![\"\"](\"https:\/\/www.hashtag.al\/wp-content\/uploads\/2024\/02\/taravari-i-osmani.jpg\")
<\/p>\n<\/p>\n
Kandidat\u00ebt p\u00ebr president t\u00eb Maqedonis\u00eb s\u00eb Veriut po mbledhin n\u00ebnshkrimet e nevojshme p\u00ebr t\u00eb hyr\u00eb n\u00eb gar\u00eb. P\u00ebr k\u00ebt\u00eb duhen 10 mij\u00eb n\u00ebnshkrime ose mb\u00ebshtetja e tridhjet\u00eb deputet\u00ebve n\u00eb parlament. N\u00eb gar\u00eb deri tani jan\u00eb 13 kandidat\u00eb, nd\u00ebr ta edhe individ\u00eb t\u00eb panjohur p\u00ebr publikun. Partit\u00eb shqiptare edhe pse garojn\u00eb p\u00ebr zgjedhjet e 24 prillit, po e p\u00ebrqendrojn\u00eb k\u00ebrkes\u00ebn e tyre tek zgjedhja e presdentit me konsensus n\u00eb parlament.<\/span><\/p>\n Garuesit e partive kryesore maqedonase, VMRO-DPMNE dhe Lidhja Social Demokrate pritet t\u00eb konfirmohen nga kuvendet qendrore t\u00eb partive. Stevo Pendarovski i Lidhjes Social Demokrate do t\u00eb garoj\u00eb p\u00ebr nj\u00eb mandat t\u00eb dyt\u00eb, teksa Gordana Siljanovska Davkova e VMRO-DPMNE-s\u00eb garon s\u00ebrish pas pes\u00eb vjet\u00ebsh. N\u00eb vitin 2019 ajo humbi p\u00ebrball\u00eb zotit Pendarovski.<\/span><\/p>\n Shqiptar\u00ebt p\u00ebrfaq\u00ebsohen me Bujar Osmanin e Bashkimit Demokratik p\u00ebr Integrim dhe Arben Taravarin e opozit\u00ebs s\u00eb njohur tani me moton \u2018VLEN\u2019.<\/span><\/p>\n K\u00ebta t\u00eb fundit pritet t\u00eb marrin dhjetra mij\u00eb vota n\u00eb raundin e par\u00eb, por pak \u00ebsht\u00eb e besueshme se nj\u00ebri nga ta mund t\u00eb kaloj\u00eb n\u00eb raundin e dyt\u00eb, sepse deri m\u00eb tani nuk ka ndodhur q\u00eb nj\u00eb shqiptar t\u00eb p\u00ebrballet n\u00eb balotazh me nj\u00eb garues maqedonas p\u00ebr president. Por, \u00ebsht\u00eb elektorati shqiptar q\u00eb ndihmon zgjedhjen e presidentit n\u00eb k\u00ebt\u00eb vend.<\/span><\/p>\n P\u00ebr t\u00eb fituar zgjedhjet q\u00eb n\u00eb raundin e par\u00eb nevojitet mbi pes\u00ebdhjet\u00eb p\u00ebrqind\u00ebshi i votave t\u00eb elektoratit. Maqedonia e Veriut ka pak mbi 1 milion e 800 mij\u00eb votues, nd\u00ebrsa sh\u00ebnohet nj\u00eb trend n\u00eb ulje i interesimit p\u00ebr t\u00eb votuar.<\/span><\/p>\n Analisti Xhelal Neziri vler\u00ebson se zgjedhjet presidenciale do t\u00eb jen\u00eb t\u00eb tensionuara p\u00ebr shkak se mbahen vet\u00ebm dy jav\u00eb para zgjedhjeve parlamenare.<\/span><\/p>\n \u201cRaundi i par\u00eb i zgjedhjeve presidenciale do t\u00eb jet\u00eb nj\u00eb lloj ankete, ose matje e pesh\u00ebs p\u00ebr partit\u00eb politike dhe nj\u00eb lloj momenti q\u00eb m\u00ebpastaj mund t\u00eb shfryt\u00ebzohet dhe materializohet p\u00ebr zgjedhjet parlamenatre.