![\"\"](\"https:\/\/www.hashtag.al\/wp-content\/uploads\/2023\/08\/sejko.jpg\")
<\/p>\n<\/p>\n
Banka e Shqip\u00ebris\u00eb zhvilloi t\u00eb premten ankandin e nj\u00ebmb\u00ebdhjet\u00eb t\u00eb k\u00ebtij viti p\u00ebr blerjen e valut\u00ebs n\u00eb tregun e brendsh\u00ebm.<\/span><\/p>\n Ky ankand ishte nj\u00ebkoh\u00ebsisht i pari pas sinjaleve t\u00eb dh\u00ebna k\u00ebt\u00eb jav\u00eb nga Guvernatori se banka qendrore do t\u00eb rris\u00eb blerjet n\u00eb tregun e brendsh\u00ebm valutor p\u00ebr t\u00eb frenuar mbi\u00e7mimin e fort\u00eb t\u00eb Lekut n\u00eb kursin e k\u00ebmbimit.<\/span><\/p>\n Shuma e planifikuar p\u00ebr t\u2019u bler\u00eb n\u00eb raundin e par\u00eb t\u00eb ankandit ishte mes pes\u00eb dhe n\u00ebnt\u00eb milion\u00eb eurove, nd\u00ebrsa Banka e Shqip\u00ebris\u00eb realizoi blerje n\u00eb vler\u00ebn e sip\u00ebrme t\u00eb intervalit, p\u00ebr gjithsej 9 milion\u00eb euro.<\/span><\/p>\n Blerjet n\u00eb raundin e par\u00eb u realizuan me nj\u00eb kurs midis 104.37 dhe 104.55 lek\u00ebve. Kursi mesatar i ponderuar i blerjeve n\u00eb raundin e par\u00eb ishte 104.41 lek\u00eb.<\/span><\/p>\n Banka e Shqip\u00ebris\u00eb ushtroi edhe opsionin e blerjes n\u00eb raundin e dyt\u00eb, p\u00ebr nj\u00eb shum\u00eb shtes\u00eb prej 8 milion\u00eb eurosh, me kursin mesatar t\u00eb blerjeve n\u00eb raundin e par\u00eb, prej 104.41 lek\u00ebsh. N\u00eb total, shuma e bler\u00eb n\u00eb ankandin e dat\u00ebs 4 gusht arriti n\u00eb 18 milion\u00eb euro.<\/span><\/p>\n Banka e Shqip\u00ebris\u00eb vendosi k\u00ebt\u00eb muaj q\u00eb t\u00eb rris\u00eb blerjet e planifikuara t\u00eb Euros n\u00eb tregun e brendsh\u00ebm valutor n\u00eb nj\u00eb interval midis 220 milion\u00eb euro dhe 300 milion\u00eb euro, nga intervali i m\u00ebparsh\u00ebm 160 milion\u00eb -220 milion\u00eb euro. Ky vendim erdhi si nj\u00eb form\u00eb p\u00ebr t\u00eb t\u00ebrhequr sasin\u00eb e madhe t\u00eb valut\u00ebs nga tregu dhe p\u00ebr t\u00eb frenuar forcimin e m\u00ebtejsh\u00ebm t\u00eb Lekut.<\/span><\/p>\n Nga ana tjet\u00ebr, p\u00ebr shtat\u00eb muajt e par\u00eb t\u00eb vitit Banka e Shqip\u00ebris\u00eb ka bler\u00eb tashm\u00eb rreth 170 milion\u00eb euro (q\u00eb u shtohen edhe 18 milion\u00eb euro t\u00eb ankandit t\u00eb par\u00eb t\u00eb gushtit), por pavar\u00ebsisht k\u00ebsaj kursi i k\u00ebmbimit t\u00eb monedh\u00ebs europiane me Lekun ka sh\u00ebnuar r\u00ebnie t\u00eb paprecedent\u00eb k\u00ebt\u00eb vit.