![\"\"](\"https:\/\/www.hashtag.al\/wp-content\/uploads\/2023\/12\/Screenshot-2023-12-07-175028-1.png\")
<\/p>\n<\/p>\n
Ligjv\u00ebn\u00ebsit rus\u00eb caktuan t\u00eb enjten dat\u00ebn p\u00ebr zgjedhjet presidenciale t\u00eb vitit 2024, 17 marsin, duke e sjell\u00eb k\u00ebshtu Vladimir Putinin nj\u00eb hap m\u00eb pran\u00eb mandatit t\u00eb tij t\u00eb pest\u00eb.<\/span><\/p>\n An\u00ebtar\u00ebt e K\u00ebshillit t\u00eb Federat\u00ebs, dhoma m\u00eb e lart\u00eb e parlamentit rus, votuan unanimisht dekretin p\u00ebr caktimin e dat\u00ebs.<\/span><\/p>\n \u201cN\u00eb thelb, ky vendim sh\u00ebnon fillimin e fushat\u00ebs elektorale\u201d, tha Valentina Matviyenko, kryetare e K\u00ebshillit t\u00eb Federat\u00ebs. Komisioni qendror i zgjedhjeve pritet t\u00eb mbaj\u00eb t\u00eb premten nj\u00eb takim p\u00ebr fushat\u00ebn zgjedhore.<\/span><\/p>\n Zoti Putin, tashm\u00eb n\u00eb mosh\u00ebn 71-vje\u00e7are, nuk ka njoftuar ende synimin p\u00ebr t\u00eb rikandiduar, por pritet ta b\u00ebj\u00eb k\u00ebt\u00eb n\u00eb dit\u00ebt n\u00eb vazhdim.<\/span><\/p>\n Sipas reformave kushtetuese t\u00eb mund\u00ebsuara prej tij, ai mund t\u00eb ket\u00eb dy mandate t\u00eb tjera gjasht\u00ebvje\u00e7are, pas p\u00ebrfundimit t\u00eb mandatit aktual vitin e ardhsh\u00ebm, duke patur k\u00ebshtu mund\u00ebsin\u00eb e q\u00ebndrimit n\u00eb pushtet deri n\u00eb vitin 2036.<\/span><\/p>\n Duke qen\u00eb se ka vendosur kontroll t\u00eb plot\u00eb mbi sistemin politik rus, fitorja e zotit Putin n\u00eb zgjedhjet e vitit t\u00eb ardhsh\u00ebm \u00ebsht\u00eb e sigurt\u00eb. Kritik\u00ebt q\u00eb mund ta sfidonin me kandidimin n\u00eb zgjedhje gjenden n\u00eb burgje ose n\u00eb azil jasht\u00eb vendit dhe shumica e mediave t\u00eb pavarura jan\u00eb shpallur t\u00eb paligjshme.<\/span><\/p>\n As lufta e zgjatur dhe e kushtueshme n\u00eb Ukrain\u00eb dhe as rebelimi i d\u00ebshtuar n\u00eb ver\u00eb i shefit t\u00eb mercenar\u00ebve Yevgeny Prigozhin nuk duket se ndikuan tek niveli i mb\u00ebshtetjes s\u00eb publikut n\u00eb anketime.<\/span><\/p>\n Nuk \u00ebsht\u00eb ende e qart\u00eb se kush do ta sfidoj\u00eb zotin Putin n\u00eb zgjedhje. Udh\u00ebheq\u00ebsi i burgosur opozitar Alexei Navalny u b\u00ebri thirrje t\u00eb enjten mb\u00ebshtet\u00ebsve t\u00eb tij n\u00ebp\u00ebrmjet nj\u00eb deklarate n\u00eb internet, q\u00eb t\u00eb votojn\u00eb \u00e7dok\u00ebnd tjet\u00ebr, p\u00ebrve\u00e7 Putinit.<\/span><\/p>\n \u201cPutini i shikon k\u00ebto zgjedhje si nj\u00eb referendum p\u00ebr t\u00eb miratuar veprimet e tij. Nj\u00eb referendum p\u00ebr miratimin e luft\u00ebs. Le t\u2019ja prishim planet dhe t\u00eb mund\u00ebsojm\u00eb q\u00eb m\u00eb 17 mars askush mos t\u00eb jet\u00eb i interesuar p\u00ebr rezultatin e manipuluar, por q\u00eb e gjith\u00eb Rusia ta shikoj\u00eb dhe ta kuptoj\u00eb: Vullneti i shumic\u00ebs \u00ebsht\u00eb q\u00eb Putini duhet t\u00eb largohet\u201d, thuhet n\u00eb deklarat\u00eb.<\/span><\/p>\n Dy persona kan\u00eb njoftuar se do t\u00eb kandidojn\u00eb: ish-deputeti Boris Nadezhdin, i cili \u00ebsht\u00eb tashm\u00eb an\u00ebtar i k\u00ebshillit t\u00eb rajonit t\u00eb Mosk\u00ebs, si dhe Yekaterina Duntsova, gazetare dhe juriste nga rajoni Tver n\u00eb veri t\u00eb Mosk\u00ebs, ish-an\u00ebtare e legjislatur\u00ebs vendore.