![\"\"](\"https:\/\/www.hashtag.al\/wp-content\/uploads\/2023\/07\/ezgif.com-gif-maker-6.jpg\")
<\/p>\n<\/p>\n
I d\u00ebrguari i posa\u00e7\u00ebm amerikan p\u00ebr Ballkanin Per\u00ebndimor, Gabriel Escobar, ka th\u00ebn\u00eb se kryeministri i Kosov\u00ebs, Albin Kurti, do ta humbas\u00eb mund\u00ebsin\u00eb n\u00ebse refuzon t\u00eb zbatoj\u00eb planin e Bashkimit Evropian p\u00ebr shtensionimin e situat\u00ebs n\u00eb veri t\u00eb Kosov\u00ebs.<\/span><\/p>\n Sipas agjencis\u00eb kroate t\u00eb lajmeve, Hina, ai i b\u00ebri k\u00ebto komente n\u00eb nj\u00eb bashk\u00ebbisedim me nj\u00eb grup gazetar\u00ebsh kroat t\u00eb premten n\u00eb Zagreb, ku q\u00ebndroi n\u00eb kuad\u00ebr t\u00eb Forumit t\u00eb Dubrovnikut.<\/span><\/p>\n Zoti Escobar citohet t\u00eb ket\u00eb th\u00ebn\u00eb se ka shenja q\u00eb Beogradi \u00ebsht\u00eb i gatsh\u00ebm t\u00eb pranoj\u00eb k\u00ebrkesat evropiane p\u00ebr dalje nga kriza, duke theksuar se nuk mund ta thot\u00eb t\u00eb nj\u00ebjt\u00ebn gj\u00eb p\u00ebr kryeministrin Kurti.<\/span><\/p>\n \u201cNe shpresojm\u00eb q\u00eb ai n\u00eb nj\u00eb moment t\u00eb plot\u00ebsoj\u00eb k\u00ebrkes\u00ebn evropiane dhe amerikane\u201d, ka th\u00ebn\u00eb Escobar.<\/span><\/p>\n I pyetur rreth pasojave q\u00eb mund t\u00eb ket\u00eb refuzimi i planit evropian dhe n\u00ebse nj\u00eb nga to mund t\u00eb jet\u00eb t\u00ebrheqja e trupave t\u00eb KFOR-it, zoti Escobar ka theksuar se kjo \u201cnuk \u00ebsht\u00eb n\u00eb tavolin\u00eb\u201d.<\/span><\/p>\n \u201cPartneriteti yn\u00eb me Kosov\u00ebn \u00ebsht\u00eb partneritet me popullin e saj, jo me nj\u00eb parti apo nj\u00eb figur\u00eb politike\u201d,<\/em> citohet zoti t\u00eb ket\u00eb th\u00ebn\u00eb ai.<\/span><\/p>\n K\u00ebrkesat per\u00ebndimore p\u00ebrfshijn\u00eb pezullimin e operacioneve policore, zhvendosjen e kryetar\u00ebve t\u00eb komunave n\u00eb zyra alternative dhe shpalljen e zgjedhjeve t\u00eb parakohshme me pjes\u00ebmarrje t\u00eb pakusht t\u00eb serb\u00ebve t\u00eb Kosov\u00ebs.<\/span><\/p>\n Kryeministri i Kosov\u00ebs, Albin Kurti \u00ebsht\u00eb shprehur n\u00eb favor t\u00eb mbajtjes s\u00eb zgjedhjeve t\u00eb reja dhe uljes s\u00eb pranis\u00eb s\u00eb nj\u00ebsive t\u00eb posa\u00e7me t\u00eb policis\u00eb n\u00eb veri, krahas vendosjes s\u00eb sundimit t\u00eb ligjit. Ai ka k\u00ebrkuar nga autoritetet nd\u00ebrkomb\u00ebtare garanci q\u00eb zgjedhjet t\u00eb mbahen pa trysni nga Beogradi p\u00ebr t\u00eb mos u p\u00ebrs\u00ebritur rezultati i 23 prillit kur zgjedhjet u bojkotuan nga serb\u00ebt lokal.<\/span><\/p>\n Presidenti serb, Aleksandar Vu\u00e7i\u00e7 ka th\u00ebn\u00eb se Beogradi i ka p\u00ebrmbushur t\u00eb gjitha k\u00ebrkesat e Bashkimit Evropian dhe \u00ebsht\u00eb i gatsh\u00ebm t\u00eb punoj\u00eb m\u00eb tej p\u00ebr shtensionimin, gj\u00eb q\u00eb sipas tij nuk varet vet\u00ebm nga Serbia.<\/span><\/p>\n Diplomacia per\u00ebndimore \u00ebsht\u00eb v\u00ebn\u00eb n\u00eb p\u00ebrpjekje p\u00ebr bindur pal\u00ebt t\u2019i zbatojn\u00eb k\u00ebto k\u00ebrkesa p\u00ebr t\u00eb ulur tensionet, n\u00ebn shqet\u00ebsimin p\u00ebr mund\u00ebsin\u00eb e rip\u00ebrt\u00ebritjes s\u00eb konflikteve n\u00eb rajon.<\/span><\/p>\n Tensionet shp\u00ebrthyen q\u00eb nga 26 maji n\u00eb veri t\u00eb Kosov\u00ebs ku grupe protestuesish serb\u00eb dol\u00ebn n\u00eb rrug\u00eb duke kund\u00ebrshtuar vendosjen n\u00eb zyra komunale t\u00eb kryetar\u00ebve shqiptar\u00eb t\u00eb dal\u00eb nga zgjedhjet e 23 prillit. Gjat\u00eb p\u00ebrleshjeve n\u00eb fund t\u00eb muajit maj mbet\u00ebn t\u00eb plagosur t\u00eb pakt\u00ebn 30 pjes\u00ebtar\u00eb t\u00eb forcave paqeruajt\u00ebse.<\/span><\/p>\n Zyrtar\u00eb gjerman\u00eb t\u00eb mbrojtjes than\u00eb t\u00eb premten se po shqyrtojn\u00eb mund\u00ebsin\u00eb e d\u00ebrgimit t\u00eb trupave shtes\u00eb n\u00eb Kosov\u00eb p\u00ebr t\u00eb p\u00ebrforcuar misionin paqeruajt\u00ebs t\u00eb NATO-s pas dhun\u00ebs dhe tensioneve n\u00eb veri.<\/span><\/p>\n