{"id":605282,"date":"2023-07-07T12:16:12","date_gmt":"2023-07-07T10:16:12","guid":{"rendered":"https:\/\/www.hashtag.al\/?p=605282"},"modified":"2023-07-07T12:16:12","modified_gmt":"2023-07-07T10:16:12","slug":"pd-e-rithemelimit-publikon-pjese-nga-dosja-per-manipulimin-e-zgjedhjeve-ne-vore-kamze-rrogozhine-e-kavaje","status":"publish","type":"post","link":"https:\/\/www.hashtag.al\/index.php\/2023\/07\/07\/pd-e-rithemelimit-publikon-pjese-nga-dosja-per-manipulimin-e-zgjedhjeve-ne-vore-kamze-rrogozhine-e-kavaje\/","title":{"rendered":"PD e Rithemelimit publikon pjes\u00eb nga dosja p\u00ebr manipulimin e zgjedhjeve n\u00eb Vor\u00eb, Kamz\u00eb, Rrogozhin\u00eb e Kavaj\u00eb","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Ashtu si\u00e7 u paralajm\u00ebrua nga Sali Berisha, PD-ja e Rithemelimit ka nisur me denoncimet sipas bashkive p\u00ebr manipulimin e rezultatit zgjedhor si ajo pretendon.<\/span><\/p>\n

Dit\u00ebn e sotme jan\u00eb publikuar pjes\u00eb nga dosja n\u00eb bashkit\u00eb e Vor\u00ebs, Kamz\u00ebs, Rrogozhin\u00ebs dhe Kavaj\u00ebs.<\/span><\/p>\n

Deputeti Edi Paloka tha se PD-ja ka siguruar nj\u00eb dosje voluminoze ku sipas tij tregojn\u00eb fars\u00ebn elektorale.<\/span><\/p>\n

Paloka tha se p\u00ebr sa koh\u00eb q\u00eb t\u00eb jet\u00eb n\u00eb pushtet kryeministri Edi Rama n\u00eb vendin ton\u00eb nuk do t\u00eb mbahen zgjedhje t\u00eb lira, por PD do vazhdoj\u00eb t\u00eb denoncoj\u00eb shkeljet e b\u00ebra m\u00eb 14 maj t\u00eb cilat tregojn\u00eb format e p\u00ebrdorura nga \u2018Rilindja\u2019 p\u00ebr t\u00eb vjedhur vot\u00ebn qytetar\u00ebve.<\/span><\/p>\n

\u201cPD tashm\u00eb ka nj\u00eb dosje voluminoze me faktet e fars\u00ebs zgjedhore q\u00eb ndodhi m\u00eb 14 maj, jan\u00eb b\u00ebr\u00eb shum\u00eb vite tashm\u00eb q\u00eb Rama q\u00eb kur ka ardhur n\u00eb pushtet, \u00e7do zgjedhje vet\u00ebm ka gjetur forma p\u00ebr t\u00eb manipuluar dhe shantazhuar. Q\u00eb kur ka ardhur Rama n\u00eb pushtet nuk ka pasur zgjedhje t\u00eb lira, duket q\u00eb sistemi i ngritur prej tij synon t\u00eb nj\u00ebjt\u00ebn gj\u00eb, sa t\u00eb jet\u00eb ai n\u00eb pushtet nuk do t\u00eb ket\u00eb zgjedhje. \u00cbsht\u00eb detyrimi yn\u00eb p\u00ebr t\u00eb b\u00ebr\u00eb t\u00eb qart\u00eb qytetar\u00ebve dhe nd\u00ebrkomb\u00ebtar\u00ebt, se sa t\u00eb jet\u00eb Rama n\u00eb pushtet shqiptar\u00ebt nuk do t\u00eb votojn\u00eb t\u00eb lir\u00eb. N\u00eb do t\u00eb paraqesim dosjen e cila tregon t\u00eb gjitha format q\u00eb ka p\u00ebrdorur Rama p\u00ebr t\u2019i marr\u00eb vot\u00ebn atyre q\u00eb nuk kan\u00eb pranuar ta shesin apo ta blejn\u00eb, dosja \u00ebsht\u00eb voluminoze jan\u00eb me dhjet\u00ebra fakte t\u00eb tjera, t\u00eb cilat jan\u00eb kapur nga ne por nuk jan\u00eb t\u00eb vetmet. K\u00ebto fakte jan\u00eb d\u00ebrguar dhe n\u00eb KAS e SPAK p\u00ebr ndjekje penale, pasi krimet zgjedhore jan\u00eb krime penale por rezultatet jan\u00eb zero, pasi t\u00eb gjitha institucionet jan\u00eb t\u00eb kapura<\/em>\u201d, tha Paloka.<\/span><\/p>\n

