![\"\"](\"https:\/\/www.hashtag.al\/wp-content\/uploads\/2024\/03\/132879769_girm0wqboaajxbp.jpg.webp\")
<\/p>\n<\/p>\n
Nj\u00eb anije e ushtris\u00eb amerikane q\u00eb po bart pajisje p\u00ebr nd\u00ebrtimin e nj\u00eb porti t\u00eb p\u00ebrkohsh\u00ebm n\u00eb Gaz\u00eb \u00ebsht\u00eb nisur drejt enklav\u00ebs palestineze, tri dit\u00eb pasi presidenti amerikan, Joe Biden, b\u00ebri publike planet p\u00ebr t\u00eb rritur d\u00ebrgesat e ndihm\u00ebs p\u00ebrmes detit n\u00eb Gaz\u00eb, ku qindra mij\u00ebra palestinez\u00eb po p\u00ebrballen me uri.<\/span><\/p>\n Hapja e korridorit detar, s\u00eb bashku me hedhjen e ndihmave nga ajri nga SHBA-ja, Jordania dhe t\u00eb tjer\u00ebt, tregojn\u00eb alarmin n\u00eb rritje lidhur me kriz\u00ebn humanitare n\u00eb Gaz\u00eb dhe po ashtu paraqet nj\u00eb shmangie nga kontrollet tok\u00ebsore q\u00eb Izraeli u b\u00ebn d\u00ebrgesave t\u00eb ndihm\u00ebs.<\/span><\/p>\n Izraeli ka mir\u00ebpritur d\u00ebrgesat detare dhe tha se do t\u00eb inspektoj\u00eb anijet me d\u00ebrgesa t\u00eb nisur drejt Gaz\u00ebs n\u00eb nj\u00eb zon\u00eb af\u00ebr Qipros. Numri i anijeve q\u00eb hyjn\u00eb n\u00eb Gaz\u00eb brenda dit\u00ebs ka qen\u00eb n\u00ebn 500, sa hynin n\u00eb enklav\u00eb para se t\u00eb niste lufta n\u00eb tetor, p\u00ebr shkak t\u00eb kufizimeve izraelite dhe \u00e7\u00ebshtjeve t\u00eb siguris\u00eb.<\/span><\/p>\n Nd\u00ebrkaq, Biden ka rritur kritikat ndaj kryeministrit izraelit, Benjamin Netanyahu. Udh\u00ebheq\u00ebsi amerikan tha se beson q\u00eb Netanyahu \u201cpo e l\u00ebndon m\u00eb shum\u00eb Izraelin sesa po e ndihmon Izraelin\u201d n\u00eb m\u00ebnyr\u00ebn se si ai po i qaset luft\u00ebs kund\u00ebr Hamasit \u2013 grupit palestinez t\u00eb shpallur organizat\u00eb terroriste nga SHBA-ja dhe Bashkimi Evropian \u2013 n\u00eb Gaz\u00eb, q\u00eb tashm\u00eb \u00ebsht\u00eb n\u00eb muajin e gjasht\u00eb.<\/span><\/p>\n Biden tha se mb\u00ebshtet t\u00eb drejt\u00ebn e Izraelit p\u00ebr t\u2019iu kund\u00ebrp\u00ebrgjigjur Hamasit pas sulmit t\u00eb 7 tetorit n\u00eb jug t\u00eb Izraelit, por tha se Netanyahu \u201cduhet t\u2019i kushtoj\u00eb m\u00eb shum\u00eb r\u00ebnd\u00ebsi jet\u00ebs s\u00eb t\u00eb pafajshm\u00ebve q\u00eb po humbet p\u00ebr shkak t\u00eb veprimeve q\u00eb po nd\u00ebrmerren\u201d.<\/span><\/p>\n N\u00eb kuad\u00ebr t\u00eb p\u00ebrpjekjeve p\u00ebr t\u00eb rritur ndihm\u00ebn humanitare dhe p\u00ebr t\u00eb nd\u00ebrtuar portin e p\u00ebrkohsh\u00ebm, ushtria amerikane b\u00ebri t\u00eb ditur se anija Gjeneral Frank S. Besson \u00ebsht\u00eb larguar nga baza e Marin\u00ebs n\u00eb Virxhinia \u201cm\u00eb pak se 36 or\u00eb pasi presidenti Biden njoftoi se Shtetet e Bashkuara do t\u00eb ofrojn\u00eb ndihm\u00eb humanitare p\u00ebr Gaz\u00ebn p\u00ebrmes detit.<\/span><\/p>\n Anija mb\u00ebshtet\u00ebse logjistike \u201cpo bart pajisjet e para p\u00ebr krijimin e portit t\u00eb p\u00ebrkohsh\u00ebm p\u00ebr t\u00eb d\u00ebrguar furnizimet jetike humanitare\u201d, u tha n\u00eb njoftim.<\/span><\/p>\n Biden b\u00ebri njoftimin p\u00ebr portin e p\u00ebrkohsh\u00ebm t\u00eb enjten gjat\u00eb fjalimit drejtuar kombit. Njoftimi nga udh\u00ebheq\u00ebsi amerikan erdhi pas paralajm\u00ebrimeve t\u00eb Kombeve t\u00eb Bashkuara p\u00ebr p\u00ebrhapjen e uris\u00eb n\u00eb mesin e 2.3 milion\u00eb palestinez\u00ebve n\u00eb Gaz\u00eb, pas nisjes s\u00eb luft\u00ebs mes Izraelit dhe Hamasit.<\/span><\/p>\n Q\u00eb nga sulmi fillestar i Hamasit n\u00eb jug t\u00eb Gaz\u00ebs n\u00eb tetor, kur u vran\u00eb af\u00ebr 1.200 persona dhe u rr\u00ebmbyen af\u00ebr 250 t\u00eb tjer\u00eb, Izraeli ka kryer ofensiv\u00eb tok\u00ebsore dhe ajrore n\u00eb enklav\u00ebn e rrethuar. Sipas Ministris\u00eb s\u00eb Sh\u00ebndet\u00ebsis\u00eb n\u00eb Gaz\u00ebn e udh\u00ebhequr nga Hamasi, nga ofensiva jan\u00eb vrar\u00eb mbi 30.000 persona, shumica gra dhe f\u00ebmij\u00eb.<\/span><\/p>\n Gaza nuk ka infrastruktur\u00eb t\u00eb porteve. Fillimisht, SHBA-ja planifikon t\u00eb p\u00ebrdor\u00eb Qipron, e cila po ofron nj\u00eb proces t\u00eb kontrolleve t\u00eb anijeve t\u00eb mallrave, n\u00eb t\u00eb cilin proces do t\u00eb p\u00ebrfshihen edhe zyrtar\u00ebt izraelit\u00eb. Ky proces shmang kontrollet e siguris\u00eb n\u00eb Gaz\u00eb.<\/span><\/p>\n Shumica e banor\u00ebve t\u00eb Gaz\u00ebs tani jan\u00eb persona t\u00eb zhvendosur brenda vendit dhe enklava po p\u00ebrballet me pengesa n\u00eb d\u00ebrgesat e ndihm\u00ebs humanitare n\u00eb pikat e kontrolleve kufitare tok\u00ebsore.<\/span><\/p>\n