{"id":606134,"date":"2023-07-13T20:49:33","date_gmt":"2023-07-13T18:49:33","guid":{"rendered":"https:\/\/www.hashtag.al\/?p=606134"},"modified":"2023-07-13T20:49:33","modified_gmt":"2023-07-13T18:49:33","slug":"yje-mbi-butrint-dhe-fati-i-njerezve-me-dele","status":"publish","type":"post","link":"https:\/\/www.hashtag.al\/index.php\/2023\/07\/13\/yje-mbi-butrint-dhe-fati-i-njerezve-me-dele\/","title":{"rendered":"\u201cYje mbi Butrint\u201d dhe fati i “Njer\u00ebzve me Dele\u201d","gt_translate_keys":[{"key":"rendered","format":"text"}]},"content":{"rendered":"

\"\"<\/strong><\/span><\/p>\n

Nga Auron Tare<\/strong><\/span><\/p>\n

T\u00eb shtun\u00ebn e kaluar, n\u00eb t\u00eb njejtin moment q\u00eb artisti Timo Flloko recitonte poezit\u00eb e tija t\u00eb dashuris\u00eb n\u00eb sken\u00ebn e Teatrit Antik t\u00eb Butrintit, gazetari Marin Mema transmetonte nj\u00eb intervist\u00eb me arkeologun kubano-amerikan, Dr. David Hernandez i Universitetit t\u00eb Cincinatit.<\/span><\/p>\n

N\u00eb emisionin e tij ne\u00eb Top Channel, Mema kishte arritur t\u00eb merrte nj\u00eb intervist\u00eb mbres\u00ebl\u00ebn\u00ebse, p\u00ebr t\u00eb gjith\u00eb ata q\u00eb kishin koh\u00ebn dhe ngen\u00eb p\u00ebr ta d\u00ebgjuar. <\/span><\/p>\n

Me r\u00ebnd\u00ebsin\u00eb e titullit q\u00eb mban, Dr. Hernandez, shpaloste nj\u00eb teori sa interesante aq edhe t\u00eb p\u00ebrfolur koh\u00ebt e fundit mbi fatin historik t\u00eb Butrintit. Sipas Hernandez, q\u00eb punon n\u00eb Butrint prej koh\u00ebsh n\u00ebn ombrell\u00ebn e Ministris\u00eb s\u00eb Kultur\u00ebs s\u00eb Republik\u00ebs, n\u00eb k\u00ebt\u00eb Qend\u00ebr Antike nuk ka asnj\u00eb gjurm\u00eb t\u00eb popullatave lokale t\u00eb njohura me emrin e kaon\u00ebve apo t\u00eb prasaib\u00ebve.<\/span><\/p>\n

Hernandez me nj\u00eb siguri t\u00eb plote q\u00eb ia jep p\u00ebrvoja e g\u00ebrmimeve, thoshte se ky qytet nuk ishte asgj\u00eb m\u00ebe shum\u00eb se nj\u00eb koloni greke ku \u00e7do gjurm\u00eb ishte ardhur nga p\u00ebrtej deti. I pyetur mbi fatin e vendasve, Hernandes kishte nj\u00eb teori shum\u00eb mbres\u00ebl\u00ebn\u00ebse. Vendasit thjesht vinin dhe iknin me dele n\u00eb nj\u00eb Qytet t\u00ebr\u00ebsisht grek.<\/span><\/p>\n

Un\u00eb e njoh Hernandezin prej vitesh. Nj\u00eb emigrant kuban i cili (tashm\u00eb me pashaport\u00eb amerikane) p\u00ebrfaq\u00ebson dy kultura tejet periferike n\u00eb historin\u00eb e Mesdheut p\u00ebr t\u00eb kuptuar dhe ndjer\u00eb thirjen shekullore t\u00eb popullsive t\u00eb lashta t\u00eb Epirit. <\/span><\/p>\n

Nuk m\u00eb \u00e7udit\u00ebn aspak teorit\u00eb e tij tashm\u00eb t\u00eb artikuluara edhe n\u00eb shqip, t\u00eb ngjashme me Gjeorgjevi\u00e7in e dikursh\u00ebm. Dikur k\u00ebto teori t\u00eb Richard Hodges i p\u00ebshp\u00ebriste n\u00ebp\u00ebr tavolina dhe ruhej q\u00eb t\u00eb mos i thoshte me z\u00eb t\u00eb lart\u00eb. <\/span><\/p>\n

Mir\u00ebpo tani gj\u00ebrat kan\u00eb ndryshuar. N\u00ebn bekimin e autoriteteve shqiptare bashk\u00eb me Drejtor me Institutin e Arkeologjise dhe me m\u00ebsuesin e tij shpirt\u00ebror Richard Hodges, t\u00eb votuar nga Parlamenti Shqiptar si administrator i Butrintit p\u00ebr 10 vjet, Dr. David Hernandez nuk ka m\u00eb ndroje p\u00ebr t\u00eb folur mbi Njer\u00ebzit me Dele, t\u00eb cil\u00ebt\u00a0 sipas tij nuk kishin asnj\u00eb lidhje me Qytetin Antik t\u00eb Butrintit. <\/span><\/p>\n

