![\"\"](\"https:\/\/www.hashtag.al\/wp-content\/uploads\/2023\/07\/ezgif.com-gif-maker-13.jpg\")
<\/p>\n<\/p>\n
Ish z\u00ebvend\u00ebskryeministri Arben Ahmetaj, p\u00ebr t\u00eb cilin Prokuria e Posa\u00e7me ka k\u00ebrkuar nga parlamenti autorizimn p\u00ebr arrestimin e tij, rezulton t\u00eb jet\u00eb larguar nga Shqip\u00ebria. <\/span><\/p>\n N\u00eb mbledhjen e K\u00ebshillit t\u00eb Mandatave t\u00eb nisur sot pasdite n\u00eb kryesin\u00eb e parlamentit, p\u00ebr shqyrtimin e k\u00ebrkes\u00ebs s\u00eb Prokuroris\u00eb, nj\u00ebri prej avokat\u00ebve t\u00eb tij, Henrik Ligori, m\u00ebsohet t\u00eb ket\u00eb pohuar se zoti Ahmetaj nuk ndodhet n\u00eb Shqip\u00ebri. <\/span><\/p>\n Z\u00ebri i Amerik\u00ebs, ka konfirmuar p\u00ebrmes burimeve zyrtare se ai \u00ebsht\u00eb larguar nga kufiri tok\u00ebsor i vendit, drejt Greqis\u00eb, t\u00eb premten paradite, pik\u00ebrisht pak or\u00eb p\u00ebrpara se sa Prokuroria t\u2019i d\u00ebrgonte parlamentit, shkres\u00ebn p\u00ebr arrestimin.<\/span><\/p>\n Burime pran\u00eb autoriteteve shqiptare i than\u00eb po ashtu Z\u00ebrit t\u00eb Amerik\u00ebs, se m\u00eb pas zoti Ahmetaj, ka prer\u00eb online nj\u00eb bilet\u00eb avioni p\u00ebr n\u00eb Itali, por q\u00eb nuk e ka p\u00ebrdorur. Burime t\u00eb tjera, t\u00eb pakonfirmuara zyrtarisht, tregojn\u00eb se nga verifikimet e sinjalit t\u00eb celularit t\u00eb tij, momenti i fundit i vendndodhjes rezulton t\u00eb ket\u00eb qen\u00eb Kanadaja.<\/span><\/p>\n T\u00eb njejt\u00ebn hipotez\u00eb e ka shfaqur dhe kryetari i grupit parlamentar demokrat Gamend Bardhi n\u00eb mbledhjen e K\u00ebshillit t\u00eb Mandateve, kur ka pyetur p\u00ebr k\u00ebt\u00eb, drejtuesin e Prokuroris\u00eb s\u00eb Posa\u00e7me Altin Dumani, por pa marr\u00eb nj\u00eb p\u00ebrgjigje prej tij. N\u00ebse kjo do t\u00eb ishte e v\u00ebrtet\u00eb, at\u00ebher\u00eb t\u00eb gjitha gjasat jan\u00eb q\u00eb largimi i tij t\u00eb jet\u00eb p\u00ebrfundimtar, p\u00ebr t\u2019i shp\u00ebtuar p\u00ebrballjes me drejt\u00ebsin\u00eb.<\/span><\/p>\n Ish z\u00ebvend\u00ebskryeministri, akuzohet p\u00ebr korrupsion, mosdeklarim apo fshehje t\u00eb pasuris\u00eb si dhe p\u00ebr pastrim parash. Nd\u00ebrsa ka mohuar publikisht njohjet me dy sip\u00ebrmarr\u00ebsit kryesor\u00eb q\u00eb p\u00ebrfituan kontratat koncensionare n\u00eb Elbasan, Fier e Tiran\u00eb, Klodian Zoto dhe Mirel M\u00ebrtiri, hetimet kan\u00eb zbuluar n\u00eb