<\/span><\/p>\n Aleat\u00ebt e Igor Strelkovit, nj\u00eb nacionalist i linj\u00ebs s\u00eb ashp\u00ebr q\u00eb ka akuzuar zotin Putin p\u00ebr dob\u00ebsi dhe pavendosm\u00ebri n\u00eb lidhje me Ukrain\u00ebn, kan\u00eb p\u00ebrmendur ambicien e tij p\u00ebr t\u00eb kandiduar, por akuzat e ngritura ndaj tij p\u00ebr ekstremiz\u00ebm nga autoritetet ruse e b\u00ebjn\u00eb ndoshta t\u00eb pamundur kandidimin e tij.<\/span><\/p>\n Zoti Strelkov, ish-oficer i sh\u00ebrbimeve t\u00eb siguris\u00eb q\u00eb udh\u00ebhoqi separatist\u00ebt e mb\u00ebshtetur nga Moska n\u00eb Ukrain\u00ebn lindore n\u00eb vitin 2014 dhe q\u00eb \u00ebsht\u00eb d\u00ebnuar p\u00ebr vrasje n\u00eb Holand\u00eb p\u00ebr rolin e tij n\u00eb rr\u00ebzimin at\u00eb vit t\u00eb avionit t\u00eb pasagjer\u00ebve t\u00eb kompanis\u00eb Malaysia Airlines, e ka kritikuar zotin Putin si \u201cjoekzistent\u201d dhe nj\u00eb \u201cfrikacak mediok\u00ebr\u201d. Ai u arrestua n\u00eb korrik dhe vazhdon t\u00eb mbahet n\u00eb burg. N\u00ebse d\u00ebnohet, mund t\u00eb p\u00ebrballet me pes\u00eb vite burgim.<\/span><\/p>\n Regjistrimi si kandidat\u00eb p\u00ebr zotin Nadezhdin dhe zonj\u00ebn Duntsova mund t\u00eb rezultoj\u00eb i v\u00ebshtir\u00eb. N\u00ebse emrat e tyre nuk propozohen nga nj\u00eb nga pes\u00eb partit\u00eb politike q\u00eb kan\u00eb deputet\u00eb n\u00eb Duma, dhom\u00ebn e ul\u00ebt t\u00eb parlamentit, atyre do t\u2019u duhet t\u00eb mbledhin mij\u00ebra firma n\u00eb rajone t\u00eb ndryshme.<\/span><\/p>\n Sipas legjislacionit zgjedhor rus, kandidat\u00ebt e propozuar nga parti q\u00eb nuk p\u00ebrfaq\u00ebsohen n\u00eb Dhom\u00ebn e Ul\u00ebt t\u00eb Parlamentit rus, q\u00eb njihet si Duma Shtet\u00ebrore, apo n\u00eb t\u00eb pakt\u00ebn nj\u00eb t\u00eb tret\u00ebn e legjislaturave rajonale, duhet t\u00eb paraqesin t\u00eb pakt\u00ebn 100 mij\u00eb firma nga 40 apo m\u00eb shum\u00eb rajone. Personave q\u00eb kandidojn\u00eb t\u00eb pavarur pa mb\u00ebshtetjen e ndonj\u00eb partie u duhet nj\u00eb minimum prej 300 mij\u00eb firmash nga 40 apo m\u00eb shum\u00eb rajone.<\/span><\/p>\n K\u00ebto kufizime vlejn\u00eb edhe p\u00ebr zotin Putin, i cili ka p\u00ebrdorur taktika t\u00eb ndryshme gjat\u00eb viteve. Ai kandidoi si i pavarur n\u00eb vitin 2018 dhe firmat u mblodh\u00ebn nga punonj\u00ebsit e fushat\u00ebs s\u00eb tij elektorale. N\u00eb vitin 2012, ai kandidoi si i propozuar nga partia Rusia e Bashkuar dhe nuk pati nevoj\u00eb p\u00ebr t\u00eb mbledhur firma.<\/span><\/p>\n T\u00eb pakt\u00ebn nj\u00eb parti – partia Nj\u00eb Rusi e Drejt\u00eb, e cila ka 27 deputet\u00eb n\u00eb Duman prej 450 deputet\u00ebsh – \u00ebsht\u00eb e gatshme t\u00eb propozoj\u00eb zotin Putin si kandidat. Udh\u00ebheq\u00ebsi i saj, Sergei Mironov, deputet i hersh\u00ebm dhe mb\u00ebshtet\u00ebs i fort\u00eb i zotit Putin, u njoftua nga agjencia e lajmeve Interfax t\u00eb ket\u00eb th\u00ebn\u00eb t\u00eb enjten se partia e tij e ka marr\u00eb vendimin muaj m\u00eb par\u00eb dhe se do t\u00eb propozoj\u00eb zotin Putin gjat\u00eb kongresit t\u00eb saj m\u00eb 23 dhjetor, qoft\u00eb edhe n\u00ebse zoti Putin vendos t\u00eb kandidoj\u00eb si i pavarur.