![\"\"](\"https:\/\/www.hashtag.al\/wp-content\/uploads\/2024\/01\/1706179687_volodymyrzelensky-1.jpg\")
<\/p>\n<\/p>\n
Kremlini ka akuzuar s\u00ebrish Ukrain\u00ebn p\u00ebr rr\u00ebzimin e nj\u00eb avioni ushtarak rus, q\u00eb tha se po bartte 65 ushtar\u00eb ukrainas t\u00eb kapur gjat\u00eb luft\u00ebs. Ata, m\u00eb 24 janar po transportoheshin me avion p\u00ebr k\u00ebmbim t\u00eb burgosurish. Presidenti ukrainas, Volodymyr Zelensky, b\u00ebri thirrje p\u00ebr nj\u00eb hetim nd\u00ebrkomb\u00ebtar t\u00eb k\u00ebtij rasti.<\/span><\/p>\n Avioni u rr\u00ebzua n\u00eb rajonin e Belgorodit pran\u00eb kufirit me Ukrain\u00ebn.<\/span><\/p>\n Rr\u00ebzimin e aeroplanit transportues ushtarak, z\u00ebdh\u00ebn\u00ebsi i Kremlinit, Dmitry Peskov, e quajti “akt monstruoz”, megjith\u00ebse Moska ende nuk ka treguar ndonj\u00eb prov\u00eb se ai u rr\u00ebzua nga nj\u00eb raket\u00eb ukrainase apo q\u00eb ushtar\u00ebt ukrainas ishin n\u00eb bord.<\/span><\/p>\n Derisa nuk tha se kush e rr\u00ebzoi avionin, Zelensky tha se “duhet t\u00eb v\u00ebrtetohen t\u00eb gjitha faktet… shteti yn\u00eb do t\u00eb insistoj\u00eb p\u00ebr nj\u00eb hetim nd\u00ebrkomb\u00ebtar”.<\/span><\/p>\n Zyrtar\u00ebt ukrainas kan\u00eb th\u00ebn\u00eb se k\u00ebmbimi i t\u00eb burgosurve ishte planifikuar t\u00eb b\u00ebhej m\u00eb 24 janar dhe Rusia nuk e kishte informuar Ukrain\u00ebn se t\u00eb burgosurit ukrainas do t\u00eb fluturonin me aeroplan\u00eb mallrash.<\/span><\/p>\n Drejtoria kryesore e inteligjenc\u00ebs e Ukrain\u00ebs tha se nuk ka \u201cinformacion t\u00eb besuesh\u00ebm dhe gjith\u00ebp\u00ebrfshir\u00ebs\u201d se kush ishte n\u00eb bordin e avionit por tha se t\u00eb burgosurit rus\u00eb, p\u00ebr t\u00eb cil\u00ebt ishte p\u00ebrgjegj\u00ebse, “u dor\u00ebzuan n\u00eb koh\u00eb n\u00eb pik\u00ebn e k\u00ebmbimit t\u00eb kusht\u00ebzuar, ku ata ishin t\u00eb sigurt”.<\/span><\/p>\n Nj\u00eb deklarat\u00eb e inteligjenc\u00ebs ushtarake ukrainase, n\u00eb Facebook, tha se Kievit nuk i ishte k\u00ebrkuar t\u00eb garantonte sigurin\u00eb e hap\u00ebsir\u00ebs ajrore rreth zon\u00ebs s\u00eb Belgorodit, si\u00e7 ishte rasti gjat\u00eb k\u00ebmbimeve t\u00eb m\u00ebparshme t\u00eb t\u00eb burgosurve t\u00eb luft\u00ebs.<\/span><\/p>\n Ajo tha se akuzat e Rusis\u00eb se Kievi rr\u00ebzoi avionin e transportit mund t\u00eb jen\u00eb “nj\u00eb veprim i planifikuar p\u00ebr t\u00eb destabilizuar situat\u00ebn n\u00eb Ukrain\u00eb dhe p\u00ebr t\u00eb dob\u00ebsuar mb\u00ebshtetjen nd\u00ebrkomb\u00ebtare p\u00ebr shtetin ton\u00eb”.<\/span><\/p>\n Rusia b\u00ebri thirrje p\u00ebr nj\u00eb seanc\u00eb urgjente t\u00eb K\u00ebshillit t\u00eb Sigurimit t\u00eb OKB-s\u00eb m\u00eb 25 janar p\u00ebr t\u00eb diskutuar rreth rr\u00ebzimit t\u00eb avionit, t\u00eb cilin ministri i Jasht\u00ebm rus, Sergei Lavrov, e quajti nj\u00eb akt “kriminal” nga Ukraina.<\/span><\/p>\n Zyrtar\u00ebt rus\u00eb than\u00eb se avioni po bartte 65 ushtar\u00eb ukrainas, gjasht\u00eb an\u00ebtar\u00eb t\u00eb ekuipazhit dhe tre shoq\u00ebrues.<\/span><\/p>\n Radio Evropa e Lir\u00eb e ka siguruar nj\u00eb list\u00eb t\u00eb gjasht\u00eb an\u00ebtar\u00ebve t\u00eb ekuipazhit, q\u00eb supozohej t\u00eb ishin n\u00eb fluturim. Vdekjen e tre an\u00ebtar\u00ebve t\u00eb ekuipazhit e kan\u00eb konfirmuar p\u00ebr REL-in t\u00eb af\u00ebrmit e tyre.<\/span><\/p>\n Nj\u00eb video n\u00eb mediat sociale tregonte nj\u00eb aeroplan q\u00eb po rr\u00ebzohej n\u00eb tok\u00eb, i ndjekur nga nj\u00eb zhurm\u00eb e fort\u00eb dhe nj\u00eb shp\u00ebrthim q\u00eb drejt qiellit d\u00ebrgoi flak\u00eb dhe nj\u00eb sht\u00ebllung\u00eb tymi.<\/span><\/p>\n