t\u00eb kund\u00ebrt\u00ebn lidhje t\u00eb ngushta mes tyre, t\u00eb shtrira nd\u00ebr vite. <\/span><\/p>\n N\u00eb t\u00eb pakt\u00ebn 6 raste t\u00eb cilat konsiderohen nga Prokuroria e Posa\u00e7me si akte korruptive, emrat e dy biznesmen\u00ebve rezultojn\u00eb t\u00eb q\u00ebndrojn\u00eb pas blerjeve, nga ana e personave t\u00eb tjera, t\u00eb kat\u00ebr apartamenteve dhe dy garazheve, t\u00eb shitura nga zoti Ahmetaj m\u00eb nj\u00eb vler\u00eb prej 440 mij\u00eb eurove.<\/span><\/p>\n Po ashtu mbi 30 mij\u00eb euro jan\u00eb shpenzuar prej Zotos dhe M\u00ebrtirit p\u00ebr t\u00eb financuar udh\u00ebtime apo q\u00ebndrime n\u00eb hotele t\u00eb shtrenjta, t\u00eb ish z\u00ebvend\u00ebskryeministrit apo njer\u00ebzve t\u00eb af\u00ebrt me t\u00eb. N\u00eb dosjen e Prokuroris\u00eb, jan\u00eb zbardhur komunikimet p\u00ebrmes post\u00ebs elektronike me hotele t\u00eb shtrenjta, n\u00eb qytete t\u00eb ndryshme t\u00eb Europ\u00ebs, p\u00ebr prenotimin e q\u00ebndrimit n\u00eb to, t\u00eb zotit Ahmetaj, apo dhe personave t\u00eb tjer\u00eb t\u00eb af\u00ebrt me t\u00eb. Datat p\u00ebr t\u00eb cilat jan\u00eb b\u00ebr\u00eb rezervimet, koncidojn\u00eb me udh\u00ebtimet jasht\u00eb vendit t\u00eb ish z\u00ebvend\u00ebskryeministrit dhe kthimin n\u00eb atdhe.<\/span><\/p>\n N\u00eb mars t\u00eb k\u00ebtij viti Prokuroria sekuestroi dy vila, nj\u00eb n\u00eb Hamallaj dhe nj\u00eb tjet\u00ebr n\u00eb bregdetit jugor, n\u00eb Palas\u00eb, n\u00eb nj\u00eb nga komplekest me t\u00eb shtrenjta. E para ishte n\u00eb em\u00ebr t\u00eb bashk\u00ebjetueses s\u00eb zotit Ahmetaj, dhe s\u00ebrish n\u00eb prapasken\u00eb, sipas prokuroris\u00eb, q\u00ebndron sip\u00ebrmarr\u00ebsi Zoto. <\/span><\/p>\n Nd\u00ebrsa vila tjet\u00ebr n\u00eb Palas\u00eb, figuron n\u00eb emrin e nj\u00eb shoqeje t\u00eb ish bashk\u00ebshortes s\u00eb Ahmetaj, nd\u00ebrsa porosit\u00ebsi fillestar rezulton sip\u00ebrmarr\u00ebsi Mond Bega. Prokuroria ka zbuluar faktet se si punimet p\u00ebr vil\u00ebn ndiqeshin nga nj\u00eb studio e Interior design, me porosi t\u00eb ish bashk\u00ebshortes, dhe se rasti konsiderohet si fshehje e pasuris\u00eb.<\/span><\/p>\n Transaksionet apo pagesat pas t\u00eb cilave q\u00ebndrojn\u00eb dy biznesmen\u00ebt cil\u00ebsohen nga prokuroria si p\u00ebrfitime t\u00eb parregullta, nga ana e zotit Ahmetaj, t\u00eb cilat kan\u00eb sh\u00ebrbyer q\u00eb t\u2019i mund\u00ebsojn\u00eb Zotos dhe M\u00ebrtirit lidhjen e kontratave koncensionare.