{"id":633637,"date":"2023-11-21T17:47:39","date_gmt":"2023-11-21T16:47:39","guid":{"rendered":"https:\/\/www.hashtag.al\/?p=633637"},"modified":"2023-11-21T18:27:57","modified_gmt":"2023-11-21T17:27:57","slug":"qeveria-kundershton-propozimin-e-ke-se-per-heqjen-e-vizave-per-shtetasit-e-kosoves-qe-kane-pasaporta-te-serbise","status":"publish","type":"post","link":"https:\/\/www.hashtag.al\/index.php\/2023\/11\/21\/qeveria-kundershton-propozimin-e-ke-se-per-heqjen-e-vizave-per-shtetasit-e-kosoves-qe-kane-pasaporta-te-serbise\/","title":{"rendered":"Qeveria kund\u00ebrshton propozimin e KE-s\u00eb p\u00ebr heqjen e vizave p\u00ebr shtetasit e Kosov\u00ebs q\u00eb kan\u00eb pasaporta t\u00eb Serbis\u00eb","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Qeveria e Kosov\u00ebs tha se \u00ebsht\u00eb e shqet\u00ebsuar me propozimin e Komisionit Evropian q\u00eb vizat t\u00eb hiqen p\u00ebr bart\u00ebsit e pasaportave t\u00eb Serbis\u00eb, t\u00eb cil\u00ebt banojn\u00eb n\u00eb territorin e Kosov\u00ebs. Ekzekutivi k\u00ebrkoi nga Bashkimi Evropian q\u00eb ta rishqyrtoj\u00eb k\u00ebt\u00eb propozim.<\/span><\/p>\n

P\u00ebrmes nj\u00eb reagimi t\u00eb publikuar n\u00eb rrjetet sociale, z\u00ebvend\u00ebskryeministri i Kosov\u00ebs, Besnik Bislimi, tha se ky propozim i KE-s\u00eb p\u00ebr pasaportat q\u00eb l\u00ebshohen \u201cnga e ashtuquajtura Drejtori Koordinuese serbe\u201d nuk \u00ebsht\u00eb diskutuar me Qeverin\u00eb e Kosov\u00ebs.<\/span><\/p>\n

\u201cPasaportat ilegale t\u00eb l\u00ebshuara nga Qendra Koordinuese e Serbis\u00eb, i konsideron komunat brenda Kosov\u00ebs si pjes\u00eb t\u00eb juridiksionit t\u00eb Serbis\u00eb, shkelje kjo e sovranitetit ton\u00eb dhe e papranueshme\u201d,<\/em> tha Bislimi.<\/span><\/p>\n

Ai tha se Qeveria e Kosov\u00ebs fton BE-n\u00eb q\u00eb k\u00ebto dokumente \u201ct\u2019i trajtoj\u00eb si t\u00eb paligjshme ashtu si\u00e7 trajton pjes\u00ebn tjet\u00ebr t\u00eb dokumentacionit paralel\u201d.<\/span><\/p>\n

Propozimi i KE-s\u00eb u argumentua me faktin se liberalizimi i vizave do t\u00eb nis\u00eb s\u00eb zbatuari m\u00eb 1 janar t\u00eb vitit 2023.<\/span><\/p>\n

Por, Bislimi tha se liberalizimi i vizave p\u00ebr Kosov\u00ebn nuk n\u00ebnkupton q\u00eb pjes\u00ebtar\u00ebt e komunitetit serb do t\u00eb mbesin pa liberalizim, pasi ata, sipas tij, mund t\u00eb pajisjen me pasaporta t\u00eb l\u00ebshuara nga Kosova.<\/span><\/p>\n

\u201cQeveria jon\u00eb tashm\u00eb ka v\u00ebn\u00eb n\u00eb praktik\u00eb nj\u00eb procedur\u00eb t\u00eb p\u00ebrshpejtuar p\u00ebr pajisjen e t\u00eb gjith\u00eb serb\u00ebve t\u00eb Kosov\u00ebs me pasaporta. S\u00eb fundmi, \u00ebsht\u00eb par\u00eb dhe nj\u00eb interes i lart\u00eb e rritje t\u00eb numrave t\u00eb qytetar\u00ebve q\u00eb jan\u00eb pajisur me pasaporta t\u00eb Kosov\u00ebs. N\u00eb krahasim me vitin e kaluar, kemi nj\u00eb rritje prej 29 p\u00ebr qind\u201d,<\/em> tha Bislimi, duke shtuar se k\u00ebt\u00eb kund\u00ebrshtim e kan\u00eb adresuar n\u00eb instancat m\u00eb t\u00eb larta t\u00eb BE-s\u00eb.<\/span><\/p>\n

