{"id":647922,"date":"2024-01-20T20:06:56","date_gmt":"2024-01-20T19:06:56","guid":{"rendered":"https:\/\/www.hashtag.al\/?p=647922"},"modified":"2024-01-20T20:06:56","modified_gmt":"2024-01-20T19:06:56","slug":"hologramet-e-realitetit-virtual-mund-te-transformojne-mesimdhenien-dhe-artet","status":"publish","type":"post","link":"https:\/\/www.hashtag.al\/index.php\/2024\/01\/20\/hologramet-e-realitetit-virtual-mund-te-transformojne-mesimdhenien-dhe-artet\/","title":{"rendered":"Hologramet e realitetit virtual mund t\u00eb transformojn\u00eb m\u00ebsimdh\u00ebnien dhe artet","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/p>\n

Studiuesit n\u00eb Universitetin e Merilendit po p\u00ebrdorin nj\u00eb kamera holografike p\u00ebr t\u00eb regjistruar l\u00ebvizjet e njer\u00ebzve n\u00eb tre dimensione. Kjo teknologji ka kapacitetin t\u00eb transformoj\u00eb m\u00ebnyr\u00ebn se si ne m\u00ebsojm\u00eb dhe arg\u00ebtohemi.<\/span><\/p>\n

Duket sikur pjes\u00ebn q\u00eb po luan violinistja Irina Muresanu nuk po e ndjek ndonj\u00eb audienc\u00eb.<\/span><\/p>\n

Por, n\u00eb studion e posa\u00e7me HoloCamera t\u00eb Universitetit t\u00eb Merilendit, qindra kamera tre dimensionale po regjistrojn\u00eb imazhin e saj dhe l\u00ebvizjet p\u00ebr t\u00eb krijuar nj\u00eb hologram q\u00eb duket si i v\u00ebrtet\u00eb.<\/span><\/p>\n

Sh\u00ebmb\u00eblltyra e saj holografike mund t\u00eb vendoset virtualisht n\u00eb \u00e7far\u00ebdo mjedisi dhe kushdo q\u00eb ka nj\u00eb pajisje t\u00eb realitetit virtual mund t\u00eb mendoj\u00eb se po e ndjek at\u00eb drejtp\u00ebrs\u00ebdrejti.<\/span><\/p>\n

N\u00eb prototip, zonja Muresanu, e cila \u00ebsht\u00eb edhe profesore p\u00ebr violin\u00ebn n\u00eb k\u00ebt\u00eb universitet, duket sikur po luan nga nj\u00eb sall\u00eb e famshme koncertesh n\u00eb Rumani.<\/span><\/p>\n

\u201cD\u00ebshira ime ishte q\u00eb un\u00eb, ose m\u00eb mir\u00eb holograma ime, t\u00eb vendosej n\u00eb sken\u00ebn e Athenaeumit Rumun. K\u00ebshtu q\u00eb pun\u00ebsuam nj\u00eb ekip p\u00ebr t\u00eb filmuar n\u00eb Athenaeum n\u00eb m\u00ebnyr\u00eb q\u00eb kur dikush ta shoh\u00eb k\u00ebt\u00eb pjes\u00eb rumune, do t\u00eb m\u00eb shoh\u00eb mua n\u00eb sken\u00ebn e Athenaeumit\u201d,<\/em> thot\u00eb zonja Muresanu.<\/span><\/p>\n

Amitabh Varshney \u00ebsht\u00eb dekan i Kolegjit p\u00ebr Shkencat Kompjuterike, Matematikore dhe Natyrore n\u00eb k\u00ebt\u00eb universitet.<\/span><\/p>\n

\u201cNe besojm\u00eb se eksperiencat e realitetit virtual dhe t\u00eb amplifikuar, q\u00eb jan\u00eb t\u00eb nj\u00eb natyre shum\u00eb p\u00ebrfshir\u00ebse, na ndihmojm\u00eb t\u00eb rikrijojm\u00eb bot\u00ebn n\u00eb nj\u00eb m\u00ebnyr\u00eb shum\u00eb m\u00eb t\u00eb sakt\u00eb se \u00e7\u2019do t\u00eb mundeshim me nj\u00eb kompjuter tavoline, me nj\u00eb tastier\u00eb dhe nj\u00eb mouse\u201d,<\/em> thot\u00eb zoti Varshney.<\/span><\/p>\n

P\u00ebrdorimi i imazheve holografike u mund\u00ebson shikuesve t\u00eb \u201csh\u00ebtisin\u201d virtualisht p\u00ebrreth sken\u00ebs dhe mund t\u00eb gjej\u00eb zbatim t\u00eb gjer\u00eb p\u00ebrtej muzik\u00ebs dhe arsimit.<\/span><\/p>\n

Ekipi i projektit HoloCamera po krijon nj\u00eb prototip p\u00ebr artet skenike q\u00eb shpreson se mund t\u00eb zgjerohet drejt p\u00ebrgatitjes virtuale t\u00eb profesionist\u00ebve t\u00eb sh\u00ebndet\u00ebsis\u00eb p\u00ebr procedura t\u00eb nd\u00ebrlikuara mjek\u00ebsore, p\u00ebrfshir\u00eb kirurgjit\u00eb.\/VOA<\/span><\/a><\/span><\/p>\n

 <\/p>\n