{"id":628229,"date":"2023-11-01T09:33:13","date_gmt":"2023-11-01T08:33:13","guid":{"rendered":"https:\/\/www.hashtag.al\/?p=628229"},"modified":"2023-11-01T09:43:11","modified_gmt":"2023-11-01T08:43:11","slug":"irena-beqiraj-spak-po-heton-korrupsionin-ne-akses-kjo-e-shqeteson-shume-edhe-edi-ramen","status":"publish","type":"post","link":"https:\/\/www.hashtag.al\/index.php\/2023\/11\/01\/irena-beqiraj-spak-po-heton-korrupsionin-ne-akses-kjo-e-shqeteson-shume-edhe-edi-ramen\/","title":{"rendered":"Irena Beqiraj: SPAK po heton korrupsionin n\u00eb akses. Kjo e shqet\u00ebson shum\u00eb edhe Edi Ram\u00ebn","gt_translate_keys":[{"key":"rendered","format":"text"}]},"content":{"rendered":"
    \n
  1. \"\"<\/li>\n<\/ol>\n

    Ish-zv.ministrja Irena Beqiraj pohoi mbr\u00ebmjen e djeshme se p\u00ebr her\u00eb t\u00eb par\u00eb SPAK ka ngritur akuz\u00eb p\u00ebr nj\u00eb \u00e7\u00ebshtje korrupsioni n\u00eb akses q\u00eb ka t\u00eb b\u00ebj\u00eb me dh\u00ebnien e privilegjeve p\u00ebrmes miratimit t\u00eb ligjeve, rregulloreve e lobingjeve. <\/span><\/p>\n

    Ajo solli si shembull akuz\u00ebn e SPAK-ut ndaj ish-kryeministrit Sali Berisha lidhur me privatizimin e ish-kompleksit Partizani. <\/span><\/p>\n

    E ftuar n\u00eb emisionin \u2018T\u00eb Paekspozuarit\u2019 t\u00eb gazetarit Ylli Rakipi, Beqiraj n\u00ebnvizoi se kryeministri Edi Rama \u00ebsht\u00eb tejet i shqet\u00ebsuar nga kjo qasje e re e SPAK-ut n\u00eb hetimin e \u00e7\u00ebshtjeve t\u00eb ndryshme.<\/span><\/p>\n

    \u201cNga ndryshon masa e marr\u00eb karshi Arben Ahmetajt nga masa e marr\u00eb p\u00ebr Sali Berish\u00ebn. N\u00eb qoft\u00eb se do i ndaja dy veprat nga ana ekonomike, e para \u00ebsht\u00eb nj\u00eb korrupsion, p\u00ebr shkelje t\u00eb pabarazis\u00eb n\u00eb tendera, p\u00ebr p\u00ebrfitime personale nga ushtrimi i detyr\u00ebs, pastrim parash etj, etj. Pra \u00ebsht\u00eb korrupsioni i tipit dy i themi ne n\u00eb ekonomi. Korrupsioni p\u00ebr t\u00eb cilin akuzohet z.Berisha sot \u00ebsht\u00eb korrupsioni n\u00eb\u00a0 akses. \u00c7far\u00eb \u00ebsht\u00eb korrupsioni n\u00eb akses? Korrupsioni n\u00ebp\u00ebrmjet aksesit \u00ebsht\u00eb kur ti jep privilegje n\u00ebp\u00ebrmjet ligjeve, rregulloreve, lobingjeve n\u00ebp\u00ebrmjet mund\u00ebsis\u00eb q\u00eb ke gjat\u00eb ushtrimit t\u00eb pushtetit.\u201d <\/em>– tha Beqiraj.<\/span><\/p>\n

    Ajo b\u00ebri dallimin lidhur me korrupsionin n\u00eb akses p\u00ebr sa u p\u00ebrket akuzave t\u00eb ngritura nga SPAK ndaj ish-zv.kryeministrit Ahmetaj e ish-kryeministrit Berisha, me k\u00ebt\u00eb t\u00eb fundit i cili akuzohet p\u00ebr korrupsion n\u00eb akses. <\/span><\/p>\n

    Beqirajt tha se \u00ebsht\u00eb hera e par\u00eb q\u00eb organi i akuz\u00ebs po mb\u00ebshtet nj\u00eb perceptim publik ndaj zyrtar\u00ebve apo ish-zyrtar\u00ebve q\u00eb hetohen e akuzohen p\u00ebr \u00e7\u00ebshtje t\u00eb ndryshme.<\/span><\/p>\n

