disa dallime t\u00eb cilat duhet t\u00eb tejkalohen.<\/span><\/p>\n Tre institucionet e BE-s\u00eb kan\u00eb insistuar se vendet e rajonit, p\u00ebr t\u00eb p\u00ebrfituar nga kjo paket\u00eb e ndihm\u00ebs financiare, duhet t\u00eb p\u00ebrmbushin nj\u00eb varg kriteresh jo edhe aq t\u00eb lehta.<\/span><\/p>\n N\u00eb mesin e tyre jan\u00eb kriteret bazike t\u00eb cilat vlejn\u00eb nj\u00eblloj p\u00ebr t\u00eb gjitha vendet an\u00ebtare. Ato kan\u00eb t\u00eb b\u00ebjn\u00eb me sundimin e ligjit, respektimin e parimeve t\u00eb demokracis\u00eb, reformat institucionale dhe nd\u00ebrmarrja e hapave t\u00eb domosdosh\u00ebm p\u00ebr t\u00eb garantuar se mjetet nuk do t\u00eb keqp\u00ebrdoren.<\/span><\/p>\n Pos kritereve q\u00eb kan\u00eb t\u00eb b\u00ebjn\u00eb me reforma dhe sundimin e ligjit, ka edhe kritere t\u00eb natyr\u00ebs politike.<\/span><\/p>\n P\u00ebr Kosov\u00ebn dhe Serbin\u00eb parakusht tjet\u00ebr do t\u00eb jet\u00eb angazhimi konstruktiv n\u00eb normalizimin e marr\u00ebdh\u00ebnieve mes tyre me q\u00ebllim t\u00eb zbatimit t\u00eb plot\u00eb t\u00eb obligimeve p\u00ebrkat\u00ebse q\u00eb dalin nga Marr\u00ebveshja p\u00ebr rrug\u00ebn drejt normalizimit t\u00eb marr\u00ebdh\u00ebnieve dhe Aneksit p\u00ebr zbatimin, q\u00eb u arrit\u00ebn m\u00eb 2023 n\u00ebn nd\u00ebrmjet\u00ebsimin e BE-s\u00eb, sikur edhe t\u00eb gjitha obligimeve t\u00eb m\u00ebhershme nga dialogu i Brukselit.<\/span><\/p>\n Ajo q\u00eb k\u00ebrkohet t\u00eb sqarohet \u00ebsht\u00eb m\u00ebnyra dhe forma se si do t\u00eb d\u00ebshmohet \u201cangazhimi konstruktiv\u201d kur t\u00eb k\u00ebrkohet t\u00eb v\u00ebrtetohet n\u00ebse Kosova dhe Serbia e kan\u00eb p\u00ebrmbushur k\u00ebt\u00eb kusht. Dallimet n\u00eb k\u00ebt\u00eb pik\u00eb nuk jan\u00eb t\u00eb m\u00ebdha.<\/span><\/p>\n Nd\u00ebrkoh\u00eb, \u00ebsht\u00eb tejkaluar mospajtimi rreth kusht\u00ebzimit apo jo t\u00eb k\u00ebtyre mjeteve me p\u00ebrshtatjen me politik\u00ebn e jashtme dhe t\u00eb siguris\u00eb s\u00eb BE-s\u00eb. Ka dominuar q\u00ebndrimi i Komisionit Evropian dhe nj\u00eb numri m\u00eb t\u00eb madh t\u00eb shteteve an\u00ebtare se ky nuk duhet t\u00eb jet\u00eb parakusht specifik, por se nga vendet e rajonit pritet q\u00eb t\u00eb p\u00ebrshtaten.<\/span><\/p>\n Evropa e Lir\u00eb m\u00ebson se shtetet an\u00ebtare t\u00eb BE-s\u00eb ishin ndar\u00eb n\u00eb tri grupe. Grupi i par\u00eb, i p\u00ebrb\u00ebr\u00eb nga Finlanda, Suedia, Estonia, Lituania, Letonia dhe Polonia, kishte k\u00ebrkuar q\u00eb p\u00ebrshtatja me politiken e jashtme t\u00eb jet\u00eb kusht. Por, ky grup kan\u00eb pranuar kompromisin n\u00eb shenj\u00eb solidariteti n\u00eb K\u00ebshill.