Nd\u00ebrsa kandidati i Bashk\u00eb Fitojm\u00eb n\u00eb Vor\u00eb, Indrit Hoxha u shpreh se \u201cN\u00eb Vor\u00eb problematikat kan\u00eb qen\u00eb t\u00eb m\u00ebdha. P\u00ebrdorimin e bandave e kemi hapur gjat\u00eb gjith\u00eb fushat\u00ebs. Abuzimi me fondet e buxhetit vendor p\u00ebr t\u00ebrmetin, mbajtja peng e 400 apartamenteve, duke u b\u00ebr\u00eb presion qytetar\u00ebve p\u00ebr dit\u00ebn e zgjedhjeve, ato edhe sot nuk jan\u00eb shp\u00ebrndar\u00eb. U jan\u00eb vendosur nj\u00eb num\u00ebr i madh gjobash biznesit, deri n\u00eb 2 miliard\u00eb lek\u00eb p\u00ebr ti b\u00ebr\u00eb presion. Administrata u fry, u pun\u00ebsuan 1038 persona n\u00eb nj\u00eb bashki q\u00eb tani \u00ebsht\u00eb e falimentuar. Cilido q\u00eb e ka fituar at\u00eb bashki i ka b\u00ebr\u00eb llogarit\u00eb gabim sepse jam i bindur q\u00eb shum\u00eb shpejt do t\u00eb ket\u00eb zgjedhje t\u00eb reja. Gjat\u00eb dit\u00ebs s\u00eb zgjedhjeve kemi pasur denoncime ku nj\u00eb qytetar votonte p\u00ebr nj\u00ebrin kandidat dhe vota dilte p\u00ebr qytetarin tjet\u00ebr. KQZ e pranoi k\u00ebrkes\u00ebn ton\u00eb p\u00ebr t\u00eb b\u00ebr\u00eb nj\u00eb ekspertiz\u00eb nd\u00ebrkomb\u00ebtare p\u00ebr \u00e7\u00ebshtjen e votimit elektronik<\/em>\u201d.<\/span><\/p>\n

Gjat\u00eb prezantimit t\u00eb dosjes me manipulime, kandidati i Bashk\u00eb Fitojm\u00eb n\u00eb Kam\u00ebz, Arjan Hoxha deklaroi se PD-ja ka foto dhe video se si votimi elektronik ishte t\u00ebr\u00ebsisht i kontrolluar.<\/span><\/p>\n

\u201cKemi foto dhe video t\u00eb p\u00ebrdorimit t\u00eb t\u00eb gjith\u00eb administrat\u00ebs s\u00eb bashkis\u00eb q\u00eb kan\u00eb q\u00ebndruar t\u00eb shp\u00ebrndar\u00eb n\u00eb \u00e7do qend\u00ebr votimi p\u00ebr t\u00eb orientuar votuesit t\u00eb votojn\u00eb p\u00ebr Rakip Sulin. \u00cbsht\u00eb b\u00ebr\u00eb votim i kontrolluar, sipas qendrave t\u00eb votimit. Ne kemi nj\u00eb list\u00eb me 100 persona q\u00eb gjat\u00eb gjith\u00eb 14 majit kan\u00eb kontrolluar votimin. Ne kemi denoncuar 32 tendera me flamur t\u00eb kuq q\u00eb jan\u00eb kapur edhe nga KLSH-ja<\/em>\u201d, deklaroi Hoxha.<\/span><\/p>\n