![\"\"](\"https:\/\/www.hashtag.al\/wp-content\/uploads\/2023\/11\/09410000-0a00-0242-e635-08daf49ecb2d_w1597_n_r1_st_s.jpeg\")
<\/p>\n<\/p>\n
Ministri i Jasht\u00ebm i Maqedonis\u00eb s\u00eb Veriut dhe kryesuesi aktual i Organizat\u00ebs p\u00ebr Sigurimin dhe Bashk\u00ebpunimin n\u00eb Evrop\u00eb (OSBE), Bujar Osmani b\u00ebri t\u00eb ditur t\u00eb h\u00ebn\u00ebn se Ambasador\u00ebt e 57 vendeve an\u00ebtare t\u00eb organizat\u00ebs kan\u00eb r\u00ebn\u00eb dakord q\u00eb t\u2019i hapin rrug\u00ebn zgjedhjes s\u00eb vendit q\u00eb do t\u00eb mbaj\u00eb Presidenc\u00ebn e k\u00ebsaj organizate p\u00ebr vitin 2024.<\/span><\/p>\n Vendimi p\u00ebrfundimtar, p\u00ebr t\u00eb cilin k\u00ebrkohet miratim i nj\u00ebz\u00ebsh\u00ebm i shteteve an\u00ebtare, pritet t\u00eb merret gjat\u00eb punimeve t\u00eb K\u00ebshillit t\u00eb Ministrave t\u00eb Jasht\u00ebm t\u00eb OSBE-s\u00eb, q\u00eb do t\u00eb mbahet m\u00eb 30 n\u00ebntor dhe 1 dhjetor n\u00eb Shkup.<\/span><\/p>\n Malta \u00ebsht\u00eb shprehur e gatshme t\u00eb kryesoj\u00eb OSBE-n\u00eb, pasi Rusia dhe Bjellorusia kishin paralajm\u00ebruar bllokimin e kandidatur\u00ebs s\u00eb Estonis\u00eb.<\/span><\/p>\n Moska ishte shprehur kund\u00ebr Estonis\u00eb q\u00eb t\u00eb merrte presidenc\u00ebn, q\u00eb n\u00eb vitin 2021. Autoritetet estoneze kishin shprehur zem\u00ebrim mbi k\u00ebt\u00eb q\u00ebndrim dhe e kishin akuzuar Rusin\u00eb se po pengonte veprimtarin\u00eb e organizat\u00ebs, n\u00eb \u00e7\u00ebshtje q\u00eb lidheshin me buxhetin apo shtrirjen e misioneve t\u00eb saj.<\/span><\/p>\n Ministri i jasht\u00ebm estonez Maergus Tsahkna, citohet nga portali Politiko, t\u00eb jet\u00eb shprehur se \u201cRusia ka shkelur t\u00eb gjitha parimet themelore t\u00eb OSBE-s\u00eb me agresionin e saj t\u00eb p\u00ebrgjaksh\u00ebm n\u00eb Ukrain\u00eb dhe se k\u00ebrkesat dhe k\u00ebrc\u00ebnimet e Mosk\u00ebs nuk mund t\u00eb pranohen\u201d.<\/span><\/p>\n OSBE-ja p\u00ebrb\u00ebhet nga 57 shtete t\u00eb Evrop\u00ebs, Amerik\u00ebs Veriore dhe nj\u00eb pjes\u00eb t\u00eb Azis\u00eb, nd\u00ebrsa mandati i saj p\u00ebrfshin v\u00ebzhgimin e zgjedhjeve dhe mb\u00ebshtetjen e negociatave p\u00ebr paqe.<\/span><\/p>\n Nd\u00ebrkaq, Moska p\u00ebr nj\u00eb koh\u00eb t\u00eb gjat\u00eb e ka kritikuar organizat\u00ebn dhe e ka akuzuar se \u201c\u00ebsht\u00eb kthyer n\u00eb nj\u00eb veg\u00ebl t\u00eb Per\u00ebndimit\u201d, duke bllokuar n\u00eb k\u00ebt\u00eb m\u00ebnyr\u00eb nj\u00eb num\u00ebr vendimesh, pasi miratimi i tyre k\u00ebrkon mb\u00ebshtetje t\u00eb nj\u00ebz\u00ebshme t\u00eb vendeve an\u00ebtare.<\/span><\/p>\n Kryesuesi aktual, Bujar Osmani ka theksuar jo nj\u00eb her\u00eb, se e ardhmja e organizat\u00ebs mund t\u00eb vihej n\u00eb pik\u00ebpyetje, n\u00ebse Rusia do t\u00eb bllokonte vendimet.<\/span><\/p>\n N\u00eb takimin e K\u00ebshillit t\u00eb Ministrave t\u00eb Jasht\u00ebm t\u00eb OSBE-s\u00eb n\u00eb Shkup, pritet t\u00eb jet\u00eb i pranish\u00ebm edhe Sekretari amerikan i Shtetit, Antony Blinken.<\/span><\/p>\n Nga ana tjet\u00ebr, qeveria e Maqedonis\u00eb s\u00eb Veriut hoqi t\u00eb premten mas\u00ebn kufizuese p\u00ebr fluturimin e avion\u00ebve rus\u00eb n\u00eb hap\u00ebsir\u00ebn e saj, p\u00ebr t\u2019i mund\u00ebsuar n\u00eb k\u00ebt\u00eb m\u00ebnyr\u00eb pjes\u00ebmarrjen n\u00eb konferenc\u00eb ministrit t\u00eb Jasht\u00ebm rus, Sergej Lavrov.<\/span><\/p>\n Por, q\u00eb ai t\u00eb arrij\u00eb n\u00eb Shkup, nevojitet edhe p\u00eblqimi i Sofjes ose Athin\u00ebs p\u00ebr t\u2019i dh\u00ebn\u00eb leje aeroplanit rus p\u00ebr t\u00eb fluturuar n\u00eb hap\u00ebsirat ajrore respektive.<\/span><\/p>\n Sipas agjencis\u00eb s\u00eb lajmeve Reuters ministri rus Lavror u shpreh k\u00ebt\u00eb t\u00eb h\u00ebn\u00eb se ai do t\u00eb merrte pjes\u00eb n\u00eb takimin e OSBE-s\u00eb n\u00ebse Bullgaria lejonte fluturimin e delegacionit rus n\u00eb hap\u00ebsir\u00ebn e saj ajrore dhe se disa vende Per\u00ebndimore kishin k\u00ebrkuar takim me t\u00eb.<\/span><\/p>\n Por, me gjas\u00eb Ministri i Jasht\u00ebm i Ukrain\u00ebs, Dmytro Kuleba do ta bojkotonte takimin n\u00ebse aty shkonte homologu i tij rus, Lavrov, sipas burimeve n\u00eb Ministrin\u00eb e Pun\u00ebve t\u00eb Jashtme n\u00eb Shkup.<\/span><\/p>\n