<\/span><\/p>\n N\u00eb dokumentin dor\u00ebzuar nga Prokuroria n\u00eb parlament renditen po ashtu dhe akte t\u00eb shumta ligjore dhe vendime qeverie t\u00eb propozuara nga zoti Ahmetaj n\u00eb mb\u00ebshtetje t\u00eb procedurave p\u00ebr t\u00eb tre projektet e incenerator\u00ebve. Gj\u00eb q\u00eb sipas Prorkuror\u00ebve \u201ctregon m\u00eb s\u00eb qarti se roli i tij ka qene i till\u00eb q\u00eb, p\u00ebrve\u00e7se nuk \u00ebsht\u00eb b\u00ebr\u00eb pengues, ekziston dyshimi i arsyesh\u00ebm i mb\u00ebshtetur n\u00eb prova, se \u00ebsht\u00eb shp\u00ebrblyer p\u00ebr \u00e7do miratim t\u00eb dh\u00ebn\u00eb prej tij\u201d, vler\u00ebson Prokuroria e posa\u00e7me.<\/span><\/p>\n Faktet e paraqitura n\u00eb dokumentin drejtuar parlamentin, ngrejn\u00eb dyshime p\u00ebr implikimin e nj\u00eb rrethi t\u00eb gjer\u00eb personash, privat\u00eb dhe funksionar\u00eb t\u00eb shtetit, jo vet\u00ebm p\u00ebr rastin e Elbasanit dhe Fierit por dhe p\u00ebr inceneratorin e Tiran\u00ebs, ku hetimet nuk jan\u00eb mbyllur ende.<\/span><\/p>\n Mbledhja e K\u00ebshillit t\u00eb Mandateve, \u00ebsht\u00eb zhvilluar me dyer t\u00eb mbyllura, n\u00eb respekt t\u00eb k\u00ebrkes\u00ebs s\u00eb Prokuroris\u00eb s\u00eb Posa\u00e7me p\u00ebr ruajtjen e sekretit hetimor. Pas kat\u00ebr or\u00ebsh debate, mbledhja \u00ebsht\u00eb mbyllur p\u00ebr t\u00eb vijuar nes\u00ebr, duke qen\u00eb se avokat\u00ebt k\u00ebrkuan koh\u00eb p\u00ebr t\u2019u p\u00ebrgatiur pasi materiali i Prokuroris\u00eb \u00ebsht\u00eb voluminoz.<\/span><\/p>\n K\u00ebshilli do t\u00eb duhet t\u00eb hartoj\u00eb nj\u00eb raport n\u00eb baz\u00eb t\u00eb s\u00eb cilit do t\u00eb vendos\u00eb n\u00ebse do i hap\u00eb rrug\u00ebn ose jo arrestimit. Socialist\u00ebt nuk kan\u00eb patur asnj\u00eb reagim zyrtar p\u00ebr k\u00ebrkes\u00ebn e Prokuroris\u00eb, ndon\u00ebse b\u00ebhet fjal\u00eb p\u00ebr nj\u00eb em\u00ebr i cili deri nj\u00eb vit m\u00eb par\u00eb, shihej si nj\u00eb nd\u00ebr figurat ky\u00e7e t\u00eb qeveris\u00eb, por dhe t\u00eb Partis\u00eb socialiste. Por n\u00eb raste t\u00eb ngjashme ata i jan\u00eb p\u00ebrmbajtur pozicionit se nuk b\u00ebhen mburoj\u00eb politike p\u00ebr ask\u00ebnd q\u00eb duhet t\u00eb ballafaqohet me drejt\u00ebsin\u00eb, pavar\u00ebsisht se n\u00eb k\u00ebt\u00eb rast, duket se zoti Ahmetaj ka zgjedhur nj\u00eb tjet\u00eb rrug\u00eb.<\/span><\/p>\n