![\"\"](\"https:\/\/www.hashtag.al\/wp-content\/uploads\/2023\/07\/Screenshot_20230720_192707_Chrome.jpg\")
<\/p>\n<\/p>\n
N\u00eb kulmin e diskutimeve n\u00eb Kuvend p\u00ebr heqjen e imunitetit t\u00eb Arben Ahmetajt, media BIRN publikon n\u00eb faqen e vet n\u00eb internet nj\u00eb artikull t\u00eb gjat\u00eb me titullin \u2018bombastik\u2019, \u201cProjekti i inceneratorit t\u00eb Tiran\u00ebs u propozua nga Erion Veliaj, thot\u00eb SPAK\u201d.<\/span><\/p>\n Ky titull vihej n\u00eb goj\u00ebn e SPAK, duke interpretuar k\u00ebshtu p\u00ebrmbajtjen e dosjes s\u00eb prokuroris\u00eb s\u00eb posa\u00e7me p\u00ebr Arben Ahmetajn. N\u00eb brend\u00ebsi, artikulli i BIRN, duke vijuar me interpretimin e p\u00ebrmbajtjes s\u00eb dosjes s\u00eb SPAK, thot\u00eb madje edhe q\u00eb Arben Ahmetaj, sot n\u00eb hetim dhe k\u00ebrkim nga SPAK, e ka kund\u00ebrshtuar.<\/span><\/p>\n Por, shkrimi ka nj\u00eb t\u00eb pav\u00ebrtet\u00eb t\u00eb madhe q\u00eb del q\u00eb n\u00eb titull dhe m\u00eb pas rreth k\u00ebsaj t\u00eb pav\u00ebrtet\u00eb shtjellohet i gjith\u00eb artikulli. Dosja e SPAK nuk thot\u00eb n\u00eb asnj\u00eb moment q\u00eb Erion Veliaj ka propozuar incenerator, pra projektin aktual t\u00eb trajtimit t\u00eb mbetjeve t\u00eb Tiran\u00ebs. Ajo q\u00eb kryebashkiaku i Tiran\u00ebs, sipas dokumentacionit t\u00eb paraqitur edhe n\u00eb dosjen e SPAK, \u00ebsht\u00eb dor\u00ebzimi i nj\u00eb shkrese q\u00eb qeveria t\u00eb shqyrtoj\u00eb mund\u00ebsin\u00eb p\u00ebr zgjerimin e landfillit t\u00eb Sharr\u00ebs dhe p\u00ebrfshirjen n\u00eb k\u00ebt\u00eb projekt t\u00eb privatit.<\/span><\/p>\n Shkresa e par\u00eb e Veliajt, ku informon qeverin\u00eb p\u00ebr studimin e IFC \u00ebsht\u00eb e janarit 2016-t\u00eb, q\u00eb i drejtohet Ministris\u00eb s\u00eb Financave, q\u00eb n\u00eb at\u00eb koh\u00eb drejtohej nga Shk\u00eblqim Cani.<\/span><\/p>\n Ky i fundit u largua nga detyra n\u00eb shkurt t\u00eb atij viti p\u00ebr t\u2019u z\u00ebvend\u00ebsuar nga Arben Ahmetaj. E nj\u00ebjta shkres\u00eb n\u00eb p\u00ebrmbajtje i drejtohet edhe Ahmetajt.<\/span><\/p>\n N\u00eb p\u00ebrmbajtje, sipas dosjes s\u00eb SPAK, shkresa e Veliajt k\u00ebrkon nga Qeveria q\u00eb t\u00eb shqyrtoj\u00eb mund\u00ebsin\u00eb e partneriteti publik-privat p\u00ebr zgjerimin e landfillit dhe menaxhimin e mbetjeve. N\u00eb asnj\u00ebr\u00ebn prej shkresave nuk flitet p\u00ebr incenerator.<\/span><\/p>\n E shpjeguar m\u00eb thjesht, b\u00ebhet fjal\u00eb p\u00ebr dy projekte krejt\u00ebsisht t\u00eb ndryshme. Ai q\u00eb ka propozuar Veliaj \u00ebsht\u00eb studimi i IFC-s\u00eb, q\u00eb ka nisur q\u00eb n\u00eb koh\u00ebn kur Bashkin\u00eb e Tiran\u00ebs e drejtonte Lulzim Basha dhe ku propozohet edhe tarifa e sh\u00ebrbimit q\u00eb i duhej paguar privatit t\u00eb ishte prej 37 eurosh p\u00ebr ton\u00eb mbetje.<\/span><\/p>\n Ky projekt nuk parashikonte djegien e mbeturinave, por vet\u00ebm grumbullimin, diferencimin dhe riciklimin. A \u00ebsht\u00eb nj\u00eb gabim njer\u00ebzor, apo ngat\u00ebrres\u00eb e q\u00ebllimshme e autores s\u00eb shkrimit? I gjith\u00eb debati q\u00eb pasoi sugjeron t\u00eb dyt\u00ebn.<\/span><\/p>\n Artikulli e shmang me apo pa dashje k\u00ebt\u00eb sqarim p\u00ebr lexuesin, duke ushqyer iden\u00eb q\u00eb inceneratori i Tiran\u00ebs \u00ebsht\u00eb propozuar nga Erion Veliaj, n\u00eb nj\u00eb koh\u00eb q\u00eb projekti, q\u00eb m\u00eb pas u miratua nga Qeveria shtrihet p\u00ebrtej kompetencave t\u00eb Bashkis\u00eb s\u00eb Tiran\u00ebs.<\/span><\/p>\n Kryebashkiaku i Tiran\u00ebs nuk e ka mohuar n\u00eb asnj\u00eb rast se ka k\u00ebrkuar pran\u00eb Qeveris\u00eb shqyrtimin e t\u00eb gjitha mund\u00ebsive p\u00ebr zgjidhjen e emergjenc\u00ebs mjedisore n\u00eb landfillin e Sharr\u00ebs.<\/span><\/p>\n Por, propozimi q\u00eb ka dor\u00ebzuar ai n\u00eb Qeveri \u00ebsht\u00eb ai i IFC-s\u00eb, nd\u00ebrsa projekti q\u00eb u miratua q\u00eb p\u00ebrfshin edhe nd\u00ebrtimin e inceneratorit \u00ebsht\u00eb nj\u00eb ofert\u00eb e pak\u00ebrkuar q\u00eb ka mb\u00ebrritur n\u00eb Ministrin\u00eb e Mjedisit nga Klodian Zoto.<\/span><\/p>\n