\u00a0<\/span><\/i><\/span><\/p>\n N\u00eb rast se nj\u00eb kandidat fiton n\u00eb zgjedhjet presidenciale at\u00ebher\u00eb edhe partia politike m\u00eb pas do t\u00eb mundohet t\u00eb nd\u00ebrtoj\u00eb nj\u00eb narrativ fitues, t\u00eb promovoj\u00eb nj\u00eb eufori edhe p\u00ebr zgjedhjet parlamentare. P\u00ebr k\u00ebt\u00eb arsye, mendoj se do t\u00eb jen\u00eb k\u00ebto zgjedhje t\u00eb tensionuara mir\u00ebpo duke pasur parasysh\u00eb profilin e vet\u00eb kandidat\u00ebve q\u00eb garojn\u00eb, mendoj se do t\u00eb jet\u00eb interesante dhe p\u00ebrmbajt\u00ebsore\u201d<\/span><\/i>, thot\u00eb zoti Neziri.<\/span><\/span><\/p>\n BDI-ja po hyn n\u00eb fushat\u00eb me nj\u00eb retorik\u00eb p\u00ebr rrezikun q\u00eb i kanoset vendit nga ndikimet keqdash\u00ebse dhe hibride ruse, nd\u00ebrsa opozita shqiptare ka p\u00ebr q\u00ebllim kryesor ta fitoj\u00eb BDI-n\u00eb, e cila po b\u00ebn nj\u00ebzet vjet n\u00eb pushtet.<\/span><\/p>\n Maqedonia e Veriut \u00ebsht\u00eb demokraci parlamentare megjith\u00ebse presidenti zgjidhet n\u00eb votime t\u00eb drejtp\u00ebrdrejta, kompetencat e tij jan\u00eb t\u00eb kufizuara.<\/span><\/p>\n Partit\u00eb shqiptare prej tani ngulin k\u00ebmb\u00eb q\u00eb presidenti t\u00eb zgjidhet n\u00eb parlament me dy t\u00eb tretat e votave, por p\u00ebr k\u00ebt\u00eb mbase duhet pritur mandatin e radh\u00ebs.<\/span><\/p>\n Zoti Neziri thot\u00eb se kjo k\u00ebrkes\u00eb \u00ebsht\u00eb e kahershme e partive shqiptare p\u00ebr t\u00eb shtuar gjasat q\u00eb n\u00eb postin e presidentit t\u00eb ulet nj\u00eb shqiptar, nd\u00ebrsa nuk shikon shum\u00eb shpresa te vet\u00eb garuesit dhe partit\u00eb shqiptare n\u00eb gar\u00ebn e pritshme. Analisti ka dilema mbi efektshm\u00ebrin\u00eb e ofert\u00ebs s\u00eb tyre p\u00ebr t\u00eb votuar iden\u00eb dhe jo kandidatin:<\/span><\/p>\n \u201c\u00cbsht\u00eb nj\u00eb lloj paradoksi sepse edhe BDI-ja edhe VLEN-i kan\u00eb dal\u00eb me kandidat\u00ebt e tyre, nd\u00ebrkoh\u00eb q\u00eb k\u00ebrkojn\u00eb ndryshimin e sistemit zgjedhor p\u00ebr zgjedhjen e presidentit. N\u00eb nj\u00eb far\u00eb forme, kan\u00eb filluar gar\u00ebn me nj\u00eb pesimiz\u00ebm, me nj\u00eb rezultat q\u00eb prej tani e parashikojn\u00eb se nuk do t\u2019ia arrijn\u00eb q\u00ebllimit.\u00a0<\/span><\/i><\/span><\/p>\n Por po promovojn\u00eb se n\u00ebp\u00ebrmjet k\u00ebtyre votave q\u00eb do t\u00eb grummbullojn\u00eb, do t\u00eb tentojn\u00eb t\u00eb artikulojn\u00eb k\u00ebrkes\u00ebn e tyre p\u00ebr ndryshim t\u00eb Kodit zgjedhor, pra p\u00ebr ndryshimin e m\u00ebnyr\u00ebs s\u00eb zgjedhjes s\u00eb presidentit\u201d,<\/span><\/i> thot\u00eb n\u00eb nj\u00eb bised\u00eb me Z\u00ebrin e Amerik\u00ebs, analisti Xhelal Neziri.<\/span><\/span><\/p>\n