<\/span><\/p>\n Nuk \u00ebsht\u00eb e qart\u00eb n\u00ebse Kremlini do t\u00eb jet\u00eb dakort me k\u00ebto plane. Sh\u00ebrbimi i shtypit i k\u00ebsaj partie i tha agjencis\u00eb s\u00eb lajmeve Associated Press se vendimi \u00ebsht\u00eb i partis\u00eb dhe Kremlini nuk komentoi p\u00ebr k\u00ebt\u00eb.<\/span><\/p>\n Ka m\u00eb shum\u00eb gjasa q\u00eb zoti Putin t\u00eb kandidoj\u00eb si i pavarur, tha analisti i pavarur politik Dmitry Oreshkin. \u201cDo t\u00eb ishte nder i tepruar p\u00ebr nj\u00eb parti; ai e konsideron veten shum\u00eb m\u00eb lart. Prandaj mendoj se do t\u00eb kandidoj\u00eb si i pavarur dhe se ndoshta do mbledh\u00eb firma. Ky do t\u00eb jet\u00eb nj\u00eb pretekst i mir\u00eb p\u00ebr t\u00eb nxitur fushat\u00ebn n\u00ebp\u00ebr rajone\u201d.<\/span><\/p>\n Zoti Oreshkin, profesor n\u00eb Universitetin e Lir\u00eb n\u00eb Riga t\u00eb Letonis\u00eb, mendon se n\u00eb flet\u00ebt e votimit do t\u00eb figuroj\u00eb zoti Putin dhe disa kandidat\u00eb t\u00eb tjer\u00eb m\u00eb pak popullor\u00eb, si p.sh. udh\u00ebheq\u00ebsi i hersh\u00ebm i Partis\u00eb Komuniste, Gennady Zyuganov apo zoti Nadezhdin.<\/span><\/p>\n Komisioni qendror i zgjedhjeve synon t\u00eb organizoj\u00eb krahas votimit tradicional n\u00eb let\u00ebr edhe votimin elektronik n\u00eb rreth 30 rajone t\u00eb Rusis\u00eb dhe po shqyrton mund\u00ebsin\u00eb e zgjatjes s\u00eb procesit t\u00eb votimit n\u00eb tre dit\u00eb\u00a0 nj\u00eb praktik\u00eb kjo q\u00eb u p\u00ebrdor gjat\u00eb pandemis\u00eb dhe q\u00eb u kritikua gjer\u00ebsisht nga v\u00ebzhguesit e pavarur t\u00eb zgjedhjeve.<\/span><\/p>\n K\u00ebto masa, krahas kufizimeve ndaj v\u00ebzhgimit t\u00eb zgjedhjeve t\u00eb vendosura vitet e fundit, do t\u00eb kufizojn\u00eb s\u00eb tep\u00ebrmi mund\u00ebsin\u00eb e v\u00ebzhguesve t\u00eb pavarur, thot\u00eb Stanislav Andreychuk, bashk\u00ebkryetar i grupit Golos, nj\u00eb organizat\u00eb e pavarur v\u00ebzhguesish t\u00eb zgjedhjeve.<\/span><\/p>\n Zoti Andreychuk i tha agjencis\u00eb s\u00eb lajmeve Associated Press se vet\u00ebm kandidat\u00ebt e regjistruar, ose entiteti k\u00ebshillimor i mb\u00ebshtetur nga shteti, Dhomat Qytetare, mund t\u00eb caktojn\u00eb v\u00ebzhgues n\u00eb qendrat e votimit, duke ulur k\u00ebshtu gjasat p\u00ebr v\u00ebzhgues v\u00ebrtet t\u00eb pavarur. Ka shum\u00eb pak transparenc\u00eb p\u00ebr votimin elektronik dhe n\u00ebse votimi zgjat p\u00ebr tre dit\u00eb, do t\u00eb jet\u00eb jasht\u00ebzakonisht e v\u00ebshtir\u00eb t\u00eb monitorohen gati 100 mij\u00eb vendvotime n\u00eb mbar\u00eb vendin \u2013 p\u00ebr t\u00eb mos p\u00ebrmendur monitorimin q\u00eb votat t\u00eb mos tjet\u00ebrsohen gjat\u00eb nat\u00ebs, tha ai.<\/span><\/p>\n \u201cMonitorimi i rregullt (n\u00eb qendrat e votimit) p\u00ebrb\u00ebn problemin m\u00eb t\u00eb madh tashm\u00eb\u201d<\/em>, tha zoti Andreychuk.<\/span><\/p>\n \u201cPor ne do t\u00eb punojm\u00eb sidoqoft\u00eb\u201d, tha ai p\u00ebr organizat\u00ebn Golos, duke shtuar se do t\u00eb monitorojn\u00eb p\u00ebrgjat\u00eb gjith\u00eb fushat\u00ebs elektorale dhe do t\u00eb mb\u00ebshtesin aktivist\u00ebt q\u00eb do t\u00eb shkojn\u00eb n\u00eb qendrat e votimit dit\u00ebt e votimeve.<\/span><\/p>\n