<\/span><\/p>\n Nd\u00ebrsa, grupi i dyt\u00eb, i p\u00ebrb\u00ebr\u00eb nga Spanja, Hungaria, Austria, Qipro, Italia, Franca, Greqia dhe Portugalia, kishte k\u00ebrkuar q\u00eb \u201cn\u00eb asnj\u00eb rast p\u00ebrshtatja me politiken e jashtme t\u00eb mos jet\u00eb para kusht p\u00ebr qasje n\u00eb mjetet financiare\u201d. K\u00ebto shtete kishin k\u00ebrkuar nga presidenca belge e BE-s\u00eb, q\u00eb n\u00eb negociatat me Parlamentin Evropian, t\u00eb mos b\u00ebj\u00eb asnj\u00eb l\u00ebshim n\u00eb k\u00ebt\u00eb pik\u00eb. Ato e pranuan q\u00ebndrimin p\u00ebr kompromis.<\/span><\/p>\n Q\u00ebndrimi p\u00ebr kompromis \u00ebsht\u00eb se n\u00eb fokus duhet t\u00eb jet\u00eb p\u00ebrshtatja e partner\u00ebve me q\u00ebndrimet e BE-s\u00eb n\u00eb fush\u00ebn e politik\u00ebs s\u00eb jashtme dhe t\u00eb siguris\u00eb, por jo si parakusht i prer\u00eb.<\/span><\/p>\n \u201cP\u00ebrfituesit duhet t\u00eb d\u00ebshmojn\u00eb p\u00ebrkushtim t\u00eb besuesh\u00ebm ndaj vlerave evropiane, p\u00ebrfshir\u00eb edhe p\u00ebrmes p\u00ebrshtatjes s\u00eb tyre me politik\u00ebn e p\u00ebrbashk\u00ebt t\u00eb jashtme dhe t\u00eb siguris\u00eb s\u00eb unionit, p\u00ebrfshir\u00eb edhe masat restriktive\u201c,<\/span><\/i> ishte teksti i kompromisit nga K\u00ebshilli me t\u00eb cilin n\u00eb fund ishin pajtuar 27 vende an\u00ebtare t\u00eb BE-s\u00eb.<\/span><\/span><\/p>\n Parlamenti Evropian k\u00ebtu \u00ebsht\u00eb dashur t\u00eb l\u00ebshoj\u00eb pe, sepse pa k\u00ebt\u00eb nuk do t\u00eb kishte gjasa t\u00eb miratohet plani.<\/span><\/p>\n Parlamenti Evropian n\u00eb q\u00ebndrimin fillestar kishte propozuar q\u00eb p\u00ebrshtatja me q\u00ebndrimet e BE-s\u00eb n\u00eb politik\u00ebn e jashtme t\u00eb jet\u00eb parakusht i qart\u00eb dhe q\u00eb t\u00eb p\u00ebrmendet edhe formalisht se kjo n\u00ebnkupton edhe mb\u00ebshtetjen e sanksioneve ndaj Rusis\u00eb.<\/span><\/p>\n Serbia \u00ebsht\u00eb i vetmi vend i rajonit i cili deri tani nuk \u00ebsht\u00eb p\u00ebrshtatur me q\u00ebndrimet e BE-s\u00eb sa i p\u00ebrket sanksioneve ndaj Rusis\u00eb dhe nuk e ka 100 p\u00ebr qind nivelin e p\u00ebrshtatjes me q\u00ebndrimet e BE-s\u00eb n\u00eb pun\u00ebt e jashtme.<\/span><\/p>\n Edhe n\u00eb Parlamentin Evropian edhe n\u00eb K\u00ebshilli besojn\u00eb se dallimet rreth roleve t\u00eb institucioneve t\u00eb BE-s\u00eb n\u00eb administrimin e planit p\u00ebr rritje dhe reforma p\u00ebr Ballkanin Per\u00ebndimor do t\u00eb tejkalohen gjat\u00eb muajit prill dhe do t\u00eb miratohet p\u00ebrfundimisht ky plan.<\/span><\/p>\n \u201cMe k\u00ebt\u00eb do t\u00eb d\u00ebrgojm\u00eb nj\u00eb porosi t\u00eb qart\u00eb p\u00ebr vendet e rajonit se duam t\u2019u ndihmojm\u00eb n\u00eb reforma dhe rritje ekonomike dhe n\u00eb k\u00ebt\u00eb m\u00ebnyr\u00eb t\u00eb b\u00ebhen gati m\u00eb shpejt p\u00ebr integrim n\u00eb BE\u201d<\/span><\/i>, ka th\u00ebn\u00eb nj\u00eb zyrtar i BE-s\u00eb p\u00ebr REL.<\/span><\/span><\/p>\n