    \u201cTani a d\u00ebnohet penalisht kur ti b\u00ebn nj\u00eb ligj kolegjial un\u00eb nuk jam jurist q\u00eb t\u2019ua them por n\u00eb t\u00eb dy rastet un\u00eb shikoj q\u00eb akuza q\u00eb ka ngritur SPAK-u \u00ebsht\u00eb p\u00ebr nj\u00eb gj\u00eb q\u00eb ne e perceptojm\u00eb. Ne perceptojm\u00eb q\u00eb k\u00ebta shkelin barazin\u00eb n\u00eb tendera, t\u00eb gjith\u00eb e kemi k\u00ebt\u00eb p\u00ebrceptim. Ne p\u00ebrceptojm\u00eb q\u00eb\u00a0 k\u00ebta japin dhe kan\u00eb b\u00ebr\u00eb ligje k\u00ebto 30 vjet, nuk ndaj asnj\u00eb pal\u00eb, kan\u00eb b\u00ebr\u00eb ligje preferenciale. Mund t\u00eb b\u00ebjm\u00eb debat sa t\u00eb doni kush i ka b\u00ebr\u00eb m\u00eb shum\u00eb d\u00ebm Shqip\u00ebris\u00eb e kush i ka b\u00ebr\u00eb m\u00eb pak. Un\u00eb mendoj se ky q\u00eb kemi po i b\u00ebn m\u00eb shum\u00eb d\u00ebm vendit meq\u00eb jam edhe socialiste por n\u00eb fund fare akuza q\u00eb ka ngritur SPAK dhe faktet q\u00eb po dalin sot kan\u00eb nj\u00eb t\u00eb mir\u00eb t\u00eb madhe, q\u00eb po mb\u00ebshtesin nj\u00eb perceptim publik t\u00eb cilin e kemi ndar\u00eb t\u00eb gjith\u00eb n\u00ebp\u00ebr tavolina n\u00eb ca fakte.\u201d<\/em> – shtoi Beqiraj.<\/span><\/p>\n

    Ish-zv.ministrja shtjelloi n\u00eb fund se hetimi i SPAK-ut ndaj Berish\u00ebs e familjar\u00ebe t\u00eb tij e shqet\u00ebson m\u00eb s\u00eb shumti kryeministrin Edi Rama, teksa theksoi se ajo q\u00eb po ndodh n\u00eb Shqip\u00ebri s\u00eb fundmi, m\u00eb shum\u00eb se luft\u00eb politike \u00ebsht\u00eb nj\u00eb luft\u00eb gjeopolitike.<\/span><\/p>\n

    \u201cKuptohet q\u00eb t\u00eb gjith\u00eb kan\u00eb t\u00eb drejt\u00eb t\u00eb mbrohen n\u00eb gjykat\u00eb. Edhe Ben Ahmetaj ka t\u00eb drejt\u00eb t\u00eb shkoj\u00eb atje dhe t\u00eb thot\u00eb \u201cun\u00eb jam i\u00a0 pafajsh\u00ebm\u201d dhe ju po m\u00eb bini n\u00eb qaf\u00eb po edhe z.Berisha ka t\u00eb drejt\u00eb t\u00eb shkoj\u00eb atje. Ka t\u00eb drejt\u00eb dhe detyrim t\u00eb shkoj\u00eb t\u00eb mbrohet atje. Un\u00eb e shoh pak m\u00eb komplekse \u00e7\u00ebshtjen e z.Berisha pik\u00ebrisht p\u00ebr k\u00ebt\u00eb. Sepse p\u00ebr her\u00eb t\u00eb par\u00eb n\u00eb Shqip\u00ebri po flitet p\u00ebr korrupsionin n\u00eb akses. Nuk \u00ebsht\u00eb folur asnj\u00ebher\u00eb p\u00ebr korrupsionin n\u00ebp\u00ebrmjet aksesit. Dhe un\u00eb mendoj q\u00eb pas familjes s\u00eb z.Berisha i dyti q\u00eb nuk do donte q\u00eb t\u00eb krijohej nj\u00eb precedent i till\u00eb \u00ebsht\u00eb z.Rama. Dhe nuk mendoj q\u00eb kjo gj\u00eb q\u00eb po ndodh \u00ebsht\u00eb thjesht luft\u00eb politike Un\u00eb\u00a0 do thoj\u00eb q\u00eb \u00ebsht\u00eb nj\u00eb luft\u00eb gjeopolitike.\u201d<\/em> – tha Beqiraj.<\/span><\/p>\n