<\/span><\/p>\n Pavar\u00ebsisht sinjaleve t\u00eb dh\u00ebna nga Guvernatori Sejko dhe ankandit t\u00eb radh\u00ebs p\u00ebr blerje valute, euro dit\u00ebn e premte p\u00ebsoi s\u00ebrish r\u00ebnie. Sipas kursit zyrtar t\u00eb k\u00ebmbimit t\u00eb Bank\u00ebs s\u00eb Shqip\u00ebris\u00eb, Euro u k\u00ebmbye me 104.04 lek\u00eb, n\u00eb r\u00ebnie me 0.66 lek\u00eb krahasuar me nj\u00eb dit\u00eb m\u00eb par\u00eb. Gjat\u00eb pasdites s\u00eb t\u00eb premtes, r\u00ebnia e kursit t\u00eb Euros vijoi edhe p\u00ebrtej vlerave t\u00eb kursit zyrtar, t\u00eb publikuar nga banka qendrore n\u00eb mesdit\u00eb.<\/span><\/p>\n Sipas ekspert\u00ebve, efektet e sinjaleve t\u00eb Bank\u00ebs s\u00eb Shqip\u00ebris\u00eb n\u00eb tregun valutor u ndjen\u00eb kryesisht pasditen e t\u00eb m\u00ebrkur\u00ebs dhe t\u00eb enjten, kur kursi i k\u00ebmbimit t\u00eb Euros me lekun sh\u00ebnoi rritje t\u00eb ndjeshme. Por, ky efekt duket se nuk ka zgjatur shum\u00eb dhe t\u00eb premten Euro ka r\u00ebn\u00eb p\u00ebrs\u00ebri. https:\/\/www.monitor.al\/euro-ringrihet-me-pothuajse-tre-pike-brenda-dites-bsh-po-dorezohet-para-presionit-per-te-zhvleresuar-lekun\/<\/span><\/p>\n Mb\u00ebshtetur n\u00eb shifrat e reja t\u00eb publikuara nga Banka e Shqip\u00ebris\u00eb, n\u00eb periudh\u00ebn gusht-dhjetor 2023 n\u00eb tregun e brendsh\u00ebm mund t\u00eb blihen deri n\u00eb 130 milion\u00eb euro t\u00eb tjera.<\/span><\/p>\n Blerja e 130 milion\u00eb eurove n\u00eb pes\u00eb muaj do t\u00eb rezultonte me nj\u00eb mesatare t\u00eb blerjeve prej rreth 26 milion\u00eb euro n\u00eb muaj ose 18.6 milion\u00eb euro p\u00ebr ankand. K\u00ebto shifra jan\u00eb pak m\u00eb t\u00eb larta se mesatarja e blerjeve n\u00eb shtat\u00eb muajt e par\u00eb t\u00eb vitit, prej 24.3 milion\u00eb eurosh n\u00eb muaj ose 17 milion\u00eb euro p\u00ebr ankand.<\/span><\/p>\n Gjithsesi, rritja e blerjeve t\u00eb Bank\u00ebs s\u00eb Shqip\u00ebris\u00eb n\u00eb terma mesatar\u00eb nuk duket e atyre p\u00ebrmasave sa t\u00eb ket\u00eb ndikime shum\u00eb t\u00eb m\u00ebdha n\u00eb kursin e k\u00ebmbimit valutor.<\/span><\/p>\n Pavar\u00ebsisht se sezoni veror sjell historikisht presione t\u00eb shtuara p\u00ebr r\u00ebnien e kursit Euro-Lek, vitet e fundit k\u00ebto presione jan\u00eb shfaqur gjithnj\u00eb e m\u00eb shpesh edhe n\u00eb periudha t\u00eb tjera t\u00eb vitit.<\/span><\/p>\n N\u00ebse k\u00ebto tendenca do t\u00eb vazhdojn\u00eb edhe gjat\u00eb muajve t\u00eb ardhsh\u00ebm, jan\u00eb t\u00eb pakta gjasat q\u00eb blerjet e planifikuara nga Banka e Shqip\u00ebris\u00eb t\u00eb mund t\u00eb ndryshojn\u00eb ekuilibrat e kursit t\u00eb k\u00ebmbimit. \/E.Shehu<\/span><\/p>\n
![\"\"](\"https:\/\/www.hashtag.al\/wp-content\/uploads\/2023\/08\/kursi-4-gusht.jpg\")
<\/p>\n","protected":false,"gt_translate_keys":[{"key":"rendered","format":"html"}]},"excerpt":{"rendered":"