Serb\u00ebt nga Kosova kan\u00eb t\u00eb drejt\u00ebn e pasaport\u00ebs s\u00eb Serbis\u00eb, e cila ka marr\u00eb liberalizimin e vizave n\u00eb vitin 2009. Mir\u00ebpo, me k\u00ebrkes\u00eb t\u00eb BE-s\u00eb, \u00ebsht\u00eb dashur t\u00eb formoj\u00eb nj\u00eb Administrat\u00eb Koordinuese p\u00ebr l\u00ebshimin e pasaportave p\u00ebr ata q\u00eb kan\u00eb adres\u00eb n\u00eb Kosov\u00eb, shkruan REL.<\/a><\/span><\/strong><\/span><\/p>\n

N\u00eb prill t\u00eb k\u00ebtij viti, KE-ja kishte theksuar se liberalizimi i vizave i miratuar p\u00ebr Kosov\u00ebn vlen vet\u00ebm p\u00ebr poseduesit e pasaportave t\u00eb Kosov\u00ebs dhe jo p\u00ebr ata qytetar\u00eb q\u00eb kan\u00eb pasaporta t\u00eb Administrat\u00ebs Koordinuese, e cila punon n\u00eb kuad\u00ebr t\u00eb Ministris\u00eb s\u00eb Pun\u00ebve t\u00eb Brendshme t\u00eb Serbis\u00eb.<\/span><\/p>\n

Por, n\u00eb propozimin e ri, KE-ja ka argumentuar se tashm\u00eb nuk ekzistojn\u00eb arsyet p\u00ebr shkak t\u00eb s\u00eb cilave ishte vendosur q\u00eb bart\u00ebsit e pasaportave t\u00eb Republik\u00ebs s\u00eb Serbis\u00eb me vendbanim n\u00eb Kosov\u00eb t\u00eb mos ken\u00eb mund\u00ebsi t\u00eb udh\u00ebtojn\u00eb pa viza, p\u00ebr dallim nga shtetasit e Serbis\u00eb me vendbanim n\u00eb Serbi.<\/span><\/p>\n

Propozohet heqja e vizave p\u00ebr shtetasit e Kosov\u00ebs q\u00eb kan\u00eb pasaporta t\u00eb Serbis\u00eb<\/span><\/p>\n

Lidhur me propozimin e KE-s\u00eb kan\u00eb reaguar m\u00eb her\u00ebt gjat\u00eb 21 n\u00ebntorit edhe mbi 20 organizata t\u00eb shoq\u00ebris\u00eb civile.<\/span><\/p>\n

P\u00ebrmes nj\u00eb letre t\u00eb hapur drejtuar Ylva Johansson, komisionares evropiane p\u00ebr \u00c7\u00ebshtje t\u00eb Brendshme, shoq\u00ebria civile ka k\u00ebrkuar q\u00eb KE-ja t\u00eb t\u00ebrheq\u00eb propozimin.<\/span><\/p>\n

N\u00eb letr\u00ebn e shoq\u00ebris\u00eb civile, ve\u00e7 tjerash, thuhet se ky propozim do t\u00eb \u201csfidoj\u00eb seriozisht p\u00ebrparimet n\u00eb integrimin e qytetar\u00ebve serb\u00eb t\u00eb Kosov\u00ebs\u201d p\u00ebrmes pajisjes me dokumente t\u00eb Kosov\u00ebs dhe \u201cdo t\u2019i nxis\u00eb dhe inkurajoj\u00eb strukturat kriminale q\u00eb veprojn\u00eb n\u00eb pjes\u00ebn veriore t\u00eb Kosov\u00ebs q\u00eb t\u00eb vazhdojn\u00eb me k\u00ebrc\u00ebnime e kanosje t\u00eb qytetar\u00ebve serb t\u00eb Kosov\u00ebs q\u00eb synojn\u00eb t\u00eb integrohen n\u00eb jet\u00ebn shoq\u00ebrore dhe politike t\u00eb vendit\u201d.<\/span><\/p>\n

Nga 1 janar i viti 2024 qytetar\u00ebt e Kosov\u00ebs pritet t\u00eb udh\u00ebtojn\u00eb pa viza n\u00eb 27 vende t\u00eb BE-s\u00eb, t\u00eb cilat e p\u00ebrb\u00ebjn\u00eb t\u00eb ashtuquajtur\u00ebn zon\u00eb Shengen.<\/span><\/p>\n

Pasi t\u00eb hyj\u00eb n\u00eb fuqi liberalizimi i vizave p\u00ebr bart\u00ebsit e pasaportave biometrike t\u00eb Republik\u00ebs s\u00eb Kosov\u00ebs, bart\u00ebsit e pasaportave t\u00eb Serbis\u00eb me vendbanim n\u00eb Kosov\u00eb, n\u00ebse propozimi i KE-s\u00eb nuk jet\u00ebsohet, do t\u00eb mbeteshin t\u00eb vetmit pa mund\u00ebsin\u00eb e l\u00ebvizjes pa viza.<\/span><\/p>\n