Fundi i fundit pasardh\u00ebsit e k\u00ebtyre barinjve jane sot n\u00eb Parlamentin q\u00eb votoi p\u00ebr Hodges, i cili do t\u00eb drejtoj\u00eb dhe do t\u00eb shkruaj\u00eb mbi historin\u00eb e antikitetit t\u00eb trojeve ku barinjt\u00eb piqnin ndonj\u00eb dele dhe e shk\u00ebmbenin me vazo plot piktura t\u00eb prodhuara nga nj\u00eb kultur\u00eb superiore Helene q\u00eb kishte themeluar qytetin.<\/span><\/p>\n

\"\"<\/span><\/p>\n

N\u00eb nj\u00eb moment reflektimi ndoshta Dr. Hernandez mund t\u00eb ket\u00eb t\u00eb drejt\u00eb, ndoshta et\u00ebrit e arkeologjis\u00eb shqiptare q\u00eb pasuan Dr. Ugolinin\u00a0 i cili k\u00ebrkonte Troj\u00ebn e Re t\u00eb Virgjilit ne Butrint mund t\u00eb na ken\u00eb g\u00ebnjyer. Duke dashur t\u00eb ndjekin linj\u00ebn nacionaliste kan\u00eb k\u00ebrkuar nj\u00eb ngulim imagjinar p\u00ebr barinjt\u00eb e dikursh\u00ebm dhe i kan\u00eb vendosur ata n\u00eb truallin e helen\u00ebve t\u00eb ardhur nga deti.<\/span><\/p>\n

T\u00eb frym\u00ebzuar nga burimet antike q\u00eb flisnin p\u00ebr Kaon\u00eb, Prasaib\u00eb, Molos\u00eb, Thesprot\u00eb etj, \u00a0Shkolla Arkeologjike Shqiptare ndoshta ka g\u00ebnjyer duke krijuar nj\u00eb lidhje imagjinare me ta, duke dashur q\u00eb njer\u00ebzit me dele t\u2019i b\u00ebnin me t\u00eb patjeter t\u00eb civilizuar duke trazuar keshtu ujrat e nacionalizm\u00ebs shqiptare.<\/span><\/p>\n

Sot shkoll\u00eb e vjet\u00ebr nacionaliste nuk \u00ebsht\u00eb m\u00eb, nx\u00ebn\u00ebsit shqiptare t\u00eb Hodges, internacionalist\u00eb t\u00eb thekur miratojn\u00eb n\u00eb heshtje k\u00ebto teori mjafton q\u00eb ngjyejn\u00eb gishtin n\u00eb mjaltin e projekteve. Tek-tuk ndonj\u00eb z\u00eb i mekur flet p\u00ebr nj\u00eb publik t\u00ebr\u00ebsisht indiferent i shqet\u00ebsuar vet\u00ebm p\u00ebr personazhet e telenovelave.<\/span><\/p>\n

Dheja me nj\u00eb argument t\u00eb mbrojtur fort nga nj\u00eb arkeolog kuban si Dr, Hernadez apo si ai britanik Hodges na zgjojn\u00eb nga trallisja e gjumit nacionalist duke na treguar nj\u00eb t\u00eb vertet\u00eb t\u00eb thjesht\u00eb. Ne ende vazhdojm\u00eb t\u00eb jemi Njer\u00ebz me Dele. <\/span><\/p>\n

Ashtu si barinjt\u00eb e dikursh\u00ebm te\u00eb bot\u00ebs antike q\u00eb kishin frike\u00eb nga kultura brenda mureve t\u00eb k\u00ebtij qyteti, q\u00eb nuk laheshin n\u00eb banjat publike me dysheme\u00a0 mozaik\u00ebsh, q\u00eb nuk hynin dot n\u00eb tempujt plot statuja, edhe sot e kemi frik\u00eb k\u00ebt\u00eb qytet q\u00eb na ra n\u00eb pjese papritur. <\/span><\/p>\n

I rrim\u00eb larg, nuk e duam, i trembemi kultur\u00ebs s\u00eb tij, e shikojm\u00eb me p\u00ebrbuzje dhe p\u00ebr k\u00ebt\u00eb arsye ia kemi dh\u00ebn\u00eb njer\u00ebzve te\u00eb ardhur nga Deti. Prandaj Hernandez dhe t\u00eb tjer\u00ebt pas tij kan\u00eb t\u00eb drejt\u00eb, ne jemi pasardhes t\u00eb Njer\u00ebzve me Dele.<\/span><\/p>\n

P.S. P\u00ebr t\u00eb m\u00ebsuar m\u00eb shum\u00eb p\u00ebr paraardhesit tuaj d\u00ebgjoni intervist\u00ebn e Dr. Hernandez i Universitetit t\u00eb Cincinatit, SHBA<\/span><\/p>\n